ଜେନେରେଟରରେ ଚାଲିଛି ହାଇଟେକ ଥାନା

କଳିଙ୍ଗନଗର,୨୩ା୨(ଡି.ଏନ.ଏ): କଳିଙ୍ଗନଗର ଶିଳ୍ପାଞ୍ଚଳରେ ୧୦ବର୍ଷ ତଳେ ୨ଏକର ଜମିରେ ନିର୍ମିତ ହୋଇଥିଲା ଏକ ହାଇଟେକ ଥାନା। ୬୦ଲକ୍ଷ ଟଙ୍କା ବ୍ୟୟରେ ନିର୍ମିତ ହୋଇଥିବା ଏହି ଥାନା ଯାଜପୁର ଜିଲାର ଏକମାତ୍ର ହାଇଟେକ ଥାନା ହୋଇଥିବାବେଳେ ଏହାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍‌ଘାଟନ କରିଥିଲେ। ଏହି ଥାନାରେ ସେତେବେଳେ ଜଣେ ଇନ୍ସପେକ୍ଟର, ୬ଜଣ ସବଇନ୍ସପେକ୍ଟର, ୨ଜଣ ଏଏସ୍‌ଆଇ, ଜଣେ ହାବିଲଦାର ଓ ୯ଜଣ କନଷ୍ଟେବଳ କାର୍ଯ୍ୟ କରିବା ସହିତ ଏଠାରେ ୨ଜଣ ସେକ୍ସନ ଫୋର୍ସ ରହିବାର ପ୍ରସ୍ତାବ ରହିଥିଲା। ଶିଳ୍ପାଞ୍ଚଳର ୫ଟି କାରଖାନା ସମେତ ପ୍ରାୟ ୧୫ଟି ଗାଁର ଆଇନ୍‌ ଶୃଙ୍ଖଳା ରକ୍ଷା କରିବା ପାଇଁ ଏଠାରେ ଥାନା ସ୍ଥାପନ କରାଯାଇଥିଲା। ମାତ୍ର ବିଭାଗୀୟ ଅଣଦେଖା ପାଇଁ ହାଇଟେକ ଥାନା ଏବେ ଗୁରୁତ୍ୱ ହରାଇଛି। ଥାନାକୁ ଯାତାୟାତ ପାଇଁ କୌଣସି ସ୍ଥାୟୀ ରାସ୍ତା ନ ଥିବାବେଳେ ଥାନା ସମ୍ମୁଖରେ ରେଳଲାଇନ ଯାଇଥିବାରୁ ଥାନା ଏକ ପ୍ରକାର ବନ୍ଦୀ ହୋଇ ରହିଛି। ପଛ ପାଖରେ ନୂତନଭାବେ ଏକ କମନ କରିଡର ନିର୍ମାଣ ହୋଇଛି, ମାତ୍ର ଏହା ସହିତ ଥାନା ରାସ୍ତା ସଂଯୋଗ ହୋଇନାହିଁ। ସମ୍ମୁଖରେ ମୁଖ୍ୟରାସ୍ତା ଥିବାବେଳେ ଏକ କି.ମି. ବୁଲାଣି ରାସ୍ତାରେ ଥାନା ଗାଡ଼ି ଯାତାୟାତ କରୁଛି। କେବଳ ସେତିକି ନୁହେଁ, ଗତ ୧୦ମାସ ହେଲା ଥାନା ଅନ୍ଧାରରେ ରହିଛି। ଆରମ୍ଭରୁ ଥାନାର ନିଜସ୍ବ ବିଦ୍ୟୁତ ସଂଯୋଗ ବ୍ୟବସ୍ଥା ହୋଇ ନ ଥିବାବେଳେ ଥାନା ସଂଲଗ୍ନ ମୈଥାନ ଇସ୍ପାତ କାରଖାନାରୁ ଆବଶ୍ୟକ ବିଜୁଳି ଯୋଗାଇ ଦିଆଯାଉଥିଲା। ବର୍ଷକ ତଳୁ ମୈଥାନ କାରଖାନା ବନ୍ଦ ହେବା ପରେ ଥାନାକୁ ରହିଥିବା ବିଦ୍ୟୁତ ଯୋଗାଣ ସ୍ବାଭାବିକଭାବେ ବନ୍ଦ ହୋଇ ଯାଇଥିଲା। ଦୀର୍ଘ ମାସ ତଳୁ ଏହି ଥାନା ଅନ୍ଧାରରେ ରହିିଥିଲେ ମଧ୍ୟ ଏହାର ସ୍ଥାୟୀ ପ୍ରତିକାର କରାଯାଇ ନାହିଁ। ଦିନତମାମ ବିନା ବିଜୁଳି ଆଲୁଅରେ ଥାନା କାମ ଚାଲୁଥିବାବେଳେ ରାତିରେ ଜେନେରେଟର ମାଧ୍ୟମରେ କାମଚଳା ବିଦ୍ୟୁତ ବ୍ୟବସ୍ଥା କରାଯାଉଛି। ଥାନା ପାଇଁ ବିଜୁଳି ବ୍ୟବସ୍ଥା ଜରୁରୀ ହୋଇଥିଲେ ମଧ୍ୟ ବିକଳ୍ପ ବ୍ୟବସ୍ଥା କରାଯାଇ ନାହିଁ। ଅନ୍ୟପକ୍ଷରେ ଥାନାର ପ୍ରଶାସନିକ ବ୍ୟବସ୍ଥା ମଧ୍ୟ ଉପେକ୍ଷିତ ହୋଇଛି। ଆବଶ୍ୟକ ମୁତାବକ ଏହି ଥାନାରେ କର୍ମଚାରୀ ନ ଥିବା ଜଣାପଡିଛି। ମାତ୍ର ଜଣେ ସବଇନ୍ସପେକ୍ଟର, ଜଣେ ଏଏସଆଇ ଏବଂ ୯ଜଣ କନେଷ୍ଟବଳ, ଜଣେ ହାବିଲଦାର, ଜଣେ ହୋମଗାର୍ଡଙ୍କୁ ନେଇ ଥାନା କାର୍ଯ୍ୟ ଚାଲିଛି। ଥାନା ପରିଚାଳନା ପାଇଁ ଆବଶ୍ୟକ ଭିତ୍ତିଭୂମି ଏବଂ ଲୋକ ସମ୍ବଳ ଅଭାବ ରହିଥିଲେ ମଧ୍ୟ ଏହାର ସମାଧାନ ଦିଗରେ କୌଣସି ବ୍ୟବସ୍ଥା ଗ୍ରହଣ କରାଯାଉ ନାହିଁ। ଏହା ବ୍ୟତୀତ ଥାନାକୁ ପ୍ରଥମେ ଆସୁଥିବା ଲୋକ ଥାନାର ନାମକୁ ନେଇ ମଧ୍ୟ ଦ୍ୱନ୍ଦ୍ୱରେ ପଡ଼ୁଥିବା ଦେଖିବାକୁ ମିଳିଛି। କାରଣ, ଥାନା ସମ୍ମୁଖ କାନ୍ଥ ଫଳକରେ ଥାନାର ନାମ କଳିଙ୍ଗନଗର ଥାନା-୨ ଲେଖା ହୋଇଥିବାବେଳେ ଭିତରେ ଏହାର ନାମ ଯଖପୁରା ଥାନା ଲେଖା ହୋଇଛି। ଗୃହ ବିଭାଗ ଯଖପୁରା ଥାନାର ଦୁରାବସ୍ଥା ପ୍ରତି ଦୃଷ୍ଟି ଦେବା ସହିତ ଏହାର ସମାଧାନ ପାଇଁ ଜରୁରୀ ପଦକ୍ଷପ ଗ୍ରହଣ କରିବା ପାଇଁ ସ୍ଥାନୀୟ ଅଞ୍ଚଳରେ ଦାବି ହେଉଛି।


