ଅବହେଳିତ ମା’ ତାରାଶୁଣୀଙ୍କ ପୀଠ

ପଦ୍ମପୁର, ୧୧।୧୦(ଡି.ଏନ.ଏ.)- ଭଦ୍ରକ ଜିଲା ସାବରଙ୍ଗ ପଞ୍ଚାୟତ ଅଧୀନ ଆଟୋ ରାଜସ୍ବ ଗ୍ରାମର ଧନନ୍ତ୍ୱରୀ ନଦୀକୂଳରେ ଅବସ୍ଥିତ ମା’ ତାରାଶୁଣୀଙ୍କ ପୀଠ। ଜିଲାର ଏହି ପୁରାତନ ପୀଠ ଅବହେଳିତ ଅବସ୍ଥାରେ ରହିଛି। ମା’ଙ୍କ ମନ୍ଦିର ଅସମ୍ପୂର୍ଣ୍ଣ ହୋଇରହିଥିବା ବେଳେ ପ୍ରସାଦ ରୋଷେଇଶାଳ ନାହିଁ। ପାନୀୟ ଜଳର ସୁବିଧା ନ ଥିବାବେଳେ ଭକ୍ତମାନେ ଶୌଚ ହେବା ପାଇଁ ଶୌଚାଳୟ ମଧ୍ୟ ନାହିଁ। ସନ୍ଧ୍ୟା ହେଲେ ପୀଠ ଅନ୍ଧାରରେ ରହୁଛି। ଆଜି ପର୍ଯ୍ୟନ୍ତ ମନ୍ଦିର ବୈଦ୍ୟୁତିକରଣ ହୋଇପାରୁ ନାହିଁ। ମା’ଙ୍କ ତୋରଣ ଦ୍ୱାର ଏଯାଏ ହୋଇପାରି ନ ଥିବାବେଳେ ମନ୍ଦିରକୁ ପ୍ରବେଶ ରାସ୍ତା ଅଧା ତିଆରି ହୋଇ ପଡ଼ିରହିଛି। ଫଳରେ ଯାତାୟାତ ପାଇଁ ଭକ୍ତମାନେ ଅସୁବିଧାର ସମ୍ମୁଖୀନ ହେଉଛନ୍ତି।
ସଦର ବ୍ଲକଠାରୁ ୧୪ କି.ମି. ଦୂରରେ ରହିଛି ଏହି ପୀଠ। ଜିଲାର ସାବରଙ୍ଗ, ଗୋରାମାଟି, ତୋରଣପଦା, କ୍ଷୀରସାହି, ଆଟୋ, ବଣିଆ, ପଗଡ, ପଲ୍ଲୀ, ଚାପୁଣ୍ଡିଆ, କୋଦଣ୍ଡପୁର, ସାହାଡ଼ା, ଅଣ୍ଡରାଇ, ଧାମରା, ଚାନ୍ଦବାଲି, ବାସୁଦେବପୁର, ପଦ୍ମପୁର ଏବଂ ପଡ଼ୋଶୀ ଜିଲା କେନ୍ଦୁଝର, ଯାଜପୁର ଓ ବାଲେଶ୍ୱରରୁ ହଜାର ହଜାର ଭକ୍ତ ପ୍ରତ୍ୟହ ଏଠାକୁ ପୂଜାର୍ଚ୍ଚନା ପାଇଁ ଆସନ୍ତି। ମା’ଙ୍କ ପୀଠରେ ସବୁଦିନ ପୂଜା ହେଉଥିଲେ ମଧ୍ୟ ଶନିବାର ଓ ମଙ୍ଗଳବାର ଭକ୍ତଙ୍କ ସମାଗମ ଅଧିକ ହୋଇଥାଏ। ଉଲ୍ଲେଖନୀୟ ଯେ, ରାଜରାଜୁଡାଙ୍କର ଶାସନ ପରେ ଆରମ୍ଭ ହୋଇଥିଲା ଜମିଦାରୀ ପ୍ରଥା। କିମ୍ବଦନ୍ତୀ ଅନୁସାରେ ଅଞ୍ଚଳର ଜମିଦାର ମହାପାତ୍ର ବଂଶାନୁକ୍ରମିକ ଭାବେ ଅଞ୍ଚଳରେ କର ଖଜଣା ଆଦାୟ କରୁଥିଲେ। ପ୍ରାୟ ଦୁଇଶହ ବର୍ଷ ତଳେ ଉଆସଡିହ କୁହାଯାଇଥିବା ମା’ଙ୍କର ପୀଠ ଘଞ୍ଚ ଜଙ୍ଗଲରେ ପରିପୂର୍ଣ୍ଣ ଥିଲା। ବିଷଧର ସର୍ପ, ବାଘ, ଭାଲୁ, ଝିଙ୍କ ଆଦି ଜଙ୍ଗଲରେ ବାସ କରୁଥିଲେ। ଜଙ୍ଗଲକୁ କାଟିବା ଅଞ୍ଚଳରେ ବାରଣ ଥିଲା। ଜଙ୍ଗଲ କାଟିଲେ ମା’ ତାରାଶୁଣୀଙ୍କର