ଏସ୍‌ସିବି ମେଡିକାଲ: ୫୦୦ରୁ ୨୫୦ ପ୍ରକାର ଔଷଧ ମିଳୁଛି

କଟକ ଅଫିସ, ୩।୧୧: ନିରାମୟ ଯୋଜନାରେ ସରକାର ୫୦୦ରୁ ଊର୍ଦ୍ଧ୍ୱ ପ୍ରକାରର ଔଷଧ ଯୋଗାଇଦେବା ପାଇଁ ବ୍ୟବସ୍ଥା କରିଥିଲେ। ମାତ୍ର ଏବେ ଏସ୍‌ସିବି ମେଡିକାଲରେ ୨୦୦ରୁ ୨୫୦ ପ୍ରକାରର ଔଷଧ ମହଜୁଦ ରହୁଛି। ଜୀବନରକ୍ଷାକାରୀ ଏଆର୍‌ଭି ଇଞ୍ଜେକଶନ (କୁକୁର କାମୁଡ଼ା), ଏଏସ୍‌ଭି ଇଞ୍ଜେକଶନ (ସାପ କାମୁଡ଼ା), ମାନିଟଲ (ଟ୍ରମା ରୋଗୀମାନଙ୍କ ପାଇଁ) ଉପଲବ୍ଧ ନାହିଁ। ମେଡିକାଲରେ ଦୈନିକ ୧ହଜାର ରୋଗୀଙ୍କୁ ଔଷଧର ଆବଶ୍ୟକତା ପଡୁଛି। ମାତ୍ର ଡାକ୍ତର ଲେଖୁଥିବା ଚିଠା ଅନୁଯାୟୀ ୨୦ରୁ ୩୦ ପ୍ରତିଶତ ରୋଗୀଙ୍କୁ ଶତ ପ୍ରତିଶତ ଔଷଧ ଯୋଗାଇ ହେଉ ନ ଥିବା ଜଣେ ଡାକ୍ତର ନାମ ଗୋପନ ରଖି କହିଛନ୍ତି।

ମେଡିକାଲରେ ୪ଟି ନିରାୟମ କେନ୍ଦ୍ର ଓ ୪ଟି ସହବନ୍ଧିତ ଦୋକାନରୁ ରୋଗୀଙ୍କୁ ମାଗଣାରେ ଔଷଧ ଦିଆଯିବା ବ୍ୟବସ୍ଥା ରହିଛି। କିନ୍ତୁ ରୋଗୀମାନେ ଉଭୟ ନିରାମୟ କେନ୍ଦ୍ର ଓ ସହବନ୍ଧିତ ଦୋକାନରୁ ଅଧାରୁ ଅଧିକ ଔଷଧ ନ ପାଇ ପୁନର୍ବାର ଡାକ୍ତରଙ୍କ ପାଖକୁ ଫେରୁଛନ୍ତି। ଡାକ୍ତରମାନେ ନିରୁପାୟ ରହୁଛନ୍ତି। କାରଣ ଘରୋଇ ମେଡିସିନ ଷ୍ଟୋରକୁ ଚିଠା ଲେଖିବା ବେଆଇନ। ଏଭଳି ସ୍ଥିତିରେ ରୋଗୀମାନେ ହୀନସ୍ତା ଭୋଗୁଛନ୍ତି। ଗତ ବୁଧବାର ଏସ୍‌ସିବି ମେଡିକାଲରେ ଏଭଳି ଏକ ଘଟଣା ଦେଖିବାକୁ ମିଳିଥିଲା। ଦନ୍ତ ବିଭାଗର ଜନୈକ ରୋଗୀ ପାଇଁ ଜଣେ ଡାକ୍ତର ଏକ ଔଷଧ ଲେଖିଥିଲେ। ଔଷଧଟି ମେଡିକାଲ ସହ ସହବନ୍ଧିତ ଦୋକାନରୁ ଆଣିବା ନିମନ୍ତେ ଡାକ୍ତର ପରାମର୍ଶ ଦେଇଥିଲେ। ରୋଗୀ ଜଣକ ଗୋଟିଏ ପରେ ଗୋଟିଏ ସହବନ୍ଧିତ ଦୋକାନ ବୁଲି ଶେଷରେ ନିରାଶ ହୋଇ ପୁନର୍ବାର ଡାକ୍ତରଙ୍କ ପାଖକୁ ଫେରିଥିଲେ। ମାତ୍ର ଡାକ୍ତର ଜଣକ କୌଣସି ଘରୋଇ ମେଡିସିନ ଷ୍ଟୋରରୁ ଔଷଧ କିଣିବା ପାଇଁ ପରାମର୍ଶ ଦେଇପାରିବେ ନାହିଁ ବୋଲି ସିଧା କହିଥିଲେ। କେବଳ ଏହି ଗୋଟିଏ ଘଟଣା ନୁହେଁ, ମେଡିକାଲ ହୃଦ୍‌ବକ୍ଷଶଲ୍ୟ, ସ୍ନାୟୁଶଲ୍ୟ, ନେଫ୍ରୋଲୋଜି, ମାନସିକ ରୋଗ ବିଭାଗରେ ମଧ୍ୟ ଏଭଳି ଅବସ୍ଥା ଉପୁଜିଛି। ଅଧିକାଂଶ ଔଷଧ ଉପଲବ୍ଧ ନ ଥିବାରୁ ମାନସିକ ରୋଗୀମାନେ ହଇରାଣ ହେଉଛନ୍ତି।

