ରାଇକିଆ,୧୨ା୮(ଡି.ଏନ୍.ଏ.)-ରାଇକିଆ ନାଗରିକ ମଞ୍ଚ ତରଫରୁ ଷ୍ଟେଟବ୍ୟାଙ୍କ ରୋଡ଼ଠାରେ ଶନିବାର ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ରାସ୍ତାର ଉଭୟ ପାର୍ଶ୍ୱରେ ବିଭିନ୍ନ ପ୍ରକାର ଚାରାରୋପଣ କରାଯିବା ସହ ଏହାର ସୁରକ୍ଷା ପାଇଁ ତାରବାଡ଼ ଲଗାଯାଇଛି। ରାସ୍ତାର ଉଭୟ ପାର୍ଶ୍ୱ ସଫେଇ କରାଯାଇଥିଲା। ବନ ବିଭାଗ ତରଫରୁ ରେଞ୍ଜର ସୋନୁରାଗ ବଞ୍ଚର, ଫରେଷ୍ଟର ମାଣିକେଶ୍ୱର ପଟ୍ଟନାୟକ, ଅଜିତ ପ୍ରଧାନ ଏବଂ ଫରେଷ୍ଟ ଗାର୍ଡ଼ମାନେ ଏଥିରେ ସହଯୋଗ କରିଥିଲେ। ସହରକୁ ସବୁଜ ସୁନ୍ଦର କରିବା ପାଇଁ ନାଗରିକ ମଞ୍ଚ ପ୍ରୟାସ କରି ଆସୁଛି ବୋଲି ମଞ୍ଚ ସଭାପତି ସୁଶାନ୍ତ କୁମାର ଜେନା କହିଥିଲେ। ଅନ୍ୟମାନଙ୍କ ମଧ୍ୟରେ ସମ୍ପାଦକ ମେନେଶ୍ୱର ଦିଗାଳ, ଯୁଗ୍ମ ସମ୍ପାଦକ ମୋସେସ ଦିଗାଳ, ପରାମର୍ଶଦାତା ନଳିନୀ ନାୟକ, ଦୁର୍ଯ୍ୟୋଧନ ଲେଙ୍କା, ଶ୍ରୀବତ୍ସ ନାୟକ, ବାଇନାଥ ଦାସ, ଅକ୍ଷୟ ପ୍ରଧାନ, ଶରତ ନାୟକ, ରାଜୁ ପରିଚ୍ଛାଙ୍କ ସମେତ ସଦସ୍ୟମାନେ ଚାରାରୋପଣ କରିଥିଲେ।
