Posted inଜାତୀୟ

ଜାଲ୍‌ ସାର୍ଟିଫିକେଟରେ ଚାକିରି ହଡ଼ପ

ନୂଆଦିଲ୍ଲୀ,୨୪ା୧୦(ଆଇଏଏନ୍‌ଏସ୍‌): ଉତ୍ତରପ୍ରଦେଶରେ ଅନୁସୂଚିତ ଜନଜାତିଙ୍କ ଲାଗି ସଂରକ୍ଷିତ ହଜାର ହଜାର ସରକାରୀ ଚାକିରି ହଡ଼ପ ହୋଇଛି। ଜିଲାପାଳଙ୍କଠାରୁ ଆରମ୍ଭ କରି ସ୍ଥାନୀୟ ପ୍ରଶାସନର ଜ୍ଞାତସାରରେ ଚାଲିଥିଲା ଏଭଳି ଦୁର୍ନୀତି। ଅନୁସୂଚିତ ଜନଜାତି ବର୍ଗଙ୍କ ପାଇଁ ଉଦ୍ଦିଷ୍ଟ ଚାକିରି ପାଇବା ପାଇଁ ଅନ୍ୟାନ୍ୟ ପଛୁଆ ବର୍ଗ (ଓବିସି) ବର୍ଗର ଅନେକ ପ୍ରାର୍ଥୀ ନିଜକୁ ଆଦିବାସୀରେ ବଦଳାଇଛନ୍ତି। ଜାଲ୍‌ ଆଦିବାସୀ ପ୍ରମାଣପତ୍ର ଯୋଗାଇଦେବାରେ ସ୍ବତନ୍ତ୍ର ର଼୍ୟାକେଟ ସହାୟତା କରୁଥିଲେ। ସମାଜବାଦୀ ପାର୍ଟି (ଏସ୍‌ପି) ଓ ବହୁଜନ ସମାଜ ପାର୍ଟି (ବିଏସ୍‌ପି) ଶାସନ କାଳରେ ଏହିସବୁ ର଼୍ୟାକେଟ ସକ୍ରିୟ ଥିଲେ।
ଏହି ଜାଲିଆତି ଘଟଣା ଲୋକଲୋଚନକୁ ଆସିବା ପରେ ହଇଚଇ ସୃଷ୍ଟି ହୋଇଛି। ନିଯୁକ୍ତି କ୍ଷେତ୍ରରେ ସଂରକ୍ଷଣ ସୁବିଧାର ଅପବ୍ୟବହାର କରାଯାଇଥିବା ଉତ୍ତରପ୍ରଦେଶ ଅନୁସୂଚିତ ଜାତି ଓ ଜନଜାତି କମିଶନ ଅଧ୍ୟକ୍ଷ ବ୍ରିଜ୍‌ଲାଲ ଅଭିଯୋଗ କରିବା ସହ ତିନୋଟି ପ୍ରମୁଖ ଅନୁସୂଚିତ ଜନଜାତି ଖରଓ୍ବାର, ଗୋଣ୍ଡ ଓ ଚେରୋମାନଙ୍କ ଆଦିବାସୀ ପ୍ରମାଣପତ୍ର ଯାଞ୍ଚ କରିବା ଲାଗି ଜିଲାପାଳମାନଙ୍କୁ ପରାମର୍ଶ ଦେଇଛନ୍ତି। ଓବିସି ପ୍ରାର୍ଥୀମାନେ ଜାଲିଆତି କରି ମିଥ୍ୟା ପ୍ରମାଣପତ୍ର ଦେଇ ଏସ୍‌ସି କିମ୍ବା ଏସ୍‌ଟିଙ୍କ ପାଇଁ ଉଦ୍ଦିଷ୍ଟ ନିଯୁକ୍ତି ହଡପ କରିଥିବାର ଅନେକ ଅଭିଯୋଗ ମିଳିଥିବା ବ୍ରିଜ୍‌ଲାଲ୍‌ କହିଛନ୍ତି। ରାଜ୍ୟର ବିଭିନ୍ନ ସେକ୍ଟର ଓ ଅଞ୍ଚଳରେ ଏଭଳି ଜାଲିଆତି ବର୍ଷ ବର୍ଷ ଧରି ଚାଲିଥିଲା। ଏଥିରେ ଜିଲାପାଳମାନଙ୍କ ସମ୍ପୃକ୍ତିକୁ ଏଡାଇ ଦିଆଯାଇ ନ ପାରେ। କାରଣ ଅନୁସୂଚିତ ଜାତି ଓ ଜନଜାତି ପ୍ରମାଣପତ୍ର ପ୍ରଦାନ କରିବା କ୍ଷମତା ସେମାନଙ୍କୁ ମିଳିଥିଲା। କେତେସଂଖ୍ୟାରେ ଚାକିରି ହଡ଼ପ ହୋଇଛି ତାହା ଯଦିଓ ନିର୍ଦ୍ଦିଷ୍ଟ ଭାବେ ଜଣାପଡିନି ତେବେ ଏହା ବହୁ ହଜାର ହେବ ବୋଲି ଅନୁମାନ କରାଯାଉଛି। ସୋମବାର ଗୋରଖପୁରଠାରେ ଉଚ୍ଚ ସରକାରୀ ଅଧିକାରୀମାନଙ୍କର ଏକ ବୈଠକ ଡାକି ବ୍ରିଜ୍‌ ଲାଲ୍‌ ଉକ୍ତ ର଼୍ୟାକେଟ ବିରୋଧରେ ତଦନ୍ତ ଲାଗି ୟୁପିର ଏହି ପୂର୍ବତନ ପୋଲିସ ଡିଜି ପରାମର୍ଶ ଦେଇଛନ୍ତି। ଏହି ଜାଲ୍‌ ସାର୍ଟିଫିକେଟ ର଼୍ୟାକେଟ ପଛରେ ରାଜନୈତିକ ପୃଷ୍ଠପୋଷକ ରହିଥିବା ପୂର୍ବତନ ଆଇପିଏସ୍‌ ଅଫିସର କହିଛନ୍ତି। ୨୦୦୪ରେ ମୁଲାୟମ ସିଂ ଯାଦବ ୟୁପି ମୁଖ୍ୟମନ୍ତ୍ରୀ ଥିଲାବେଳେ କେତେକ ଓବିସିଙ୍କୁ ଅନୁସୂଚିତ ଜାତି/ଜନଜାତିରେ ପରିବର୍ତ୍ତନ କରିବା ଲାଗି ସରକାରୀ ନିର୍ଦ୍ଦେଶନାମା ଜାରି କରିଥିଲେ। ଏହାକୁ କାର୍ଯ୍ୟକାରୀ କରିବାକୁ ହେଲେ କେନ୍ଦ୍ର ସରକାରଙ୍କ ଅନୁମୋଦନ ସହିତ ପାର୍ଲାମେଣ୍ଟରେ ସଂରକ୍ଷଣ ଆଇନରେ ସଂଶୋଧନ ଆଣିବା ଆବଶ୍ୟକ। ସେଭଳି କିଛି ହୋଇ ନ ଥିବାରୁ ମୁଲାୟମ ସରକାରଙ୍କ ଉପରୋକ୍ତ ନିର୍ଦ୍ଦେଶନାମାର କୌଣସି ଆଇନଗତ ବୈଧତା ନ ଥିଲା। କିନ୍ତୁ ମୁଲାୟମଙ୍କ ନିର୍ଦ୍ଦେଶନାମା ପରେ ରାଜ୍ୟର ବିଭିନ୍ନ ଅଞ୍ଚଳରେ ଜାତି ପରିବର୍ତ୍ତନ ର଼୍ୟାକେଟ ସକ୍ରିୟ ହୋଇ ଉଠିଥିଲେ। ପ୍ରାରମ୍ଭିକ ତଦନ୍ତରୁ ଜଣାପଡିଛି, ଗୋଣ୍ଡ, ଖରଓ୍ବାର ଓ ଚେରୋ ସମ୍ପ୍ରଦାୟର ମିଛ ପରିଚୟ ଦେଇ ବାଲିଆ, ଦେଓରିଆ, କୁଶିନଗର, ମହାରାଜଗଞ୍ଜ, ସିଦ୍ଧାର୍ଥନଗର ଓ ଗୋରଖପୁର ଜିଲା ପ୍ରଶାସନରୁ ବହୁସଂଖ୍ୟାରେ ଛାତ୍ରୀଛାତ୍ର ଆଦିବାସୀ ପ୍ରମାଣପତ୍ର ହାତେଇଛନ୍ତି। ଏହିସବୁ ଜିଲାରେ ପ୍ରକୃତରେ ଏଭଳି ଆଦିବାସୀ ସମ୍ପ୍ରଦାୟ ନ ଥିବା ଜଣାପଡିଛି। ଗୋଣ୍ଡ ଓ ଖରଓ୍ବାର ସମ୍ପ୍ରଦାୟ ସୋନଭଦ୍ର, ମିର୍ଜାପୁର, ଓ ଚନ୍ଦାଉଲି ଜିଲାରେ ସୀମିତ। ରାଜସ୍ବ ରେକର୍ଡ ଅନୁଯାୟୀ ଉତ୍ତରପୂର୍ବ ୟୁପିରେ ଏହି ଦୁଇ ସମ୍ପ୍ରଦାୟ ନାହାନ୍ତି। ପଛୁଆ ବର୍ଗରେ ଯାଉଥିବା କହର, କୁମ୍ଭାର, ଭୁର୍ଜି ଜାତିର ପ୍ରାର୍ଥୀମାନେ ନିଜକୁ ଗୋଣ୍ଡ ଓ ଖରଓ୍ବାରରେ ପରିବର୍ତ୍ତନ କରି ସେମାନଙ୍କ ପାଇଁ ଉଦ୍ଦିଷ୍ଟ ଚାକିରିକୁ ହଡ଼ପ କରିଥିବା ଜଣେ ସରକାରୀ ଅଧିକାରୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଆର୍‌ଟିଆଇ ବିଲ୍‌ ପାର୍ଲାମେଣ୍ଟରେ ଗୃହୀତ

