Advertisement

ଦାଦନ ଯାଇ ଜୀବନ ଗଲା

କାମାକ୍ଷାନଗର, ୩୦।୮(ଡି.ଏନ୍‌.ଏ.) – ଢେଙ୍କାନାଳ ଜିଲାରେ ଦାଦନ ଦୁଃଖର ଦାରୁଣ ଚିତ୍ର ପଦାକୁ ଆସିଛି। ପେଟ ପାଟଣା ଚିନ୍ତାରେ ବାଙ୍ଗାଲୋର ଯାଇଥିବା ଜଣେ ଯୁବକ ରୋଗଗ୍ରସ୍ତ ହୋଇ ଘରକୁ ଫେରିବା ବାଟରେ ଟ୍ରେନ୍‌ରେ ପ୍ରାଣ ହରାଇଛନ୍ତି। ମୃତକ ହେଲେ କାମାକ୍ଷାନଗର ବ୍ଲକ ବାଉଁଶପାଳ ପଞ୍ଚାୟତ ବାଙ୍ଗୁରା ପାରିଖେତା ସାହିର ତନୁଜ ପ୍ରଧାନ (୨୪)। ଅର୍ଥାଭାବରୁ ମୃତଦେହ ଗଁାକୁ ଅଣାଯାଇପାରିନାହିଁ। ସାଙ୍ଗସାଥୀଙ୍କ ସହାୟତାରେ ମରଶରୀରକୁ ଆନ୍ଧ୍ରପ୍ରଦେଶ ରାଜ୍ୟ ନନ୍ଦିଆଲ ଷ୍ଟେଶନ ନିକଟରେ ପୋତି ଦିଆଯାଇଛି। ରୋଜଗାରିଆ ପୁଅକୁ ହରାଇ ପରିବାର ଲୋକେ ଦୁଃଖରେ ଭାଙ୍ଗିପଡ଼ିଥିବାବେଳେ ଏହି ଘଟଣା ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଛି।
ଗ୍ରାମର ମଳୟ ପ୍ରଧାନଙ୍କ ୩ ସନ୍ତାନ ମଧ୍ୟରୁ ତନୁଜ ବଡ଼। ଦୁଇଝିଅ ବିବାହ କରି ସାରିଛନ୍ତି। ପରିବାରର ଆର୍ଥିକସ୍ଥିତି ଭଲ ନ ଥିବାରୁ ୮ମାସ ତଳେ ତନୁଜ ଗ୍ରାମର ଜନକ ପ୍ରଧାନ, କରୁଣା ପ୍ରଧାନ, ଭାଗୀରଥି ସାମଲ ଏବଂ ଗୋପୀନାଥ ସାମଲଙ୍କ ସହ ବାଙ୍ଗାଲୋର ଯାଇଥିଲେ। ସେଠାରେ ତନୁଜଙ୍କ ସ୍ବାସ୍ଥ୍ୟାବସ୍ଥା ବିଗିଡ଼ିଗଲା। ଅତ୍ୟଧିକ ଅସୁସ୍ଥ ହୋଇପଡ଼ିବାରୁ ଦୁଇବନ୍ଧୁ ଜନକ ଏବଂ କରୁଣାଙ୍କ ସହ ସେ ଘରକୁ ଫେରିବାକୁ ନିଷ୍ପତ୍ତି ନେଇ ପ୍ରଶାନ୍ତି ଏକ୍ସପ୍ରେସରେ ଟିକେଟ କରିଥିଲେ। ବୁଧବାର ଅପରାହ୍ନ ୨ଟାରେ ବାଙ୍ଗାଲୋର ଷ୍ଟେଶନରୁ ୩ବନ୍ଧୁ ଟ୍ରେନ୍‌ରେ ଚଢ଼ିଥିଲେ। ହେଲେ ତନୁଜଙ୍କ ଅବସ୍ଥା ହଠାତ୍‌ ସଙ୍କଟାପନ୍ନ ହୋଇଗଲା। ରାତି ୯ଟାରେ ଟ୍ରେନ୍‌ରେ ହିଁ ତାଙ୍କର ଜୀବନ ଚାଲିଗଲା। ଆର୍‌ପିଏଫ୍‌ କର୍ମଚାରୀ ଏ ସମ୍ପର୍କରେ ସୂଚନା ପାଇ ନନ୍ଦିଆଲ୍‌ ଷ୍ଟେଶନରେ ମୃତଦେହ ଟ୍ରେନ୍‌ରୁ ବାହାର କରିଦେଇଥିଲେ। ବାଧ୍ୟ ହୋଇ ଅନ୍ୟ ଦୁଇ ବନ୍ଧୁ ମଧ୍ୟ ଟ୍ରେନ୍‌ରୁ ଓହ୍ଲାଇଥିଲେ। ଏହାପରେ ପରିବାର ଲୋକଙ୍କୁ ଜଣାଇବା ପରେ ବାପା ମଳୟ ଏବଂ ଗ୍ରାମର କେତେଜଣ ସମ୍ପର୍କୀୟଙ୍କ ସହ ନନ୍ଦିଆଲ ଯିବାକୁ ବାହାରିଥିଲେ। ହେଲେ ପୁଅର ମୃତଦେହ ଗ୍ରାମକୁ ଆଣିବାକୁ ଆମ୍ବୁଲାନ୍ସ ଭଡ଼ା ୭୫ ହଜାର ଟଙ୍କା ଦେବାକୁ ପଡ଼ିବ ଶୁଣି ତାଙ୍କ ହୋସ୍‌ ଉଡ଼ିଯାଇଥିଲା। ଏତେ ଟଙ୍କା ଯୋଗାଡ଼ କରିବା ସମ୍ଭବ ନ ଥିବାରୁ ମଳୟ ବାଧ୍ୟ ହୋଇ ଢେଙ୍କାନାଳ ଷ୍ଟେଶନରୁ ବାହୁଡ଼ି ଆସିଥିଲେ। ସେପଟେ ଅନ୍ୟ କିଛି ଉପାୟ ନ ପାଇ ଜନକ ଏବଂ କରୁଣା ଗୁରୁବାର ଅପରାହ୍ନ ୩ଟାରେ ସ୍ଥାନୀୟ କେତେଜଣ ଯୁବକଙ୍କ ସହାୟତାରେ ୫୦୦୦ ଟଙ୍କା ଖର୍ଚ୍ଚ କରି ମୃତଦେହ ପୋତିଦେଇଛନ୍ତି।
ଏ ନେଇ ମଳୟ କୁହନ୍ତି, ପେଟ ପାଟଣା ଚିନ୍ତାରେ ପୁଅ ଦାଦନ ଖଟି ଯାଇ ଆଉ ବାହୁଡ଼ିଲାନି। ତା’ ମୁହଁକୁ ଚାହିଁ ଦିନ କାଟିବି ବୋଲି ଭାବିଥିଲି। ସବୁ ଅନ୍ଧାର ଦିଶୁଛି। ପୁଅ ମୃତଦେହକୁ ଥରେ ଦେଖିପାରିଲି ନାହିଁ ବୋଲି ସେ କୋହଭରା କଣ୍ଠରେ କହିଛନ୍ତି। ଏ ନେଇ କାମାକ୍ଷାନଗର ଉପଜିଲାପାଳ ଇଂ. ବିଷ୍ଣୁ ପ୍ରସାଦ ଆଚାର୍ଯ୍ୟ କୁହନ୍ତି, ମୃତଦେହ ଆଣିବା ପାଇଁ ଢେଙ୍କାନାଳ ଜିଲାପାଳଙ୍କ ସହାୟତାରେ ସେଠାକାର ଜିଲାପାଳଙ୍କ ସହ ଆଲୋଚନା କରାଯାଇଥିଲା। ମୃତକଙ୍କ ୨ ସାଙ୍ଗ ଘଟଣାକୁ ନେଇ ଅତ୍ୟଧିକ ଭୟଭୀତ ହୋଇପଡ଼ିଥିଲେ। ଫଳରେ ମୃତଦେହ ପୋତି ଦେଇଛନ୍ତି। ମୃତ ଯୁବକଙ୍କ ପରିବାରକୁ ରେଡ୍‌କ୍ରସ୍‌ ପାଣ୍ଠିରୁ ସହାୟତା ଦିଆଯିବ। ଏଥିସହ ଅନ୍ୟାନ୍ୟ ସରକାରୀ ଯୋଜନାରେ ସାମିଲ କରାଯିବ ବୋଲି ଉପଜିଲାପାଳ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀ ଏମ୍‌ସରୁ ସ୍ଥାନାନ୍ତର ହେବେ ଜଗା-କାଳିଆ:୭ରୁ ଏସ୍‌ସିବିରେ ଚିକିତ୍ସା

