ବେତନଟୀ, ୭ା୬(ଡି.ଏନ.ଏ)-ବେତନଟୀ ମହାବିଦ୍ୟାଳୟ ନିକଟ ରେଳଫାଟକରୁ ମହୁଲିଆକୁ ଯାଇଥିବା ରାସ୍ତାପାର୍ଶ୍ୱରେ ଦେବତ୍ତୋର ବିଭାଗର କେତେକ ଜମି ରହିଛି। ପ୍ରାୟ ଏକ ସପ୍ତାହ ମଧ୍ୟରେ ୨୦ଏକରରୁ ଊର୍ଦ୍ଧ୍ୱ ଦେବତ୍ତୋର ଜମିକୁ ବାଡ଼ ବସାଇବା ସହିତ ହିଡ଼ ମଧ୍ୟ ଦେଉଥିଲେ l ଏହି ଖବର ଜାଣିବା ପରେ ମଧ୍ୟ କେତେକ ନେତୃସ୍ଥାନୀୟ ଲୋକଙ୍କ ପ୍ରତିବାଦ ନ କରିବାରୁ ଗ୍ରାମବାସୀ ଏହାକୁ ବିରୋଧ କରିଥିଲେ l ଶନିବାର ଶତାଧିକ ଗ୍ରାମବାସୀ ଏହି ବାଡକୁ ଉଠାଇବା ସହ ଏକ ପ୍ରତିବାଦ ସଭା କରିଥିଲେ। ସଭାରେ ଏହି ଜମିରେ ସୁରକ୍ଷାର ଦାବି ଉଠିବା ସହ ବାରିପଦା ଉପଜିଲାପାଳଙ୍କ ନିକଟକୁ ଦସ୍ତଖତ ସମ୍ବଳିତ ଏକ ଲିଖିତ ଅଭିଯୋଗ ଦେବା ପାଇଁ ନିଷ୍ପତ୍ତି ହୋଇଛି l ପୂର୍ବତନ ବେତନଟୀ ସରପଞ୍ଚ ପାନମଣି ମୁର୍ମୁ, ବର୍ତ୍ତମାନର ସରପଞ୍ଚ ଦୁଃଖିଆ ମୁର୍ମୁ, ଉମାକାନ୍ତ ମହାନ୍ତ, ଦୈତାରୀ ମହାନ୍ତ, ହେମାକାନ୍ତ ମହାନ୍ତ ପ୍ରମୁଖ ଶତାଧିକ ବ୍ୟକ୍ତି ଉପସ୍ଥିତ ଥିଲେ l
