Posted inଖେଳ

ଓ୍ବାଲର୍‌ଡ ୟୁନିଭର୍ସିଟି ଗେମ୍ସ: ଚାପ ସ୍ଥିତିରେ ସର୍ବଦା ଭଲ ପ୍ରଦର୍ଶନ କରି ଆସିଛି -ଦୂତୀ

ଭୁବନେଶ୍ୱର, ୧୧।୭(କ୍ରୀଡ଼ା ପ୍ରତିନିଧି)- ”ଇଟାଲି ପ୍ରତିଯୋଗିତାରେ ୧୦୦ ମିଟର ପ୍ରତିଦ୍ୱନ୍ଦ୍ୱିତା ବହୁତ ଟପ୍‌ ଥିଲା। ଟାଇମିଂ ଅନୁସାରେ ମୁଁ ୫ ନମ୍ବରରେ ଥିଲି। ୩ ପ୍ରତିଯୋଗି ୧୧ ସେକେଣ୍ଡ, ୧୧.୦୩ ଓ ୧୧.୧୫ ଥିଲେ। ତେଣୁ ପଦକ ଜିତିବା ଆଶା ନ ଥିଲା। ତେବେ ଭଲ ଟାଇମିଂ ଦେବି ବୋଲି ଆଶା ରଖିଥିଲି। ସେହି ଅନୁସାରେ ମୁଁ ହିଟ୍ସରୁ ସେମିଫାଇନାଲରେ ଭଲ ଏବଂ ସେମିଫାଇନାଲରୁ ଫାଇନାଲରେ ଭଲ ଟାଇମିଂ ଦେଇ ସଫଳ ହେଲି। ଖେଳ ଜୀବନର ୧୫ ବର୍ଷର କ୍ୟାରିୟରରେ ପ୍ରଥମଥରପାଇଁ ଏପରି ଏକ ସଫଳତା ପାଇ ମୁଁ ବହୁତ ଖୁସି। ସ୍ବର୍ଣ୍ଣ ପଦକ ପାଇଲି ଏବଂ ବିଶ୍ୱର ନମ୍ବରଓ୍ବାନ ହୋଇ ପାରିଲି। ଏହା ମୋ ପାଇଁ ବହୁତ ବଡ଼ ସଫଳତା“ ବୋଲି ନାପୋଲିଠାରେ ଚାଲିଥିବା ଓ୍ବାଲର୍‌ଡ ୟୁନିଭର୍ସିଟି ଗେମ୍ସର ମହିଳା ୧୦୦ ମିଟରରେ ସ୍ବର୍ଣ୍ଣ ପଦକ ହାସଲ କରିଥିବା ଓଡ଼ିଶାର ଦୂତୀ ଚାନ୍ଦ ନିଜ ପ୍ରତିକ୍ରିୟାରେ ପ୍ରକାଶ କରିଛନ୍ତି। ସ୍ପ୍ରିଣ୍ଟ କୁଇନ୍‌ ଦୂତୀ ୧୦୦ ମିଟର ହିଟ୍ସରେ ୧୧.