ଜନଜାତି ସାମଗ୍ରୀର ନୂଆ ଠିକଣା ‘ଆଦିଶା’

ମାଣ୍ଡିଆ ଚୂନାରୁ ଆରମ୍ଭ କରି ଶାଳଫୁଲ ଚାଉଳ ପର୍ଯ୍ୟନ୍ତ କଳା ତୁଳସୀ ପାଉଡରରୁ ପାଳୁଅ ଚୂନା ପର୍ଯ୍ୟନ୍ତ ଓଡ଼ିଶାର ଆଦିମ ଜନଜାତିଙ୍କ ଦ୍ୱାରା ପ୍ରସ୍ତୁତ ସମସ୍ତ ଜଙ୍ଗଲୀ ଓ ପ୍ରାକୃତିକ ଦ୍ରବ୍ୟ ଏବେ ମିଳୁଛି ଗୋଟିଏ ସ୍ଥାନରେ। ତାହା ପୁଣି ନୂଆରୂପ ଓ ନୂଆବ୍ରାଣ୍ଡ୍‌ରେ। ରାଜ୍ୟ ସରକାରଙ୍କ ଅନୁସୂଚିତ ଜନଜାତି ଓ ଜାତି ଉନ୍ନୟନ ବିଭାଗ ଅଧୀନରେ ଥିବା ଓଡ଼ିଶା ଆଦିବାସୀ ଉନ୍ନୟନ ସମବାୟ ନିଗମ ଲିମିଟେଡ୍‌(ଟିଡିସିସିଓଏଲ୍‌) ଦ୍ୱାରା ପ୍ରଥମଥର ପାଇଁ ଓଡ଼ିଶା ଜନଜାତି ସାମଗ୍ରୀକୁ ନେଇ ଏକ ସ୍ବତନ୍ତ୍ର ବ୍ରାଣ୍ଡ୍‌ ‘ଆଦିଶା’ ବଜାରକୁ ଆସିଛି।

