ଆକାଉଣ୍ଟରେ ଟଙ୍କା ପଠାଇଲେ ଯୁକ୍ତ ୨ ପାସ୍‌ : ଫୋନ୍‌ରେ ଦାବି କରାଯାଉଛି ୩ରୁ ୬ ହଜାର ଟଙ୍କା

ନୟାଗଡ଼ ଅଫିସ,୨୭ା୪- ନୟାଗଡ଼ ଜିଲାର ଯୁକ୍ତ ୨ ପରୀକ୍ଷା ଦେଇଥିବା ବିଭିନ୍ନ ପିଲାଙ୍କ ନିକଟକୁ ଆସୁଛି ଫୋନ୍‌ କଲ୍‌। ପରୀକ୍ଷାରେ ଗୋଟିଏ ବିଷୟରେ ତୁମେ ଫେଲ୍‌ ହୋଇଯାଇଛ, ପାସ୍‌ କରିବା ପାଇଁ ଆକାଉଣ୍ଟରେ ୩ରୁ ୬ ହଜାର ଟଙ୍କା ପଠାଇବାକୁ କୁହାଯାଉଛି। ଟଙ୍କା ଡିପୋଜିଟ ପରେ ତୁମେ ପାସ୍‌ କରିବ ବୋଲି ମଧ୍ୟ ସୂଚନା ଦିଆଯାଉଛି। ଏପରି କି କେତେଜଣ ଛାତ୍ର ଉକ୍ତ ଆକାଉଣ୍ଟରେ ଟଙ୍କା ପଇଠ କରିଥିବା ଜଣାପଡ଼ିଛି। ଏହାକୁ ନେଇ ଛାତ୍ରୀଛାତ୍ରଙ୍କଠାରୁ ଆରମ୍ଭ କରି ଅଭିଭାବକମାନେ ଚିନ୍ତାରେ ଅଛନ୍ତି। ଏ ନେଇ ଟାଉନ ଥାନାରେ ଲିଖିତ ଅଭିଯୋଗ ହୋଇଛି।

