ଇସ୍ତଫା ଧମକ

ତେଲଙ୍ଗାନାର ପୋଲିସ୍‌ ଏକାଡେମୀ ମୁଖ୍ୟ ତଥା ବରିଷ୍ଠ ଆଇପିଏସ୍‌ ଅଧିକାରୀ ଭି.କେ. ସିଂହ ପଦୋନ୍ନତିରୁ ବଞ୍ଚିତ ହେଲେ ଇସ୍ତଫା ଦେବେ ବୋଲି ଧମକ ଦେଇଛନ୍ତି। ସିଂ ରାଜ୍ୟ ମୁଖ୍ୟ ସଚିବ ସୋମେଶ କୁମାରଙ୍କୁ ଚିଠି ଲେଖିଛନ୍ତି ଯେ, ତାଙ୍କୁ ତିନିମାସ ପୂର୍ବେ ପୋଲିସ ମହାନିର୍ଦ୍ଦେଶକ (ଡିଜିପି) ପଦବୀ ପାଇଁ ପ୍ୟାନେଲଭୁକ୍ତ କରାଯାଇଥିଲେ ବିି ସରକାର ଏ ଯାଏ ତାଙ୍କ ପଦୋନ୍ନତି ବିଷୟରେ କିଛି ବିଚାର କରି ନାହାନ୍ତି।
ସୂଚନାନୁସାରେ ସିଂ ଡିଜିପି ପାହ୍ୟାକୁ ପଦୋନ୍ନତି ପାଇବାକୁ ଆଶା କରୁଛନ୍ତି। କିନ୍ତୁ ଏପ୍ରିଲରେ ସ୍ବତନ୍ତ୍ର ସୁରକ୍ଷା ବାହିନୀ ଡିଜି ତେଜଦୀପ କୌର ମେନନ ଏବଂ ମାର୍ଚ୍ଚରେ ସଡ଼କ ସୁରକ୍ଷା ପ୍ରାଧିକରଣ ଡିଜି ଟି. କୃଷ୍ଣା ପ୍ରସାଦ ଅବସର ନେବା ପରେ ଉକ୍ତ ପଦବୀଗୁଡ଼ିକ ଖାଲି ଥିଲେ ମଧ୍ୟ ସରକାର ଏଯାଏ ତାଙ୍କୁ ପଦୋନ୍ନତି ଦେଇନାହାନ୍ତି।
ସିଂ ହେଉଛନ୍ତି ୧୯୮୭-ବ୍ୟାଚ୍‌ ଆଇପିଏସ୍‌ ଅଧିକାରୀ ଏବଂ ସେ ଅଭିଯୋଗ କରିଛନ୍ତି ଯେ, ତେଲଙ୍ଗାନା କ୍ୟାଡରର ୧୯୮୬ ବ୍ୟାଚ୍‌ ଅଧିକାରୀଙ୍କୁ ତିନିବର୍ଷ ପୂର୍ବେ ପଦବୀ ଖାଲି ନ ଥିଲେ ବି ପଦୋନ୍ନତି ଦିଆଯାଇଥିଲା। ସେହିଭଳି ୧୯୮୯ ବ୍ୟାଚ୍‌ ତେଲଙ୍ଗାନା କ୍ୟାଡରର ଆଇଏଏସ୍‌ ଅଧିକାରୀମାନେ ମଧ୍ୟ ପଦବୀ ଖାଲି ନ ଥାଇ ପଦୋନ୍ନତି ପାଇଛନ୍ତି। ଆନ୍ଧ୍ରପ୍ରଦେଶ ସମେତ ଅନେକ ରାଜ୍ୟର ୧୯୮୯ ବ୍ୟାଚ୍‌ର ଆଇପିଏସ୍‌ ଅଧିକାରୀମାନେ ବହୁ ଆଗରୁ ପଦୋନ୍ନତି ପାଇଛନ୍ତି।
ତେବେ ବରିଷ୍ଠ ଆଇପିଏସ୍‌ ଅଧିକାରୀ ଜଣକ ନିଜ ଧମକକୁ କାର୍ଯ୍ୟକାରୀ କରିବେ କି?

