କିରୋସିନ କୋଟା: ଅଗଷ୍ଟରୁ କଟିବ ୨୩%, ଫାଇଦା ଉଠାଇବେ କଳାବଜାରକାରୀ

କଟକ ଅଫିସ, ୯।୭: କଟକରେ କିରୋସିନ ଲିଟର ୧୦୦ ଟଙ୍କା। ଚୋରାରେ ବିକ୍ରି କରୁଥିବା ତେଜରାତି ଦୋକାନୀମାନେ କିରୋସିନ ଦେବା ପାଇଁ ଆଗରୁ ଅଗ୍ରିମ ନେଉଛନ୍ତି। ତେଜରାତି ଦୋକାନକୁ ଏହି ତେଲ କେଉଁଠୁ ଆସୁଛି, ତାହାକୁ ନେଇ ଲୋକେ ମଧ୍ୟ ଅନ୍ଧାରରେ ଅଛନ୍ତି। କଟକ ସହର ଓ ଜିଲାର ଗ୍ରାମାଞ୍ଚଳରେ ଏଭଳି ଅବସ୍ଥା ଲାଗି ରହିଥିବା ବେଳେ ଏବେ ଅଗଷ୍ଟ ମାସ କୋଟାରୁ କେନ୍ଦ୍ର ସରକାର ୨୩% କିରୋସିନ କାଟିଥିବା ଜଣାପଡ଼ିଛି। ୨୩% କିରୋସିନ କଟାଯିବା ପରେ କଳାବଜାରକାରୀଙ୍କ ପାଇଁ ଆହୁରି ସୁବର୍ଣ୍ଣ ସୁଯୋଗ ଆଣିବ। ଏଣିକି କିରୋସିନ ଲିଟର ୧୫୦ ଟଙ୍କା ହେବ ବୋଲି ଲୋକେ ଆଶଙ୍କା କରିଛନ୍ତି।
ଖୋଲା ବଜାରରେ କିରୋସିନ ମୂଲ୍ୟ ଚଢ଼ା ରହିଥିବାବେଳେ ୨୦୧୭ରୁ ଜିଲା ଯୋଗାଣ ବିଭାଗ ପକ୍ଷରୁ ଥରୁଟିଏ ମଧ୍ୟ ଏନ୍‌ଫୋର୍ସମେଣ୍ଟ କାର୍ଯ୍ୟକ୍ରମ କରାଯାଇନାହିଁ। ଏନ୍‌ଫୋର୍ସମେଣ୍ଟ ବନ୍ଦ ହେବା ପଛରେ ଜିଲା ଯୋଗାଣ ବିଭାଗର ଅଧିକାରୀମାନଙ୍କ ଯୁକ୍ତି ଅଜବ ରହିଛି। ଜିଲା ସହକାରୀ ଯୋଗାଣ ଅଧିକାରୀ ଜ୍ଞାନେନ୍ଦ୍ରୀୟ ମିଶ୍ରଙ୍କ କହିବା ଅନୁଯାୟୀ, ଆଧାର ଲିଙ୍କ୍‌ ହେବା ପରେ ଆଉ କଳାବଜାରର ପ୍ରଶ୍ନ କେଉଁଠୁ ଆସିବ। ତେବେ ଖୋଲାବଜାରରେ ଯେଉଁ ୧୦୦ ଟଙ୍କା ଦରରେ କିରୋସିନ ବିକ୍ରି କରାଯାଉଛି, ତାହା କେଉଁଠୁ ଆସୁଛି ବୋଲି ପଚାରିବାରୁ ହୁଏତ କାର୍ଡଧାରୀମାନେ ବିକ୍ରି କରିଦେଉଥିବେ ବୋଲି ମିଶ୍ର କହିଛନ୍ତି। କିନ୍ତୁ ବାସ୍ତବ କଥା ସମ୍ପୂର୍ଣ୍ଣ ଅଲଗା। କିରୋସିନରୁ ମିଳୁଥିବା ଟଙ୍କାକୁ ତଳୁ ଉପର ପର୍ଯ୍ୟନ୍ତ ବାଣ୍ଟକୁଣ୍ଟ କରାଯାଉଛି। ରିଟେଲର ପଏଣ୍ଟକୁ କେବେ କିରୋସିନ ଆସୁଛି ତାହା କାର୍ଡଧାରୀମାନେ ଜାଣିପାରୁ ନାହାନ୍ତି। ଫଳରେ ବାହାରୁ କିରୋସିନ ଆସିଥିବା କଥା ଶୁଣି କାର୍ଡଧାରୀମାନେ ରିଟେଲରଙ୍କ ପାଖକୁ ଯିବା ପରେ ତେଲ ସରିଗଲାଣି ବୋଲି ଉତ୍ତର ମିଳୁଛି। କଟକ ସହରର ବସ୍ତିବାସିନ୍ଦାମାନେ ମହମବତି ଓ ଜଡ଼ାତେଲ ପ୍ରସ୍ତୁତ ଦୀପରେ ଜୀବନ ବିତାଉଥିବାବେଳେ କିରୋସିନ କେବଳ କଳାବଜାରକାରୀଙ୍କ ପାଇଁ ଆସିଥିବା ବସ୍ତିନେତା ବୃନ୍ଦାବନ ଦାସ ଆଜାଦ କହିଛନ୍ତି।