ନୟାଗଡ଼ ସ୍ବୟଂଶାସିତ ମହାବିଦ୍ୟାଳୟର ଛାତ୍ରୀ ଏସ୍‌ ଭାଗ୍ୟଲକ୍ଷ୍ମୀ ମହାପାତ୍ର କୁହନ୍ତି, ଶୁକ୍ରବାର ମଧ୍ୟାହ୍ନ ୧୨ଟାରେ ତାଙ୍କ ବାପା ସୁରେଶ ଚନ୍ଦ୍ର ମହାପାତ୍ରଙ୍କ ମୋବାଇଲ୍‌କୁ ଏକ ଫୋନ୍‌ କଲ୍‌ ଆସିଥିଲା। ସୁରେଶ ଘରକୁ ଆସି ଏ ବିଷୟରେ ଝିଅକୁ ଜଣାଇବା ସହ ଉକ୍ତ ବ୍ୟକ୍ତି ତୋ ସହିତ କଥା ହେବାକୁ ଚାହୁଁଥିବା କହିଥିଲେ। ଭାଗ୍ୟଲକ୍ଷ୍ମୀ ଉକ୍ତ ନମ୍ବରରେ ଫୋନ୍‌ କରିବାରୁ ସେପଟୁ ଜଣେ ବ୍ୟକ୍ତି ତୁମର ପଦାର୍ଥ ବିଜ୍ଞାନ (ଫିଜିକ୍ସ)ରେ ୫ ମାର୍କ କମିଯାଇଛି, ତେଣୁ ତୁମେ ଯୁକ୍ତ ୨ରେ ଫେଲ୍‌ ହୋଇଯିବ। ଭାଗ୍ୟଲକ୍ଷ୍ମୀ ଏ ବିଷୟରେ ବାପାଙ୍କୁ କହିଥିଲେ। ସୁରେଶ ଉକ୍ତ ବ୍ୟକ୍ତିଙ୍କୁ ଭାଗ୍ୟଲକ୍ଷ୍ମୀଙ୍କ ରୋଲ୍‌ ନମ୍ବର ପଚାରିଥିଲେ। ଆଶ୍ଚର୍ଯ୍ୟର କଥା ବ୍ୟକ୍ତି ଜଣକ ଭାଗ୍ୟଲକ୍ଷ୍ମୀଙ୍କ ଠିକ୍‌ ରୋଲ୍‌ ନମ୍ବର କହି ଦେଇଥିଲେ। କ’ଣ କରାଯିବ ପଚାରିବାରୁ ମୁଁ ତୁମକୁ ଗୋଟିଏ ଆକାଉଣ୍ଟ ନମ୍ବର ମେସେଜ୍‌ କରୁଛି। ତୁମେ ସେଥିରେ ୩ ହଜାର ଟଙ୍କା ପଠାଇଲେ ପାସ୍‌ ହୋଇଯିବ ବୋଲି ବ୍ୟକ୍ତି ଜଣକ କହିଥିଲେ। ପରେ ସୁରେଶ ଏ ନେଇ ଝିଅ କୋଚିଂ ନେଉଥିବା ନିଷ୍ଟ ସେଣ୍ଟରର ଶିକ୍ଷକଙ୍କୁ ଜଣାଇଥିଲେ। ଶିକ୍ଷକ ଜଣକ ତୁମେ କୌଣସି ଟଙ୍କା ପଠାଅ ନାହିଁ ବୋଲି କହିଥିଲେ। ସେହିପରି ପ୍ରଜାମଣ୍ଡଳ ମହିଳା ମହାବିଦ୍ୟାଳୟର ଛାତ୍ରୀ ସରିତାରାଣୀ ପୂଜାରୀ କହନ୍ତି, ସେ ଓ ତାଙ୍କ ଭଉଣୀ କବିତାରାଣୀ ପୂଜାରୀ ଯୁକ୍ତ ୨ ପରୀକ୍ଷା ଦେଇଛନ୍ତି। ୯ଟା ୪୦ ମିନିଟରେ ତାଙ୍କ ମୋବାଇଲ୍‌କୁ କଲ୍‌ ଆସିଥିଲା। ସେପଟୁ ଜଣେ ବ୍ୟକ୍ତି ହିନ୍ଦୀରେ ତାଙ୍କ ସହିତ କଥାବାର୍ତ୍ତା ହୋଇଥିଲେ। ତୁମେ ଯୁକ୍ତ ୨ ପରୀକ୍ଷା ଦେଇଛ, ସବୁଥିରେ ତୁମର ପାସ୍‌ ମାର୍କ ରହିଛି ହେଲେ ଗଣିତରେ ୨୮ ମାର୍କ ଅଛି। ତେଣୁ ତୁମେ ଫେଲ୍‌ ହୋଇଯିବ। ପାସ୍‌ କରିବାକୁ ଚାହୁଁଥିଲେ ଆମକୁ ଟଙ୍କା ପଠାଅ ବୋଲି କହିଥିଲେ। ସରିତା ତୁମେ କିଏ ବୋଲି ପଚାରିବାରୁ ସେପଟୁ ବ୍ୟକ୍ତି ଜଣକ ମୁଁ ବୋର୍ଡରୁ କହୁଥିବା କହିଥିଲେ। ପରେ ସରିତା ଏ ବିଷୟରେ ନିଷ୍ଟ କୋଚିଂ ସେଣ୍ଟର ଶିକ୍ଷକଙ୍କୁ ଜଣାଇ ମୋବାଇଲ୍‌ରେ ଉକ୍ତ ନମ୍ବରକୁ ବ୍ଲକ୍‌ କରି ଦେଇଥିଲେ। ଶୁକ୍ରବାର ଗୋଟିଏ ଦିନରେ ଜିଲାର ଯୁକ୍ତ ୨ ପରୀକ୍ଷା ଦେଇଥିବା ଅଧିକାଂଶ ଛାତ୍ରୀଛାତ୍ରଙ୍କ ନିକଟକୁ ଏଭଳି କଲ୍‌ ଓ ମେସେଜ୍‌ ଆସିଛି। ପାସ୍‌ କରାଇଦେବା ପାଇଁ କାହାକୁ ୩ ହଜାର ତ ଆଉ କାହାଠାରୁ ୬ ହଜାର ଟଙ୍କା ଦାବି କରାଯାଇଛି। ଜଣେ ଛାତ୍ର ମଧ୍ୟ ଆକାଉଣ୍ଟରେ ୬ ହଜାର ଟଙ୍କା ଡିପୋଜିଟ୍‌ କରିଛନ୍ତି। କଲ୍‌ ଆସିଥିବା ଦୁଇଟି ମୋବାଇଲ୍‌ ନମ୍ବର ହେଲା ୦୭୬୩୨୯୪୮୮୯୧ ଓ ୦୯୫୭୦୫୭୦୧୦୧। ଦୁଇଟି ଏସ୍‌ବିଆଇ ଆକାଉଣ୍ଟ ନମ୍ବର ହେଲା ୩୮୩୩୨୮୨୬୫୭୪ ଓ ୩୮୦୨୪୯୭୧୧୮୯। ଏହି ଆକାଉଣ୍ଟ ବାଙ୍ଗୋଲୋରର ବୋଲି ଜଣାପଡ଼ିଛି। ଏ ନେଇ ନିଷ୍ଟ କୋଚିଂ ଇନ୍‌ଷ୍ଟିଚ୍ୟୁଟର ନିର୍ଦ୍ଦେଶକ ବିକାଶ ଷଡ଼ଙ୍ଗୀ ଟାଉନ ଥାନାରେ ଅଭିଯୋଗ କରିଛନ୍ତି। ତାଙ୍କ ଶିକ୍ଷାନୁଷ୍ଠାନରେ କୋଚିଂ ନେଇଥିବା ୩୦ ଛାତ୍ରୀଛାତ୍ରଙ୍କ ମଧ୍ୟରୁ ୨୬ ଜଣଙ୍କ ପାଖକୁ ଏଭଳି ଫୋନ୍‌ କଲ୍‌ ଆସିଥିବା ସେ ଅଭିଯୋଗରେ ଦର୍ଶାଇଛନ୍ତି। ବିଶେଷ ସୂତ୍ରରୁ ମିଳିଥିବା ଖବର ଅନୁସାରେ ଟିସିଏସ୍‌ (ଟାଟା କନ୍‌ସଲଟାନ୍ସି ସର୍ଭିସ) କିଛିବର୍ଷ ହେଲା ଯୁକ୍ତ ୨ ଛାତ୍ରୀଛାତ୍ରଙ୍କ ଅନ୍‌ଲାଇନ୍‌ରେ ଖାତା ଦେଖିବା ପାଇଁ ଟେଣ୍ଡର ନେଇଥିଲା। ହେଲେ ଚଳିତବର୍ଷ ଏହା ଅନ୍ୟ ଏକ ସଂସ୍ଥାକୁ ଦିଆଯାଇଛି। ସେହିଠାରୁ କିମ୍ବା ବୋର୍ଡ କାର୍ଯ୍ୟାଳୟରୁ ପିଲାମାନଙ୍କ ଏହି ତଥ୍ୟ ପ୍ରଘଟ କରାଯାଇଥିବା ଆଲୋଚନା ହେଉଛି। ବର୍ତ୍ତମାନ ଯୁକ୍ତ ଦୁଇ ଖାତାଦେଖା ଚାଲୁଥିବାରୁ ଏହି କଥା ସତ ହୋଇଯିବ ଭାବି ଅଭିଭାବକଙ୍କଠାରୁ ଆରମ୍ଭ କରି ଛାତ୍ରୀଛାତ୍ରମାନେ ଚିନ୍ତାରେ ଅଛନ୍ତି। ଏ ଦିଗରେ ଉଚ୍ଚଶିକ୍ଷା ବିଭାଗ ଦୃଷ୍ଟି ଦେବାକୁ ଦାବି ହେଉଛି। ନୟାଗଡ଼ ଟାଉନ ଥାନା ଅଧିକାରୀ ଜୟଦୀପ ମହାନ୍ତି କହନ୍ତି, ଥାନାରେ ଅଭିଯୋଗ ହେବା ପରେ ଏହାର ତଦନ୍ତ କରାଯାଉଛି।


