ଲିଡ୍ସ,୬।୭(ପିଟି)- ଚଳିତ ବିଶ୍ୱକପ୍ରେ ଆଉ ଏକ ରାଜନୈତିକ ବ୍ୟାନର ଦେଖିବାକୁ ମିଳିଛି। ସ୍ଥାନୀୟ ହେଡିଂଲେ ଷ୍ଟାଡିୟମ୍ରେ ଭାରତ ଓ ଶ୍ରୀଲଙ୍କା ମଧ୍ୟରେ ଖେଳାଯାଉଥିବା ମ୍ୟାଚ୍ବେଳେ ଏକ ଅଜଣା ବିମାନ ଷ୍ଟାଡିୟମ ଉପରେ ଉଡ଼ିଥିଲା। ସେଥିରେ କଶ୍ମୀର ପାଇଁ ନ୍ୟାୟ ବୋଲି ଲିଖିତ ଏକ ବ୍ୟାନର ଲାଗିଥିଲା। ଚଳିତ କ୍ରିକେଟ ମହାକୁମ୍ଭରେ ଦ୍ୱିତୀୟ ଥର ଲାଗି ଏଭଳି ବ୍ୟାନର ସାମ୍ନାକୁ ଆସିଛି। ୧୦ ଦିନ ପୂର୍ବେ ପାକିସ୍ତାନ ଓ ଆଫଗାନିସ୍ତାନ ମ୍ୟାଚ୍ବେଳେ ଷ୍ଟାଡିୟମ ଉପରେ ଏକ ବିମାନ ବେଲୁଚିସ୍ତାନ ପାଇଁ ନ୍ୟାୟ ଲେଖାଥିବା ବ୍ୟାନର ଉଡାଇଥିଲା। ଏହାପରେ ଉଭୟ ଦଳର ପ୍ରଶଂସକଙ୍କ ମଧ୍ୟରେ ଷ୍ଟାଡିୟମ ପରିସରରେ ଗଣ୍ଡଗୋଳ କରିଥିଲେ। ଉକ୍ତ ଅଜଣା ବିମାନ ବ୍ରାଡଫର୍ଡ ବିମାନ ବନ୍ଦରରୁ ଉଡାଣ ଆରମ୍ଭ କରିଥିବା ଆଇସିସି ସୁରକ୍ଷା ବିଭାଗ ସୂଚନା ଦେଇଥିଲା।
