ଅନୁମୋଦନରେ ବିଳମ୍ବ କରୁଛି ତାମଡ଼ା

ଅନୁଗୋଳ ଅଫିସ, ୨୯ା୮

ଜମି କିସମ ପରିବର୍ତ୍ତନ ପାଇଁ ଆସୁଥିବା ଫାଇଲ ପଡ଼ିରହୁଛି। ଏହାକୁ ମାସେ ମଧ୍ୟରେ ଅନୁମୋଦନ ଦେବାର ନିୟମ ରହିଥିଲେ ବି ତାହାକୁ ପାଳନ କରାଯାଉ ନାହିଁ। ଦୁର୍ନୀତିକୁ ପ୍ରଶ୍ରୟ ଦେବାକୁ ତାଳଚେର-ଅନୁଗୋଳ-ମେରାମଣ୍ଡଳୀ ଉନ୍ନୟନ କର୍ତ୍ତୃପକ୍ଷ (ତାମଡା) କାର୍ଯ୍ୟାଳୟରେ ଜାଣିଶୁଣି ଏପରି କରାଯାଉଥିବା ଅଭିଯୋଗ ହେଉଛି। ଏହି କାର୍ଯ୍ୟ ପାଇଁ ଜଣେ ଆରକିଟେକ୍‌ ଆସିଷ୍ଟାଣ୍ଟ ଦାୟିତ୍ୱରେ ଥିବାରୁ ଏପରି ଅସୁବିଧା ହେଉଥିବା କୁହାଯାଉଥିଲେ ମଧ୍ୟ ସାଧାରଣରେ ଏହା ବିଶ୍ୱାସଯୋଗ୍ୟ ହୋଇପାରୁ ନାହିଁ। ଏ ନେଇ ପ୍ରଶାସନିକ ଅଧିକାରୀମାନେ ରାଜସ୍ବ ବୈଠକରେ ବାରମ୍ବାର ଜିଲାପାଳଙ୍କୁ ଅବଗତ କରୁଛନ୍ତି। ହେଲେ ସମସ୍ୟାର ସମାଧାନ ହୋଇପାରୁ ନାହିଁ।
ତାମଡା ଅଧୀନରେ ଅନୁଗୋଳ, ବଅଁରପାଳ, ଛେଣ୍ଡିପଦା, କଣିହଁା, ତାଳଚେର ଓ ଢେଙ୍କାନାଳ ଜିଲାର ଓଡାପଡା ବ୍ଲକ ରହିଛି। ଏସବୁ ବ୍ଲକ ଗୁଡ଼ିକରେ ଥିବା ଜମିର କିସମ ପରିବର୍ତ୍ତନ ପାଇଁ ତାମଡାର ଅନୁମୋଦନ ଆବଶ୍ୟକ। ଏଥିପାଇଁ ତହସିଲ ପକ୍ଷରୁ ଆବେଦନକାରୀଙ୍କ ଫାଇଲ ତାମଡାକୁ ପଠାଯାଇଥାଏ। ମାସେ ମଧ୍ୟରେ ଆବେଦନ ମଞ୍ଜୁର କରି ତାମଡା ତହସିଲକୁ ରିପୋର୍ଟ ପଠାଇବା କଥା। ଏହା ନ ହେଲେ ଫାଇଲ ଅନୁମୋଦନ ହୋଇଗଲା ବୋଲି ଧରିନିଆଯିବାର ନିୟମ ରହିଛି। କିନ୍ତୁ ଦୀର୍ଘ ଏକବର୍ଷ ହେଲା ଏପରି ହଜାର ହଜାର ଫାଇଲକୁ ମଞ୍ଜୁରୀ ଦେବାରେ ବହୁ ବ୍ୟତିକ୍ରମ ଦେଖିବାକୁ ମିଳୁଛି। ଉକ୍ତ ୬ଟି ତହସିଲରୁ ମାସକୁ ପ୍ରାୟ ୬ ଶହରୁ ଊର୍ଦ୍ଧ୍ୱ ଫାଇଲ ତାମଡାକୁ ଆସୁଛି। କିନ୍ତୁ ଠିକ୍‌ ସମୟ ମଧ୍ୟରେ ତାହା ତହସିଲକୁ ଫେରୁ ନ ଥିବାରୁ ଆବେଦନକାରୀ ଅସୁବିଧାର ସମ୍ମୁଖୀନ ହେଉଛନ୍ତି। ଏତେ ସଂଖ୍ୟକ ଫାଇଲ ଅନୁମୋଦନ ପାଇଁ ଜଣେ କର୍ମଚାରୀ ରହିଛନ୍ତି। ଏହାର ଗୁରୁତ୍ୱକୁ ଦେଖି ଜିଲାପାଳ ନିକଟରେ ଆଉ ଦୁଇ ଜଣ ଆରକିଟେକ୍‌ ଆସିଷ୍ଟାଣ୍ଟଙ୍କୁ ଦାୟିତ୍ୱ ପ୍ରଦାନ କରିଛନ୍ତି। କିନ୍ତୁ ଉକ୍ତ ନିର୍ଦ୍ଦେଶନାମା ଏଯାଏ କାର୍ଯ୍ୟକାରୀ ହୋଇପାରି ନାହିଁ। ଫଳରେ ତାମଡା କର୍ତ୍ତୃପକ୍ଷଙ୍କ କାର୍ଯ୍ୟକାରିତା