୪୮, ସେମିଫାଇନାଲରେ ୧୧.୪୧ ଓ ଫାଇନାଲରେ ୧୧.୩୨ ସେକେଣ୍ଡ ସମୟ ନେଇଥିଲେ। କିଛିଦିନ ତଳେ ସମଲିଙ୍ଗି ସମ୍ପର୍କକୁ ନେଇ ଚର୍ଚ୍ଚାରେ ରହିଥିଲେ ଏହି ଓଡ଼ିଆ ସ୍ପ୍ରିଣ୍ଟର। ମାତ୍ର ଏହା ତାଙ୍କ ପଦର୍ଶନକୁ ପ୍ରଭାବିତ କରିପାରି ନାହିଁ ବୋଲି ସେ କହିଛନ୍ତି। ”ମୋ ଜୀବନରେ ଏପରି କିଛି ନା କିଛି ଘଟଣା ଘଟି ଚାଲିଛି। ତେବେ ଚାପ ପରିସ୍ଥିତିରେ ମୁଁ ସବିବେଳେ ଭଲ ପ୍ରଦର୍ଶନ ଦେଇ ଆସିଛି। କାରଣ ୨୦୧୪ରେ ହାଇପରଆଣ୍ଡ୍ରୋଜେନିଜମ୍‌କୁ ନେଇ ବଡ଼ ବିପଦର ସମ୍ମୁଖୀନ ହୋଇଥିଲି ପରେ ୨୦୧୬ରେ ଅଲିମ୍ପିକ୍ସରେ ଅଂଶଗ୍ରହଣ କଲି। ୨୦୧୭ରେ ଅନ୍ୟ ଏକ ସମସ୍ୟା ଆସିଥିଲା। ପରେ ୨୦୧୮ରେ ମୁଁ ଏସିଆନ ଗେମ୍ସରେ ୨ଟି ପଦକ ହାସଲ କଲି। ପୁଣି ଏବେ ବ୍ୟକ୍ତିଗତ କାରଣକୁ ନେଇ ମୁଁ ଚର୍ଚ୍ଚାରେ ରହିଥିଲି, ମାତ୍ର ତାକୁ ପଛରେ ପକାଇ ଜୀବନରେ ଏକ ଏକ ବଡ଼ ସଫଳତା ପାଇଲି। ହଁ ସମଲିଙ୍ଗି ସମ୍ପର୍କ ଘଟଣା ବାହାରକୁ ଆସିବା ପରେ ମୁଁ ୧୦-୧୫ ଦିନ ଚାପରେ ରହିଥିଲି, ମାତ୍ର ପରେ ସବୁକିଛି ଠିକ୍‌ ହୋଇ ଯାଇଥିଲା। କ୍ୟାରିୟର ଉପରେ ଫୋକସ ରଖିଲେ ସବୁକିଛି ଠିକ୍‌ ରହିବ ବୋଲି ସମ୍ପ୍ରତି ଇଟାଲିରେ ଥିବା ଦୂତୀ ପ୍ରକାଶ କରିଛନ୍ତି।