ଅନ୍ୟପକ୍ଷରେ ସହବନ୍ଧିତ ଔଷଧ ଦୋକାନଗୁଡ଼ିକର ବହୁ କୋଟି ଟଙ୍କା ମେଡିକାଲ ଉପରେ ବାକି ପଡ଼ିଛି। ତେଣୁ ମେଡିକାଲକୁ ଔଷଧ ଯୋଗାଣ କରିବା ଆଉ ସମ୍ଭବ ନୁହେଁ ବୋଲି ସହବନ୍ଧିତ ଦୋକାନୀମାନଙ୍କ ମଧ୍ୟରୁ ମେଡିବ୍ୟାଙ୍କ ନାମକ ଦୋକାନ ପକ୍ଷରୁ ଗତ ସପ୍ତାହରେ ଅଧୀକ୍ଷକଙ୍କୁ ଚରମପତ୍ର ଲେଖାଯାଇଛି। ମେଡିକାଲ ପକ୍ଷରୁ ଲୋକାଲ ପର୍ଚ୍ଚେଜ ଜରିଆରେ ସହବନ୍ଧିତ ଦୋକାନଗୁଡ଼ିକରୁ ଔଷଧ କ୍ରୟ କରାଯାଇଥାଏ। ମାତ୍ର ଦୀର୍ଘଦିନ ହେବ ମେଡିକାଲ ପକ୍ଷରୁ ଟଙ୍କା ପଇଠ କରା ନ ଯିବାରୁ ସେମାନେ ଅସୁବିଧାରେ ପଡ଼ିଥିବା ମେଡିବ୍ୟାଙ୍କ ମାଲିକ ଦୀପ୍ତିରଞ୍ଜନ ମହାନ୍ତି କହିଛନ୍ତି। ମେଡିବ୍ୟାଙ୍କ ମେଡିକାଲଠାରୁ ୭ କୋଟି ଟଙ୍କା ପାଇବ। ଏହି କ୍ରମରେ ଆଉ ୩ଟି ସହବନ୍ଧିତ ଦୋକାନର ବାକି ୧୩ କୋଟି ପାଖାପାଖି ଥିବା ଜଣାପଡ଼ିଛି। ଏ ସମ୍ପର୍କରେ ଏସ୍‌ସିବି ମେଡିକାଲ ଅଧୀକ୍ଷକ ପ୍ରଫେସର ଡା. ସିବିକେ ମହାନ୍ତି କୁହନ୍ତି, ସରକାର ଇତିମଧ୍ୟରେ ସହବନ୍ଧିତ ଔଷଧ ଦୋକାନଗୁଡ଼ିକ ନିମନ୍ତେ ୫ କୋଟି ଟଙ୍କା ମଞ୍ଜୁର କରିଛନ୍ତି। ଉକ୍ତ ଟଙ୍କା ଖୁବ୍‌ଶୀଘ୍ର ସେମାନଙ୍କ ମଧ୍ୟରେ ବଣ୍ଟନ କରାଯିବ।
ମେଡିକାଲର ଜଣେ ଡାକ୍ତର ନାମ ଗୋପନ ରଖି କହିଛନ୍ତି, ସରକାର ସବୁ ମାଗଣା କରିଦେଲେ। କିନ୍ତୁ ମାଗଣା କରିବା ପୂର୍ବରୁ ଭିତ୍ତିଭୂମିରେ ସୁଧାର ଆଣିଲେ ନାହିଁ। ଫଳରେ ରୋଗୀମାନେ ପୂର୍ବାପେକ୍ଷା ଅଧିକ ହଇରାଣ ହେଉଛନ୍ତି। ପରୀକ୍ଷା ନିରୀକ୍ଷା ପାଇଁ ରୋଗୀମାନେ ସକାଳୁ ସନ୍ଧ୍ୟା ପର୍ଯ୍ୟନ୍ତ ଧାଡିରେ ଛିଡ଼ା ହେଉଛନ୍ତି। ମାଗଣା ହୋଇଯିବା ପରେ ରୋଗୀ ସଂଖ୍ୟା ଦୁଇଗୁଣ ବୃଦ୍ଧି ପାଇଛି। ମାତ୍ର ନିରାମୟ କେନ୍ଦ୍ର ସଂଖ୍ୟାରେ ବୃଦ୍ଧି ଘଟୁନାହିଁ। ତେଣୁ ନିରାମୟ କେନ୍ଦ୍ର ଆଗରେ ଲମ୍ବା ଧାଡ଼ି ରାତି ପାହିଲେ ଦେଖିବାକୁ ମିଳୁଛି। ଏ ସମ୍ପର୍କରେ ଅଧୀକ୍ଷକ ପ୍ରଫେସର ମହାନ୍ତି କୁହନ୍ତି, ନିରାମୟ କେନ୍ଦ୍ର ବଢାଇବା ପାଇଁ ଯୋଜନା କରାଯାଉଛି।