ଉପରେ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। ସେହିପରି ଅନୁମୋଦନ ଦିଆଯାଉଥିବା ଅଞ୍ଚଳରେ ସବୁଜ ବଳୟ କଥାକୁ ମଧ୍ୟ ତାମଡା କର୍ତ୍ତୃପକ୍ଷ ଭୁଲି ଯାଉଛନ୍ତି। କେଉଁ ଅଞ୍ଚଳରେ କେତେ ସବୁଜ ବଳୟ ରହିବ ସେ ନିୟମ ମଧ୍ୟ ପାଳନ କରାଯାଉ ନ ଥିବା ଅଭିଯୋଗ ହେଉଛି। ବିଭିନ୍ନ ସ୍ଥାନରେ ଥିବା ଜମିରେ ଘର ନିର୍ମାଣ ଓ ରାସ୍ତା ନିର୍ମାଣ ପାଇଁ ମଞ୍ଜୁରୀ ଦିଆଯାଉଥିବାରୁ ବର୍ଷା ଜଳ ନିଷ୍କାସନ ପଥ ଅବରୋଧ ହୋଇଯାଉଥିବା କୁହାଯାଉଛି।
ସ୍ବାର୍ଥ ପାଇଁ ନିୟମ ବଦଳାଯାଉଛି
ହାତଗୁଞ୍ଜା ମିଳିଲେ ସରକାର ରଖିଥିବା ଗଳାବାଟ ଦେଇ ବାବୁମାନେ ନିୟମ ପରିବର୍ତ୍ତନ କରୁଛନ୍ତି। କିସମ ବଦଳାଇବା ବେଳେ ତାମଡା ପକ୍ଷରୁ ଠିକ୍‌ ଭାବେ ଅନୁଧ୍ୟାନ କରାଯାଉ ନ ଥିବାରୁ ଜଳଉତ୍ସଗୁଡ଼ିକ ପୋତାଯାଇ ଅଟ୍ଟାଳିକାମାନ ଗଢ଼ାଯାଉଛି। ଫଳରେ ସହରର ପାଣି ନିଷ୍କାସନରେ ସମସ୍ୟା ହେଉଛି।
-ସ୍ବପ୍ନା ଷଡ଼ଙ୍ଗୀ, ପରିବେଶବିତ୍‌
ବହୁ ବିଳମ୍ବ ହେଉଛି
ତାମଡା କାର୍ଯ୍ୟାଳୟକୁ କନଭରସନ୍‌ ଫାଇଲ ପଠାଇଲେ ଏକ ମାସ ମଧ୍ୟରେ ତାହା ସେଠାରୁ ତହସିଲକୁ ଆସିବା କଥା। କିନ୍ତୁ ବାରମ୍ବାର ଫୋନ୍‌ ପରେ ମାତ୍ର ୨୫ଟି ଫାଇଲ ଆସିଛି। ଏଥିଯୋଗୁ ଆବେଦନକାରୀମାନେ ସମସ୍ୟାରେ ପଡ଼ୁଛନ୍ତି।
-ପତିତବାବନ ଦେବତା, ତହସିଲଦାର, କଣିହଁା
ବାରମ୍ବାର ଅବଗତ କରିବାକୁ ପଡ଼ୁଛି
ତାମଡା କାର୍ଯ୍ୟାଳୟଠାରୁ ଅନୁଗୋଳ ତହସିଲ ଅଫିସ ଦୂରତା ମାତ୍ର କେଇ ହାତ। କିନ୍ତୁ ପଠାଯାଉଥିବା ଫାଇଲ ମାସ ମାସ ଧରି ପଡ଼ି ରହୁଛି। ରାଜସ୍ବ ବୈଠକରେ ଆଲୋଚନା ପରେ ବି ଅସୁବିଧା ଦୂର ହେଉନାହିଁ। ଫଳରେ ତହସିଲଦାରଙ୍କୁ ଲୋକଙ୍କ ଆକ୍ରୋଶର ଶିକାର ହେବାକୁ ପଡ଼ୁଛି।
-ନେହେରୁ ମାଝି, ତହସିଲଦାର, ଅନୁଗୋଳ
ଅନୁଧ୍ୟାନ କରାଯିବ
ତାମଡାରେ ଜମି କିସମ ପରବର୍ତ୍ତନ ବିଳମ୍ବ ସମ୍ପର୍କରେ ଅନୁଧ୍ୟାନ କରାଯିବ। ଏହି କାର୍ଯ୍ୟ ପାଇଁ ଜଣେ ଡିଲିଂ ଆସିଷ୍ଟାଣ୍ଟ ରହିଛନ୍ତି। ଯଦି ଦୁର୍ନୀତି ହେଉଥିବ ତା’ହେଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
-ମନୋଜ କୁମାର ମହାନ୍ତି, ଜିଲାପାଳ ଓ ତାମଡା ଉପାଧ୍ୟକ୍ଷ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