ଜାତୀୟ ରେକର୍ଡର ଅଧିକାରିଣୀ ଦୂତୀ ପ୍ରଥମ ଭାରତୀୟ ମହିଳା ଟ୍ରାକ୍‌ ଆଣ୍ଡ ଫିଲ୍ଡ ଆଥଲେଟ୍‌ଭାବେ ଓ୍ବାଲର୍‌ଡ ୟୁନିଭର୍ସିଟି ଗେମ୍ସରେ ସ୍ବର୍ଣ୍ଣ ପଦକ ହାସଲ କରିଛନ୍ତି। ୮ ଆଥଲେଟ୍‌ଙ୍କୁ ନେଇ ଅନୁଷ୍ଠିତ ଫାଇନାଲରେ ଦୂତୀ ୪ ନମ୍ବର ଲେନ୍‌ରେ ରେସ୍‌ କରିଥିଲେ। ସୁଇଜରଲାଣ୍ଡର ଡେଲ୍‌ ପୋଣ୍ଟେଙ୍କ ନିକଟରୁ ସେ କଡ଼ା ଚ୍ୟାଲେଞ୍ଜ ପାଇଥିଲେ ହେଁ ଶେଷରେ ୧ ସେକେଣ୍ଡ ବ୍ୟବଧାନରେ ସ୍ବର୍ଣ୍ଣିମ ସଫଳତା ପାଇଥିଲେ। ପୋଣ୍ଟେ ୧୧.୩୩ ସେକେଣ୍ଡ ସହ ରୌପ୍ୟ ଏବଂ ଜର୍ମାନୀର ଲିସା କ୍ୱାୟି ୧୧.୩୯ ସେକେଣ୍ଡ ନେଇ ବ୍ରୋଞ୍ଜ ପଦକ ହାସଲ କରିଥିଲେ। ୧୧.୨୪ ସେକେଣ୍ଡ ଟାଇମିଂ ସହ ଜାତୀୟ ରେକର୍ଡର ଅଧିକାରିଣୀ ଦୂତୀ ପ୍ରଥମ ଭାରତୀୟ ଆଥଲେଟ୍‌ଭାବେ ଏପରି ଏକ ବିଶ୍ୱସ୍ତରୀୟ ଇଭେଣ୍ଟର ୧୦୦ ମିଟରରେ ସ୍ବର୍ଣ୍ଣ ପଦକ ପାଇଲେ। ମୋଟ ଉପରେ ଦେଖିବାକୁଗଲେ ବିଶ୍ୱସ୍ତରୀୟ ଇଭେଣ୍ଟର ଆଥଲେଟିକ୍ସରେ ସ୍ବର୍ଣ୍ଣ ପଦକ ହାସଲ କରିବାରେ ସେ ଦ୍ୱିତୀୟ ଭାରତୀୟ। ତାଙ୍କ ପୂର୍ବରୁ ହିମା ଦାସ ଗତବର୍ଷ ବିଶ୍ୱ ଜୁନିୟର ଆଥଲେଟିକ୍ସ ଚାମ୍ପିୟନଶିପ୍‌ର ୪୦୦ ମିଟରରେ ସ୍ବର୍ଣ୍ଣ ପଦକ ପାଇଥିଲେ। ୨୦୧୮ ଏସିଆନ ଗେମ୍ସର ଉଭୟ ୧୦୦ ଓ ୨୦୦ ମିଟରରେ ରୌପ୍ୟ ପଦକ ହାସଲ କରିଥିବା ଦୂତୀ ଭାରତର ଦ୍ୱିତୀୟ ଟ୍ରାକ୍‌ ଆଣ୍ଡ ଫିଲ୍ଡ ଆଥଲେଟ୍‌ଭାବେ ଓ୍ବାଲର୍‌ଡ ୟୁନିଭର୍ସିଟି ଗେମ୍ସରେ ସ୍ବର୍ଣ୍ଣ ପଦକ ପାଇଛନ୍ତି। ୨୦୧୫ରେ ପୁରୁଷ ଶଟ୍‌ପୁଟ୍‌ ଇଭେଣ୍ଟରେ ଭାରତର ଇନ୍ଦରଜିତ ସିଂ ଏହି ସଫଳତା ପାଇଥିଲେ। ୨୦୧୭ ଓ୍ବାଲର୍‌ଡ ୟୁନିଭର୍ସି ଗେମ୍ସରେ ଦୂତୀ ସେମିଫାଇନାଲରେ ପ୍ରବେଶ କରିବାରେ ବିଫଳ ହୋଇଥିଲେ। କିଟ୍‌ ବିଶ୍ୱବିଦ୍ୟାଳୟର ଛାତ୍ରୀ ଭାବେ ସେ ଏହି ପ୍ରତିଯୋଗିତାରେ ଅଂଶଗ୍ରହଣ କରି ଏଥର ବଡ଼ ସଫଳତା ପାଇଛନ୍ତି। ଗତ ଏପ୍ରିଲରେ ଦୂତୀ ଦୋହା ଏସିଆନ ଚାମ୍ପିୟନଶିପ୍‌ରେ ସିଜନଶ୍ରେଷ୍ଠ ୧୧.୨୬ ସେକେଣ୍ଡ ସମୟ ନେଇଥିଲେ।

