ଥାଲାସେମିଆ ଶିଶୁଙ୍କ ଜୀବନ ସହ ଖେଳ

କଟକ ଅଫିସ,୨୪ା୧୧: ଥାଲାସେମିଆ ରୋଗରେ ଆକ୍ରାନ୍ତ ଶିଶୁଙ୍କ ଜୀବନ ପ୍ରତି ଏବେ ଘୋର ବିପଦ। ବିପଦ ପୁଣି ସ୍ବାସ୍ଥ୍ୟ ବିଭାଗ ଆଡୁ ସୃଷ୍ଟି ହୋଇଛି। ଏହି ଶିଶୁମାନଙ୍କୁ ନିୟମିତ ରକ୍ତ ଦିଆ ନ ଗଲେ ସେମାନଙ୍କ ମୃତ୍ୟୁ ଘଟିବ। କିନ୍ତୁ ଏବେ ରକ୍ତ ନେଇ ସେମାନେ ମୃତ୍ୟୁମୁଖରେ ପଡୁଛନ୍ତି। ବିଶେଷକରି ରକ୍ତ ନେବା ପରେ ଏହି ଶିଶୁମାନେ ପ୍ରାଣଘାତି ଏଚ୍‌ଆଇଭି ଓ ହେପାଟାଇଟିସ୍‌ ସି, ବି ଭଳି ରୋଗରେ ଆକ୍ରାନ୍ତ ହେଉଛନ୍ତି। ଓଡ଼ିଶା ଥାଲାସେମିଆ କେୟାର ସୋସାଇଟି ପକ୍ଷରୁ ଏଭଳି ସଙ୍ଗିନ ଅଭିଯୋଗ ହୋଇଛି।
ସୋସାଇଟି ସମ୍ପାଦକ ନିରାକାର ପଣ୍ଡା କହିଛନ୍ତି, ୧୦ ବର୍ଷ ମଧ୍ୟରେ ଆମ ଜାଣିବାରେ ରକ୍ତଭଣ୍ଡାରରୁ ରକ୍ତ ନେଇ ୪ ଜଣ ଶିଶୁଙ୍କ ମୃତ୍ୟୁ ଘଟିଛି। ମୃତ ଶିଶୁଙ୍କ ଘର ଚୌଦ୍ୱାର, ଯାଜପୁର ଓ ଭୁବନେଶ୍ୱର ଅଞ୍ଚଳରେ। ୨୦୦୯ରେ ଭୁବନେଶ୍ୱର ବିଏମ୍‌ସି ହସ୍ପିଟାଲରେ ୨ ଜଣ, ୨୦୧୩ରେ ଚୌଦ୍ୱାର ଅଞ୍ଚଳର ୬ ବର୍ଷର ଜଣେ ଶିଶୁ ଓ ଏହାର କିଛିଦିନ ପରେ ଯାଜପୁର ଅଞ୍ଚଳର ଜଣେ ୭ ବର୍ଷର ଶିଶୁଙ୍କର ମୃତ୍ୟୁ ଘଟିଥିବା ପଣ୍ଡା କହିଛନ୍ତି। ଜଗତ୍‌ସିଂହପୁର ଅଞ୍ଚଳର ଜଣେ ୧୪ ବର୍ଷର ନାବାଳକ ରକ୍ତଭଣ୍ଡାରରୁ ରକ୍ତ ନେଇ ଏଚ୍‌ଆଇଭି ପଜିଟିଭ ଚିହ୍ନଟ ହୋଇଛନ୍ତି। ତାଙ୍କର ଏବେ ଚିକିତ୍ସା ଚାଲିଥିବା ପଣ୍ଡା କହିଛନ୍ତି। ବର୍ତ୍ତମାନ ପାଖାପାଖି ୭ଜଣ ଶିଶୁ ଏଚ୍‌ଆଇଭି ପଜିଟିଭ ଚିହ୍ନଟ ହୋଇଛନ୍ତି। ସେମାନଙ୍କ ମାଆବାପା ଏଚ୍‌ଆଇଭି ନେଗେଟିଭ ଥିବାବେଳେ ସେମାନେ ଏଚ୍‌ଆଇଭି ପଜିଟିଭ ଚିହ୍ନ ହେବା ଚିନ୍ତାର ପ୍ରସଙ୍ଗ ହୋଇଛି। ଏପରି କି ଥାଲାସେମିଆରେ ଆକ୍ରାନ୍ତ ନିଜ ପୁଅ ରକ୍ତଭଣ୍ଡାରରୁ ରକ୍ତ ନେଇ ହେପାଟାଇଟିସ୍‌ ସି ଭଳି ମାରାତ୍ମକ ରୋଗରେ ଆକ୍ରାନ୍ତ ହୋଇଥିବା ପଣ୍ଡା କହିଛନ୍ତି। ବାଲେଶ୍ୱର ଅଞ୍ଚଳରେ ପାଖାପାଖି ୭୦ ଜଣ ଥାଲାସେମିଆ ରୋଗରେ ଆକ୍ରାନ୍ତ ଶିଶୁ ରକ୍ତଭଣ୍ଡାରରୁ ରକ୍ତ ନେଇ ଏଚ୍‌ଆଇଭି, ହେପାଟାଇଟିସ ସି’ରେ ଆକ୍ରାନ୍ତ ହୋଇଥିବା ଭଳି ସମ୍ବେଦନଶୀଳ ଖବର ଅଧିକ ଚିନ୍ତା ବଢାଇଛି। ସୂଚନାଥାଉ କି, ରାଜ୍ୟରେ ମୋଟ୍‌ ୨୫ହଜାର ଶିଶୁ ଥାଲାସେମିଆରେ ଆକ୍ରାନ୍ତ ଅଛନ୍ତି। ସେମାନଙ୍କ ମଧ୍ୟରୁ ଅଧିକାଂଶ ଶିଶୁ ପ୍ରତି ସପ୍ତାହରେ ରକ୍ତ ନେଉଥିବାବେଳେ ଆଉ କେତେଜଣ ୧୫ ଦିନ ଓ ୧ ମାସରେ ରକ୍ତ ନେଉଛନ୍ତି। ମାତ୍ର ରକ୍ତ ଭଣ୍ଡାରର ସ୍ଥିତି ଏବେ ଏହିପରି ରହିଛି। ମୁଖ୍ୟତଃ ନାଟ୍‌ ପିସିଆର୍‌ (ନ୍ୟୁକ୍ଲିକ ଏସିଡ୍‌ ଟେଷ୍ଟିଂ ପଲିମରାସ୍‌ ଚେନ୍‌ ରିଆକ୍ସନ) ମେଶିନ ନ ଥିବାରୁ ଏଭଳି ଅବସ୍ଥା ଉପୁଜିଛି। କାରଣ ବିଭିନ୍ନ ସମୟରେ ସଂଗ୍ରହ କରାଯାଉଥିବା ରକ୍ତରେ ଏହି ମାରାତ୍ମକ ଭୂତାଣୁଗୁଡିକୁ ନାଟ୍‌ ପିସିଆର୍‌ ମେଶିନ ଦ୍ୱାରା ଚିହ୍ନଟ କରାଯାଇଥାଏ। ମାତ୍ର ରାଜ୍ୟର ୩ଟି ମେଡିକାଲ କଲେଜ ସମେତ କ୍ୟାପିଟାଲ ହସ୍ପିଟାଲରେ ଏହି ବ୍ୟବସ୍ଥା ଥିବାବେଳେ ବାକି ଅଞ୍ଚଳଗୁଡ଼ିକରେ ଅନ୍ଧାରୁଆ ଭାବେ ସଂଗୃହୀତ ରକ୍ତକୁ ଥାଲାସେମିଆ ରୋଗୀମାନଙ୍କୁ ପ୍ରଦାନ କରାଯାଉଛି। ଯଦ୍ଦ୍ବାରା ସେମାନେ ଜୀବନ ବଞ୍ଚାଇବା ପାଇଁ ରକ୍ତ ନେଇ ଜୀବନ ହରାଉଛନ୍ତି। ଉଦାହରଣ ଭାବେ ଦେଖିଲେ ଗତବର୍ଷ ଏସ୍‌ସିବି ମେଡିକାଲରେ ମୋଟ୍‌ ୪୭ହଜାର ୟୁନିଟ୍‌ ରକ୍ତକୁ ନାଟ୍‌ ପିସିଆର୍‌ ମାଧ୍ୟମରେ ପରୀକ୍ଷା କରାଯାଇଥିଲା। ସେଥିରୁ ୧୧୭ ୟୁନିଟ୍‌ ରକ୍ତରେ ଏଚ୍‌ଆଇଭି ଓ ହେପାଟାଇଟିସ ଭୂତାଣୁ ଚିହ୍ନଟ ହୋଇଥିଲା। ଏଥିରୁ ପ୍ରମାଣ ମିଳୁଛି ଯେ, ରାଜ୍ୟର ଅନ୍ୟ ବ୍ଲଡ୍‌ ବ୍ୟାଙ୍କଗୁଡ଼ିକରେ

