ମୁମ୍ବାଇ,୧୯।୮: ଅନେକ ସମୟରେ ଶୁଣିବାକୁ ମିଳେ ଯେ, ପ୍ରତ୍ୟେକ ବ୍ୟକ୍ତିଙ୍କ ୭ ଜଣ ଡୁପ୍ଲିକେଟ୍ ବିଶ୍ୱରେ କେଉଁଠି ନା କେଉଁଠି ରହିଥାନ୍ତି। ସେହିଭଳି ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କର ମଧ୍ୟ ରହିଛନ୍ତି। ସେ ହେଉଛନ୍ତି ହଲିଉଡର ଲୋକପ୍ରିୟ ଅଭିନେତା ଡୋମିନିକ କୁପର। ‘କ୍ୟାପଟେନ ଆମେରିକା’ଓ ‘ଆବ୍ରାହମ ଲିଙ୍କନ- ଦ ବାମ୍ପାୟର ହଣ୍ଟର’ଭଳି ସଫଳ ଫିଲ୍ମରେ ସେ ଅଭିନୟ କରିଛନ୍ତି। ଦୁଇ ସେଲିବ୍ରେଟିଙ୍କ ଲୁକ୍ସରେ ଖୁବ୍ ସାମଞ୍ଜସ୍ୟ ରହିଛି। ସ୍ପାଇକ୍ ହେୟାର କଟ୍ ଓ ଦାଢ଼ି ଷ୍ଟାଇଲ ମଧ୍ୟ ଖୁବ ମେଳ ଖାଉଛି। ଉଚ୍ଚତାରେ କୋହଲିଙ୍କ ଠାରୁ କୁପର ମାତ୍ର ୦.୨ ମିଟର ଅଧିକ। ତେବେ ବିଶ୍ୱର ଶ୍ରେଷ୍ଠ ବ୍ୟାଟ୍ସମ୍ୟାନ ବିବେଚିତ ହେଉଥିବା କୋହଲିଙ୍କ ସହ ୪୧ ବର୍ଷୀୟ ଇଂଲିଶ ଅଭିନେତାଙ୍କ ଅନ୍ୟ କୌଣସି ସାମଞ୍ଜସ୍ୟ ନାହିଁ। କୋହଲିଙ୍କ ଭଳି ଦେଖାଯିବାରେ କୁପର ଏକା ନୁହନ୍ତି। ପାକିସ୍ତାନ ବ୍ୟାଟ୍ସମ୍ୟାନ ଅହମ୍ମଦ ଶେହଜାଦଙ୍କ ଲୁକ୍ରେ ମଧ୍ୟ ସାମଞ୍ଜସ୍ୟ ରହିଛି।
