କ୍ଷମତା ଲୋଭରେ ବିପଦକୁ ଆମନ୍ତ୍ରଣ: କୋଭିଡ୍‌-୧୯କୁ ଅସ୍ତ୍ରକରି ସତ୍ୟର କଣ୍ଠରୋଧ

ବେଜିଂ,୨୯।୪: କ୍ଷମତାସୀନ ନେତାମାନେ ନିଜ ଦୋଷ ଦୁର୍ବଳତା ଘୋଡ଼ାଇବାକୁ କ୍ଷମତାର ଅପବ୍ୟବହାର କରିଚାଲିଛନ୍ତି। ଏପରି କି ମୁକ୍ତ ସାମ୍ବାଦିକତାର କଣ୍ଠରୋଧ କରି ନିଜକୁ ପ୍ରଭାବଶାଳୀ ଭାବେ ଉପସ୍ଥାପନ କରିବାକୁ ଚେଷ୍ଟା କରୁଛନ୍ତି। ସମ୍ପ୍ରତି କରୋନା ଭାଇରସ୍‌ ସଙ୍କଟ ବିଭିନ୍ନ ରାଷ୍ଟ୍ରରେ ସମାଲୋଚକଙ୍କୁ ନୀରବ ରଖିବା ସହିତ ନେତାମାନଙ୍କ ଶକ୍ତି ଏକତ୍ର କରିବା ପାଇଁ ଏକ ସୁବିଧାଜନକ ପରିସ୍ଥିତି ସୃଷ୍ଟି କରିଛି। ଚାଇନା ସମେତ ବିଭିନ୍ନ ରାଷ୍ଟ୍ରରେ ଶାସକଙ୍କ ଦୋଷ ଲୁଚାଇବା ଏହି ମହାମାରୀକୁ ବୃଦ୍ଧି କରିବାରେ ସହଯୋଗ କରୁଛି। ଏହା ସ୍ବାସ୍ଥ୍ୟ ସଙ୍କଟକୁ ଜଟିଳ କରିବା ସହ ସରକାରଙ୍କ ସ୍ବେଚ୍ଛାଚାରିତାକୁ ମଧ୍ୟ ବୃଦ୍ଧି କରାଇବ। ଫଳରେ କ୍ଷମତାର ଦୁରୁପଯୋଗ ହେବା ସହ ଆଉ ଏକ ମହାମାରୀର ସ୍ଥାୟୀ ଉତ୍ତରାଧିକାରୀ ସୃଷ୍ଟି କରିବ ବୋଲି ବିଶେଷଜ୍ଞ ମହଲରେ ଆଲୋଚନା ହେଉଛି।
କୌଣସି ସଙ୍କଟ ବା ବିପର୍ଯ୍ୟୟ ସମୟରେ ଲୋକମାନଙ୍କ ସ୍ବାସ୍ଥ୍ୟ ସେହି ସମୟରେ ମିଳୁଥିବା ଉପଯୁକ୍ତ ସୂଚନା ଉପରେ ନିର୍ଭର କରିଥାଏ। ହେଲେ ଚାଇନା ସରକାର ଏହାକୁ ହେୟମନେ କଲେ, ଯାହାକି ଏକ ବିପର୍ଯ୍ୟୟ ସୃଷ୍ଟି କଲା। ଗତ ଡିସେମ୍ବରରେ ଯେତେବେଳେ ଉହାନର ଡାକ୍ତରମାନେ କରୋନା ଭାଇରସ୍‌ର ଉପସ୍ଥିତି ନେଇ ସରକାରଙ୍କୁ ସୂଚାଇବାକୁ ଚାହିଁଲେ ସେତେବେଳେ ସେଠାକାର ପ୍ରଶାସନ ଚୁପ ରହିବା ସହ ଡାକ୍ତରମାନଙ୍କୁ ତାଗିଦ୍‌ କରିବାରେ ଲାଗିଲେ। ଡାକ୍ତରମାନଙ୍କ ଚେତାବନୀକୁ ବେଖାତିର କରିବା ଫଳରେ ୩ସପ୍ତାହ ମଧ୍ୟରେ କୋଭିଡ-୧୯ ଏକ ଭୟଙ୍କର ପରିସ୍ଥିତି ସୃଷ୍ଟି କରିଥିଲା। ଏଥିରୁ ବର୍ତ୍ତିବା ପାଇଁ ଲକ୍ଷ ଲକ୍ଷ ଲୋକ ଉହାନ ଛାଡ଼ି ପଳାଇ ଆସିଲେ, ଫଳରେ କରୋନା ଭାଇରସ ଚାଇନା