କଟକ ଜିଲାକୁ ପ୍ରତି ମାସରେ ୧୧ ଲକ୍ଷ ୩୩ହଜାର ୨୯୬ ଲିଟର କିରୋସିନ ଯୋଗାଣ ହେଉଛି। ଜିଲାର ୪ ଲକ୍ଷ ୭୨ହଜାର ୨୦୭ ପରିବାରର ୧୭ ଲକ୍ଷ ୮୩ହଜାର ୯୯ ଜଣ ଲୋକଙ୍କ ପାଇଁ ଏହି କିରୋସିନ ଯୋଗାଇ ଦିଆଯାଉଛି। ସରକାରୀ ନିୟମ ଅନୁଯାୟୀ କାର୍ଡ ପିଛା ୨ ଲିଟର ୪୦୦ ମିଲିଲିଟର କିରୋସିନ ଦେବାର ବ୍ୟବସ୍ଥା ରହିଛି। ମାତ୍ର ପ୍ରକୃତପକ୍ଷେ ଲୋକଙ୍କୁ କେଉଁଠି ୨ ଲିଟର ତ କେଉଁଠି ଦେଢ ଲିଟର ଦେଲ ଦିଆଯାଉଛି। ଗୋଟେପଟେ ଲୋକଙ୍କ କୋଟାରୁ ରିଟେଲରମାନେ କାଟି ରଖୁଥିବାବେଳେ ଅନ୍ୟପଟେ ଲୋକଙ୍କୁ ଆଦୌ ନ ଜଣାଇ ସେମାନଙ୍କ କିରୋସିନକୁ କଳାବଜାରରେ ବିକ୍ରି କରୁଛନ୍ତି ବୋଲି ଅଭିଯୋଗ ହେଉଛି। କିଛିଦିନ ତଳେ ମାହାଙ୍ଗା ବ୍ଲକରେ କିରୋସିନ ବିକ୍ରିକୁ ନେଇ ଅପ୍ରୀତିକର ପରିସ୍ଥିତି ଉପୁଜିଥିଲା। ଲୋକଙ୍କ ପାଇଁ ଆସିଥିବା ଗୋଟିଏ ମାସର କୋଟାକୁ ସିଧା ବିକ୍ରି କରାଯିବା ନେଇ ମାହାଙ୍ଗା ପଞ୍ଚାୟତ ସମିତି ଅଧ୍ୟକ୍ଷ ଶରତ ନାୟକ ପ୍ରତିବାଦ କରିଥିଲେ। ଏହା ପରେ କିରୋସିନ କେଳେଙ୍କାରୀର ଖୋଳତାଡ଼ ହୋଇଥିଲା। ମାତ୍ର ଏହାର ଫଳ ଯୋଗାଣ ବିଭାଗ ଅଫିସ ଭିତରେ ସୀମିତ ରହିଥିଲା।
ଏବେ ଓଡ଼ିଶା ଅଗଷ୍ଟ ମାସରୁ ୨୩% କମ୍‌ କିରୋସିନ ପାଇବ। ଏପରିସ୍ଥଳେ କଟକରେ ୧୧ ଲକ୍ଷ ୩୩ହଜାର ୨୯୬ ଲିଟର ବଦଳରେ ପ୍ରାୟ ୮ ଲକ୍ଷ ଲିଟର କିରୋସିନ ମିଳିବ। ଏହାର ଭରପୂର ଫାଇଦା କଳାବଜାରକାରୀମାନେ ଉଠାଇବେ ବୋଲି ସାମାଜିକ କର୍ମୀ ପ୍ରଦୀପ ସାମଲ କହିଛନ୍ତି।
ଜିଲା ଯୋଗାଣ ଅଧିକାରୀ ଅମର ମହାପାତ୍ର କୁହନ୍ତି, କିରୋସିନ କଳାବଜାର ହେଉଥିବା ନେଇ ତାଙ୍କ ନିକଟରେ କୌଣସି ଅଭିଯୋଗ ହୋଇନାହିଁ। ଯେଉଁଠି ଯୋଗାଣ ସାମଗ୍ରୀ ବଣ୍ଟନରେ ବିଭ୍ରାଟ ଉପୁଜୁଛି, ସେଠାରେ ତତ୍କାଳ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।


