Posted inଖେଳ

ଏଫଆଇଏଚ୍‌ ପ୍ରୋ ଲିଗ୍‌: ଭାରତର ପ୍ରଥମ ପ୍ରତିଦ୍ୱନ୍ଦ୍ୱୀ ନେଦରଲାଣ୍ଡ୍ସ

ନୂଆଦିଲ୍ଲୀ, ୫।୯(ପି.ଟି.)- ଏଫଆଇଏଚ୍‌ ପ୍ରୋ ଲିଗ୍‌ରେ ଭାରତୀୟ ପୁରୁଷ ହକି ଦଳ ଆସନ୍ତାବର୍ଷ ଜାନୁୟାରୀ୧୮ରେ ଏହାର ପ୍ରଥମ ମ୍ୟାଚ ଘରୋଇ ପରିବେଶରେ ଖେଳିବ। ଭାରତର ପ୍ରଥମ ପ୍ରତିଦ୍ୱନ୍ଦ୍ୱୀ ହେବ ନେଦରଲାଣ୍ଡ୍ସ। ଏଫଆଇଏଚ୍‌ ପ୍ରୋ ଲିଗ୍‌ ସିଜନ-୨ ପାଇଁ ବୁଧବାର ଘୋଷିତ କାର୍ଯ୍ୟସୂଚୀ ଅନୁସାରେ ୧୯ ତାରିଖରେ ଭାରତ ସମାନ ପ୍ରତିଦ୍ୱନ୍ଦ୍ୱୀକୁ ଭେଟିବ। ଟୁର୍ନାମେଣ୍ଟର ପ୍ରଥମ ସଂସ୍କରଣରୁ ଭାରତ ଓହରି ଯାଇଥିଲା। ଏହାପରେ ଭାରତ ଘରୋଇ ପରିବେଶରେ ବିଶ୍ୱ ଚାମ୍ପିୟନ ବେଲ୍‌ଜିୟମକୁ ଫେବୃୟାରୀ ୮ ଓ ୯ ତାରିଖରେ ଭେଟିବ। ପରବର୍ତ୍ତୀ ୨ଟି ମ୍ୟାଚ ଫେବୃୟାରୀ ୨୨ ଓ ୨୩ରେ ଅଷ୍ଟ୍ରେଲିଆ ବିପକ୍ଷରେ ସେହି ଘରୋଇ ପରିବେଶରେ ଖେଳିବ। ୬ଟି ମ୍ୟାଚ ଖେଳି ସାରିବାପରେ ଭାରତ ବାହାର ପରିବେଶରେ ମ୍ୟାଚ ଖେଳିବାକୁ ବାହାରିବ। ଦଳ ଏପ୍ରିଲ ୨୫ ଓ ୨୬ରେ ଜର୍ମାନୀ ଏବଂ ମେ ୨ ଓ ୩ରେ ଗ୍ରେଟ ବ୍ରିଟେନ ସହିତ ବାହାର ପରିବେଶରେ ଖେଳିବ। ଏହାପରେ ଦଳ ପୁଣି ଘରୋଇ ମାଟିରେ ନ୍ୟୁଜିଲାଣ୍ଡ ବିପକ୍ଷରେ ମେ ୨୩, ୨୪ରେ ମ୍ୟାଚ ଖେଳିବା ପରେ ଆର୍ଜେଣ୍ଟିନା ଯାଇ ଜୁନ ୫ ଓ ୬ରେ ୨ଟି ମ୍ୟାଚ ଖେଳିବ। ପ୍ରୋ-ଲିଗ୍‌ରେ ଭାରତ ଏହାର ଶେଷ ରାଉଣ୍ଡ ରବିନ ମ୍ୟାଚ ସ୍ପେନରେ ଜୁନ ୧୩ ଓ ୧୪ରେ ଖେଳିବ। ଭାରତ ଘରୋଇ ପରିବେଶରେ ମୋଟ ୮ଟି ଗେମ୍‌ ଖେଳିବ। ସେଥିରୁ ଜାନୁୟାରୀ-ଫେବୃୟାରୀରେ ୬ଟି ଏବଂ ମେରେ ୨ଟି ମ୍ୟାଚ ହେବ।
ମନପ୍ରୀତ ବ୍ୟଗ୍ର
ଏଫଆଇଏଚ୍‌ ପ୍ରୋ ଲିଗ୍‌ ସିଜନ-୨ କାର୍ଯ୍ୟସୂଚୀ ଘୋଷଣା ହେବାପରେ ତାଙ୍କ ଦଳର ବ୍ୟଗ୍ରତା ପ୍ରକାଶ କରିଛନ୍ତି ଭାରତୀୟ ଦଳର ଅଧିନାୟକ ମନପ୍ରୀତ ସିଂ। ”ଘରୋଇ ପରିବେଶରେ ଆସନ୍ତା ଜାନୁୟାରୀରେ ପ୍ରୋ ଲିଗ୍‌ ଆରମ୍ଭ କରିବାପାଇଁ ଆମେ ବ୍ୟଗ୍ର। ଏହି ଲିଗ୍‌ରେ ବିଶ୍ୱର ଟପ୍‌ ଟମ୍‌ ଗୁଡ଼ିକ ବିପକ୍ଷରେ ଖେଳିବାର ସୁଯୋଗ ମିଳିବ। ତେଣୁ ସମସ୍ତ ମ୍ୟାଚ ଚ୍ୟାଲେଞ୍ଜିଂ ହେବା ସମ୍ଭାବନା। ଏହା ଅଲିମ୍ପିକ୍ସ ବର୍ଷ ହୋଇଥିବାରୁ କ୍ରମାଗତଭାବେ ଟପ୍‌ ଟିମ୍‌ଗୁଡ଼ିକ ବିପକ୍ଷରେ ଖେଳିଲେ ଆମକୁ ନିଶ୍ଚିତ ଫାଇଦା ମିଳିବ। କୋର ଗ୍ରୁପରେ ସ୍ଥାନ ପାଇଥିବା ଖେଳାଳିମାନେ ଭଲଭାବେ ଅଭ୍ୟାସ କରିପାରିବେ। ଘରୋଇ ପରିବେଶରେ ଆମେ ନେଦରଲାଣ୍ଡ୍ସ, ବେଲଜିୟମ ଓ ଅଷ୍ଟ୍ରେଲିଆ ବିପକ୍ଷରେ ଖେଳିବାକୁ ଥିବାରୁ ଭାରତୀୟ ଦର୍ଶକମାନେ ହକି ରୋମାଞ୍ଚ ଦେଖିବାକୁ ପାଇବେ। ଘରୋଇ ପରିବେଶରେ ଆମେ ଏହିସବୁ ଦଳଗୁଡ଼ିକ ବିପକ୍ଷରେ ଖେଳୁଥିବାବେଳେ ମ୍ୟାଚକୁ ବେଶ୍‌ ଉପଭୋଗ କରୁ“ ବୋଲି ମନପ୍ରୀତ କହିଛନ୍ତି। ଭାରତୀୟ କୋଚ୍‌ ଗ୍ରାହାମ ରିଡ୍‌ ମଧ୍ୟ ସମାନ ମତ ପୋଷଣ କରିଛନ୍ତି। ଭାରତ ନିୟମିତଭାବେ ବଡ଼ ଦଳଗୁଡ଼ିକ ବିପକ୍ଷରେ ଖେଳିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ”ଆମେ ଆସନ୍ତାବର୍ଷ ପ୍ରୋ ଲିଗ୍‌ରେ ଖେଳିବାକୁ ଅତ୍ୟନ୍ତ ଆଗ୍ରହର ସହିତ ଅପେକ୍ଷା କରିଛୁ। ଏହାଦ୍ୱାରା ଆମେ ବିଶ୍ୱର ଶ୍ରେଷ୍ଠ ଦଳଗୁଡ଼ିକ ବିପକ୍ଷରେ ଖେଳିପାରିବୁ। ଫଳରେ ଆମର ଯୁବ ଖେଳାଳିଭାବେ କେତେ ପାରଙ୍ଗମ ତାହା ଜଣାପଡ଼ିବ। ମୋଟାମୋଟି କହିବାକୁ ଗଲେ ଆମେଯଦି ନଭେମ୍ବରରେ ଟୋକିଓ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିବୁ ତେବେ ଏହି ଲିଗ୍‌ରେ ସବୁଠାରୁ ଭଲ ମ୍ୟାଚ ଅଭ୍ୟାସ ମିଳିପାରିବ“ ବୋଲି ରିଡ୍‌ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