ନୂଆଦିଲ୍ଲୀ,୨୬।୭(ପି.ଟି.):ସୂଚନା ଅଧିକାର ଆଇନ (ସଂଶୋଧନ) ବିଲ୍‌ ପାର୍ଲାମେଣ୍ଟର ଅନୁମୋଦନ ଲାଭ କରିଛି। ୨୨ ତାରିଖରେ ବିଲ୍‌ ଲୋକ ସଭାରେ ଗୃହୀତ ହୋଇଥିବାବେଳେ ଗୁରୁବାର ରାଜ୍ୟ ସଭାରେ...

୨୮ ମାଓବାଦୀଙ୍କ ଆମତ୍ସମର୍ପଣ

ଦାନ୍ତଓ୍ବୋଡା, ୨୧ା୧୦ : ଛତିଶଗଡ଼ର ଦାନ୍ତଓ୍ବୋଡ଼ା ଜିଲାରେ ୨୮ ମାଓବାଦୀ ଆତ୍ମସମର୍ପଣ କରିଛନ୍ତି। ସେମାନଙ୍କ ମଧ୍ୟରୁ ୪ ଜଣଙ୍କ ସମ୍ପର୍କରେ ସୂଚନା ଦେଲେ ପୁରସ୍କାର ମିଳିବ...

ଆଡଭାନୀଙ୍କ ସମସ୍ୟା ବଢ଼ାଇ ଦେଇଥିଲେ ରାଜେଶ ଖାନ୍ନା

ବଲିଉଡ୍‌ର ପ୍ରଥମ ସୁପରଷ୍ଟାର ଥିଲେ ରାଜେଶ ଖାନ୍ନା। ୬୦ ଓ ୭୦ ଦଶକର ଏହି ସୁପରଷ୍ଟାରଙ୍କ ଲୋକପ୍ରିୟତା ପ୍ରାୟତଃ ଶେଷ କରି ଦେଇଥିଲା ଭାରତୀୟ ଜନତା...

