Posted inଖେଳ

ଦେଶର ଅନ୍ତର୍ଜାତୀୟ ଶୁଟିଂ ସେଣ୍ଟରରେ ନାହିଁ ଶୁଟରଙ୍କ ରହଣି ବ୍ୟବସ୍ଥା

ନୂଆଦିଲ୍ଲୀ,୭।୯- ଦେଶର ଜଣାଶୁଣା ଅନ୍ତର୍ଜାତୀୟ ଶୁଟିଂ ସେଣ୍ଟର ଡ. କାର୍ନି ସିଂ ଶୁଟିଂ ରେଞ୍ଜଠାରେ ଭାରତୀୟ ଶୁଟରଙ୍କ ଲାଗି ରହଣି ବ୍ୟବସ୍ଥା ନାହିଁ। ଏଥିଯୋଗୁ ଅଲିମ୍ପିକ୍ସ ଯୋଗ୍ୟତା ହାସଲ କରିସାରିଥିବା ଶୁଟରମାନେ ଆବଶ୍ୟକ ଟ୍ରେନିଂ ପାଇପାରୁ ନାହାନ୍ତି। ଅପୂର୍ବୀ ଚଣ୍ଡେଲା, ଯଶସ୍ବିନୀ ସିଂ ଦେସ୍ବାଲ, ଅଞ୍ଜୁମ ମୁଦଗିଲ, ଇଲାଭେନିଲ ଭାଲାରିଭାନ, ମନୁ ଭାକର ଓ ଅଭିଷେକ ବର୍ମା ୨୦୨୦ ଅଲିମ୍ପକ୍ସ କୋଟା ଅର୍ଜନ କରିସାରିଛନ୍ତି। କିନ୍ତୁ କାର୍ନି ସିଂ ଶୁଟିଂ ରେଞ୍ଜଠାରେ ରହଣି ବ୍ୟବସ୍ଥା ଅଭାବ ଥିବାରୁ ପ୍ରତ୍ୟେକ ଥର ସେମାନଙ୍କୁ ଟ୍ରେନିଂ ପାଇଁ ହୋଟେଲରେ ରହିବାକୁ ପଡ଼ୁଛି। କାର୍ନି ସିଂ ଶୁଟିଂ ରେଞ୍ଜ ଦେଶର ସବୁଠୁ ଭଲ ସେଣ୍ଟର। କିନ୍ତୁ ସବୁଠୁ ବଡ଼ ଅସୁବିଧା ହେଲା ଏଠାରେ ହଷ୍ଟେଲ ସୁବିଧା ନାହିଁ। ଆମ ମଧ୍ୟରୁ ପ୍ରାୟତଃ ଶୁଟର ବାହାର ରାଜ୍ୟର। ଆମେ ସେଣ୍ଟରର ସମ୍ପୂର୍ଣ୍ଣ ବ୍ୟବହାର ପାଇଁ ଏଠାକୁ ଆସୁଛୁ। ଟ୍ରେନିଂ ପାଇଁ ଆମକୁ ଲମ୍ବା ସମୟ ଧରି ଦିଲ୍ଲୀରେ ରହିବାକୁ ପଡ଼େ। ଏଥିଯୋଗୁ ଆମ ନିକଟରେ ଦୁଇଟି ବିକଳ୍ପ ହୋଟେଲରେ ରୁମ ବୁକ କରିବା ନ ହେଲେ ବନ୍ଧୁଙ୍କ ଘରେ ରହିବା। ଏକ ହଷ୍ଟେଲ ଥିଲେ ଆମକୁ ବହୁତ ସହଜ ହୋଇଥାନ୍ତା ବୋଲି ଯଶସ୍ବିନୀ କହିଛନ୍ତି। ସେ ଆଇଏସ୍‌ଏସ୍‌ଏଫ୍‌ ବିଶ୍ୱକପ୍‌ରେ ୧୦ ମି. ଏୟାର ପିସ୍ତଲ ଇଭେଣ୍ଟରେ ସ୍ବର୍ଣ୍ଣ ପଦକ ଜିତି ଅଲିମ୍ପିକ୍‌ କୋଟା ହାସଲ କରିଛନ୍ତି। ହରିୟାଣା ଶୁଟର ଯଶସ୍ବିନୀ ଓ ମନୁ ଏବେ ପ୍ରାକ୍ଟିସ ପାଇଁ ଦିଲ୍ଲୀରେ ରହୁଛନ୍ତି। ୧୭ ବର୍ଷୀୟ ମନୁ ଏବେ ଦିଲ୍ଲୀ ବିଶ୍ୱବିଦ୍ୟାଳୟର ମହିଳା ଶ୍ରୀରାମ କଲେଜରେ ପଢ଼ୁଛନ୍ତି। ପୂର୍ବରୁ ମୋତେ କାର୍ନି ସିଂ ରେଞ୍ଜରେ ପହଞ୍ଚତ୍ବା ପାଇଁ ବହୁତ ଟ୍ରାଭେଲ କରିବାକୁ ପଡ଼ୁଥିଲା। ସେତେବେଳେ ମୁଁ ବନ୍ଧୁ ଓ ସମ୍ପର୍କୀୟଙ୍କ ଘରେ ରହୁଥିଲି। ଏବେ ମୁଁ ଦିଲ୍ଲୀରେ ରହୁଛି, ଆଉ ଅଭ୍ୟାସ ପାଇଁ ଅଧିକ ସମୟ ମିଳୁଛି ବୋଲି ମନୁ କହିଛନ୍ତି। ଉଲ୍ଲେଖଥାଉ କି, କେନ୍ଦ୍ର କ୍ରୀଡ଼ାମନ୍ତ୍ରୀ କିରେନ ରିଜିଜୁ ଶୁକ୍ରବାର କାର୍ନି ସିଂ ରେଞ୍ଜଠାରେ ହଷ୍ଟେଲ ସୁବିଧା ପାଇଁ ଆଶ୍ୱସନା ଦେଇଛନ୍ତି। ସମ୍ଭବତଃ ଆଗାମୀ ଦୁଇ ବର୍ଷ ମଧ୍ୟରେ ସେଣ୍ଟରଠାରେ ହଷ୍ଟେଲ ସୁବିଧା ଉପଲବ୍ଧ ହୋଇଯିବ ବୋଲି କ୍ରୀଡ଼ାମନ୍ତ୍ରୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଇଲିସେ ପେରିଙ୍କ ରେକର୍ଡ