କେତେମାତ୍ରାରେ ଭୂତାଣୁଯୁକ୍ତ ରକ୍ତ ଭରି ରହିଛି ଓ ଉକ୍ତ ରକ୍ତକୁ ଥାଲାସେମିଆ ଶିଶୁମାନଙ୍କୁ ପ୍ରଦାନ କରାଯାଉଛି। ମୁଖ୍ୟତଃ ବାଲେଶ୍ୱର, କୋରାପୁଟ, ଯାଜପୁର, କେନ୍ଦୁଝର, ବାରିପଦା ଆଦି ଅଞ୍ଚଳରେ ଥାଲାସେମିଆ ଶିଶୁମାନଙ୍କ ସଂଖ୍ୟା ଅଧିକ। ମାତ୍ର ଏହିସବୁ ଅଞ୍ଚଳରେ ନାଟ୍‌ ପିସିଆର ମେଶିନ ନ ଥିବାରୁ ଭୟଙ୍କର ଅବସ୍ଥା ଉପୁଜିଛି। ଏ ସମ୍ପର୍କରେ ଏସ୍‌ସିବି ମେଡିକାଲର ଟ୍ରାନ୍ସଫ୍ୟୁଜନ ମେଡିସିନ ବିଭାଗର ମୁଖ୍ୟ ପ୍ରଫେସର ଡା. ପଙ୍କଜ ପରିଡ଼ା କୁହନ୍ତି, ସରକାରଙ୍କ ବିନା ନିର୍ଦ୍ଦେଶରେ ଆମେ ଗଣମାଧ୍ୟମକୁ କୌଣସି ସୂଚନା ଦେଇପାରିବୁ ନାହିଁ। ଅପରପକ୍ଷରେ ରାଜ୍ୟ ରୋଗୀ ଅଧିକାର ମଞ୍ଚର ସଭାପତି ଅମିୟ ଭୂଷଣ ବିଶ୍ୱାଳ କୁହନ୍ତି, ଏଭଳି ସମ୍ବେଦନଶୀଳ ପ୍ରସଙ୍ଗ ଉପରେ ଆମେ ବାରମ୍ବାର ସରକାରଙ୍କ ଦୃଷ୍ଟି ଆକର୍ଷଣ କରିଛୁ, ହେଲେ କୌଣସି ସୁଫଳ ମିଳିନାହିଁି। ଏସ୍‌ସିବି ରକ୍ତ ରୋଗ ବିଭାଗର ଜଣେ ଡାକ୍ତରଙ୍କ କହିବା ଅନୁଯାୟୀ, ଯଦି ସରକାର ନାଟ୍‌ ପିସିଆର୍‌ ମେଶିନ କିଣିବାରେ ଅସମର୍ଥ ହେଉଛନ୍ତି ତେବେ ଚତୁର୍ଥ ଜେନେରେଶନର ଏଲିସା ମେଶିନ ବ୍ଲଡ ବ୍ୟାଙ୍କଗୁଡିକରେ ରଖିଲେ ଏହା ରୋଗୀଙ୍କୁ ସୁରକ୍ଷିତ ରକ୍ତ ଦେବାରେ ସମର୍ଥ ହୋଇପାରିବ ବୋଲି କହିଛନ୍ତି।

ନିର୍ମଳ ପଣ୍ଡା


Enter your email to get our daily news in your inbox.

All Right Reserved By Dharitri.Com

ସିବିଆଇକୁ ଦିଆଯିବ ଭକ୍ତଙ୍କ ଦସ୍ତଖତପତ୍ର

ପୁରୀ ଅଫିସ,୯।୩: ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ (ଆରବିଆଇ) ୟେସ୍‌ ବ୍ୟାଙ୍କ କାରବାର ଉପରେ କଟକଣା ଜାରି କରିଛି। ବ୍ୟାଙ୍କର ଆର୍ଥତ୍କ ସ୍ଥିତି ବିଗିଡ଼ି ଥିବାରୁ...

ରାଜଧାନୀ ଭୁବନେଶ୍ୱରରୁ ଚିହ୍ନଟ ହେଲେ ୩୨୯ ନୂଆ କରୋନା ଆକ୍ରାନ୍ତ

ଭୁବନେଶ୍ୱର, ୨୯।୯: ରାଜଧାନୀ ଭୁବନେଶ୍ୱରରୁ ମଙ୍ଗଳବାର ଆଉ ୩୨୯ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଭୁବନେଶ୍ୱର ମହାନଗର ନିଗମ (ବିଏମ୍‌ସି) ପକ୍ଷରୁ ଟୁଇଟ୍‌...

