କୌଳିକ ବୃତ୍ତିକୁ ମିଳୁନି ପ୍ରୋତ୍ସାହନ

ହାଟଡିହୀ, ୩୦।୫(ସ୍ବ.ପ୍ର.)-ହାଟଡିହୀ ବ୍ଲକର ବହୁ ଗାଁରେ କାରିଗର ମାନେ ନିଜର ବାପଗୋସାପ କରିଆସୁଥିବା କୌଳିକ ବୃତ୍ତିକୁ ପେଷାକରି ଚଳିଆସୁଥିଲେ। ପୂର୍ବରୁ ହାତ ତିଆରି ଜିନିଷର ଆଦର ଥିଲା। ମେଳା ମଉଛ ବାହାଘର ବ୍ରତଘର ଆଦି ପର୍ବପର୍ବାଣୀରେ ଭଲ କାରବାର ହେଉଥିଲା ଏସବୁ ଜିନିଷର। ଏମିତିକି ଦୂର ସହରରୁ ବେପାରି ଆସି ଚଢାଦରରେ ନେଉଥିଲେ। କିନ୍ତୁ ସମୟ ବଦଳିଛି ଏହି ହାତ ତିଆରି ଜିନିଷର ଚାହିଦା କମି ଚାଲିଛି। ମିଳୁନି ଉପଯୁକ୍ତ ପାରିଶ୍ରମିକ। କଞ୍ଚା ମାଲର ଅଭାବ ରହିଛି। ଦୁଃଖ, କଷ୍ଟରେ କଟୁଛି କାରିଗରଙ୍କ ପରିବାର। ତଥାପି ଛାଡ଼ି ନାହାନ୍ତି ଏହି ବୃତ୍ତିକୁ।
ଏଭଳି ସଙ୍ଗୀନ ଦୃଶ୍ୟ ଦେଖିବାକୁ ମିଳିଛି ହାଟଡିହୀ ବ୍ଲକରେ। ହାଟଡିହୀ ବ୍ଲକର ବିଶେଷ କରି ହାଟଡିହୀ ଗାଁର ଡମ ସାହିର ଲୋକମାନେ ନିଜର କୌଳିକ ବୃତ୍ତିରେ ବାଉଁଶ ରୁ ବିଭିନ୍ନ ପ୍ରକାର ଜିନିଷ ଡାଲା, କୁଲା, ପାଛିଆ, ନାଳିଆ, ଖଇଚଲା, ଝୁଡି, ବିଞ୍ଚଣା, ଅନ୍ଧୁଲି, ଟୋକୁଲି ଆଦି ଘର ଉପକରଣ ତିଆରି କରି ଜୀବିକା ନିର୍ବାହ କରିଆସୁଥିଲେ। ସେହିପରି କୁମ୍ଭାର ସାହିର ଲୋକେ ମାଟି ତିଆରି କଳସୀ, ହାଣ୍ଡି, ସୁରେଇ, ପଲମ, ଠେକି, କୁମ୍ପି ଆଦି ଜିନିଷମାନ ନିଜ ଜ୍ଞାନ କୌଶଳରେ ତିଆରି କରି ବେଶ ଦିପଇସା ରୋଜଗାର କରି ଆସୁଥିଲେ ା ଗୋପ ଘୁସୁରିଆ ସାହିରେ ଖଜୁରୀ ପତ୍ରରୁ ପଟିଆ, ଛାଞ୍ଚୁଣୀ, ଚଟେଇ ଓ ତାଳ ପତ୍ରରୁ ପଖିଆ, ଆସନ ତିଆରି କରି ଚଳୁଥିଲେ। କିନ୍ତୁ ସମୟ ବଦଳିଛି ପ୍ଲାଷ୍ଟିକ ବଜାରକୁ ଆସିବାପରେ ଏଗୁଡିକର ଚାହିଦା କମିଛି। କମ୍ପାନୀ ମାନେ ଏସବୁ ଜିନିଷ ପ୍ଲାଷ୍ଟିକରେ ତିଆରି କରି ଶସ୍ତାରେ ବିକ୍ରି କରୁଥିବାରୁ ହାତ ତିଆରି ଜିନିଷର ଆଦର କମୁଛି। ଏଣୁ ବୁଡିବାକୁ ବସିଲାଣି କାରୀଗରଙ୍କର କୌଳିକ ବୃତ୍ତି ମିଳୁନି ସରକାରୀ ପ୍ରୋତ୍ସାହନ ଓ ସୁବିଧାରେ ମିଳୁନି କଂଚାମାଲ। ପରିବାର ଚଳାଇବାକୁ ଏମାନଙ୍କ ପକ୍ଷରେ କଷ୍ଟକର ହୋଇପଡ଼ିଛି। ଅନିଶ୍ଚିତତା ମଧ୍ୟରେ ରହିଯାଇଛି ଶହଶହ ପରିବାରର ଜୀବିକା। ସେଥିଲାଗି ବାହାରକୁ ଦାଦନ ଖଟିବାକୁ କାରିଗରମାନେ ଯିବାକୁ ସଜ ହେଲେଣି। ଏମାନଙ୍କୁ ସରକାରୀ ସହାୟତା ମିଳୁ ନ ଥିବାରୁ ପୁରୁଣା କୌଳିକ ବୃତ୍ତି ଆଗକୁ ହରାଇବାକୁ ପଡ଼ିବ ବୋଲି ସଧାରଣରେ କୁହାଯାଉଛଇ। ତୁରନ୍ତ ସରକାର ଏମାନଙ୍କୁ ଉତ୍ତମ ପ୍ରଶିକ୍ଷଣ ଦେଇ ଆବଶ୍ୟକୀୟ ଭିତିଭୂମି ସୃଷ୍ଟିକରିବା ସଙ୍ଗେସଙ୍ଗେ ଉପଯୁକ୍ତ ପ୍ରୋତ୍ସାହନ ଦେବାକୁ ବୁଦ୍ଧିଜୀବୀ ମହଲରେ ଦାବି ହେଉଛି।