ସହ ସମଗ୍ର ବିଶ୍ୱକୁ ବ୍ୟାପିଗଲା। ଏହାସତ୍ତ୍ୱେ ଚାଇନା ସରକାର ଜନସ୍ବାସ୍ଥ୍ୟ ଅପେକ୍ଷା ରାଜନୈତିକ ସ୍ଥିତିକୁ ଜାହିର କରିବାକୁ ଚେଷ୍ଟା କରୁଥିବା ଜଣାପଡ଼ିଛି। କରୋନା ଭାଇରସ୍‌ ଏବେ ଦୁର୍ବଳ ହୋଇଗଲାଣି ବୋଲି ସରକାରଙ୍କ ପକ୍ଷରୁ କୁହାଯାଉଥିଲେ ସୁଦ୍ଧା ଏହାର ନିରପେକ୍ଷ ତଦନ୍ତ କରିବାକୁ ଦିଆଯାଉ ନାହିଁ। ଏପରି କି ଏସମ୍ପର୍କରେ ସବିଶେଷ ତଥ୍ୟ ପ୍ରକାଶ କରିବାକୁ ଚାହୁଁଥିବା ଆମେରିକାର କିଛି ପ୍ରମୁଖ ପ୍ରକାଶନର ଅନେକ ଖବରଦାତାଙ୍କୁ ବହିଷ୍କାର କରାଯାଇଛି। ଏଥିସହିତ ଉହାନକୁ ଯାଇଥିବା ଚାଇନାର କେତେକ ନିରପେକ୍ଷ ଖବରଦାତାଙ୍କୁ ମଧ୍ୟ ଅଟକ ରଖାଯାଇଛି। ଏବେ ବେଜିଂ ନିଜର ଦୋଷକୁ ଲୁଚାଇବା ସହ ଏଥିରୁ ଲୋକଙ୍କ ଧ୍ୟାନ ହଟାଇବା ପାଇଁ କରୋନାର ଉତ୍ପତ୍ତି ସହ ବନ୍ୟଜନ୍ତୁଙ୍କ ସମ୍ପର୍କକୁ ପ୍ରମାଣିତ କରାଇବାକୁ ଚେଷ୍ଟା କରୁଛି।
ଚାଇନାର ଏଭଳି ଏକଚାଟିଆ ଆଭିବମୁଖ୍ୟକୁ ଅନ୍ୟ କିଛି ରାଷ୍ଟ୍ର ମଧ୍ୟ ଆପଣାଉଥିବା ଦେଖିବାକୁ ମିଳୁଛି। ଥାଇଲାଣ୍ଡ, କମ୍ବୋଡିଆ, ଭେନେଜୁଏଲା, ବାଂଲାଦେଶ ଏବଂ ତୁର୍କୀ ସରକାର ସେଠାକାର ସାମ୍ବାଦିକ, ବିରୋଧୀ ଦଳର କର୍ମୀ, ସ୍ବାସ୍ଥ୍ୟକର୍ମୀ ଏବଂ ଯେଉଁମାନେ କରୋନା ଭାଇରସ୍‌ ମୁକାବିଲାରେ ବିଫଳତା ନେଇ ସରକାରଙ୍କ ବିରୋଧରେ ଯାଉଛନ୍ତି, ସେମାନଙ୍କୁ ତୁରନ୍ତ ଅଟକ ରଖାଯାଉଛି। ମୁକ୍ତ ଗଣମାଧ୍ୟମ ଚୁପ୍‌ ବସିଗଲେ ସରକାର ବାସ୍ତବସ୍ଥିତିକୁ ଅଣଦେଖା କରି ନିଜର ପ୍ରଚାରପ୍ରସାର କରିବାରେ ଲାଗିବେ। ଯେପରି କି ଇଜିପ୍ଟର ରାଷ୍ଟ୍ରପତି ଅବ୍‌ଦଲ ଫତାହ ଏଲ୍‌-ସିସି ଦେଶର ପର୍ଯ୍ୟଟନ ଶିଳ୍ପକୁ ଗୁରୁତ୍ୱ ଦେବାକୁ ଯାଇ କରୋନା ଭାଇରସ୍‌କୁ ଗତ କିଛି ସପ୍ତାହ ପାଇଁ ହେୟଜ୍ଞାନ କଲେ। ଦେଶରେ କରୋନା ଭାଇରସ୍‌ ସଂକ୍ରମଣର ସ୍ଥିତି ନେଇ ସରକାରଙ୍କ ପଦକ୍ଷେପ ଉପରେ ପ୍ରଶ୍ନ କରି ଖବର ପରିବେଷଣ କରାଯିବାରୁ ଖବର