Enter your email to get our daily news in your inbox.

All Right Reserved By Dharitri.Com

ଖାଇବାକୁ ଯାଉଥିବା ବେଳେ ପିକଅପ୍ ଭ୍ୟାନ ଧକ୍କାରେ କଂଗ୍ରେସ ନେତାଙ୍କ ଦେହାନ୍ତ; ଅଞ୍ଚଳରେ ଶୋକ

ଭଞ୍ଜନଗର,୧୯।୧୧(ବାବୁଲା ପ୍ରଧାନ): ଭଞ୍ଜନଗରରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ପିକ୍‌ଅପ୍ ଭ୍ୟାନ୍ ଧକ୍କାରେ କଂଗ୍ରେସ ନେତାଙ୍କ ଦେହାନ୍ତ ହୋଇଛି । ଜଣାଶୁଣା କଂଗ୍ରେସ ନେତା ତଥା…

ସଫେଇ ଦେଲେ ଟିମ ଇଣ୍ଡିଆର ବ୍ୟାଟିଂ କୋଚ୍‌: ସିରାଜଙ୍କୁ ଦଳରୁ ବାଦ ଦେବାକୁ ନେଇ କହିଦେଲେ ଭିତିରି କଥା

ୱେଲିଂଟନ,୧୯।୧୧: ୱେଲିଂଟନ ଟେଷ୍ଟରେ ଭାରତୀୟ ଦଳର ପ୍ରଦର୍ଶନ ଅପେକ୍ଷା ଚୂଡ଼ାନ୍ତ ଏକାଦଶ ଚୟନକୁ ନେଇ ଅଧିକ ଚର୍ଚ୍ଚା ହେଉଛି। ପ୍ରଥମ ଟେଷ୍ଟରେ ରବୀନ୍ଦ୍ର ଜାଡେଜା ଓ ମହମ୍ମଦ…

ମ୍ୟାଚର ମୋଡ଼ ବଦଳାଇଦେଲେ ନ୍ୟୁଜିଲାଣ୍ଡର ଏହି ଖେଳାଳି: ଶତକ ମାରି ହାସଲ କଲେ ବଡ଼ ଉପଲବ୍ଧି , ଦଳକୁ ଦେଲେ ନୂଆ ଜୀବନ

ନୂଆଦିଲ୍ଲୀ,୧୯।୧୧: ୱେଲିଂଟନର ବେସିନ ରିଜର୍ଭ ଷ୍ଟାଡିୟମରେ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଟେଷ୍ଟ ସିରିଜର ପ୍ରଥମ ମୁକାବିଲା ଆରମ୍ଭ ହୋଇଛି। ଏହି ମ୍ୟାଚରେ ଟିମ ଇଣ୍ଡିଆ ଟସ…

ମହିଳା ଆଇଆଇସିଙ୍କ ମାନବିକତା, ବର୍ଷାରେ ଫସିଥିବା ଯାତ୍ରୀଙ୍କୁ ଉଦ୍ଧାର କରି…

ଗଞ୍ଜାମ,୧୯ା୧୧(ବିଦ୍ୟାଧର ସାହୁ): ବାତ୍ୟା ‘ଅକ୍ୱାନ’ ପ୍ରଭାବରେ ବୁଧବାରଠାରୁ ଆରମ୍ଭ ହୋଇଛି ବର୍ଷା। ଲଗାଣ ବର୍ଷା ଯୋଗୁ ଘରୁ ବାହାରକୁ ବାହାରି ପାରୁନାହାନ୍ତି ଲୋକେ। ଏଭଳି ପରିସ୍ଥିତିରେ ଗଞ୍ଜାମ…

ଧନତେରସ୍ ପରଠାରୁ ୧୪ହଜାର ଶସ୍ତା ହେଲା ସୁନା, ୧ ଲକ୍ଷ ଟଙ୍କାକୁ ଖସିବ….

ନୂଆଦିଲ୍ଲୀ,୧୯।୧୧: ଦେଶର ଫ୍ୟୁଚର୍ସ ବଜାର ମଲ୍ଟି କମୋଡିଟି ଏକ୍ସଚେଞ୍ଜ (MCX)ରେ ସୁନା ଦରରେ ଲଗାତାର ଚତୁର୍ଥ ଦିନ ପାଇଁ ହ୍ରାସ ଦେଖିବାକୁ ମିଳିଛି । ଧନତେରସ ପରଠାରୁ…

ଉପକୂଳମୁହାଁ ବାତ୍ୟା ‘ଅକ୍ୱାନ’: ମହାକାଳପଡ଼ାରେ ହାଇଆଲର୍ଟ, ଫେରିଘାଟ ବନ୍ଦ ସହ ଯୁଦ୍ଧକାଳୀନ ଭିତ୍ତିରେ…

ମହାକାଳପଡ଼ା,୧୯ା୧୧(ପ୍ରତାପ ଚନ୍ଦ୍ର ସ୍ବାଇଁ): ବଙ୍ଗୋପସାଗରରେ ଘନୀଭୂତ ବାତ୍ୟା ଅକ୍ୱାନ ଧିରେ ଧିରେ ବଳ ଗୋଟାଇ ସ୍ଥଳଭାଗ ମୁହାଁ ହୋଇ ଆଗକୁ ବଢୁଛି ବୋଲି ପାଣିପାଗ ବିଭାଗ ସତର୍କତା…

‘କ୍ରିକେଟ୍ ମରୁଛି’, ଶୋଏବ ଅଖତରଙ୍କ ବଡ଼ ବୟାନ; କହିଲେ ବୋତଲ ଢାଙ୍କୁଣିରେ…

ନୂଆଦିଲ୍ଲୀ,୧୯।୧୧: ପାକିସ୍ତାନର ପୂର୍ବତନ ଷ୍ଟାର୍ ଦ୍ରୁତ ବୋଲର ଶୋଏବ ଅଖତରଙ୍କ ଏକ ବୟାନକୁ ନେଇ କ୍ରିକେଟ୍ ଜଗତରେ ଚର୍ଚ୍ଚା ଆରମ୍ଭ ହୋଇଛି । କ୍ରିକେଟ୍ ଧୀରେ ଧୀରେ…

ଲାଞ୍ଚ ନେବାବେଳେ ଗୋଲାମୁଣ୍ଡା ତହସିଲଦାରଙ୍କୁ ମାଡ଼ି ବସିଲା ଭିଜିଲାନ୍ସ, ଏତିକି ଟଙ୍କା ନେଇ…

ଗୋଲାମୁଣ୍ଡା,୧୯ା୧୧(ବଟକୃଷ୍ଣ ପଣ୍ଡା): ଲାଞ୍ଚ ନେବା ଅଭିଯୋଗରେ ଭିଜିଲାନ୍ସ ଜାଲରେ ପଡ଼ିଛନ୍ତି କଳାହାଣ୍ଡି ଜିଲା ଗୋଲାମୁଣ୍ଡା ତହସିଲଦାର ଚନ୍ଦନ କୁମାର ନାୟକ। ଗୁରୁବାର ଜଣେ ବ୍ୟକ୍ତିଙ୍କଠାରୁ ୧୦ ହଜାର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?