Enter your email to get our daily news in your inbox.

All Right Reserved By Dharitri.Com

ନିଟ୍‌ ପରୀକ୍ଷାରେ କେନ୍ଦୁଝରର ଦିବ୍ୟଜ୍ୟୋତି ଉତ୍ତୀର୍ଣ୍ଣ: ଡାକ୍ତର ହୋଇ ରୋଗୀସେବା କରିବା ପାଇଁ ଲକ୍ଷ୍ୟ

କେନ୍ଦୁଝର:୬।୬(ସ୍ବ.ପ୍ର.): କେନ୍ଦୁଝର ଜିଲା ସଦର ବ୍ଲକ ଅନ୍ତର୍ଗତ କଣ୍ଡରାପସି ପଞ୍ଚାୟତ ଆହାରପସି ଗ୍ରାମର ଶୈରେନ୍ଦ୍ରୀ ମହାନ୍ତଙ୍କ ପୁଅ ଦିବ୍ୟଜ୍ୟୋତି ନିଟ୍‌ ପରୀକ୍ଷାରେ ୬୦୦ ନମ୍ବର ରଖି...

ଶାରୀଶୁଆ ପାହାଡ଼ ଖଣି ଅଞ୍ଚଳ ବୁଲି ଦେଖିଲେ ମୁଖ୍ୟ ବନସଂରକ୍ଷକ, ଜିଲାପାଳ

ଖଇରା,୨୦।୧୧(ଡି.ଏନ.ଏ.):  ଦୁଇ ବନ ସଂରକ୍ଷକ ସନ୍ଦୀପ ତ୍ରିପାଠି ଓ ହରିଶଙ୍କର ଉପାଧ୍ୟାୟ ଏବଂ ବାଲେଶ୍ୱର ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ବୁଧବାର ଖଇରା ଓ କପ୍ତିପଦା...