ମେଲବୋର୍ନ,୩।୨- ଅଷ୍ଟ୍ରେଲିଆନ ମହିଳା ଅଲରାଉଣ୍ଡର ଇଲିସେ ପେରି ଏକ ସ୍ବତନ୍ତ୍ର ରେକର୍ଡର ଅଧିକାରୀ ହୋଇଛନ୍ତି। ରବିବାର ଭାରତ ବିପକ୍ଷରେ ଅନୁଷ୍ଠିତ ଟି୨୦ ମ୍ୟାଚ୍‌ରେ ପ୍ରତିନିଧିତ୍ୱ କରି...

ଇଣ୍ଡିଆନ ସୁପର ଲିଗ୍‌: ଇଞ୍ଜୁରି ଟାଇମ୍‌ରେ ଜିତିଲା କେରଳ

ବାମ୍ବୋଲିମ,୨୧।୧: ଇଣ୍ଡିଆନ ପ୍ରିମିୟର ଲିଗ୍‌ (ଆଇଏସ୍‌ଏଲ୍‌)ରେ ବୁଧବାର ଖେଳାଯାଇଥିବା ମ୍ୟାଚରେ କେରଳ ବ୍ଲାଷ୍ଟର୍ସ ୨-୧ ଗୋଲରେ ବେଙ୍ଗାଲୁରୁ ଏଫ୍‌ସିକୁ ପରାସ୍ତ କରିଛି। ସ୍ଥାନୀୟ ଜିଏମ୍‌ସି ଷ୍ଟାଡିୟମରେ...