୨୬ ବର୍ଷରେ ୩୧ ହଜାର ୮୪୫ ହାଜତ ମୃତ୍ୟୁ: ୫ ରାଜ୍ୟରେ ସର୍ବାଧିକ

ନୂଆଦିଲ୍ଲୀ,୧୦।୧୨: ଦେଶରେ ମାନବାଧିକାରକୁ ଅଣଦେଖା କରାଯାଉଛି। ଫଳରେ ୧୯୯୩ଠାରୁ ୨୦୧୯ ପର୍ଯ୍ୟନ୍ତ ଗତ ୨୬ ବର୍ଷ ମଧ୍ୟରେ ଦେଶର ବିଭିନ୍ନ ହାଜତରେ ୩୧ ହଜାର ୮୪୫...

କମଲ ହାସନଙ୍କ ଏମ୍‌ଏନ୍‌ଏମ୍‌ ଫେରି ପାଇଲା ‘ବ୍ୟାଟେରି ଟର୍ଚ୍ଚ’ ଚିହ୍ନ

ଚେନ୍ନାଇ,୧୫।୧: ବିଶିଷ୍ଟ ସାଉଥ ଅଭିନେତା କମଲ ହାସନଙ୍କ ରାଜନୈତିକ ପାର୍ଟି ମକ୍କଲ ନିଧି ମାଇମ (ଏମ୍‌ଏନ୍‌ଏମ୍‌) ଫେରି ପାଇଛି ତାର ‘ବ୍ୟାଟେରି ଟର୍ଚ୍ଚ’ ଚିହ୍ନ। ୨୩୪...

୬୦ବର୍ଷୀୟା ବୃଦ୍ଧା ୧ ମିନିଟରେ ୬ଟି ଇଡ୍‌ଲୀ ଖାଇ ଜିତିଲେ ପ୍ରତିଯୋଗିତା

ବେଙ୍ଗାଲୁରୁ,୨।୧୦:କର୍ନାଟକ ହୁଲହଲ୍ଲୀରେ ଜଣେ ୬୦ ବର୍ଷୀୟ ବୃଦ୍ଧା ଗୋଟିଏ ମିନିଟ୍‌ରେ ୬ଟି ଇଡ୍‌ଲୀ ଖାଇ ଏକ ଖାଦ୍ୟ ପ୍ରତିଯୋଗିତା ଜିତିଛନ୍ତି। ମହୀଶୂରରେ ଦଶହରା ଉପଲକ୍ଷେ ଏକ...

ଅଯୋଧ୍ୟାରେ କବରସ୍ତାନ ଲାଗି ଜମି ଦାନକଲେ ହିନ୍ଦୁ

ଲକ୍ଷ୍ନୌ,୨୭ା୬: ଅଯୋଧ୍ୟାରେ ରାମ ଜନ୍ମଭୂମି ଜମିକୁ ନେଇ ଦୀର୍ଘ ଦଶନ୍ଧି ଧରି ହିନ୍ଦୁ ଓ ମୁସଲମାନ ସଂଗଠନ ମଧ୍ୟରେ ବିବାଦ ଲାଗି ରହିଥିବାବେଳେ ବୁଧବାର ଦୁଇ...

ଭାଜପାରେ ସାମିଲ ନ ହେବାରୁ ନେତାଙ୍କ ଉପରେ ଚାପ ପକାଯାଉଛି: ଶରଦ ପାଓ୍ବାର

ମୁମ୍ବାଇ,୨୮।୭: ରାଷ୍ଟ୍ରବାଦୀ କଂଗ୍ରେସ ପାର୍ଟି(ଏନ୍‌ସିପି) ଅଧ୍ୟକ୍ଷ ଶରଦ ପାଓ୍ବାର କେନ୍ଦ୍ରର ଭାଜପା ସରକାରଙ୍କ ଉପରେ ଗମ୍ଭୀର ଅଭିଯୋଗ ଆଣିଛନ୍ତି। ପାଓ୍ବାର କହିଛନ୍ତି ମହାରାଷ୍ଟ୍ର ନିର୍ବାଚନ ପୂର୍ବରୁ...

Play 250+ Trending Games
Archives

Model This Week

Why Dharitri