Enter your email to get our daily news in your inbox.

All Right Reserved By Dharitri.Com

ରାଜନଗର ନୂତନ ତହସିଲଦାର ଭୋଳାନାଥ ସେଠୀ

ରାଜନଗର,୧୭।୩(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ରାଜନଗର ତହସିଲଦାର ଭାବରେ ବରିଷ୍ଠ ପ୍ରଶାସନିକ ଅଧିକାରୀ ଭୋଳାନାଥ ସେଠୀ ମଙ୍ଗଳବାର ଦାୟିତ୍ୱ ଗ୍ରହଣ କରିଛନ୍ତି। ପୂର୍ବ ତହସିଲଦାର ଦ୍ୱିବେନ୍ଦୁ କୁମାର...

କେନ୍ଦ୍ର ସରକାରଙ୍କ ଶ୍ରମିକ ମାରଣ ନୀତିର ପ୍ରତିବାଦ: ଜୀବନଯାତ୍ରା ପ୍ରଭାବିତ

ସୁନ୍ଦରଗଡ଼,୮।୧(ଡି.ଏନ୍‌.ଏ.): କେନ୍ଦ୍ର ସରକାରଙ୍କ ଶ୍ରମିକ ମାରଣନୀତି ପ୍ରତିବାଦରେ ବୁଧବାର କେନ୍ଦ୍ରୀୟ ଶ୍ରମିକ ସଂଗଠନ ପକ୍ଷରୁ ଦିଆଯାଇଥିବା ଭାରତ ବନ୍ଦ ଡାକରା ପ୍ରଭାବ ସୁନ୍ଦରଗଡ଼ରେ ଦେଖିବାକୁ ମିଳିଛି।...

ଅସୁରକ୍ଷିତ ଐତିହ୍ୟ: ଦିନେ ଏହା ଥିଲା ରାଜାଙ୍କ ସଭାଗୃହ

କେନ୍ଦୁଝର, ୧୩ା୧୦ (ସ୍ବ.ପ୍ର.)- ଗଡ଼ଜାତ ଶାସନ ସମୟରେ ନିର୍ମିତ ପୁରାତନ ଐତିହ୍ୟ ସମ୍ପନ୍ନ କୋଠାରେ ଚାଲିଛି କେନ୍ଦୁଝର ଜିଲାପାଳଙ୍କ କାର୍ଯ୍ୟାଳୟ। ଗଡ଼ଜାତ ଶାସନବେଳେ ଏହାକୁ ରାଜା...

ବଣ୍ଟନ କମ୍‌, ବିକ୍ରି ବେଶି

ଆଠମଲ୍ଲିକ/ ବଇଣ୍ଡା,୧୩ା୮ (ଡି.ଏନ.ଏ.) ସାଧାରଣ ବଣ୍ଟନ ବ୍ୟବସ୍ଥାରେ ଗରିବ ଲୋକଙ୍କ ପାଇଁ ସରକାର କିରୋସିନ ଯୋଗାଇ ଦେଉଛନ୍ତି। ହେଲେ ଅନେକ ସମୟରେ ଏହି ସରକାରୀ କିରୋସିନରୁ...

ସାପ ନେଲା ଭଉଣୀ ଭାଇଙ୍କ ଜୀବନ

ଆଳି,୮ା୫: କେନ୍ଦ୍ରାପଡ଼ା ଜିଲା ଆଳି ଥାନା ଅଧୀନ ଗୋବିନ୍ଦପୁର ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ଶୋଇଥିବା ଅବସ୍ଥାରେ ସାପ କାମୁଡ଼ାରେ ଭଉଣୀ, ଭାଇଙ୍କ ଜୀବନ...

ବସ୍ତି ଉଚ୍ଛେଦକୁ ବିରୋଧ: ଜିଲାପାଳଙ୍କୁ ଦାବିପତ୍ର

ରାୟଗଡ଼ା,୪।୧୦: ବସ୍ତି ଉଚ୍ଛେଦକୁ ବିରୋଧ କରି ରାୟଗଡ଼ା ଜିଲା ଝୁପୁଡ଼ି ବସ୍ତିବାସିନ୍ଦା ଶୁକ୍ରବାର ଜିଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି। ଏ ନେଇ ଏକ ବିରାଟ...

ଘରଖଁଡ଼େ ଲାଗି ଗୁହାରି କରି ନିରାଶ: ଭଂଗା କୁରିଆରେ ଜୀବନ୍‌ ବିତଉଛନ୍‌ ରତି

ଖପ୍ରାଖୋଲ, ୧୩।୨(ଡି.ଏନ୍‌.ଏ.)- କେନ୍ଦ୍ର ଆର ରାଏଜ୍‌ ଉଭଏ ସରକାର ଗାଁଗଁଲିନୁ ସହର ତକ୍‌ ଗରିବ୍‌ ଦୁଖି, ବାସହୀନ ପରିବାରମାନକୁ ପ୍ରଧାନମନ୍ତ୍ରୀ ଆବାସ, ଇନ୍ଦିରା ଅବାସ, ବିଜୁ...

ପୁରୀରେ କାଉ ମଡ଼କ: ବାର୍ଡ ଫ୍ଲୁ ସନ୍ଦେହ

ପୁରୀ ଅଫିସ,୧୫।୨ : ପୁରୀ ସହରରେ କାଉ ମଡ଼କ ଦେଖା ଦେଇଛି। ବାର୍ଡ ଫ୍ଲୁ ଯୋଗୁ କାଉଙ୍କ ମୃତ୍ୟୁ ହେଉଥିବା ସନ୍ଦେହ କରି ସହରବାସୀ ମଧ୍ୟ...

Advertisement
Archives

Model This Week