ମହାନ୍‌ ବଳିଦାନ
ବାବୁ-ନିରୀକ୍ଷକମାନେ କୋଭିଡ୍‌-୧୯ ମହାମାରୀ ବିରୋଧରେ ଭାରତ ସରକାରଙ୍କ ଲଢ଼େଇ ଉପରେ ନଜର ରଖିଛନ୍ତି। ପରିସ୍ଥିତି ଏପରି ହୋଇଛି ଯେ ଲକ୍‌ଡାଉନ୍‌ ସମୟରେ ଅତି କମ୍‌ରେ ଛଅଟି ରାଜ୍ୟରେ ପ୍ରମୁଖ ସ୍ବାସ୍ଥ୍ୟ ସଚିବଙ୍କୁ ତାଙ୍କ କାର୍ଯ୍ୟରୁ ଅନ୍ତର କରାଯାଇଛି। ନିକଟରେ ଉତ୍ତରାଖଣ୍ଡ ସରକାର ପ୍ରମୁଖ ସ୍ବାସ୍ଥ୍ୟ ସଚିବ ନୀତେଶ ଝାଙ୍କୁ ତାଙ୍କ ପଦବୀରୁ ହଟାଇ ଜଳସେଚନ ବିଭାଗକୁ ସ୍ଥାନାନ୍ତର କରିଛନ୍ତି।
ସମଦଶାର ସମ୍ମୁଖୀନ ହୋଇଥିବା ଅନ୍ୟ ବାବୁମାନେ ହେଉଛନ୍ତି- ବିହାରର ସଞ୍ଜୟ କୁମାର, ପଶ୍ଚିମବଙ୍ଗର ବିବେକ କୁମାର, ଗୁଜରାଟର ଜୟନ୍ତୀ ରବି, ଓଡିଶାର ଏନ୍‌.ବି. ଧଳ ଏବଂ ମଧ୍ୟପ୍ରଦେଶର ପଲ୍ଲବୀ ଜୈନ ଗୋଭିଲ। କୋଭିଡ-୧୯ ସଙ୍କଟକୁ ମୁକାବିଲା କରିବାରେ ବିଫଳ ହେବା ଯୋଗୁ ସେମାନେ ନିଜ ନିଜର ପଦ ହରାଇଥିବା ଜଣାପଡ଼ିଛି। କୌତୂହଳର ବିଷୟ ହେଉଛି, ଉକ୍ତ ଅଧିକାରୀମାନେ ଦେଶରେ ମହାମାରୀ ସଂକଟ ସୃଷ୍ଟି ହେବା ପୂର୍ବରୁ ନିଜ ନିଜର ରାଜନୈତିକ ମୁନିବଙ୍କ ପାଖଲୋକ ଭାବେ ଗଣା ହେଉଥିଲେ।
ଅନେକେ ପ୍ରଶ୍ନ କରୁଛନ୍ତି କି ଏହି ବାବୁମାନେ ମହାମାରୀ ସଙ୍କଟର ମୁକାବିଲା କରିବାରେ ବିଫଳ ହେବା ଯୋଗୁ ପଦବୀ ହରାଇଛନ୍ତି ନା ସମ୍ପୃକ୍ତ ରାଜ୍ୟ ମୁଖ୍ୟମନ୍ତ୍ରୀମାନଙ୍କୁ ଜନ ସମାଲୋଚନାରୁ ବଞ୍ଚେଇବା ପାଇଁ ବଳି ପଡ଼ିଛନ୍ତି? ଏହି ରାଜ୍ୟଗୁଡିକ ଦେଶର ସବୁଠାରୁ ଅଧିକ ପ୍ରଭାବିତ ହୋଇଥିବା ରାଜ୍ୟ ଏବଂ ମହାମାରୀର ମୁକାବିଲା ପାଇଁ ସଂଘର୍ଷ କରୁଛନ୍ତି, ଯଦିଚ ସଂକ୍ରମଣ ଏବଂ ମୃତ୍ୟୁ ସଂଖ୍ୟା ବଢ଼ିିବାରେ ଲାଗିଛି। ବୋଧହୁଏ ନେତାମାନଙ୍କ ପାଇଁ କାହାକୁ ନା କାହାକୁ ବଳିବୋଦା ବନେଇ ସମାଲୋଚନାରୁ ଦୂରେଇ ରହିବା ସହଜ ଏବଂ ସେମାନେ ଜନସାଧାରଣଙ୍କୁ ଏଇ ବାର୍ତ୍ତା ଦେବାକୁ ଚାହାନ୍ତି ଯେ ଏଇମାନଙ୍କ ଅପାରଗତା ଯୋଗୁ ହିଁ ସମସ୍ୟା ବୃଦ୍ଧି ପାଇଛି, ଯଦିଚ ତାହା ଠିକ୍‌ ନୁହେଁ।

