ନୂଆଦିଲ୍ଲୀ,୨୯।୬: ଏବେ ପଞ୍ଜାବ ନ୍ୟାସନାଲ ବ୍ୟାଙ୍କ ଠକେଇ ତୁଳନାରେ ଅଧିକ ଟଙ୍କାର ଠକେଇ ସମ୍ପର୍କରେ ସୂଚନା ଦେଇଛନ୍ତି ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି)। ସନ୍ଦେସରା ବ୍ରଦର୍ସଙ୍କ ଦ୍ୱାରା ଆନ୍ଧ୍ରବ୍ୟାଙ୍କ ସମେତ ଦେଶର ଅନ୍ୟ କେତେକ ବ୍ୟାଙ୍କରୁ ୧୪ ହଜାର ୫ଶହ କୋଟିରୁ ଅଧିକ ଟଙ୍କାର ଠକେଇ କରାଯାଇଥିବା ସୂଚନା ଦେଇଛନ୍ତି ଇଡି। ଏବେ ସନ୍ଦେସରା ବ୍ରଦର୍ସଙ୍କ ଲାଗି ଲୁକ୍ଆଉଟ୍ ନୋଟିସ୍ ଜାରି କରାଯାଇଥିବା କୁହାଯାଉଛି। ଷ୍ଟ୍ରଲିଂ ବାୟୋଟେକ୍ ଲିମିଟେଡ୍, ସନ୍ଦେସରା ଗ୍ରୁପ୍ ଏବଂ ପ୍ରମୋଟର ନୀତିନ୍ ସନ୍ଦେସରା,ଚେତନ ସନ୍ଦେସରା ଏବଂ ଦୀପ୍ତି ସନ୍ଦେସରା ଏଭଳି ଠକାମି କରିଥିବା କୁହାଯାଉଛି। ସନ୍ଦେସରା ବ୍ରଦର୍ସ ୟୁପିଏ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ପରାମର୍ଶଦାତା ଅହମ୍ମଦ୍ ପଟେଲ୍ଙ୍କର ଘନିଷ୍ଠ ବୋଲି କୁହାଯାଉଛି। ତାଙ୍କ ପୁଅ ଫୈଜଲ ପଟେଲ ଏବଂ ଜ୍ୱାଇଁ ଇରଫାନ୍ ସିଦ୍ଧିକ୍ ଷ୍ଟ୍ରଲିଂ ବାୟୋଟେକ୍ ଲିମିଟେଡ୍ ସହିତ ଜଡ଼ିତ ଥିବା କୁହାଯାଉଛି।
