ନୂଆଦିଲ୍ଲୀ,୧୭।୧୦: ଏମଚେସ୍ ରାପିଡ୍ ଅନଲାଇନ୍ ଚେସ୍ ଟୁର୍ନାମେଣ୍ଟରେ ଭାରତର ୧୬ ବର୍ଷୀୟ ଡୋନାରୁମା ଗୁକେଶ ଇତିହାସ ସୃଷ୍ଟି କରିଛନ୍ତି। ସେ ବିଶ୍ୱ ଚାମ୍ପିୟନ ମାଗ୍ନେସ କାର୍ଲସେନଙ୍କୁ ପରାସ୍ତ କରି ରେକର୍ଡ ସ୍ଥାପନ କରିଛନ୍ତି। ବିଶ୍ୱ ଚାମ୍ପିଅନ ଭାବରେ କାର୍ଲସେନ୍ଙ୍କୁ ପରାସ୍ତ କରିବାରେ ଗୁକେଶ ଦୁନିଆର ସବୁଠାରୁ କନିଷ୍ଠ ଖେଳାଳି ହୋଇପାରିଛନ୍ତି। ନବମ ରାଉଣ୍ଡ ମ୍ୟାଚରେ ଗୁକେଶ କାର୍ଲସେନଙ୍କୁ ପରାସ୍ତ କରିଥିଲେ। ଏହାପୂର୍ବରୁ ରବିବାର କାର୍ଲସେନ ମଧ୍ୟ ସେହି ଟୁର୍ନାମେଣ୍ଟରେ ଭାରତର ୧୯ ବର୍ଷୀୟ ଅର୍ଜୁନ ଆରିଗାସିଙ୍କଠାରୁ ପରାସ୍ତ ହୋଇଥିଲେ। ଗୁକେଶ ୧୬ ବର୍ଷ, ଚାରି ମାସ ୨୦ ଦିନ ବୟସରେ କାର୍ଲସେନଙ୍କୁ ପରାସ୍ତ କରିଛନ୍ତି। ଏହାପୂର୍ବରୁ ଏହି ରେକର୍ଡ ଭାରତର ଆର ପ୍ରଗନାନନ୍ଦାଙ୍କ ନାମରେ ଥିଲା। ସେ ଚଳିତ ବର୍ଷ ଫେବୃଆରୀରେ ଏୟାରଟିଙ୍ଗସ ମାଷ୍ଟର୍ସରେ ୧୬ ବର୍ଷ, ଛଅ ମାସ ୧୦ ଦିନ ବୟସରେ ବିଶ୍ୱରର ଏକ ନମ୍ବର କାର୍ଲସେନଙ୍କୁ ପରାସ୍ତ କରିଥିଲେ।