କୋପ ଦୃଷ୍ଟି ଭୟରେ କେହି ଜଙ୍ଗଲ କାଟୁ ନ ଥିଲେ। ଦିନେ ସ୍ଥାନୀୟ ଅଞ୍ଚଳର କେତେଜଣ କୁମ୍ଭାର ଗଛ କାଟିବାକୁ ଆସିଥିଲେ। ଜଣେ ଗଛ କାଟିବା ଆରମ୍ଭ କରିବାରୁ ମୂର୍ଚ୍ଛା ହୋଇ ତଳେ ପଡ଼ିଯାଇଥିଲେ। ପରେ ପରିବାର ଲୋକେ ମା’ଙ୍କ ପାଖରେ କ୍ଷମା ପ୍ରାର୍ଥନା ପୂର୍ବକ ପୂଜା କରିବାରୁ ମୂର୍ଚ୍ଛା ହୋଇପଡ଼ିଥିବା କୁମ୍ଭାର ଚେତା ଫେରିପାଇଥିଲେ। ସେବେଠାରୁ ଗ୍ରାମବାସୀଙ୍କ ଦ୍ୱାରା ମା’ଙ୍କ ପୂଜା ହୋଇଆସୁଛି। ଛଅ ଭାଗ ଶାସନର ଉମାପ୍ରସାଦ ମିଶ୍ରଙ୍କ ୩ ପୁରୁଷ ଧରି ମା’ଙ୍କ ପୂଜା କରି ଆସୁଛନ୍ତି। ସବୁଦିନ ମା’ଙ୍କ ପୂଜା ହେଉଥିବା ବେଳେ ବିଷୁବ ସଂକ୍ରାନ୍ତି ଦୁଇଦିନ ପୂର୍ବରୁ ଏଠାରେ ଘଟପୂଜା କରାଯାଏ। ସଂକ୍ରାନ୍ତି ଦିନ ହଜାର ହଜାର ଭକ୍ତ ମାନସିକ ପୂରଣ ନିମିତ୍ତ ପୀଠରେ ମାଟିଘୋଡା ବସାଇ ପୂଜା କରନ୍ତି। ମାନସିକଧାରୀ ପାଟୁଆମାନେ ମାସ ସାରା ନିରାମିଷ ଭୋଜନ କରି ଦେହରେ କଣ୍ଟା ଫୋଡ଼ାନ୍ତି।
ମା’ଙ୍କ ମନ୍ଦିର ପରିଚାଳନା ପାଇଁ ଗ୍ରାମର ଶୀତିକଣ୍ଠ ମଲ୍ଲିକ, ସୁଶାନ୍ତ ମହାକୁଡ, ପ୍ରଭାସୁ ମଲ୍ଲିକ, ରଥ ଭଞ୍ଜ, କମଳାକାନ୍ତ ଭଞ୍ଜ, ବଟକୃଷ୍ଣ ନାୟକ ଓ କୃପାସିନ୍ଧୁ ବାରିକଙ୍କୁ ନେଇ ଏକ ପରିଚାଳନା କମିଟି ଗଠିତ ହୋଇଛି। ହେଲେ ଏଯାଏ ମନ୍ଦିର କମିଟିକୁ କୌଣସି ସରକାରୀ ଅନୁଦାନ ମିଳିପାରି ନାହିଁ। କେବଳ ଭକ୍ତମାନଙ୍କ ସହାୟତା ଓ ସ୍ଥାନୀୟ କେତେକ ଲୋକଙ୍କ ବଦାନ୍ୟତା ରାଶିରେ ମନ୍ଦିରର ରକ୍ଷଣାବେକ୍ଷଣ କରାଯାଇଛି। ପ୍ରଶାସନ ଏଥିପ୍ରତି ଦୃଷ୍ଟିଦେଇ ବିକାଶ ଦିଗରେ ପଦକ୍ଷେପ ନେବା ସହ ଏହାକୁ ଏକ ଐତିହ୍ୟ ପୀଠ ଭାବେ ମାନ୍ୟତା ଦିଆଯିବା ଲାଗି ସ୍ଥାନୀୟ ଜନସାଧାରଣ ଓ ପରିଚାଳନା କମିଟି ଦାବି କରିଛନ୍ତି। ଏ ସମ୍ପର୍କରେ ଜିଲା ସଂସ୍କୃତି ଅଧିକାରୀ ଗୋଲକ ବେହେରାଙ୍କୁ ପଚାରିବାରୁ କହିଛନ୍ତି, ଭଦ୍ରକର ଏହା ଏକ ପୁରାତନ ପୀଠ। ଏହାର ଉନ୍ନତୀକରଣ ନେଇ ରାଜ୍ୟ ସଂସ୍କୃତି ବିଭାଗକୁ ପ୍ରସ୍ତାବ ପଠାଯିବା ଦିଗରେ ଗୁରୁତ୍ୱ ଦିଆଯିବ।