Enter your email to get our daily news in your inbox.

All Right Reserved By Dharitri.Com

କର୍କଟ ପୀଡ଼ିତଙ୍କ ପାଣ୍ଠି ସଂଗ୍ରହ ପାଇଁ ନିଆରା ପ୍ରୟାସ

ଭୁବନେଶ୍ୱର, ୬ା୨(ବ୍ୟୁରୋ): କର୍କଟ ପୀଡିତଙ୍କ ପାଣ୍ଠି ସଂଗ୍ରହ ପାଇଁ ରେଡ୍‌ ସ୍ବସ୍ତିକ ସୋସାଇଟି ଓଡ଼ିଶା ଶଖା, ସମ୍ପଲି କେୟାର କ୍ଲିନିକ୍‌ ଓ ଲାୟନ ମିନତୀ ବେହେରା...

ବଢ଼ୁନି ଏସ୍କାଲେଶନ ଫି’: ଅଡୁଆରେ ଠିକା ସଂସ୍ଥା

ଭୁବନେଶ୍ୱର,୧୯।୩ (ବ୍ୟୁରୋ): ଭୁବନେଶ୍ୱର ମହାନଗର ନିଗମ (ବିଏମ୍‌ସି) ୨୦୧୩-୧୪ରେ ସଫେଇ କର୍ମଚାରୀଙ୍କ ମଜୁରି ୧୫୦ ଟଙ୍କା ଧାର୍ଯ୍ୟ କରିଥିଲା। ଇତିମଧ୍ୟରେ ୬ବର୍ଷ ବିତିଥିଲେ ମଧ୍ୟ ତାହା...

