ଢେଙ୍କାନାଳ ଅଫିସ,୧୮ା୫ – ଢେଙ୍କାନାଳସ୍ଥିତ ଭାରତୀୟ ଜନସଞ୍ଚାର ଢେଙ୍କାନାଳସ୍ଥିତ ଭାରତୀୟ ଜନସଞ୍ଚାର ସଂସ୍ଥାନରେ ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ(ଓଏସ୍ଓୟୁ)ର ସାମ୍ବାଦିକତା ଶିକ୍ଷାର୍ଥୀଙ୍କ ଦ୍ୱିତୀୟ ବ୍ୟାଚ୍ ପ୍ରଶିକ୍ଷଣ କାର୍ଯ୍ୟକ୍ରମ ଶୁକ୍ରବାର ଉଦ୍ଯାପିତ ହୋଇଯାଇଛି। ଅପରାହ୍ନରେ ଆୟୋଜିତ ଉଦ୍ଯାପନୀ ସମାରୋହରେ ସଂସ୍ଥାନର ଆଞ୍ଚଳିକ ନିର୍ଦ୍ଦେଶକ ପ୍ରଫେସର ମୃଣାଳ ଚାଟାର୍ଜୀ ଅଧ୍ୟକ୍ଷତା କରିଥିଲେ। ଓଡ଼ିଶାର ବିଭିନ୍ନ ପ୍ରାନ୍ତରୁ ଏହି ଶିବିରରେ ୨୪ଜଣ ଶିକ୍ଷାର୍ଥୀ ଯୋଗ ଦେଇଥିଲେ ା ୫ ଦିନ ଧରି ଚାଲିଥିବା ଏହି କାର୍ଯ୍ୟକ୍ରମରେ ଟେଲିଭିଜନ, ରେଡିଓ ଓ ମୋବାଇଲ ସାମ୍ବାଦିକତାର ବ୍ୟବହାରୀ ପ୍ରଶିକ୍ଷଣ ପ୍ରଦାନ କରାଯାଇଥିଲା। ଅତିଥି ପ୍ରଶିକ୍ଷକ ଭାବେ ଯୋଗଦେଇ ରେଭେନ୍ସା ବିଶ୍ୱବିଦ୍ୟାଳୟ ସାମ୍ବାଦିକତା ବିଭାଗର ପୂର୍ବତନ ମୁଖ୍ୟ ଅବସରପ୍ରାପ୍ତ ପ୍ରାଧ୍ୟାପକ ବେଣୁଧର ପଣ୍ଡା, ଶିକ୍ଷାର୍ଥୀମାନଙ୍କୁ ନିରନ୍ତର ଭାବେ ଲେଖିବାର ଅଭ୍ୟାସ ରଖିବାକୁ ଆହ୍ବାନ ଦେଇଥିଲେ ା ଲେଖିବା କଳା ଥରେ ଶିଖିଗଲେ ପ୍ରବନ୍ଧ, ଲଳିତ ନିବନ୍ଧ, ଗଳ୍ପ, ଉପନ୍ୟାସ ଆଦି ଲେଖି ହୋଇପାରିବ ବୋଲି ସେ ମତବ୍ୟକ୍ତ କରିଥିଲେ ା ବିଶ୍ୱର ଅନେକ ସାମ୍ବାଦିକ ସଫଳ ସାହିତ୍ୟ ସୃଷ୍ଟିକରି କାଳଜୟୀ ହୋଇଛନ୍ତି ା ଏଥିପାଇଁ କଠିନ ଅଧ୍ୟବସାୟ ଓ ଆଗ୍ରହର ଆବଶ୍ୟକତା ରହିଛି ବୋଲି ସେ କହିଥିଲେ। କାର୍ଯ୍ୟକ୍ରମରେ ଓଏସ୍ଓୟୁ ସାମ୍ବାଦିକ ବିଭାଗର ସଂଯୋଜକ ଡ. ଆଶିଷ ଦ୍ୱିବେଦୀ ଉପସ୍ଥିତ ଥିଲେ। ଏହି ଅବସରରେ ପ୍ରଶିକ୍ଷାର୍ଥୀମାନଙ୍କୁ ଦୁଇଟି ଲେଖାଏଁ ଦେଶୀ ଆମ୍ବ ଟାକୁଆ ପ୍ରଦାନ କରାଯାଇଥିଲା। ଫନୀ ବାତ୍ୟାରେ ଉପକୂଳ ଓଡ଼ିଶାର ବ୍ୟାପକ କ୍ଷତି ହୋଇଥିବା ବେଳେ ଏହାକୁ ନଜରରେ ରଖି ଖୋଲାସ୍ଥାନ, ଜଙ୍ଗଲ, ରାସ୍ତାପାର୍ଶ୍ୱ ଆଦି ସ୍ଥାନ ମାନଙ୍କରେ ବର୍ଷାଋତୁ ଆରମ୍ଭରେ ଟାକୁଆ ଲଗାଇବାକୁ ଶିକ୍ଷାର୍ଥୀମାନଙ୍କୁ ପରାମର୍ଶ ଦିଆଯାଇଥିଲା। ସମାରୋହରେ ସଂସ୍ଥାନର ସହାୟକ ପ୍ରଫେସର ଜ୍ୟୋତି ପ୍ରକାଶ ମହାପାତ୍ର, ପ୍ରଶିକ୍ଷଣ ସଂଯୋଜନା ଜିତେନ୍ଦ୍ର ପତି, ସେକ୍ସନ ଅଫିସର କେଦାରନାଥ ଜେନା ପ୍ରମୁଖ ଉପସ୍ଥିତ ଥିଲେ।