ଭୁବନେଶ୍ୱର,୩୦-୮(ବ୍ୟୁରୋ):ଅପରେଶନ ମାଧ୍ୟମରେ ଅଲଗା ହୋଇଥିବା କନ୍ଧମାଳର ଯୋଡ଼ାମୁଣ୍ଡ ଶିଶୁ ଜଗା-କାଳିଆ ଦିଲ୍ଲୀ ଏମ୍ସରୁ ସ୍ଥାନାନ୍ତର ହେବେ। ଆସନ୍ତା ୭ ତାରିଖରେ ଓଡ଼ିଶାରେ ପହଞ୍ଚତ୍ବା ପରେ ସେମାନଙ୍କୁ...

ଆଜି ପ୍ରକାଶ ପାଇବ ଯୁକ୍ତ ଦୁଇ ପରୀକ୍ଷାଫଳ

ଭୁବନେଶ୍ୱର, ୨୭ା୭(ବ୍ୟୁରୋ): ଉଚ୍ଚ ମାଧ୍ୟମିକ ଶିକ୍ଷା ପରିଷଦ (ସିଏଚ୍‌ସିଇ) ଦ୍ୱାରା ପରିଚାଳିତ ଯୁକ୍ତ୨ ବିଜ୍ଞାନ ଓ ବାଣିଜ୍ୟ ପରୀକ୍ଷାଫଳ ବୁଧବାର ଅପରାହ୍ନ ୪ଟାରେ ପ୍ରକାଶ ପାଇବ।...

କୁଟୁରା ମାଂସ ସହ ବନ୍ଧୁକ ଜବତ

ଖୁଣ୍ଟା, ୩୧ା୫(ଡି.ଏନ.ଏ)- ଉଦଳା ରେଞ୍ଜ ତଥା ଖୁଣ୍ଟା ବ୍ଲକ ଅଧୀନ ବଣିଆବସା ସେକ୍ସନର କମ୍ପାର୍ଟମେଣ୍ଟ ୧୨ ନେତ୍ରକୁଣ୍ଡ ନିକଟରେ ଗୁରୁବାର ଅପରାହ୍ନରେ ବନ କର୍ମଚାରୀମାନେ ଚଢ଼ାଉ...

ଆସିବ ନୂଆ କୃଷି ନୀତି-୨୦୧୯

ଭୁବନେଶ୍ୱର,୧୨ା୬(ବ୍ୟୁରୋ): ରାଜ୍ୟରେ କୃଷକମାନଙ୍କର ଆୟ ବୃଦ୍ଧି କରିବା ଏବଂ ବଜାର ସୁବିଧା କରିବା ସକାଶେ ରାଜ୍ୟ ସରକାର ଖୁବଶୀଘ୍ର ଓଡ଼ିଶା କୃଷି ନୀତି-୨୦୧୯ ଆଣିବାକୁ ଯାଉଛନ୍ତି।...

ଦୁଇଦିନ ବର୍ଷା ନାହିଁ

ଭୁବନେଶ୍ୱର,୨୫ା୬(ବ୍ୟୁରୋ): ଦକ୍ଷିଣ ପଶ୍ଚିମ ମୌସୁମୀ ବାୟୁ ଦୁର୍ବଳ ରହିଛି। ରାଜ୍ୟରେ ଦୁଇଦିନ ବର୍ଷା ହେବ ନାହିଁ। ପାଗ ଶୁଖିଲା ରହିବ। ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ...

ସୁସ୍ଥ ହେଲେ ୯୧ କରୋନା ଆକ୍ରାନ୍ତ

ଭୁବନେଶ୍ୱର,୧୪।୩ : ଓଡ଼ିଶାରେ ରବିବାର ୯୧ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏହାକୁ ମିଶାଇ ଆରୋଗ୍ୟ ଲାଭ କରିଥିବା ଆକ୍ରାନ୍ତଙ୍କ ସଂଖ୍ୟା ମୋଟ ୩,୩୫,୬୬୦ରେ...

‘ବିଦ୍ୟୁତ୍‌ ଘରୋଇକରଣ ବନ୍ଦ ନ ହେଲେ ଶୁଳ୍କ ବଢ଼ିବ’

ଭୁବନେଶ୍ୱର,୧୫।୧୨(ବ୍ୟୁରୋ): ବିଦ୍ୟୁତ୍‌ ବଣ୍ଟନ କମ୍ପାନୀ ନେସ୍‌କୋ, ଓ୍ବେସ୍‌କୋ ଏବଂ ସାଉଥ୍‌କୋର ପରିଚାଳନା ଭାର ରିଲାଏନ୍ସ ଏନର୍ଜୀକୁ ଦେଇ ଯେଉଁ କ୍ଷତି ସହିଛନ୍ତି, ତାକୁ ପର୍ଯ୍ୟାୟକ୍ରମେ ଗ୍ରୀଡ୍‌କୋ...

ହୁକିଂ ତାରରେ ଲାଗି ନାବାଳକଙ୍କ ମୃତ୍ୟୁ: ଘଟଣାସ୍ଥଳରେ ଉତ୍ତେଜନା

ଭଞ୍ଜନଗର,୧୫।୯(ଡି.ଏନ୍‌.ଏ.): ଗଞ୍ଜାମ ଜିଲା ଭଞ୍ଜନଗର ଥାନା ଅନ୍ତର୍ଗତ ଚୁନାପଲ୍ଲୀଠାରେ ଫସଲ ସୁରକ୍ଷା ପାଇଁ ବିଛା ହୋଇଥିବା ହୁକିଂ ତାରରେ ଲାଗି ରବିବାର ଜଣେ ନାବାଳକଙ୍କ ମୃତ୍ୟୁ...

Advertisement
Archives

Model This Week