‘ଲକ୍‌ଡାଉନ୍‌ ବିଶ୍ୱକପ୍‌ କ୍ୱାଲିଫାଇଂ ସମ୍ଭାବନାକୁ ପ୍ରଭାବିତ କରିଛି’

ଇମ୍ପାଲ,୨।୭(ପି.ଟି.): କୋଭିଡ୍‌-୧୯ ମହାମାରୀ କାରଣରୁ ଜାରି କରାଯାଇଥିବା ଲକ୍‌ଡାଉନ୍‌ ୨୦୨୧ ବିଶ୍ୱକପ୍‌ କ୍ୱାଲିଫାଇଂ ସମ୍ଭାବନାକୁ ପ୍ରଭାବିତ କରିଛି ବୋଲି ଭାରତୀୟ ମହିଳା ଜୁନିୟର ଦଳ ଅଧିନାୟକିକା...

ହିନ୍ଦୁ ହୋଇଥିବାରୁ କନେରିଆ ଭେଦଭାବର ଶିକାର ହୋଇଛନ୍ତି: ଅଖତାର

କରାଚୀ/ନୂଆଦିଲ୍ଳୀ, ୨୭।୧୨(ପି.ଟି.)- ମୁସଲିମ୍‌ ବହୁଳ ଦେଶ ପାକିସ୍ତାନରେ ହିନ୍ଦୁମାନେ ଉତ୍ପୀଡନର ଶିକାର ହେବା ନୂଆ କଥା ନୁହଁ। ତେବେ ଜଣେ ତାରକା କ୍ରିକେଟର ହିନ୍ଦୁ ହେବା...