ଢିଙ୍କିକୁଟା ଚାଉଳରୁ ମଲ୍ଟିଗ୍ରେନ୍‌ ଅଟା
ଟିଡିସିସିଓଏଲ୍‌ ତରଫରୁ ଏବେ ରାଜ୍ୟର ୬ଟି ଜିଲାରେ ୧୧ଟି ସ୍ବତନ୍ତ୍ର ଷ୍ଟୋର୍‌ ସହ ଭୁବନେଶ୍ୱର ରୂପାଲି ଛକସ୍ଥିତ ଟିଡିସିସିଓଏଲ୍‌ ପରିସରରେ ‘ଆଦିଶା’ର ଏକ ଅତ୍ୟାଧୁନିକ ଷ୍ଟୋର୍‌ ଖୋଲାଯାଇଛି। ଓଡ଼ିଶା ଜନଜାତିଙ୍କ ଦ୍ୱାରା ଉପତ୍ାଦିତ ତଥା ପ୍ରସ୍ତୁତ ଲଘୁ ବନଜାତ ଦ୍ରବ୍ୟ, କୃଷି ଉପତ୍ାଦିତ ଦ୍ରବ୍ୟ, ଜନଜାତି ହସ୍ତତନ୍ତ ହସ୍ତକଳା, ହସ୍ତଶିଳ୍ପ, ଅଳଙ୍କାର, ମସଲାଜାତ ଦ୍ରବ୍ୟ, ଚିତ୍ରକଳା ଓ ଖାଦ୍ୟ ସାମଗ୍ରୀକୁ ଆଦିଶା ବ୍ରାଣ୍ଡ୍‌ ମାଧ୍ୟମରେ ବିକ୍ରିବଟା କରାଯାଉଛି। ଆଦିଶାରେ ଉପଲବ୍ଧ ବିଭିନ୍ନ ଖାଦ୍ୟସାମଗ୍ରୀ ମଧ୍ୟରେ ରହିଛି କଳା ଓ ଧଳା ସୋରିଷ, ଅଁଳା, ନିମପତ୍ର ପାଉଡ଼ର, ପାଳୁଅ ଚୂନା ବା ଆରୋରୁଟ୍‌ ପାଉଡ଼ର୍‌, ମାଣ୍ଡିଆ ଚୂନା, ରିଠା, ସିକାକାଇ, ସୋୟାବିନ୍‌, ମଲ୍ଟିଗ୍ରେନ୍‌ ଅଟା, କଳାତୁଳସୀ ପାଉଡ଼ର୍‌, ଗୋଟାହଳଦୀ, ଶୁଖିଲା ଅଦା ବା ଡ୍ରାଏ ଜିଞ୍ଜର ପାଉଡ଼ର୍‌, ଗୁଡମାରୀ ପତ୍ର ପାଉଡ଼ର୍‌, ଢିଙ୍କିକୁଟା ଚାଉଳ, ବ୍ରାଉନ୍‌ ରାଇସ୍‌ ବା ଆଦିବାସୀ ଅଞ୍ଚଳରେ ଉପତ୍ାଦିତ ବିରଳ କଳାଧାନରୁ ପ୍ରସ୍ତୁତ ଚାଉଳ, ଗୋଲମରିଚ, ତେନ୍ତୁଳି, ପ୍ରସିଦ୍ଧ କାନ୍ଦୁଲଡାଲି ଆଦି ରହିଛି। ଏହାବ୍ୟତୀତ ଜଙ୍ଗଲୀ ମହୁ, ପିଙ୍ଗୁ ତେଲ, ଜାମୁକୋଳି ପାଉଡର୍‌, ବେଲପତ୍ର ପାଉଡର୍‌, ଲେମନ୍‌ଗ୍ରାସ୍‌ ଅଏଲ୍‌, ନିମତେଲ, କୁସୁମତେଲ, କରଞ୍ଜ ତେଲ, ପ୍ରାକୃତିକ ପଦ୍ଧତିରେ ପ୍ରସ୍ତୁତ ସୋରିଷ ତେଲ ଭଳି ଏକାଧିକ ଔଷଧୀୟ ତେଲ ଓ ସାମଗ୍ରୀ ଏଠାରେ ଉପଲବ୍ଧ ହେଉଛି। କେବଳ ଜନଜାତିଙ୍କ ଦ୍ୱାରା ପ୍ରସ୍ତୁତ ଶୁଦ୍ଧ ଖାଦ୍ୟସାମଗ୍ରୀ ନୁହେଁ, ବିଭିନ୍ନ ପ୍ରକାରର ଘରସଜ୍ଜା ତଥା ଜନଜାତି ହସ୍ତକଳା ସାମଗ୍ରୀ ଏଠାରୁ ମିଳୁଛି। ବାହାରୁ ଆସୁଥିବା ପର୍ଯ୍ୟଟକଙ୍କ ମଧ୍ୟରେ ଜନଜାତି ଅଳଙ୍କାରର ଡିମାଣ୍ଡ୍‌ ରହୁଥିବାବେଳେ ଖୁବ୍‌ ଶୀଘ୍ର ଆଦିଶା ଆଦିମ ଜନଜାତିଙ୍କ ଦ୍ୱାରା ପ୍ରସ୍ତୁତ ବିଭିନ୍ନ ହସ୍ତତନ୍ତ ମଧ୍ୟ ବିକ୍ରି ପାଇଁ ଉପଲବ୍ଧ କରିବ ବୋଲି କୁହାଯାଇଛି।
କୁକିଜ୍‌, ବ୍ରେଡ୍‌ର ଚାହିଦା