କିଏ ଜିତିବ ବାଜି: ଶେଷ ଦିନରେ ଇତିହାସ ରଚିପାରେ ଭାରତ

ଚେନ୍ନାଇ,୯।୨: ଭାରତ ଓ ଇଂଲଣ୍ଡ ମଧ୍ୟରେ ଏଠାରେ ଚାଲିଥିବା ଚାରିମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ଟେଷ୍ଟ ରୋଚକ ସ୍ଥିତିରେ ପହଞ୍ଚିଛି। ଶେଷ ଦିନରେ ମ୍ୟାଚ...

ମାଲେସିଆ ମାଷ୍ଟର୍ସ: ସିନ୍ଧୁ, ସାଇନା, ପ୍ରଣୟ ୨ୟ ରାଉଣ୍ଡରେ

କୁଆଲାଲୁମ୍ପୁର, ୮।୧(ପି.ଟି.): ଭାରତୀୟ ବ୍ୟାଡ୍‌ମିଣ୍ଟନ ତାରକା ପି.ଭି. ସିନ୍ଧୁ, ସାଇନା ନେହ୍ବାଲ ଓ ଏଚ୍‌.ଏସ୍‌. ପ୍ରଣୟ ବିଜୟରୁ ୨୦୨୦ ବର୍ଷ ଆରମ୍ଭ କରିଛନ୍ତି। ବୁଧବାର ଏଠାରେ...

କ୍ରିକେଟ ଉପଦେଷ୍ଟା କମିଟିରେ ମଦନ ଲାଲ

ନୂଆଦିଲ୍ଲୀ, ୩୧ା୧ (ପି.ଟି.)-ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଦ୍ୱାରା ପୂର୍ବତନ କ୍ରିକେଟର ରୁଦ୍ରପ୍ରତାପ ସିଂ, ମଦନ ଲାଲ ଏବଂ ସୁଲକ୍ଷଣା ନାଏକ ପ୍ରମୁଖ ଶୁକ୍ରବାର...

ଅଷ୍ଟ୍ରେଲିୟ ଅଧିନାୟକଙ୍କୁ କିଣିଲେ ନାହିଁ କୌଣସି ଫ୍ରାଞ୍ଚାଇଜ୍‌, ରାଗିଯାଇ ଏଭଳି କହିଲେ ମାଇକେଲ କ୍ଲାର୍କ

ନୂଆଦିଲ୍ଲୀ,୨୦।୨: ନିକଟରେ ଶେଷ ହୋଇଛି ଆଇପିଏଲ୍‌ ୧୪ତମ ସଂସ୍କରଣ ଲାଗି ଖେଳାଳି ନିଲାମ ପ୍ରକ୍ରିୟା। ସମସ୍ତ ୮ ଫ୍ରାଞ୍ଚାଇଜ୍‌ ୨୨ ବିଦେଶୀ ଖେଳାଳିଙ୍କୁ କିଣିଛି। ହେଲେ...

ଏମିତି ଛକା ମାରିଲେ ବ୍ୟାଟ୍ସମ୍ୟାନ୍‌, ବିୟର୍‌ ଗ୍ଲାସ୍‌ରେ ପଡିଲା ବଲ୍‌

କ୍ରିକେଟ ପଡ଼ିଆରେ ବ୍ୟାଟ୍ସମ୍ୟାନ୍‌ ଛକା ମାରିକା ଏକ ସାଧାରଣ କଥା। ବ୍ୟାଟ୍ସମ୍ୟାନ୍‌ ଛକା ମାରିଲେ ବଲ୍‌ ବାଉଣ୍ଡ୍ରି ବାହାରେ କିମ୍ବା ଗ୍ୟାଲୋରୀରେ ବସୁଥିବା ପ୍ରଶଂସକଙ୍କ ନିକଟକୁ...

ଏହି ଯୁବତୀଙ୍କ ପ୍ରେମରେ ପଡିଛନ୍ତି କ୍ରିକେଟର୍‌ ନବଦୀପ ସଇନି

ଭାରତ ପାଇଁ ବେଶ ଚମତ୍କାର ପ୍ରଦର୍ଶନ କରିଥିବା ଯୁବ ଦ୍ରୁତ ବୋଲର ନବଦୀପ ସଇନି ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି। ନ୍ୟୁଜିଲାଣ୍ଡରେ ଭଲ ପ୍ରଦର୍ଶନ...

Advertisement
Ten Cric Info


Archives

Model This Week