୪ ବଲ୍‌ରେ ବଦଳିଗଲା ମ୍ୟାଚ୍‌: ଜିତିବା ମ୍ୟାଚ୍‌ ହାରିଗଲା ଓ୍ବେଷ୍ଟଇଣ୍ଡିଜ୍‌

ସେଣ୍ଟ ଲୁସିଆ,୧୫।୭: ଫାଇନାଲ ଓଭରରେ ଦ୍ରୁତ ବୋଲର ମିଚେଲ ଷ୍ଟାର୍କଙ୍କ ଜବରଦସ୍ତ ବୋଲିଂ ସହାୟତାରେ ଅଷ୍ଟ୍ରେଲିଆ ଚତୁର୍ଥ ଟି -୨୦ ଅନ୍ତର୍ଜାତୀୟ ମ୍ୟାଚ୍‌ରେ ଓ୍ବେଷ୍ଟଇଣ୍ଡିକୁ ପରାସ୍ତ...

ଓ୍ବେଷ୍ଟଇଣ୍ଡିଜ୍‌ ଗସ୍ତ ଆରମ୍ଭ: ପ୍ରଥମ ଟି୨୦ ଆଜି

ଲଡରରହିଲ୍‌ (ଆମେରିକା), ୩।୮(ପି.ଟି.)- ବିଶ୍ୱକପ୍‌ ପରେ ବିରାଟ କୋହଲିଙ୍କ ନେତୃତ୍ୱାଧୀନ ଭାରତୀୟ ଦଳ ପ୍ରଥମଥର ପାଇଁ ଅନ୍ତର୍ଜାତୀୟ ମ୍ୟାଚ୍‌ରେ ଅବତୀର୍ଣ୍ଣ ହେବାକୁ ଯାଉଛି। ବିଶକପ୍‌ରେ ହଟ୍‌...

ପେସାରେ କ’ଣ କରନ୍ତି ଏହିସବୁ କ୍ରିକେଟଙ୍କ ସ୍ତ୍ରୀ

ଭାରତୀୟ କ୍ରିକେଟରଙ୍କ ସ୍ତ୍ରୀଙ୍କ ବ୍ୟକ୍ତିଗତ ଜୀବନ ଅଧିକାଂଶ ସମୟରେ ଚର୍ଚ୍ଚାର ବିଷୟ ପାଲଟିଥାଏ। ତେବେ ଆସନ୍ତୁ ଜାଣିବା କିଛି କ୍ରିକେଟରଙ୍କ ସ୍ତ୍ରୀ ପେସାରେ କ’ଣ କରନ୍ତି।...

ହକି ଫିଲ୍ଡରୁ ହସ୍ପିଟାଲ ଓ୍ବାର୍ଡ…

ପର୍ଥ, ୩ା୪ (ଏପି)-ଚଳିତ ବର୍ଷ ଯଦି ଟୋକିଓ ଅଲିମ୍ପିକ୍ସ ହୋଇଥାନ୍ତା ତେବେ ସ୍ବର୍ଣ୍ଣ ପଦକ ଅଭିଯାନରେ ସାମିଲ ହୋଇଥାନ୍ତେ ଅଷ୍ଟ୍ରେଲିଆର ମହିଳା ଫିଲ୍ଡ ହକି ଗୋଲ୍‌କିପର...

ଏକାଠି ମାଇଲଷ୍ଟୋନ ହାସଲ କରିପାରନ୍ତି କୋହଲି-ରାହାନେ

ଜୋହାନ୍ସବର୍ଗ,୨।୧: ଭାରତୀୟ ଟେଷ୍ଟ ଦଳର ଅଧିନାୟକ ବିରାଟ କୋହଲି ଓ ଅଜିଙ୍କ୍ୟ ରାହାନେ ସ୍ଥାନୀୟ ଓ୍ବାଣ୍ଡରର୍ସରେ ଦକ୍ଷିଣ ଆଫ୍ରିକା ବିପକ୍ଷରେ ସୋମବାରଠାରୁ ଖେଳାଯିବାକୁ ଥିବା ଦ୍ୱିତୀୟ...

ମହିଳା ତୀରନ୍ଦାଜଙ୍କ ଆତ୍ମହତ୍ୟା: ସୋନୁ ସୁଦ୍‌ଙ୍କଠାରୁ ପାଇଥିଲେ ଉପହାର

କୋଲକତା,୧୬।୧୨: ଭାରତର ଯୁବ ମହିଳା ତୀରନ୍ଦାଜ କୋନିକା ଲାୟାକ ଆତ୍ମହତ୍ୟା କରିଛନ୍ତି। ଝାଡ଼ଖଣ୍ଡର ଧାନବାଦ ନିବାସୀ ୨୬ ବର୍ଷୀୟ କୋନିକା ଚଳିତ ବର୍ଷ ଝାଡ଼ଖଣ୍ଡ ସରକାର...

Advertisement
Archives

Model This Week