ଆଦିଶାରେ ଉପଲବ୍ଧ ବିଭିନ୍ନ ସାମଗ୍ରୀ ମଧ୍ୟରୁ ସବୁଠାରୁ ଅଧିକ ଡିମାଣ୍ଡ୍‌ରେ ରହୁଛି ମାଣ୍ଡିଆ କୁକିଜ୍‌ ଓ ବ୍ରେଡ୍‌ ଭଳି ରେଡିମେଡ୍‌ ଖାଦ୍ୟ ସାମଗ୍ରୀ। ସ୍ବାସ୍ଥ୍ୟ ସଚେତନ ଲୋକ ଧୀରେ ଧୀରେ ଅର୍ଗାନିକ୍‌ ଖାଦ୍ୟ ଆଡକୁ ଢଳୁଥିବା ବେଳେ ଏଭଳିସ୍ଥଳେ ପାରମ୍ପରିକ ଜନଜାତି ଖାଦ୍ୟ ଲୋକଙ୍କ ପାଇଁ ନୂଆ ଅପସନ୍‌ ଆଣିଦେଇଛି। କେବଳ ଓଡ଼ିଶାରେ ନୁହେଁ ଓଡ଼ିଶା ବାହାରେ ମଧ୍ୟ ଓଡ଼ିଶା ଜନଜାତିଙ୍କ ଦ୍ୱାରା ପ୍ରସ୍ତୁତ ମାଣ୍ଡିଆ, ପାଳୁଅ, ଡାଲି ଆଦିର ଚାହିଦା ରହିଛି। ବର୍ତ୍ତମାନର ମାର୍କେଟ ଓ ଗ୍ରାହକଙ୍କ ପସନ୍ଦକୁ ଦୃଷ୍ଟିରେ ରଖି ଟିଡିସିସିଓଏଲ୍‌ ପକ୍ଷରୁ ମାଣ୍ଡିଆରେ ପ୍ରସ୍ତୁତ ବ୍ରେଡ୍‌, ମାଣ୍ଡିଆ ବିସ୍କୁଟ୍‌, ମଲ୍ଟିଗ୍ରେନ୍‌ ବ୍ରେଡ୍‌, ମଲ୍ଟିଗ୍ରେନ୍‌ କୁକିଜ୍‌, ମାଣ୍ଡିଆ ଓ ଦେଶୀ ଘିଅରେ ପ୍ରସ୍ତୁତ କୁକିଜ୍‌, ମାଣ୍ଡିଆ କୁକିଜ୍‌, ରେଡିମେଡ୍‌ ଖେଚୁଡି ମିକ୍ସ ଭଳି ସ୍ବାସ୍ଥ୍ୟ ଉପୋଯୋଗୀ ରେଡିମେଡ୍‌ ଖାଦ୍ୟ ପ୍ରସ୍ତୁତ କରାଯାଇ ଆକର୍ଷଣୀୟ ପ୍ୟାକେଜିଂରେ ବିକ୍ରି କେରାଯାଉଛି।
ଆମାଜନ୍‌ରେ କୋରାପୁଟ କଫି
କେବଳ ଆଦିଶା ଷ୍ଟୋର୍‌ ନୁହେଁ, ଜନଜାତି ସାମଗ୍ରୀକୁ ବିଶ୍ୱ ବଜାରରେ ପହଞ୍ଚାଇବାକୁ ପ୍ରଥମଥର ପାଇଁ ଏହାକୁ ଇ-କମର୍ସ ପ୍ଲାଟଫର୍ମ ସହ ଯୋଡ଼ାଯାଇଛି। ଗ୍ଲୋବାଲ୍‌ ମାର୍କେଟ ସୁଯୋଗ ସୃଷ୍ଟି କରିବାକୁ ଆମାଜନ୍‌’ ସହ ଆଦିଶାର ନିଜସ୍ବ ୱେବ୍‌ସାଇଟ୍‌ www.adisha.in ରେ ସମସ୍ତ ସାମଗ୍ରୀ ଅନ୍‌ଲାଇନ୍‌ ବିକ୍ରି ପାଇଁ ଉପଲବ୍ଧ କରାଯାଇଛି। ତେବେ ଟିଡିସିସିଓଏଲ୍‌ ପକ୍ଷରୁ ମିଳିଥିବା ସୂଚନା ଅନୁଯାୟୀ ଆମାଜନ୍‌ରେ କୋରାପୁଟ କଫିର ସର୍ବାଧିକ ଡିମାଣ୍ଡ୍‌ ରହିଥିବା ବେଳେ ଦୈନିକ ଶତାଧିକ ଅର୍ଡର ମିଳୁଛି। କୋରାପୁଟ କଫିର ସ୍ବାଦ ଅନ୍ୟ ଅଞ୍ଚଳରେ ମିଳୁଥିବା କଫିର ସ୍ବାଦଠାରୁ ଭିନ୍ନ ଏବଂ ଏଥିରେ ଥିବା ଔଷଧୀୟ ଗୁଣ ଯୋଗୁୁ କୋରାପୁଟ କଫି ବିଶେଷ ଲୋକପ୍ରିୟତା ହାସଲ କରିଛି। ସ୍ବତନ୍ତ୍ର ବ୍ରାଣ୍ଡିଂ ସହ ବୈଜ୍ଞାନିକ ପଦ୍ଧତିରେ କରାଯାଇଥିବା ପ୍ୟାକେଜିଂ ଗ୍ରାହକଙ୍କୁ ଆକୃଷ୍ଟ କରୁଛି। ଏହାସହ ଭୁବନେଶ୍ୱରରେ ଥିବା ‘ଆଦିଶା’ ଷ୍ଟୋର୍‌ରେ କେବଳ କୋରାପୁଟ କଫିକୁ ନେଇ ଏକ ସ୍ବତନ୍ତ୍ର କାଫେଟେରିଆ ଖୋଲାଯାଉଛି। ଜନଜାତିଙ୍କ ଦ୍ୱାରା ପ୍ରସ୍ତୁତ ସବାଇ ଘାସ ଚେୟାରରେ ବସି ଲୋକ ଏଠାରେ କଫିର ମଜା ନେଇପାରିବେ।


