ଲଣ୍ଡନ, ୩ |୬ (ପି.ଟି.)-ଜୁଲାଇରେ ଓ୍ବେଷ୍ଟଇଣ୍ଡିଜ ବିପକ୍ଷରେ ଖେଳାଯିବାକୁଥିବା ୩ ମ୍ୟାଚବିଶିଷ୍ଟ ଘରୋଇ ଟେଷ୍ଟ ସିରିଜ ପାଇଁ ଇଂଲଣ୍ଡ ଓ ଓ୍ବେଲ୍ସ କ୍ରିକେଟ ବୋର୍ଡ (ଇସିବି) ପକ୍ଷରୁ କାର୍ଯ୍ୟସୂଚୀ ଘୋଷଣା କରାଯାଇଛି। ତେବେ ସରକାରଙ୍କ ସବୁଜ ସଙ୍କେତକୁ ଅପେକ୍ଷା କରାଯାଇଛି। କୋଭିଡ୍-୧୯ ମହାମାରୀ ଯୋଗୁ ସିରିଜ ଜୁଲାଇ ୮ରୁ ରୁଦ୍ଧଦ୍ୱାରରେ ଜୈବ-ସୁରକ୍ଷିତ ପରିବେଶରେ ଖେଳାଯିବ। ହାମ୍ପଶାୟାରର ଏଜାସ୍ ବାଓଲ ଏବଂ ଲାଙ୍କାଶାୟାରର ଓଲ୍ଡଟ୍ରାଫୋର୍ଡଠାରେ ମ୍ୟାଚ୍ ଖେଳାଯିବ। ଉଭୟ ଭେୁନ୍ୟ ହେଟେଲ ନିକଟରେ ଅବସ୍ଥିତ। ପ୍ରଥମ ଟେଷ୍ଟ ଜୁଲାଇ ୮ରୁ ୧୨ ପର୍ଯ୍ୟନ୍ତ ଖେଳାଯିବ। ଅବଶିଷ୍ଟ ଦୁଇଟି ଓଲ୍ଡ ଟ୍ରାଫୋର୍ଡ (ଜୁଲାଇ ୧୬ରୁ ୨୦ ଏବଂ ଜୁଲାଇ ୨୪ରୁ ୨୮)ଠାରେ ଖେଳାଯିବ। ଓ୍ବେଷ୍ଟଇଣ୍ଡିଜ ଦଳ ଜୁନ୍୯ରେ ୟୁନାଇଟେଡ୍ କିଙ୍ଗଡମ୍ (ୟୁକେ)ରେ ପହଞ୍ଚତ୍ବ। ଦଳ କ୍ୱାରାଣ୍ଟାଇନିଂ ଓ ଟ୍ରେନିଂ ପାଇଁ ଏମିରେଟ୍ସ ଓଲ୍ଡ ଟ୍ରାଫୋର୍ଡ ଯିବ। ସେଠାରେ ୩ ସପ୍ତାହ ଅବସ୍ଥାନ ପରେ ପ୍ରଥମ ଟେଷ୍ଟ ଖେଳିବା ଲାଗି ଏଜାସ୍ ବାଓଲ ଗସ୍ତ କରିବ ବୋଲି ଇସିବି କହିଛି।