ବ୍ରାଉନସୁଗାର ର଼୍ୟାକେଟ୍‌ରେ ଏମ୍‌ବିଏ ଛାତ୍ର

ଭୁବନେଶ୍ୱର, (ବ୍ୟୁରୋ)/ ବାଲେଶ୍ୱର ଅଫିସ, ୧୯।୮:  ବ୍ରାଉନସୁଗାର କାରବାର କରୁଥିବା ଜଣେ ଏମ୍‌ବିଏ ଛାତ୍ରଙ୍କୁ କ୍ରାଇମବ୍ରାଞ୍ଚର ସ୍ପେଶାଲ ଟାସ୍କ ଫୋର୍ସ (ଏସ୍‌ଟିଏଫ୍‌) ଟିମ୍‌ ସୋମବାର ରାତିରେ...

ପୋଲ ନିକଟରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

କେନ୍ଦୁଝର,୨୭।୫(ସ୍ବ.ପ୍ର.): କେନ୍ଦୁଝର ଜିଲା ପଣ୍ଡାପଡ଼ା ଥାନା ଅଧୀନ ଜଙ୍ଘିରା ପଞ୍ଚାୟତ ବାହୁଟିଆ ଗ୍ରାମସ୍ଥ ଏକ ପୋଲ ନିକଟରୁ ଜଣେ ଯୁବକଙ୍କ ମୃତଦେହ ସୋମବାର ପୋଲିସ ଉଦ୍ଧାର...

ବର୍ଜ୍ୟବସ୍ତୁ ସଂଗ୍ରହ କରିବ ଭ୍ରାମ୍ୟମାଣ ଭ୍ୟାନ୍‌

ଭଦ୍ରକ ଅଫିସ, ୨୨।୭ – ଭଦ୍ରକ ପୌରାଞ୍ଚଳ ଅନ୍ତର୍ଗତ ସମସ୍ତ ୱାର୍ଡରୁ ଏଣିକି ଦୁଇଟି ଭ୍ରାମ୍ୟମାଣ ଭ୍ୟାନ୍‌ ବର୍ଜ୍ୟବସ୍ତୁ ସଂଗ୍ରହ କରିବ। ଏଥିପାଇଁ ସୋମବାର ପୌରପାଳିକା...

ବେଆଇନ ମଦ ଦୋକାନ ଭାଙ୍ଗିଲେ ଅସନ୍ତୁଷ୍ଟ ମହିଳା

ଖଇରା, ୧୨।୩(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଗଗନଧୂଳି ପଞ୍ଚାୟତ ଅଧୀନ ରାଇଗଢିଆ ଗ୍ରାମରେ ଗତ ୫ବର୍ଷରୁ ଊର୍ଦ୍ଧ୍ୱ ହେଲା ବେଆଇନ ମଦ ବିକ୍ରୟ କେନ୍ଦ୍ର ଚାଲିଥିବା...

ପାଣିରେ ବୁଡ଼ି ନାବାଳିକା ମୃତ

କେନ୍ଦୁଝର, ୩ା୬(ଡି.ଏନ୍‌.ଏ.)-କେନ୍ଦୁଝର ସଦର ଥାନା ପଦ୍ମପୁର ମେଗା ନର୍ସରୀ ନିକଟରେ ଥିବା ପୋଖରୀରେ ରବିବାର ଅପରାହ୍ନରେ ବୁଡିଯାଇ ଜଣେ ୭ବର୍ଷ ଶିଶୁକନ୍ୟାଙ୍କର ମୃତ୍ୟୁ ଘଟିଛି। ରବିବାର...

‘ରାଇବଣିଆ ଦୁର୍ଗର ପୁନରୁଦ୍ଧାର ଲାଗି ଉଦ୍ୟମ କରାଯିବ’

ଜଳେଶ୍ୱର, ୧୪।୭(ଡି.ଏନ.ଏ.)-ପର୍ଯ୍ୟଟନ, ସଂସ୍କୃତି ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ଶନିବାର ବାଲେଶ୍ୱର ଜିଲା ଜଳେଶ୍ୱର ବ୍ଲକ ଅଧୀନ ସୁବର୍ଣ୍ଣରେଖା ଅବବାହିକାରେ ଅବସ୍ଥିତ ଐତିହାସିକ ରାଇବଣିଆ ଦୁର୍ଗ ପରିଦର୍ଶନ...

Advertisement
Archives

Model This Week