ସିଭିସିଙ୍କ ନିର୍ଦ୍ଦେଶନାମା
ନୂତନ ମୁଖ୍ୟ ଭିଜିଲାନ୍ସ କମିଶନର (ସିଭିସି) ସଞ୍ଜୟ କୋଠାରୀ ସମସ୍ତ ମନ୍ତ୍ରଣାଳୟ ଏବଂ ସରକାରୀ ବିଭାଗକୁ ବାବୁମାନଙ୍କ ଅବସର ନେବାର ଯଥେଷ୍ଟ ପୂର୍ବରୁ ସେମାନଙ୍କ ବିରୋଧରେ ଆଭ୍ୟନ୍ତରୀଣ ଅନୁସନ୍ଧାନ ଏବଂ ବିଭାଗୀୟ କାର୍ଯ୍ୟାନୁଷ୍ଠାନ ଲାଗି ନିର୍ଦ୍ଦେଶ ଦେଇଥିବା ଜଣାପଡ଼ିଛି। ସମ୍ପୃକ୍ତ ବାବୁମାନେ ଅବସର ନେବାକୁ ଥିବା ମାସର ପ୍ରଥମ ସପ୍ତାହରେ ତାଙ୍କ ବିରୋଧରେ ଅନୁସନ୍ଧାନ ପାଇଁ ଅନୁରୋଧ କରି ଚିଠି ପଠାଇବାକୁ କୋଠାରୀ ସମସ୍ତ ମୁଖ୍ୟ ଭିଜିଲାନ୍ସ ଅଫିସର (ସିଭିଓ) ଏବଂ ଅନ୍ୟାନ୍ୟ ପ୍ରଶାସନିକ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।
ଗତମାସରେ ସିଭିସି ଭାବରେ ନିଯୁକ୍ତ ହେବା ପରେ କୋଠାରୀଙ୍କ ଏହା ପ୍ରଥମ ପ୍ରମୁଖ ନିଷ୍ପତ୍ତି। ବାସ୍ତବରେ ୨୦୦୭ ପରଠାରୁ ଅନେକ ସିଭିସି ଅଭିଯୁକ୍ତ ବାବୁମାନଙ୍କୁ ଯଥାସମୟରେ ନ୍ୟାୟ ପରିସରକୁ ଆଣିବାକୁ ନିଶ୍ଚିତ କରିବା ଲାଗି ସରକାରୀ ବିଭାଗଗୁଡ଼ିକୁ ଚିଠି ଲେଖିଆସିଛନ୍ତି। କିନ୍ତୁ ତାହା ହୋଇନାହିଁ। ଅନେକ ବାବୁଙ୍କ ବିରୋଧରେ ଦୁର୍ନୀତିର ବହୁ ମାମଲା ରହିଥିଲେ ମଧ୍ୟ ଅବସର ନେବା ପର୍ଯ୍ୟନ୍ତ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନ ଥାଏ। କୋଠାରୀ ତାଙ୍କ ଚିଠିରେ ଅବସର ନେବାକୁ ଥିବା ଅଧିକାରୀମାନଙ୍କ ବିରୋଧରେ ଥିବା ମାମଲାକୁ ପ୍ରାଥମିକତା ଦେବାକୁ ସିଭିଓ ଏବଂ ଅନ୍ୟାନ୍ୟ ଅଧିକାରୀମାନଙ୍କୁ ନିର୍ଦ୍ଦେଶ କରିଛନ୍ତି। ଅଧିକନ୍ତୁ, ସରକାରୀ କର୍ମଚାରୀଙ୍କ ବିରୋଧରେ ଅନୁସନ୍ଧାନ ଏବଂ ଶୃଙ୍ଖଳାଗତ କାର୍ଯ୍ୟାନୁଷ୍ଠାନରେ ବିଳମ୍ବ କରୁଥିବା ସିଭିଓମାନଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି।
ଦୀର୍ଘ ଦିନ ଧରି ଗଡ଼ି ଆସୁଥିବା ଉକ୍ତ ପ୍ରସଙ୍ଗରେ କୋଠାରୀ ସ୍ପଷ୍ଟତଃ କିଛି ଅଗ୍ରଗତି ଦେଖିବାକୁ ଚାହାନ୍ତି, କିନ୍ତୁ ସରକାରୀ ବ୍ୟବସ୍ଥା ତାଙ୍କ ନିର୍ଦ୍ଦେଶ ଅନୁଯାୟୀ କାମ କରିବ ତ?
Email: dilipcherian[email protected]


Enter your email to get our daily news in your inbox.

All Right Reserved By Dharitri.Com

ଶିବରାତ୍ରିର ରହସ୍ୟ

ଜଗଦାନନ୍ଦ ଜୀ ଶିବ ପୁରାଣର କୋଟିରୁଦ୍ର ସଂହିତାରେ ଉଲ୍ଲେଖ କରାଯାଇଛି ଶିବରାତ୍ରି ବ୍ରତ ଭକ୍ତ, ସାଧକ, ଉପାସକ ପୂଜା ଅନୁଷ୍ଠାନ କରିବା ଦ୍ୱାରା ଭୋଗ ଓ...