ରାଷ୍ଟ୍ରପତି, କ୍ରୀଡ଼ାମନ୍ତ୍ରୀଙ୍କ ଅଭିନନ୍ଦନ

ଏପରି ଏକ ବଡ଼ ସଫଳତା ପାଇଁ ଦୂତୀଙ୍କୁ ରାଷ୍ଟ୍ରପତି ରାମ ନାଥ କୋବିନ୍ଦ ଓ କେନ୍ଦ୍ର କ୍ରୀଡ଼ାମନ୍ତ୍ରୀ କିରନ ରିଜିଜୁ ଅଭିନନ୍ଦନ ଜଣାଇଛନ୍ତି। ଓ୍ବାଲର୍‌ଡ ୟୁନିଭର୍ସିଟି ଗେମ୍ସର ୧୦୦ ମିଟରରେ ସ୍ବର୍ଣ୍ଣ ପଦକ ପାଇଁ ଦୂତୀଙ୍କୁ ଅଭିନନ୍ଦନ। ପ୍ରଥମ ଭାରତୀୟଭାବେ ଏପରି ସଫଳତା ଅର୍ଜନ କରି ଦୂତୀ ଦେଶକୁ ଗର୍ବିତ କରିଛନ୍ତି। ଏପରି ପ୍ରଦର୍ଶନ ଜାରି ରଖି ଅଲିମ୍ପିକ୍ସରେ ସଫଳତା ଅର୍ଜନ କର ବୋଲି ରାଷ୍ଟ୍ରପତି ଟୁଇଟ୍‌ କରିଛନ୍ତି। ଜବାବରେ ଦୂତୀ ରାଷ୍ଟ୍ରପତିଙ୍କୁ ଧନ୍ୟବାଦ ଜଣାଇବା ସହ ଶ୍ରେଷ୍ଠ ପ୍ରଦର୍ଶନ ଜାରି ରଖି ଅଲିମ୍ପିକ୍ସରେ ସ୍ବର୍ଣ୍ଣ ପଦକ ଆଣିବାକୁ ଉଦ୍ୟମ କରିବେ ବୋଲି ପ୍ରକାଶ କରିଛନ୍ତି। ଦୂତୀଙ୍କ ପ୍ରଦର୍ଶନରେ କ୍ରୀଡ଼ାମନ୍ତ୍ରୀ ଶତମୁଖ ହୋଇଛନ୍ତି। ମୁଁ ପିଲାଦିନରୁ ଏପରି ସଫଳତାର ସନ୍ଧାନରେ ଥିଲି, ମାତ୍ର ସେ କ୍ଷଣ କେବେ ଆସି ନ ଥିଲା। ପ୍ରଥମଥରପାଇଁ ଭାରତ ପାଇଁ ସ୍ବର୍ଣ୍ଣ ପଦକ ଆଣିଥିବାରୁ ତୁମକୁ ଅଭିନନ୍ଦନ ବୋଲି ରିଜଜୁ ଟୁଇଟ୍‌ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

୭ ବର୍ଷ ପରେ ଆଇପିଏଲ୍‌ରେ ଖେଳିବେ ଓଡ଼ିଆ ଖେଳାଳି

ବାଙ୍ଗାଲୋର,୧୩।୨: ଦୀର୍ଘ ୭ ବର୍ଷ ପରେ ପ୍ରଥମ ଥର ପାଇଁ ଜଣେ ଓଡ଼ିଆ ଖେଳାଳି ଭାବେ ଇଣ୍ଡିଆନ୍‌ ପ୍ରିମିୟର ଲିଗ୍‌ (ଆଇପିଏଲ୍‌)ରେ ଖେଳିବାକୁ ଯାଉଛନ୍ତି ଶୁଭ୍ରାଂଶୁ...

ନଂ ୪ ଉପରେ ଫୋକସ ଭାରତ- ନ୍ୟୁଜିଲାଣ୍ଡ ବିଶ୍ୱକପ୍‌ ଓ୍ବାର୍ମଅପ୍‌

ଲଣ୍ଡନ,୨୪।୫(ପି.ଟି.)- ଆଉ ମାତ୍ର ୭ ଦିନ ପରେ ଇଂଲଣ୍ଡରେ ଆନ୍ତର୍ଜାତିକ କ୍ରିକେଟ କାଉନସିଲ (ଆଇସିସି) ଦିନିକିଆ ବିଶ୍ୱକପ୍‌ ଆରମ୍ଭ ହେବାକୁ ଯାଉଛି। ଟୁର୍ନାମେଣ୍ଟର ଅନ୍ୟତମ ଫେଭରାଇଟ୍‌...

ଖେଲୋ ଇଣ୍ଡିଆ ୟୁଥ୍‌ ଗେମ୍ସ: ସ୍ବସ୍ତିଙ୍କୁ ଆଉ ଏକ ସ୍ବର୍ଣ୍ଣ

ଭୁବନେଶ୍ୱର, ୧୬ା୧(କ୍ରୀଡ଼ା ପ୍ରତିନିଧି)-  ଜଣେ ଓଡ଼ିଆ ଖେଳାଳି କୌଣସି ଗୋଟିଏ ଜାତୀୟ ପ୍ରତିଯୋଗିତାରେ ୨ ସ୍ବର୍ଣ୍ଣ ଓ ୧ ରୌପ୍ୟ ପଦକ ଜିତିବା ନିଶ୍ଚିତ କଷ୍ଟକର...