Enter your email to get our daily news in your inbox.

All Right Reserved By Dharitri.Com

ସୁଧୁରୁନି ପାକିସ୍ତାନ: ୧୧ ମାସରେ କଶ୍ମୀରରେ ବଡ଼ ଧରଣର ୪ ଆତଙ୍କବାଦୀ ଆକ୍ରମଣ

ଶ୍ରୀନଗର,୧୩।୬: ପାକିସ୍ତାନ ଭାରତ ଉପରେ ଦାଉ ସାଧୁଛି। ଭାରତ ସହିତ ବନ୍ଧୁତ୍ୱପୂର୍ଣ୍ଣ ସମ୍ପର୍କ ପାଇଁ ପାକିସ୍ତାନ ପଟୁ କୌଣସି ଆନ୍ତରିକତା ନାହିଁ। ସର୍ଜିକାଲ୍‌ ଷ୍ଟ୍ରାଇକ୍‌ ଓ...

ମୋଦି ସରକାରଙ୍କୁ ଧମକ ଦେଲେ ସାଧୁ: ରାମ ମନ୍ଦିର ନିର୍ମାଣ ନ ହେଲେ କରିବେ ଆତ୍ମହତ୍ୟା

ଅଯୋଧ୍ୟା,୧।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦ୍ୱିତୀୟଥର ପାଇଁ ଦେଶର ଶାସନ ଡୋର ଧରିଛନ୍ତି। ଯଦି ଏହି ୫ବର୍ଷ ମଧ୍ୟରେ ଅଯୋଧ୍ୟାରେ ରାମ ମନ୍ଦିର ନ ହୁଏ...

ବର୍ଷିଲେ ଅମିତ ଶାହ: କଶ୍ମୀର ପ୍ରସଙ୍ଗରେ ରାଜନୀତି କରୁଛି କଂଗ୍ରେସ, ଭାଜପା ଦେଶଭକ୍ତି

ମୁମ୍ବାଇ,୨୨।୯: ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ସଜବାଜ ଆରମ୍ଭ ହୋଇଯାଇଛି। ବିଭିନ୍ନ ରାଜନୈତିକ ଦଳ ପକ୍ଷରୁ ପ୍ରଚାର ଆରମ୍ଭ ହୋଇଯାଇଛି। ଏହି କ୍ରମରେ ଭାଜପା ଅଧ୍ୟକ୍ଷ...