ପୈତୃକ ସମ୍ପତ୍ତି ଓ କନ୍ୟାଙ୍କ କୋହ

ଡ. ବାସନ୍ତୀ ମହାନ୍ତି କନ୍ୟାମାନଙ୍କର ପୈତୃକ ସମ୍ପତ୍ତିରେ ଅଧିକାର ସମ୍ପର୍କରେ ବହୁ ବିତର୍କ ପରେ ଏବେ ୨୦୨୦ ମସିହା ଅଗଷ୍ଟ ମାସରେ ମାନ୍ୟବର ସୁପ୍ରିମ୍‌କୋର୍ଟ ଯେଉଁ...

ଏଇ ଭାରତରେ

ପରିବେଶ ସ୍ବଚ୍ଛ ରହିଲେ ସଭିଙ୍କୁ ଉପକାର, ଏହା ଭଲ ଭାବେ ବୁଝିଛନ୍ତି ମହାରାଷ୍ଟ୍ରର ରାନମାଲା ଗାଁର ପୋପାଟ ସିନ୍ଦେ। ସେ ଶିକ୍ଷକ ଥିଲେ ଓ ସେଥିରୁ...

ବିଦ୍ୟାଳୟ ପାଠ୍ୟକ୍ରମରେ ହାପିନେସ୍‌ କ୍ଲାସ

ଡ. ପବିତ୍ର ସୁବୁଦ୍ଧି ପ୍ରଖ୍ୟାତ ଲେଖକ ଡାଭିଡ ସ୍କ୍ବାଜ୍‌ ଥରେ ତାଙ୍କର ଛଅ ବର୍ଷର ପୁଅକୁ ପଚାରିଲେ- ତୁମେ ବଡ଼ ହେଲେ କ’ଣ କରିବ? ପୁଅ...

ସାର୍ବଜନୀନ ନୂ୍ୟନତମ ଆୟ ବ୍ୟବସ୍ଥା ଚାଲୁ କର

ସହଦେବ ସାହୁ ବିଶ୍ୱ ସ୍ବାସ୍ଥ୍ୟ ସଂଗଠନ ଏବଂ ସ୍ବାସ୍ଥ୍ୟ ବିଶେଷଜ୍ଞମାନେ କହିଲେଣି ନଭେଲ୍‌ କରୋନା ଭାଇରସ୍‌ ମଣିଷମାନଙ୍କ ଭିତରେ ରହିବ, ମଣିଷଠୁ ମଣିଷକୁ ବ୍ୟାପିବ, ଯେ...

କର୍ମଚାରୀଙ୍କ ଅବହେଳା ଅପରାଧ ବଢ଼ାଏ

ସହଦେବ ସାହୁ ଏବେ ଏବେ କାହିଁକି ଏତେଗୁଡ଼ାଏ ଭେଜାଲ ଓ ଅପମିଶ୍ରଣ ମାମଲା ଧରା ପଡୁଛି, ଆଗରୁ କାହିଁକି ଏଗୁଡ଼ିକ ଧରା ହେଉ ନ ଥିଲା...

ଆଜିର ଅର୍ଥନୀତି/ଶେଷରେ ରୁଟିଟୁକୁଡ଼ା

ଯିଏ ଯେଉଁଠି ଥାନ୍ତୁ ନା କାହିଁକି କରୋନା ମହାମାରୀ ପ୍ରତ୍ୟେକ ବ୍ୟକ୍ତିଙ୍କ ହାଡ଼ ଥରାଇଦେଇଛି। ପ୍ରାୟ ୧୭୫ଟି ଦେଶରେ ଏହି ରୋଗ ବ୍ୟାପିଛି। ସର୍ବୋତ୍ତମ ସ୍ବାସ୍ଥ୍ୟ...

ବଜ୍ରପାତ ବିଜ୍ଞାନ ଓ ଜୀବନ ସୁରକ୍ଷା

ରିତେଶ କୁମାର ଶିଶୁ   ଆଗକୁ ବର୍ଷାଋତୁ ଆସୁଛି। ଏହି ସମୟରେ ଅନେକ ଲୋକ ଚାଷ କାମ ବେଳେ ରାସ୍ତା କଡ଼ ଗଛମୂଳରେ ଛିଡ଼ାହୋଇ ବଜ୍ରପାତର...

Advertisement
Archives

Model This Week