Enter your email to get our daily news in your inbox.

All Right Reserved By Dharitri.Com

କେନାଲରୁ ମଣିଷ ଖପୁରି ଜବତ

ଜଗତ୍‌ସିଂହପୁର ଅଫିସ,୪।୪: ଜଗତ୍‌ସିଂହପୁର ଥାନା ମାର୍କଣପୁର ଅନ୍ତର୍ଗତ ବଡ଼ବାଗ ନିକଟ ଶୁଖିଲା ମାଛଗଁା କେନାଲରୁ ଶନିବାର ଗୋଟିଏ ମଣିଷ ଖପୁରି ଜବତ କରାଯାଇଛି। ଏନେଇ ପୋଲିସ...

ଟ୍ରକ୍‌ ପଛରେ ପିଟିହେଲା ବାଇକ୍‌

ପାଟଣା,୧୦।୫(ସ୍ବ.ପ୍ର.): ୪୯ ନମ୍ବର ଜାତୀୟ ରାଜପଥର କେନ୍ଦୁଝର ଜିଲା ପାଟଣା ବ୍ଲକ ନିହ୍ନୁଆଁ ଛକରେ ସୋମବାର ବିଳମ୍ବିତ ରାତିରେ ଏକ ସଡ଼କ ଦୁର୍ଘଟଣା ଘଟିଛି। ରାସ୍ତା...

ଭର୍ଚୁଆଲରେ ବିଜୁ ସ୍ମାର୍ଟ ହେଲଥ୍‌ କାର୍ଡ ଶୁଭାରମ୍ଭ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୧୫।୧୧(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ମାର୍ଟ ହେଲଥ୍‌ କାର୍ଡ ସୋମବାର ଝାରସୁଗୁଡାରେ ଶୁଭାରମ୍ଭ କରିଛନ୍ତି । ଭର୍ଚୁଆଲ ଜରିଆରେ କାର୍ଯ୍ୟକ୍ରମରେ ଯୋଗ ଦେଇ ବିଭିନ୍ନ ପ୍ରକଳ୍ପର...

