ବିଳାସପୁର,୭।୬: କେରଳରେ ଗର୍ଭବତୀ ହାତୀକୁ ସପୁରୀରେ ବିସ୍ଫୋରକ ଭର୍ତ୍ତି କରି ଖାଇବାକୁ ଦେବା ଘଟଣା ମନରୁ ନ ଲିଭୁଣୁ ହିମାଚଳ ପ୍ରଦେଶ ବିଳାସପୁରରୁ ଆସିଥିଲା ସେମିତି ଏକ ଘଟଣା। ସେଠାରେ ଗର୍ଭବତୀ ଗାଈକୁ ବିସ୍ଫୋରକ ଖୁଆଇ ଗାଈଟି ଆହତ ହେବାର ଏକ ଭିଡିଓ ସୋସିଆଲ ମିଡିଆରେ ଘୁରିବୁଲିବା ପରେ ଘଟଣା ସାମ୍ନାକୁ ଆସିଥିଲା। ମେ ୨୫ରେ ଏହି ଘଟଣାଟି ଘଟିଥିବା ବେଳେ ଗାଈ ମାଲିକଙ୍କ ଅଭିଯୋଗ କ୍ରମେ ଶନିବାର ଏହି ମାମଲାରେ ତାଙ୍କର ଜଣେ ପଡୋଶୀଙ୍କୁ ପୋଲିସ ଅଟକ ରଖି ପଚରା ଉଚରା କରୁଛି। ଅନ୍ୟପଟେ ଗୁରଦିଆଲ ସିଂଙ୍କ ଗର୍ଭବତୀ ଗାଈର ଚିକିତ୍ସା ଏବେ ପ୍ରାଣୀ ଚିକିତ୍ସକଙ୍କ ଦ୍ୱାରା କରାଯାଉଥିବା କହିଛନ୍ତି ପ୍ରାଣୀସମ୍ପଦ ବିଭାଗର ଡେପୁଟି ଡାଇରେକ୍ଟର ଅବିନାଶ ଶର୍ମା।