ସରବରାହ ସଂସ୍ଥା ଗାର୍ଡିଆନର ଜଣେ ଖବରଦାତାଙ୍କୁ ବହିଷ୍କାର କରାଯିବା ସହ ନ୍ୟୁୟର୍କ ଟାଇମ୍‌ସର ଜଣେ ସାମ୍ବାଦିକଙ୍କୁ ଚେତାବନୀ ଦିଆଯାଇଥିଲା। ସେହିପରି ତୁର୍କୀରେ ମଧ୍ୟ ରାଷ୍ଟ୍ରପତି ରିସେପ୍‌ ତାୟିପ୍‌ ଏର୍ଡୋଗାନ ତାଙ୍କ ଦେଶର ଜେଲ୍‌ରେ କେହି କୋଭିଡ୍‌-୧୯ରେ ସଂକ୍ରମିତ ହୋଇ ନ ଥିବା ସୂଚନା ଦେଇଥିଲେ। ହେଲେ ପରେ ଜେଲ୍‌ରେ ଜଣେ ୭୦ବର୍ଷୀୟ ବନ୍ଦୀ ଏବଂ ଜେଲ୍‌ର ଜଣେ କର୍ମଚାରୀ କରୋନା ସଂକ୍ରମିତ ହୋଇଥିବା ଜଣାପଡ଼ିଥିଲା। ଏହି ବିଷୟ ପ୍ରଘଟ କରିଥିବା ଜଣେ ଡାକ୍ତରଙ୍କ ବିରୋଧରେ ମାମଲା ରୁଜୁ କରାଯାଇଛି। ଥାଇଲାଣ୍ଡ ପ୍ରଧାନମନ୍ତ୍ରୀ ଜେନ ପ୍ରୟୁତ୍‌ ଚାନ ମଧ୍ୟ ସେଠାକାର ଗଣମାଧ୍ୟମ ଉପରେ କଟକଣା ଲଗାଇଛନ୍ତି। ସରକାରୀ ପ୍ରେସ୍‌ ବିବୃତି ବ୍ୟତୀତ କିଛି ଲେଖିବାକୁ ମନା କରିଛନ୍ତି।
ମୁକ୍ତ ଗଣମାଧ୍ୟମ କେବଳ ଏକ ପ୍ରତିକାର ନୁହେଁ। ଏକ ଦାୟିତ୍ୱସମ୍ପନ୍ନ ସରକାର ମଧ୍ୟ ଆବଶ୍ୟକ। ଆମେରିକା ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ ପ୍ରଥମେ କରୋନା ଭାଇରସ୍‌କୁ ଗୁଜବ ବୋଲି କହିଥିଲେ। ବ୍ରାଜିଲ ରାଷ୍ଟ୍ରପତି ଜ୍ୟୋର ବୋଲ୍‌ସୋନାରୋ ଭୂତାଣୁକୁ ଏକ କାଳ୍ପନିକ ବିଷୟ ବୋଲି ତାଚ୍ଛଲ୍ୟ କରିଥିଲେ। ସେହପିରି ମେକ୍ସିକୋ ରାଷ୍ଟ୍ରପତି ଆଣ୍ଡ୍ର୍ୟୁସ ମାନୁଏଲ ଲୋପେଜ୍‌ ଓବ୍ରାଡର ବିଭିନ୍ନ ରାଲି ଆୟୋଜନ କରିବା ସହ ସମର୍ଥକଙ୍କୁ କୋଳେଇ ଚୁମ୍ବନ ମଧ୍ୟ ଦେଲେ। ଏହି ସବୁ ଦାୟିତ୍ୱହୀନ କାର୍ଯ୍ୟକୁ ମୁକ୍ତ ଗଣମାଧ୍ୟମ ସଜାଗ ରହି ସ୍ବର ଉତ୍ତୋଳନ କରୁଥିବାବେଳେ ସୁପ୍ତ ଗଣମାଧ୍ୟମ ସରକାରଙ୍କ ବିରୋଧରେ ମୁହଁ ଖୋଲିବାକୁ ସାହସ କରିପାରୁ ନାହାନ୍ତି। ଏପରି କାର୍ଯ୍ୟଧାରା ଏକ ସୁସ୍ଥ ପରମ୍ପରା ସୃଷ୍ଟି କରୁନାହିଁ ବୋଲି ବିଶେଷଜ୍ଞମାନେ ମତ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