ସ୍କୁଟିକୁ ପଛରୁ ଧକ୍କାଦେଲା ଟ୍ରକ୍‌

ବଅଁରପାଳ,୬।୧୨(ଡି.ଏନ୍‌.ଏ.): ଅନୁଗୋଳ ଜିଲା ୫୫ନମ୍ବର ଜାତୀୟ ରାଜପଥ କାଣ୍ଡସର ନିକଟରେ ଶୁକ୍ରବାର ଏକ ଟ୍ରକ୍‌ ଧକ୍କାରେ ଜଣେ ସ୍କୁଟି ଚାଳକ ଗୁରୁତର ହୋଇଛନ୍ତି। ତେବେ ଗୁରୁତରଙ୍କ...

ସାଂସ୍କୃତିକ କାର୍ଯ୍ୟକ୍ରମ, ଶୋଭାଯାତ୍ରା ବାରଣ

ଢେଙ୍କାନାଳ ଅଫିସ, ୭।୧୨-ଢେଙ୍କାନାଳ ଜିଲାରେ କରୋନା ସଂକ୍ରମଣ ଏବଂ ଓମିକ୍ରନ୍‌ ପ୍ରତିହତ କରିବା ଲାଗି ଜିଲା ପ୍ରଶାସନ ପକ୍ଷରୁ ନୂତନ ଗାଇଡ୍‌ଲାଇନ୍‌ ଜାରି କରାଯାଇଛି। ବିଦେଶାଗତଙ୍କୁ...

ମଧୁପୁରଠାରେ ବିଶାଳ ଆଦିବାସୀ ସମାବେଶ, ନୂଆଖାଇ ଭେଟ୍‌; ପାରମ୍ପରିକ ଅସ୍ତ୍ରଶସ୍ତ୍ର ସହିତ ସାମିଲ ହେଲେ ଆଦିବାସୀ

ଲାଞ୍ଜିଗଡ଼,୩୦।୯(ଡି.ଏନ.ଏ.) କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ଗୋବର୍ଦ୍ଧନପୁର ଗ୍ରାମପଞ୍ଚାୟତ ମଧୁପୁରଠାରେ ବିଶାଳ ଆଦିବାସୀ ସମାବେଶ ଓ ନୂଆଁଖାଇ ଭେଟ୍‌ଘାଟ୍‌ କାର୍ଯ୍ୟକ୍ରମ ରବିବାର ଅନୁଷ୍ଠିତ ହୋଇଯାଇଛି। ଏହି...

ଧାନବିକ୍ରି ପାଇଁ ଚାଷୀଙ୍କୁ ମିଳୁନି ଟୋକନ

ବରଗଡ଼ ଅଫିସ୍‌,୧୮।୫: ଧାନ କିଣାବିକାରେ ସରକାର ଟୋକନ ବ୍ୟବସ୍ଥାକୁ ବାଧ୍ୟତାମୂଳକ କରିଛନ୍ତି । ଅନ୍ୟପଟେ ଚାଷୀଙ୍କୁ ଠିକ୍‌ ଭାବେ ଟୋକନ ମିଳି ନ ଥିବାରୁ ଚାଷୀମାନେ...

ଅସ୍ଥାୟୀ କ୍ୱାରାଣ୍ଟାଇନ୍‌ ସେଣ୍ଟର ପରିଦର୍ଶନ କଲେ ଉପଜିଲାପାଳ

ଶେରଗଡ଼,୨ା୪(ଡି.ଏନ୍‌.ଏ.)- ଭଞ୍ଜନଗର ଉପଜିଲାପାଳ ରାଜେନ୍ଦ୍ର କୁମାର ମିଞ୍ଜ ବୁଧବାର ଶେରଗଡ ପରିଦର୍ଶନରେ ଆସି ବିଭିନ୍ନ ଅସ୍ଥାୟୀ କ୍ୱାରାଣ୍ଟାଇନ୍‌ ଶିବିର ବୁଲି ଦେଖିଥିଲେ। ବ୍ଲକର ମହାତ୍ମା ଗାନ୍ଧୀ,...

ବାଲେଶ୍ୱରରୁ ଭୁବନେଶ୍ୱରକୁ ଗଡ଼ିଲା ମେମୁ ଟ୍ରେନ

ବାଲେଶ୍ୱର ଅଫିସ,୭।୧: ବାଲେଶ୍ବର ଷ୍ଟେଶନରେ କେନ୍ଦ୍ର ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ ପତାକା ଦେଖାଇ ମେମୁ ଟ୍ରେନର ଶୁଭାରମ୍ଭ କରିଛନ୍ତି। ଏହି ଟ୍ରେନ୍‌ ବାଲେଶ୍ବରରୁ ଭୁବନେଶ୍ବରକୁ...

Advertisement
Archives

Model This Week