Enter your email to get our daily news in your inbox.

All Right Reserved By Dharitri.Com

ଘରବାରଣ୍ଡାରେ ସିନ୍ଦୂରଲଗା ମଣିଷ ଖପୁରି

ନୟାଗଡ଼/ଭାପୁର, ୧୮।୧୧(ଲୋକନାଥ ମିଶ୍ର/ପ୍ରଭାତ ବରାଡ): ବାରିପଟ ଘର ବାରଣ୍ଡାରେ ପଡିଥିଲା ସିନ୍ଦୂର ଲାଗିଥିବା ମଣିଷ ଖପୁରି। ପ୍ରାୟ ୨ମାସ ହେଲା ବିଷ୍ଠା ଓ ଆବର୍ଜନା ବାରଣ୍ଡାରେ ପଡୁଥିବାବେଳେ…

ସୁନାର ରାସ୍ତାରେ ଚାଲିବେ ଲୋକେ, ଖୁବ୍‌ଶୀଘ୍ର ୨୪ କ୍ୟାରେଟ୍‌ ସୁନାରେ ହେବ ତିଆରି, ଜାଣନ୍ତୁ ପୂରା ପ୍ଲାନିଂ…

ଦୁବାଇ,୧୮ା୧୧: ଏଣିକି ଲୋକେ ଆଉ ପିଚୁ ରାସ୍ତାରେ ଚାଲିବେନି। ଏଥର ନିର୍ମାଣ ହେବ ସୁନାର ରାସ୍ତା। ଏପରି ରାସ୍ତା ଦେଖିବାକୁ ମିଳିବ କେବଳ ଦୁବାଇରେ। ଦୁବାଇ କେବେବି…

ମିଳିଲା ମ୍ୟୁନିସିପାଲିଟି ମାନ୍ୟତା, ମିଳୁନି ମୌଳିକ ସୁବିଧା: ଅନଶନ ପରେ ଉଠିଲା ଅଳିଆ ଆବର୍ଜନା

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ଏନଏସିକୁ ମ୍ୟୁନିସିପାଲିଟି ମାନ୍ୟତା ମିଳିବାର ପ୍ରାୟ ୧୧ ମାସ ବିତିବାକୁ ବସିଥିଲେ ମଧ୍ୟ ନୂତନ ଭାବେ ସାମିଲ…

