ମୁମ୍ବାଇ: ଜର୍ଜିଆରେ ‘କାର୍ଗିଲ ଗର୍ଲ’ର ଶୁଟିଂ ହେବ। ଏଥିପାଇଁ ବଲିଉଡ ଅଭିନେତ୍ରୀ ଜାହ୍ନବୀ କପୁର ଏବଂ ଅଭିନେତା ଅଙ୍ଗଦ ବେଦୀ ପୂରା ପ୍ରସ୍ତୁତିରେ ଲାଗି ପଡ଼ିଛନ୍ତି। ବାୟୁସେନା ବିମାନ ଚାଳକ ଗୁଞ୍ଜନ ସାକ୍ସେନାଙ୍କ ଜୀବନ କାହାଣୀକୁ ନେଇ ‘କାରଗିଲ ଗର୍ଲ’ ଗଢ଼ିଉଠିଛି, ଯିଏ ୧୯୯୯ରେ କାର୍ଗିଲ ଯୁଦ୍ଧବେଳେ କାର୍ଗିଲରେ ପ୍ରବେଶ କରି ଶତ୍ରୁପକ୍ଷର ସେନାକୁ ଚକ୍ମା ଦେଖାଇଥିଲେ। ଜାହ୍ନବୀ କପୁର ଏଥିରେ ସାକ୍ସେନା ଭୂମିକାରେ ଅଭିନୟ କରୁଛନ୍ତି। ଜର୍ଜିଆର ଉଚ୍ଚତମ ଅଞ୍ଚଳ କାଜ୍ବେଗି ସହରରେ ଉକ୍ତ ଫିଲ୍ମର ଶୁଟିଂ ଚାଲିବ। ବିଦେଶ ଗସ୍ତରେ ଯିବା ପୂର୍ବରୁ ଏହି କଳାକାର ଦ୍ୱୟ ଫିଟ୍ନେସ୍ ପାଇଁ କଠିନ ପରିଶ୍ରମ କରୁଛନ୍ତି। ଅଙ୍ଗଦ ବେଦୀ ଏଥିପାଇଁ ତାଲିମ ନେବାଲାଗି କୋଚ୍ ବ୍ରିନ୍ଷ୍ଟନ୍ଙ୍କ ସହାୟତା ଲୋଡିଛନ୍ତି। ଜାହ୍ନବୀ ଏବଂ ଅଙ୍ଗଦ ଚଳିତମାସ ଶେଷ ଭାଗରେ ଜର୍ଜିଆ ଗସ୍ତ କରିବେ। ଏଥିପୂର୍ବରୁ ଲକ୍ଷ୍ନୌରେ କିଛି ପ୍ରାରମ୍ଭିକ କାର୍ଯ୍ୟ କରାଯିବାର ବ୍ୟବସ୍ଥା ଅଛି।