କରୋନା ଭ୍ୟାକ୍ସିନର ଦ୍ୱିତୀୟ ଡୋଜ, ବୁଷ୍ଟର ଡୋଜ ମଧ୍ୟରେ ରହିବ ୯-୧୨ ମାସର ବ୍ୟବଧାନ!

ନୂଆଦିଲ୍ଲୀ,୨୬ ।୧୨: ଦେଶରେ କୋଭିଡ ୧୯ ବୁଷ୍ଟର ଡୋଜ ଦେବାଲାଗି ଅନୁମତି ମିଳିଯାଇଛି । ଏହା ପ୍ରଥମେ ଫ୍ରଣ୍ଟଲାଇନ୍ ୱାର୍କର୍ସ ଓ ବରିଷ୍ଠ ନାଗରିକଙ୍କୁ ଦିଆଯିବ...

ଥମୁନି ମୃତ୍ୟୁସଂଖ୍ୟା: ଗତ ୨୪ ଘଣ୍ଟାରେ କରୋନା ନେଲା ୬୯ ଜୀବନ

ଭୁବନେଶ୍ୱର,୨୧।୭(ବ୍ୟୁରୋ): ରାଜ୍ୟରେ ଦୈନିକ ସଂକ୍ରମଣ ସାମାନ୍ୟ ହ୍ରାସ ପାଇଥିବା ବେଳେ ମୃତ୍ୟୁ ସଂଖ୍ୟାରେ କିନ୍ତୁ ଲାଗୁନି ବ୍ରେକ୍‌। ବୁଧବାର ରାଜ୍ୟରେ କରୋନାଜନିତ ୬୯ଜଣଙ୍କର ମୃତ୍ୟୁ ଘଟିଛି।...

ଗରମ ପ୍ରକୋପ: ଭଗବାନଙ୍କୁ କୋଲ୍ଡ ଡ୍ରିଙ୍କ୍ସ ପିଆଇଲେ ଭକ୍ତ

ବାରାଣସୀ,୨୯।୫: ଉତ୍ତର ଭାରତରେ ଗରମର ପ୍ରକୋପ ବଢ଼ିବାରେ ଲାଗିଛି। ଗରମ ଯୋଗୁ ସାଧାରଣ ଲୋକଙ୍କ ବ୍ୟତୀତ ଭଗବାନ ବି ଏଥିରୁ ନିସ୍ତାର ପାଇପାରୁ ନାହାନ୍ତି। ତେବେ...

