ଭୁବନେଶ୍ୱର, ୨୦।୬(କ୍ରୀଡ଼ା ପ୍ରତିନିଧି)- ଏସଆର ଚେସ୍ ସେଣ୍ଟର ଆନୁକୂଲ୍ୟରେ ଆୟୋଜିତ ୭ମ ଅନ୍ଲାଇନ୍ ଚେସ୍ରେ ପ୍ରଭୁଜୀ ଇଂଲିଶ୍ ମିଡିୟମ ସ୍କୁଲର ବିକାଶ କୁମାର ଲେଙ୍କା ଚାମ୍ପିୟନ ହୋଇଛନ୍ତି। ୬ ରାଉଣ୍ଡ ଖେଳରେ ବିକାଶ ସମ୍ପୂର୍ଣ୍ଣ ୬ ପଏଣ୍ଟ ପାଇଥିଲେ। ଏଥିରେ ଆଦିତ୍ୟ ନାରାୟଣ ମହାନ୍ତି ( ୫ ପଏଣ୍ଟ) ଦ୍ୱିତୀୟ ଓ ସାଇ ଅମୃତ ପରିଜା(୪.୫) ତୃତୀୟ ସ୍ଥାନ ଅଧିକାର କରିଛନ୍ତି। ନୀତୀଶା ସୁର୍ ଶ୍ରେଷ୍ଠ ବାଳିକା ଖେଳାଳି ବିବେଚିତ ହୋଇଛନ୍ତି। ୯ ବର୍ଷରୁ କମ୍ ବର୍ଗରେ ଶିବାଶିଷ ସିଂ ନିଲିଶା ନିବେଦିତା, ଧ୍ରୁବ ଏବଂ ୭ ବର୍ଷରୁ କମ୍ ବର୍ଗରେ ଅର୍ନବ ବିଶ୍ୱାଳ, ସାରାଂଶ ସାହୁ ଓ ଶୁଭସ୍ମିତା ପ୍ରିୟଦର୍ଶିନୀ ପ୍ରଭାବୀ ପ୍ରଦର୍ଶନ କରିଛନ୍ତି। ଚେସ୍ ସେଣ୍ଟରର ସମ୍ପାଦକ ସତ୍ୟରଞ୍ଜନ ପଟ୍ଟନାୟକ, ମାନସ ରଞ୍ଜନ ମିଶ୍ର ଓ ସତ୍ୟଜିତ ପଟ୍ଟନାୟକ ପ୍ରତିଯୋଗିତା ପରିଚାଳନା କରିଥିଲେ। ଏଥିରେ ଓଡ଼ିଶା, ବାହାର ରାଜ୍ୟ ଏବଂ ବିଦେଶର କିଛି ଖେଳାଳି ଅଂଶଗ୍ରହଣ କରିଥିଲେ।