ସେନା ନିକଟରେ ଥିବା ଯୁଦ୍ଧାସ୍ତ୍ର ସମ୍ପର୍କରେ ତଥ୍ୟ ନେବେ ପ୍ରତିରକ୍ଷାମନ୍ତ୍ରୀ

ନୂଆଦିଲ୍ଲୀ,୨୭।୬: ଯୁଦ୍ଧ ପରିସ୍ଥିତିର ସାମ୍ନା କରିବାକୁ ୩ ସେନାଙ୍କ ନିକଟରେ ଥିବା ଯୁଦ୍ଦାସ୍ତ୍ର ସମ୍ପର୍କରେ ତଥ୍ୟ ସଂଗ୍ରହ କରିବେ ପ୍ରତିରକ୍ଷାମନ୍ତ୍ରୀ ରାଜନାଥ ସିଂ। ଏହାସହ ଯଦି...

ମିଶନ ଫିଲ୍ମ ସିଟି: ମୁମ୍ବାଇ ପହଞ୍ଚିଲେ ଆଦିତ୍ୟନାଥ

ମୁମ୍ବାଇ,୧।୧୨: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମୁମ୍ବାଇରେ ପହଞ୍ଚିଛନ୍ତି। ଉତ୍ତରପ୍ରଦେଶରେ ଏକ ଫିଲ୍ମ ସିଟି ନିର୍ମାଣ ପାଇଁ ସେ ବଲିଉଡ୍‌ର କେତେକ ଫିଲ୍ମ ନିର୍ଦ୍ଦେଶକ ଏବଂ...

ଅକ୍ସିଜେନ୍‌ ଓ ମେଡିକାଲ କିଟ୍‌ ସହ ଯାତ୍ରା ମାର୍ଗରେ ମୁତୟନ ହେଲେ ଆଇଟିବିପିର ଯବାନ

ନୂଆଦିଲ୍ଲୀ,୧।୭: ମହାଦେବଙ୍କ ଦର୍ଶନ ପାଇଁ ପହଞ୍ଚିଥିବା ଶ୍ରଦ୍ଧାଳୁଙ୍କ ସୁରକ୍ଷାକୁ ନଜରରେ ରଖି ଆଇଟିବିପି ନିଜର ୫ହଜାରରୁ ଊର୍ଦ୍ଧ୍ୱ ଯବାନଙ୍କୁ ଅମରନାଥ ଯାତ୍ରା ମାର୍ଗରେ ମୁତୟନ କରିଛି।...

କଶ୍ମୀର ପ୍ରସଙ୍ଗରେ ମଧ୍ୟସ୍ଥତାର ସ୍ଥାନ ନାହିଁ

ନୂଆଦିଲ୍ଲୀ,୨୩ା୧(ପି.ଟି.): ଜମ୍ମୁ-କଶ୍ମୀରକୁ ନେଇ ଦୀର୍ଘଦିନ ଧରି ବିବାଦ ଲାଗି ରହିଥିବାବେଳେ ଏହାର ସମାଧାନ ଦିଗରେ ଭାରତ ଓ ପାକିସ୍ତାନକୁ ସହାୟତା କରିବାକୁ ଆମେରିକା ରାଷ୍ଟ୍ରପତି ଡୋନାଲ୍ଡ...

ପାକିସ୍ତାନ ମାନବାଧିକାରର ଉଲ୍ଲଂଘନ କରିଛି: ବିଏସ୍‌ଏଫ୍‌

ଶ୍ରୀନଗର,୧୫।୧୧: ଜମ୍ମୁ-କଶ୍ମୀରର ନିୟନ୍ତ୍ରଣ ରେଖାରେ ପାକିସ୍ତାନ ଲଗାତାର ଅସ୍ତ୍ରବିରତି ଉଲ୍ଲଂଘନ କରୁଛି। ଏହାଦ୍ୱାରା ମାନବାଧିକାରର ମଧ୍ୟ ଉଲ୍ଲଂଘନ ହେଉଛି ବୋଲ ବିଏସ୍‌ଏଫ୍‌ ପକ୍ଷରୁ ରବିବହାର କୁହାଯାଇଛି।...

Advertisement


Archives

Model This Week

Why Dharitri