ଦିଗପହଣ୍ଡି କ୍ୱାରାଣ୍ଟାଇନ ସେଣ୍ଟରରେ ଅବ୍ୟବସ୍ଥା ଅଭିଯୋଗ: ସୁରଟ ଫେରନ୍ତାଙ୍କ ହୋହଲ୍ଲା

ଦିଗପହଣ୍ଡି,୪।୫(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଗୋକର୍ଣ୍ଣପୁର ଆଦିବାସୀ ହଷ୍ଟେଲ କ୍ୱାରାଣ୍ଟାଇନ ସେଣ୍ଟରରେ ଅବ୍ୟବସ୍ଥା ପ୍ରତିବାଦରେ ସୋମବାର ସକାଳେ ବହୁସଂଖ୍ୟକ ସୁରଟ ଫେରନ୍ତା ହୋହଲ୍ଲା କରିଥିଲେ।...

କଏଦୀଙ୍କୁ କରୋନା ଭୟ: ମୁକୁଳିଲେ ୩୫ଶହ

କଟକ ଅଫିସ୍‌,୧୮ା୪: ରାଜ୍ୟରେ ଥିବା ଜେଲ୍‌ଗୁଡ଼ିକରେ ଅନ୍ତେବାସୀମାନେ କରୋନା ଭୂତାଣୁରେ ଆକ୍ରାନ୍ତ ହେବାର ଆଶଙ୍କା ସୃଷ୍ଟି ହୋଇଥିଲା। ଏଣୁ ସୁପ୍ରିମ୍‌କୋର୍ଟଙ୍କ ନିର୍ଦ୍ଦେଶରେ ଗଠିତ ଉଚ୍ଚସ୍ତରୀୟ କମିଟି...

ଜର୍ମାନୀରେ ଭାରତ-ମୋଦି ବିରୋଧୀ ରାଲି କରୁଥିଲେ ପାକିସ୍ତାନୀ: ହାତରେ ତ୍ରିରଙ୍ଗା ଧରି ଏକା ଲଢ଼ିଲେ ଜଣେ ଭାରତୀୟ, ଆଉ ତା ପରେ…

ଫ୍ରାଙ୍କଫର୍ଟ,୧୮।୮: ପାକିସ୍ତାନ ବିଦେଶରେ ଭାରତ ବିରୋଧୀ ପ୍ରଚାର ପାଇଁ ଲଗାତାର ଭାବେ ଅର୍ଥ ପ୍ରଦାନ କରୁଛି। କଶ୍ମୀର ପ୍ରସଙ୍ଗରେ ହାର୍‌ ମିଳିବା ପରେ ପାକିସ୍ତାନ ଏବେ...

୮୯୯ ଜଣଙ୍କୁ ଏକ୍ସପାୟର ଭାକ୍ସିନ୍‌: ପୁଣି ଦିଆଯିବ ଡୋଜ୍‌…

ଓ୍ବାଶିଂଟନ,୧୬।୬: ଆମେରିକାରେ ଜାରି ରହିଥିବା ସାବର୍ଜନୀକ ଟିକାକରଣ ଅଭିଯାନରେ ଏକ ଅଭାବନୀୟ ଘଟଣା ଘଟିଛି। ସ୍ଥାନୀୟ ଟାଇମ୍ସ୍‌ ସ୍କୋୟାରଠାରେ ଥିବା ଟିକାଦାନ କେନ୍ଦ୍ରରେ ୮୯୯ ଜଣଙ୍କ...

ରାସ୍ତାରେ ବର୍ଷିଲା ଟଙ୍କା

ଓ୍ବାଶିଂଟନ, ୧୨।୭: ଆମେରିକାର ନର୍ଥ ଆଟଲାଣ୍ଟାର ଇଣ୍ଟରଷ୍ଟେଟ୍‌ ହାଇଓ୍ବେ ନମ୍ବର ୨୮୫ରେ ଡଲାର ବର୍ଷା ହେଉଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଲୋକମାନେ...

Advertisement
Archives

Model This Week