ଆର.ଉଦୟଗିରି,୨୩ା୪(ଡି.ଏନ.ଏ.)-ଆର.ଉଦୟଗିରି ଥାନା ରଣାଲଇ ଗ୍ରାମରୁ ବୁଧବାର ଗୋମାଂସ ଚାଲାଣ କରୁଥିବା ଅଭିଯୋଗରେ ବାଇକ୍ ସହ ୨ ଜଣକୁ ପୋଲିସ ଗିରଫ କରିଛି। ସେମାନେ ହେଲେ ରଣାଲଇ ଗ୍ରାମର ସୁକାନ୍ତ ପ୍ରଧାନ ଓ ପ୍ରଦୀପ କୁମାର ପାଣି। ବୁଧବାର ଆର.ଉଦୟଗିରି ତହସିଲଦାର ସ୍ମୃତିରଞ୍ଜନ ଶତପଥୀ ଏବଂ ପୋଲିସ ଟିମ୍ ସହ କରୋନା ସଚେତନ କରିବାକୁ ରଣାଲଇ ଗ୍ରାମରେ ପହରା ଦେବା ସମୟରେ ୨ ଜଣ ଯୁବକ ବାଇକ୍ରେ ଦୁଇଟି ଜରି ଅଖାଧରି ଆସୁଥିବା ଦେଖି ସନ୍ଦେହରେ ପଚରାଉଚରା କରି ଅଖା ଯାଞ୍ଚ କରିବାରୁ ସେଥିରେ ଗୋମାଂସ ଥିବା ଦେଖିଥିଲେ। ଆର.ଉଦୟଗିରି ଥାନାରେ ନଂ ୩୧/୨୦୨୦ ପ୍ରକାରେ ମାମଲା ରୁଜୁ କରି ପୋଲିସ ସେମାନଙ୍କୁ ଗିରଫ କରିଛିି।