ଆଇପିଏଲ୍‌ର ଦ୍ୱିତୀୟ ପର୍ଯ୍ୟାୟରେ ବି କରୋନା ଏଣ୍ଟ୍ରି: ଜଣେ ଖେଳାଳି ପଜିଟିଭ୍‌ ଚିହ୍ନଟ

ୟୁଏଇ,୨୨।୯: ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚ ପୂର୍ବରୁ ସନରାଇଜର୍ସ ହାଇଦ୍ରାବାଦର ଜଣେ ଖେଳାଳି କରୋନା ପଜିଟିଭ ବୋଲି ଜଣାପଡିଛି। ଫଳରେ ତାଙ୍କ ସଂସ୍ପର୍ଶରେ ଆସିଥିବା ୬...

‘ଏହି ଦୁଇ ଟିମ୍‌ ଖେଳିବେ ଆଇପିଏଲ୍‌ ଫାଇନାଲ’

ନୂଆଦିଲ୍ଲୀ,୨୭।୫: ଭାରତର ପୂର୍ବ କ୍ରିକେଟର ସଞ୍ଜୟ ମଞ୍ଜରେକର ଆଇପିଏଲ୍‌ ଫାଇନାଲକୁ ନେଇ ଭବିଷ୍ୟବାଣୀ କରିଛନ୍ତି। ରବିବାର ଖେଳାଯିବାକୁ ଥିବା ମୁକାବିଲାରେ ଗୁଜରାଟ ଟାଇଟନ୍ସ ସହ ରୟାଲ...

ଯାହା କୋହଲି କରିପାରି ନ ଥିଲେ, ତାହା କରି ଦେଖାଇଲେ ରୋହିତ ଶର୍ମା

କୋଲକତା,୨୦।୨: ଭାରତୀୟ କ୍ରିକେଟ ଦଳ ୱେଷ୍ଟଇଣ୍ଡିଜ ବିପକ୍ଷ ୩ ମ୍ୟାଚ ବିଶିଷ୍ଟ ଟି-୨୦ ସିରିଜକୁ ୩-୦ରେ ଜିତିଛି। ସିରିଜର ତୃତୀୟ ତଥା ଅନ୍ତିମ ଟି -୨୦...

ଦୁଇ ଭାଗ ହୋଇଛି ଭାରତୀୟ ଡ୍ରେସିଂ ରୁମ୍‌; କୋହଲି- ରାହୁଲଙ୍କୁ ନେଇ ପୂର୍ବ କ୍ରିକେଟର କହିଲେ…

ନୂଆଦିଲ୍ଲୀ,୨୧।୧: ଅନେକ ଥର ଭାରତୀୟ କ୍ରିକେଟ ଦଳ ଦୁଇ ଭାଗ ହୋଇଥିବା ନେଇ ଚର୍ଚ୍ଚା ହୋଇଆସିଛି। ବିରାଟ କୋହଲି ଏବଂ ରୋହିତ ଶର୍ମାଙ୍କୁ ନେଇ ଏଭଳି...

ଧୋନୀଙ୍କ ପ୍ରଥମ ରୋଜଗାର କେତେ ଟଙ୍କା ଥିଲା ଜାଣନ୍ତି କି

ମହେନ୍ଦ୍ର ସିଂ ଧୋନୀ ଆଜି ୩୭ ବର୍ଷରେ ପଦାର୍ପଣ କରିଛନ୍ତି। ବଡ କ୍ରିକେଟର ହେବା ତାଙ୍କ ଖୁବ୍‌ ସଂଘର୍ଷ କରିବାକୁ ପଡିଥିଲା। ମହେନ୍ଦ୍ର ସିଂ ଧୋନୀ...

Advertisement
Archives

Model This Week