ପୁରୀ ଅଫିସ,୨୨।୩: କରୋନା ଭାଇରସ୍ର ଭୟାବହତାକୁ ଦେଖି ରାଜ୍ୟ ସରକାର ୫ଟି ଜିଲା ଏବଂ ୮ଟି ସହରାଞ୍ଚଳରେ ଲକ୍ ଡାଉନ ଘୋଷଣା କରିଛନ୍ତି। ଏହି ସହର ମଧ୍ୟରେ ପୁରୀ ରହିଛି। ଏହି ନିଷ୍ପତ୍ତି ବାସ୍ତବିକ କଷ୍ଟକର, କିନ୍ତୁ ଆମ ସମସ୍ତଙ୍କ ଜୀବନ ରକ୍ଷା ପାଇଁ ଜରୁରୀ ବୋଲି ଜିଲାପାଳ ବଲୱନ୍ତ ସିଂ ଶନିବାର ଏକ ଭିଡିଓ ମାଧ୍ୟମରେ ଜିଲାବାସୀଙ୍କୁ ଅନୁରୋଧ କରିଛନ୍ତି । ଜିଲାପାଳ ସିଂ କହିଛନ୍ତି, ୨୨ ତାରିଖ ସକାଳ ୭ଟାରୁ ୨୯ ତାରିଖ ସନ୍ଧ୍ୟା ପର୍ଯ୍ୟନ୍ତ ଲକ୍ ଡାଉନ କଟକଣା ରହିବ । ଏହାର ଉଦ୍ଦେଶ୍ୟ ହେଉଛି ସମସ୍ତେ ଘର ଭିତରେ ରହିବା। ଅତ୍ୟାବଶ୍ୟକ ପଡିଲେ, ଔଷଧ କିମ୍ବା ପନିପରିବା ଓ ସଉଦା କିଣିବା ପାଇଁ ବାହାରକୁ ବାହାରିପାରିବେ। ଟ୍ୟାକ୍ସି, ଅଟୋ କିମ୍ବା ଅନ୍ୟ ଘରୋଇ ଗାଡିକୁ କେବଳ ହସ୍ପିଟାଲ ଯିବା ପାଇଁ ଅନୁମତି ଦିଆଯିବ। କେହି ନିୟମକୁ ଉଲ୍ଲଂଘନ କଲେ କଠୋର କାର୍ଯ୍ୟାନୁଷ୍ଠାନ ନିଆଯିବ ।