ମାଓବାଦୀ ଗଡରେ ମହିଳା ଜିଲାପାଳ; ସୁନାବେଡାବାସୀଙ୍କ ସବୁ ସମସ୍ୟା ବୁଝିଲେ

ନୂଆପଡା ଅଫିସ,୧୬ା୯: ନୂଆପଡା ଜିଲାର ମାଓବାଦୀଙ୍କ ଗଡ କୁହାଯାଉଥିବା ସୁନାବେଡା ଅଭୟାରଣ୍ୟରେ ଖୁବ କମ୍‌ ଅଧିକାରୀ ପାଦ ମାଡିଛନ୍ତି । ସେମାନେ ବି କଡା ସୁରକ୍ଷା ବ୍ୟବସ୍ଥା...

ଜିଲା ଚିଠି ସୁନ୍ଦରଗଡ଼..ଅଧିକାର ପାଇଁ ଲଢ଼େଇ

ଆଦିବାସୀ ଓ ପାରମ୍ପରିକ ବନବାସୀଙ୍କ ଜଙ୍ଗଲ ଜମି ଅଧିକାରକୁ ନେଇ ଏବେ ଜିଲାରେ ଆନ୍ଦୋଳନ ମୁଣ୍ଡ ଟେକିଛି। ଜଙ୍ଗଲ ଅଧିକାର ଆଇନ-୨୦୦୬ ଅନୁଯାୟୀ ଗ୍ରାମସଭା ଜରିଆରେ...

ନାବାଳିକା ବଳାତ୍କାର ଓ ହତ୍ୟା ମାମଲା: ଜଗତ୍‌ସିଂହପୁର କୋର୍ଟରେ ପ୍ରଥମ ଫାଶୀ ଦଣ୍ଡାଦେଶ

ଜଗତ୍‌ସିଂହପୁର ଅଫିସ,୧୦।୯: ଜଗତ୍‌ସିଂହପୁର ଜିଲା ଏରସମା ଥାନା ଗଡ଼ହରିପୁରରେ ୨୦୧୮ ମାର୍ଚ୍ଚ ମାସରେ ଜନୈକା ନାବାଳୀକାଙ୍କୁ ବଳାତ୍କାର ପରେ ହତ୍ୟା କରାଯାଇଥିଲା। ଏହି ମାମଲାର ରାୟ...

ବିଦ୍ୟାଳୟରେ ଶୋଇବା ଭିଡିଓ ଭାଇରାଲ: ନିଲମ୍ବିତ ହେଲେ ଶିକ୍ଷକ

ଶେରଗଡ,୮ା୧୧(ଡି.ଏନ୍‌.ଏ.)-ଶେରଗଡ଼ ବ୍ଲକ ଲକ୍ଷ୍ମୀପୁର ଗ୍ରାମ ଇନ୍ଦିରା ଆବାସ କଲୋନୀ ପ୍ରାଥମିକ ବିଦ୍ୟାଳୟର ଶିକ୍ଷକ ବାବୁ ଜେନାଙ୍କୁ ଗୁରୁବାର ନିଲମ୍ବିତ କରିଛି ଶେରଗଡ଼ ଶିକ୍ଷା ବିଭାଗ। କାମରେ...

ଦୈନିକ ସାନିଟାଇଜ୍‌ ହେବ ଏଟିଏମ୍‌, ଗଫଲତି କଲେ କାର୍ଯ୍ୟାନୁଷ୍ଠାନ

ଭୁବନେଶ୍ୱର,୧୮।୩(ବ୍ୟୁରୋ): କରୋନା ଭୂତାଣୁକୁ ପ୍ରତିରୋଧ କରିବା ନିମନ୍ତେ ଅର୍ଥ ବିଭାଗ ପକ୍ଷରୁ ବୁଧବାର ବ୍ୟାଙ୍କଗୁଡ଼ିକୁ ଗାଇଡ୍‌ଲାଇନ ଜାରି କରାଯାଇଛି। ଏଟିଏମ୍‌ ସାନିଟାଇଜ୍‌ ନ କଲେ କାର୍ଯ୍ୟାନୁଷ୍ଠାନ...

Advertisement
Archives

Model This Week