ସକାଳୁ ସକାଳୁ ସୁନା-ରୁପା ଦରରେ ବଡ଼ ହ୍ରାସ, କିଲୋ ପିଛା ୯,୫୦୦ ଟଙ୍କା ଖସିଲା, ଜାଣନ୍ତୁ ଆଜିର ରେଟ୍‌

ନୂଆଦିଲ୍ଲୀ, ୧୮।୧୧: ଗତ କିଛି ଦିନ ହେବ ସୁନା ଓ ରୁପା ଦରରେ କ୍ରମାଗତ ଭାବେ ଉତ୍ଥାନ-ପତନ ଦେଖିବାକୁ ମିଳୁଛି। ବୁଧବାର ସୁନା ଲଗାତାର ଷଷ୍ଠ ବାଣିଜ୍ୟିକ…

ମଇଦାନରେ ଏମିତି ହେବା ପଡ଼ିଲା ଭାରି, ଗୁରନୂରଙ୍କ ଉପରେ ICCର କାର୍ଯ୍ୟାନୁଷ୍ଠାନ, ମିଳିଲା ଏହି ଦଣ୍ଡ

ନୂଆଦିଲ୍ଲୀ, ୧୮।୧୧: ନ୍ୟୁଜିଲାଣ୍ଡ ବିପକ୍ଷରେ ମାଉଣ୍ଟ ମାଉଙ୍ଗାନୁଇରେ ଖେଳାଯାଇଥିବା ଚତୁର୍ଥ ଦିନିକିଆ ମ୍ୟାଚ ସମୟରେ ଭାରତୀୟ ଦ୍ରୁତ ବୋଲର ଗୁରନୂର ବରାଡ ଅନ୍ତର୍ଜାତୀୟ କ୍ରିକେଟ ପରିଷଦ (ICC)ର…

ଭୀଷଣ ବାତ୍ୟାର ରୂପ ନେଲା ‘ଅକ୍ୱାନ’: ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା

ଭୁବନେଶ୍ୱର,୧୮।୧୧: ଭୀଷଣ ବାତ୍ୟାର ରୂପ ନେଲା ସାମୁଦ୍ରିକ ଝଡ଼ ‘ଅକ୍ୱାନ’। ବୁଧବାର ସକାଳ ୫ଟା ୩୦ ମିନିଟ୍‌ର ପର୍ଯ୍ୟବେକ୍ଷଣ ଅନୁଯାୟୀ, ଏହା ଭୀଷଣ ବାତ୍ୟାରେ ପରିଣତ ହୋଇଛି।…

ସୋନିଆଙ୍କ ବହି ଲଞ୍ଚିଂ ପରେ ଯାଆ ମେନକାଙ୍କ ଭିଡିଓ ଭାଇରାଲ, କହିଲେ ସେ ମୋର ବନ୍ଧୁ ନୁହନ୍ତି…

ନୂଆଦିଲ୍ଲୀ,୧୮।୧୧: କଂଗ୍ରେସ ନେତା ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଗ: ଏ ଜର୍ନି ଅଫ ଲଭ’ ଲଞ୍ଚ ହୋଇସାରିଛି। ଏହି ପୁସ୍ତକରେ ସୋନିଆ ଗାନ୍ଧୀ ନିଜର ଗାନ୍ଧୀ ପରିବାରଠାରୁ…

ଗୁଜରାଟ ଛାଡ଼ିଲେ ବିଲ୍‌କିସ ବାନୋ

ଭଦୋଦରା,୧୮ା୧୧: ୨୦୦୨ ଗୁଜରାଟ ଦଙ୍ଗା ସମୟରେ ବିଲ୍‌କିସ ବାନୋଙ୍କୁ ବଳାତ୍କାର ଓ ତାଙ୍କ ପରିବାର ସଦସ୍ୟଙ୍କୁ ହତ୍ୟା ମାମଲାରେ ୨ ଦୋଷୀଙ୍କୁ ଜାମିନ ମିଳିବା ପରେ ଏଥିରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?