ଆଇଟିଆର୍‌ ଲଞ୍ଚପ୍ୟାଡ୍‌ରୁ ‘ପିନାକା’ର ୩ଥର ବ୍ୟବହାରିକ ପରୀକ୍ଷଣ

ବାଲେଶ୍ୱର ଅଫିସ,୨୪।୧୨-ବାଲେଶ୍ୱର ଜିଲା ଚାନ୍ଦିପୁରସ୍ଥିତ ସମନ୍ବିତ ପରୀକ୍ଷଣ କେନ୍ଦ୍ର(ଆଇଟିଆର୍‌) ୩ ନମ୍ବର ଲଞ୍ଚପ୍ୟାଡ୍‌ରୁ ମଙ୍ଗଳବାର ବହୁମୁଖୀ ରକେଟ ଲଞ୍ଚର ‘ପିନାକା’ର ୩ଥର ପରୀକ୍ଷଣ କରାଯାଇଛି। ଏସବୁ...

ମାର୍କେଟ୍‌ ବିଲ୍ଡିଂ ଆତଙ୍କ ଘଟଣାରେ ୧୮ ଗିରଫ, କଡ଼ା କାର୍ଯ୍ୟାନୁଷ୍ଠାନ ନିଆଯିବ: ସିପି

ଭୁବନେଶ୍ୱର,୧୧।୧(ବ୍ୟୁରୋ): ସ୍ଥାନୀୟ ୟୁନିଟ-୨ ମାର୍କେଟ ବିଲ୍ଡିଂ ଆତଙ୍କରାଜ ଘଟଣାରେ ୩୦ରୁ ଊର୍ଦ୍ଧ୍ୱ ସାମିଲ ଥିବା ବେଳେ ୨୧ଜଣ ଚିହ୍ନଟ ହୋଇଛନ୍ତି। ପୋଲିସ ସେମାନଙ୍କ ମଧ୍ୟରୁ ୧୮...

ବାପ୍‌ ଆରପାରେ: ଦୁଇ ପୁଓର ଭବିଷତ୍‌ ଚିନ୍‌ତାରେ ମା’

କୋମନା, ୪।୧୧(ଡି.ଏନ୍‌.ଏ.)-  ନୂଆପଡ଼ା ଜିଲା କୋମନା ବ୍ଲକ ଟିକ୍ରାପଡ଼ା ହାଟପଦା ପଡ଼ାର ବିଧବା ଶାନ୍ତି ରଣା(୨୦)। ଆପ୍‌ନେ ଆରପାରକେ ଚାଲିଗଲା ଉତାରୁ ଦୁଇ ଛୁଆକର ଦେଖ୍‌ଭାଲ,...

ମାଲକାନଗିରି ଜିଲା ଚିଠି: କ୍ଷତି ସହୁଛି ଚାଷୀ, ଫାଇଦାରେ ବୀମା କମ୍ପାନୀ

ଚାଷୀଙ୍କ ସମସ୍ୟା କେବେହେଲେ ସୁଧୁରୁନାହିଁ। ଋଣ, ମରୁଡ଼ି, ବନ୍ୟା ବିତ୍ପାତଜନିତ ସମସ୍ୟାରେ ଫସଲ ନଷ୍ଟ ହୋଇ ଚାଷୀ କ୍ଷତି ସହୁଛି। ସବୁ ସହି ଯାହା ଧାନ...

ପୁର୍ବଶତ୍ରୁତାରୁ ବାପ-ପୁଅଙ୍କୁ ଛୁରାମାଡ:ପୁଅ ମୃତ, ୨ ଗୁରୁତର

କାକଟପୁର,୬।୧୦(ଡି.ଏନ.ଏ.): ପୁରୀ ଜିଲା ଅସ୍ତରଙ୍ଗ ଅଞ୍ଚଳରେ ଶନିବାର ରାତିରେ ଏକ ହତ୍ୟାକାଣ୍ଡ ଘଟିଛି। ଅଠତିରା ଗ୍ରାମର ସାଧୁ ସ୍ବାଇଁଙ୍କୁ କିଛି ଅସାମାଜିକ ଯୁବକ ପୂର୍ବଶତ୍ରୁତାକୁ ନେଇ...

ବିଭିନ୍ନ ସ୍ଥାନରେ ଫୁଟିଲା ପାରିଜାତ

ବାଲେଶ୍ୱର ଅଫିସ,୩୦।୪- ବାଲେଶ୍ୱର ଜିଲା ଟାଉନ ଥାନା ଅଧୀନ ଗୋପାଳଗାଁସ୍ଥିତ ଲକ୍ଷ୍ମୀ ନାରାୟଣ ମହାନ୍ତିଙ୍କ ପୁଷ୍ପ ଉଦ୍ୟାନରେ ପାରିଜାତ ଫୁଲ ଫୁଟିଛି। ସହଦେବଖୁଣ୍ଟା ମଡ଼େଲ ଥାନା...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *