ଏମ୍‌କେସିଜି ପଥ୍ୟ ବିଭାଗ ପଙ୍ଗୁ

ବ୍ରହ୍ମପୁର ଅଫିସ,୨୩ା୧୨-ବ୍ରହ୍ମପୁର ମେଡିକାଲକୁ ଦକ୍ଷିଣ ଓଡ଼ିଶା ସମେତ ଆନ୍ଧ୍ରପ୍ରଦେଶ, ଖୋର୍ଦ୍ଧା ଓ ପୁରୀ ଜିଲାରୁ ପ୍ରତିଦିନ ରୋଗୀ ଆସିଥାନ୍ତି। ଏମାନଙ୍କୁ ଉତ୍ତମ ସେବା ଯୋଗାଇଦେବା ସହ ମାଗଣାରେ ଖାଦ୍ୟ ଓ ଔଷଧ ଯୋଗାଇ ଦେବା ନେଇ ସରକାର ଅନେକ ଯୋଜନା କରିଛନ୍ତି। ନିୟମ ରହିଛି, କେଉଁ ରୋଗୀଙ୍କୁ କିଭଳି ଖାଦ୍ୟ ଦିଆଯିବ, ସେନେଇ ଜଣେ ଡାଏଟିସିଆନ ପରାମର୍ଶ ଦେବା ଜରୁରୀ। ହେଲେ ଏମ୍‌କେସିଜି ମେଡ଼ିକାଲରେ ଗତ ୬ ବର୍ଷରୁ ଊର୍ଦ୍ଧ୍ୱ ହେଲା କେହି ଡ଼ାଏଟିସିଆନ ନାହାନ୍ତି। ଏଣୁ ଭେଷଜ ବିଭାଗ ଏବେ ପଙ୍ଗୁ ହୋଇଯାଇଥିବା ଦେଖିବାକୁ ମିଳିଛି। ଡ଼ାଏଟିସିଆନ ନ ଥିବାରୁ ପ୍ରତିଦିନ ରୋଗୀମାନଙ୍କୁ ଦିଆଯାଉଥିବା ଖାଦ୍ୟ ଯାଞ୍ଚ ହୋଇପାରୁନାହିଁ। ୨ ଜଣ ନର୍ସ ଏବେ ଏମ୍‌କେସିଜିରେ ଡ଼ାଏଟିସିଆନ ଦାୟିତ୍ୱ ତୁଲାଉଛନ୍ତି। ରୋଗୀମାନେ ପୁଷ୍ଟିକର ଖାଦ୍ୟ ପାଉଛନ୍ତି କି ନାହିଁ ସେନେଇ ପ୍ରଶ୍ନ ଉଠିଛି। ବ୍ରହ୍ମପୁର ବଡ଼ ମେଡିକାଲରେ ଚିକିତ୍ସାଧୀନ ରୋଗୀଙ୍କୁ ପୁଷ୍ଟିକର ଖାଦ୍ୟ ଦେବା ପାଇଁ ରହିଛି ପଥ୍ୟ ବିଭାଗ। ବିନା ଡ଼ାଏଟିସିଆନରେ ବିଭାଗ ଏବେ ପଙ୍ଗୁ ପାଲଟିଯାଇଛି। ପ୍ରତିଦିନ ଶୁଖିଲା ଖାଦ୍ୟରେ ବ୍ରେଡ ଓ କ୍ଷୀର ଏବଂ ରନ୍ଧା ଖାଦ୍ୟରେ ଭାତ, ଡ଼ାଲି ଓ ତରକାରି ଦିଆଯାଉଛି। ସୋମବାର, ଗୁରୁବାର ଓ ଶନିବାର ନିରାମିଷ ଖାଦ୍ୟ ଦିଆଯାଉଛି। ମଙ୍ଗଳବାର, ବୁଧବାର, ଶୁକ୍ରବାର ଓ ରବିବାର ଆମିଷ ଦିଆଯାଉଛି ବୋଲି ବିଭାଗ ସୂତ୍ରରୁ ପ୍ରକାଶ। ଏହି ଖାଦ୍ୟ ଦେବା ପାଇଁ ଏକ ଘରୋଇ ସଂସ୍ଥାକୁ ଠିକା ଦିଆଯାଇଛି। ସମ୍ପୃକ୍ତ ସଂସ୍ଥା କିଭଳି ଖାଦ୍ୟ ପ୍ରସ୍ତୁତ କରୁଛି ତା’ର ମାନ ଯାଞ୍ଚ କରିବା ପାଇଁ ଡ଼ାଏଟିସିଆନ ନାହାନ୍ତି। ଏମ୍‌କେସିଜି ମେଡିକାଲ ସ୍ବାସ୍ଥ୍ୟ ବିକାଶ ସମିତି ବୈଠକରେ ଖାଦ୍ୟ ମାନ ଯାଞ୍ଚ ପାଇଁ ନିଷ୍ପତ୍ତି ହେବା ସହ ଡ଼ାଏଟିସିଆନ ପଦବୀ ପୂରଣ ପାଇଁ ମଧ୍ୟ ପୂର୍ବରୁ ଅନେକଥର ଆଲୋଚନା ହୋଇଥିଲା। ହେଲେ ଅଦ୍ୟାବଧି କୌଣସି ନିଷ୍ପତ୍ତି କାର୍ଯ୍ୟକାରୀ ହୋଇନାହିଁ। ଟିବି ଓ କ୍ୟାନସର ରୋଗୀଙ୍କ ପାଇଁ ଦୈନିକ ଖାଇବା ବାବଦରେ ୬୦ ଟଙ୍କା ମିଳୁଥିବା ବେଳେ ସାଧାରଣ ରୋଗୀଙ୍କ ପାଇଁ ୫୦ ଟଙ୍କା ମିଳୁଛି। ସମ୍ପ୍ରତ୍ତି ମହଙ୍ଗା ଯୁଗରେ ଏହି ସୀମିତ ଅନୁଦାନରେ ରୋଗୀଙ୍କୁ କେଉଁ ମାନର ଖାଦ୍ୟ ଦିଆଯାଉଛି ତାହା ଯାଞ୍ଚ କରିବା ନିହାତି ଆବଶ୍ୟକ। ସେପଟେ ଡ଼ାଏଟିସିଆନ ପଦବୀ ପୂରଣ କରିବା ପାଇଁ ମେଡିକାଲ ତରଫରୁ ସରକାରଙ୍କୁ ବାରମ୍ବାର ଚିଠି ଲେଖାଯାଉଛି। ଅନ୍ୟପଟେ ଖାଦ୍ୟ ତିଆରି ପାଇଁ ମେଡିକାଲରେ ସ୍ବତନ୍ତ୍ର ରୋଷେଇ ଶାଳ ନାହିଁ। ଟେଣ୍ଡର ନେଇଥିବା ଘରୋଇ ସଂସ୍ଥା ବାହାରୁ ଖାଦ୍ୟ ତିଆରି କରି ଆଣୁଛି। କିନ୍ତୁ କେଉଁ ରୋଗୀଙ୍କୁ କିଭଳି ଖାଦ୍ୟ ଦିଆଯିବ ଓ ରୋଗ ପ୍ରତିଷେଧକ ଶକ୍ତି ବୃଦ୍ଧିରେ କେଉଁ ମାନର ଖାଦ୍ୟ ଉପଯୋଗୀ ସେ ପରାମର୍ଶ ଦେବା ପାଇଁ ଡ଼ାଏଟିସିଆନ ନାହାନ୍ତି। ତେଣୁ ସ୍ବାସ୍ଥ୍ୟ ବିଭାଗ ଏ ଦିଗରେ ଦୃଷ୍ଟି ଦେଇ ଡ଼ାଏଟିସିଆନ ନିଯୁକ୍ତି ପାଇଁ ପଦକ୍ଷେପ ଗ୍ରହଣ କରନ୍ତୁ ବୋଲି ମାନବ ଅଧିକାର ସୁରକ୍ଷା ମଞ୍ଚ ଆବାହକ ଅବନୀ ଗୟାଙ୍କ ସମେତ ବୁଦ୍ଧିଜୀବୀ ମହଲରେ ଦାବି ହେଉଛି।
ଏନେଇ ଏମ୍‌କେସିଜି ମେଡିକାଲ ହସ୍ପିଟାଲ ମ୍ୟାନେଜର ଅମିତାଭ ମହାନ୍ତି କୁହନ୍ତି, ସ୍ଥାୟୀ ଡ଼ାଏଟିସିଆନ ନିଯୁକ୍ତି ପାଇଁ ସରକାରଙ୍କୁ ଆମେ ଚିଠି ଲେଖି ଜଣାଇଛୁ। ଖୁବଶୀଘ୍ର ଡ଼ାଏଟିସିଆନ ନିଯୁକ୍ତି ହେବ ବୋଲି ଆଶା ରଖାଯାଇଛି।
((ଫଟୋ——୭


Enter your email to get our daily news in your inbox.

All Right Reserved By Dharitri.Com

୧୦ଦିନରେ ମିଳିବ ଆବାସିକ, ଆୟ ପ୍ରମାଣପତ୍ର; ୧୫ଦିନ ମଧ୍ୟରେ ଜାତି ପ୍ରମାଣପତ୍ର

ଭୁବନେଶ୍ୱର, ୬।୪(ବ୍ୟୁରୋ)- ଜାତିଗତ, ଆବାସିକ, ଆୟ ଆଦି ବିଭିନ୍ନ ମିସ୍‌ଲାନିୟସ୍‌ ପ୍ରମାଣପତ୍ର ଯେପରି ଲୋକମାନଙ୍କୁ ଶୀଘ୍ର ମିଳିପାରିବ ସେନେଇ ରାଜ୍ୟ ସରକାର ମଙ୍ଗଳବାର ଏକ ପରିବର୍ତ୍ତିତ...

ସଂକ୍ରମଣ ବଢ଼ିବା ଆଶଙ୍କା: ପଶ୍ଚିମବଙ୍ଗ ମିସ୍ତ୍ରୀଙ୍କ ଉପରେ ନଜର ରଖିବ ଓ୍ବାଚ୍‌ କମିଟି

ବାଙ୍ଗିରିପୋଷି,୩୦ା୬(ଡି.ଏନ୍‌.ଏ.): ପଶ୍ଚିମବଙ୍ଗର ମୁର୍ଶୀଦାବାଦ ଅଞ୍ଚଳରୁ ମୟୂରଭଞ୍ଜ ଜିଲା ବାଙ୍ଗିରିପୋଷି ବ୍ଲକ ଅଞ୍ଚଳକୁ ଲୁଚାଛପାରେ ଆସି ମିସ୍ତ୍ରୀ କାମ କରୁଥିବା ଲୋକଙ୍କ ପାଇଁ କରୋନା ସଂକ୍ରମଣ ବଢ଼ିବା...

ବିପଦସଙ୍କୁଳ ଅବସ୍ଥାରେ ବିଦ୍ୟୁତ୍‌ ଖୁଣ୍ଟି, ତାର: ଦୁର୍ଘଟଣାକୁ ଆମନ୍ତ୍ରଣ କରୁଛି ଓ୍ବେସ୍କୋ

ରାଉରକେଲା ଅଫିସ, ୨୪।୨- ଷ୍ଟିଲ ସିଟି ସ୍ମାର୍ଟ ସିଟି ମାନ୍ୟତା ପାଇଲା। ହେଲେ ରାଉରକେଲାରେ ବିଦ୍ୟୁତ୍‌ ଯୋଗାଣ ବ୍ୟବସ୍ଥା ଯେମିତିକୁ ସେମିତି ପୁରୁଣାକାଳିଆ ଢଙ୍ଗରେ ଚାଲିଛି।...

ଲଗାଣ ବର୍ଷାରେ ଧାନଜମି ଜଳମଗ୍ନ

ଖଣ୍ଡପଡ଼ା,୨୫ା୯(ସ୍ବ.ପ୍ର.): ଗତ ୨ଦିନ ଧରି ଲଘୁଚାପ ଜନିତ ଲଗାଣ ବର୍ଷା ଯୋଗୁ ଖଣ୍ଡପଡ଼ା ବ୍ଲକ ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଛି ା ବ୍ଲକ ଅନ୍ତର୍ଗତ ୨୨...

ଦୁର୍ଘଟଣା ପରେ ଜଳିଗଲା ବସ୍‌

ଭୁବନେଶ୍ୱର,୪ା୭(ବ୍ୟୁରୋ): ସୋମବାର ସକାଳେ ଏକ ଯାତ୍ରୀବାହୀ ବସ୍‌ ରାସ୍ତା ଉପରେ ଜଳିଯାଇଛି। ବସ୍‌ଟି ବ୍ରହ୍ମପୁରରୁ ଭୁବନେଶ୍ୱର ଆସୁଥିବା ବେଳେ ବରମୁଣ୍ଡା ନିକଟରେ ନାଳ ବ୍ରିଜ ବାଡ଼ରେ...

ପାଇକ ବିଦ୍ରୋହ ସ୍ମାରକର ଭିତ୍ତିପ୍ରସ୍ତର ସ୍ଥାପନ କଲେ ରାଷ୍ଟ୍ରପତି: କହିଲେ ‘ଆଗାମୀ ପିଢ଼ି ପାଇଁ ପ୍ରେରଣାର ଉତ୍ସ ହେବ’

ଖୋର୍ଦ୍ଧା ଅଫିସ,୮।୧୨: ବରୁଣେଇ ପାଦ ଦେଶରେ ରାଷ୍ଟ୍ରପତି ରାମନାଥ କୋବିନ୍ଦ ପାଇକବିଦ୍ରୋହ ସ୍ମାରକର ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଓଡ଼ିଆରେ ଜୟ ଜଗନ୍ନାଥ କହି ଉଦ୍‌ବୋଧନ ଆରମ୍ଭ...

ଶିମିଳିପାଳରୁ ୨ ଶିକାରୀ ଗିରଫ

ବାରିପଦା ଅଫିସ/ଖୁଣ୍ଟା,୫ା୫(ଡି.ଏନ୍‌.ଏ.)- ମୟୂରଭଞ୍ଜ ଜିଲା ଡୁକୁରା ୱାଇଲ୍ଡ ଲାଇଫ୍‌ ରେଞ୍ଜ ବନ କର୍ମଚାରୀମାନେ ସୋମବାର ରାତିରେ ଶିମିଳିପାଳରୁ ୨ ଶିକାରୀଙ୍କୁ ଗିରଫ କରିଛନ୍ତି। ସେମାନେ ହେଲେ...

ମନ୍ତ୍ରୀ ରଘୁନନ୍ଦନ ଦାସ କରୋନା ପଜିଟିଭ୍‌

ଭୁବନେଶ୍ୱର,୧୦।୧(ବ୍ୟୁରୋ): ଜଳ ସମ୍ପଦ, ସୂଚନା ଓ ଲୋକସମ୍ପର୍କ ମନ୍ତ୍ରୀ ରଘୁନନ୍ଦନ ଦାସ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏ ନେଇ ସେ ନିଜେ ଟୁଇଟ୍‌ ଯୋଗେ...

Advertisement
Archives

Model This Week