୬ ହାର୍ଡକୋର ମାଓବାଦୀ ମୃତ, ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ

ମାଲକାନଗିରି,୧୬ା୬(ଡି.ଏନ୍‌.ଏ.): ମାଲକାନଗିରି ଜିଲା ସୀମାନ୍ତ ଆନ୍ଧ୍ର ପ୍ରଦେଶ ବିଶାଖାପାଟଣା ଜିଲା କାୟାଉର ଥାନା ଅନ୍ତର୍ଗତ ମେଟା ଜଙ୍ଗଲରେ ବୁଧବାର ଭୋର୍‌ରୁ ମାଓବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ...

ଓଡ଼ିଶା ସୁପାରିସ: ଝିଅପୁଅଙ୍କ ବିବାହ ବୟସ ୧୮ ବର୍ଷ ରହୁ

ଭୁବନେଶ୍ୱର,୫ା୧(ବ୍ୟୁରୋ): ଝିଅଙ୍କ ଆଇନଗତ ବିବାହ ବୟସକୁ କେନ୍ଦ୍ର ସରକାର ୧୮ରୁ ୨୧ବର୍ଷକୁ ବୃଦ୍ଧି କରିବା ନେଇ ପ୍ରୋହିବିଶନ ଅଫ୍‌ ଚାଇଲ୍ଡ ମ୍ୟାରେଜ୍‌ ବିଲ୍‌-୨୦୨୧ ଲୋକ ସଭାରେ...

ଘରୋଇ ବିଦ୍ୟାଳୟ ଶିକ୍ଷକ, ଛାତ୍ରୀଛାତ୍ରଙ୍କ ବିରୋଧ: ସହର ଅଳିଆ ଫେରିଲା ସହରକୁ

ଅନୁଗୋଳ ଅଫିସ, ୩୦।୮-ଅନୁଗୋଳ ପୌର ସଂସ୍ଥାକୁ ଛାଡ଼ୁନି ଅଳିଆ ବିବାଦ। ସହରର ଅଳିଆ ଯେଉଁଠି ପକାଯିବାକୁ ସ୍ଥାନ ଚିହ୍ନଟ ହେଉଛି ସେଠାରେ ବିରୋଧର ସ୍ବର ଦେଖିବାକୁ...

ଚଟାଣରେ ଗଡୁଛନ୍ତି ପ୍ରସୂତି, ନବଜାତକ

ସୋନପୁର,୧୩।୬(ନି.ପ୍ର.): ସୁବର୍ଣ୍ଣପୁର ଜିଲା ଡାକ୍ତରଖାନାରେ ଶଯ୍ୟା ଅଭାବ ଗୁରୁତର ସମସ୍ୟା ସୃଷ୍ଟି କରିଛି। ଚିକିତ୍ସା ପାଇଁ ଆସୁଥିବ)। ରୋଗୀ ଓ ସମ୍ପର୍କିୟ ମାନେ ଅସୁବିଧା ଭୋଗୁଛନ୍ତି।...

ତୋରଣରେ ଷ୍ଟାଚ୍ୟୁ ଅଫ ଲିବର୍ଟି

କଟକ ଅଫିସ,୧।୧୦: ଶାରଦୀୟ ପୂଜା ପାଇଁ ଚଳଚଞ୍ଚଳ ହୋଇଛି କଟକର ବିଭିନ୍ନ ପୂଜା ମଣ୍ଡପ। ଦଶହରା ଯେତିକି ପାଖେଇ ଆସୁଛି ପୂଜା ମଣ୍ଡପ କର୍ମକର୍ତ୍ତାଙ୍କ ମଧ୍ୟରେ...

ହାତ ମିଳାଅନି, ଆଲିଙ୍ଗନ କରନି

ଭୁବନେଶ୍ୱର,୪।୩(ବ୍ୟୁରୋ): କରୋନା ମୁକାବିଲା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାର୍ଯ୍ୟାଳୟ ପକ୍ଷରୁ ସମୀକ୍ଷା କରାଯାଇଛି। ଏନେଇ ସୂଚନା ଦେଇ ସ୍ବାସ୍ଥ୍ୟ ସଚିବ କହିଛନ୍ତି, ରାଜ୍ୟରେ କରୋନା...

ଶପଥ ପାଠ ପରେ ପ୍ରଥମ ଥର ମହାପ୍ରଭୁଙ୍କୁ ଦର୍ଶନକଲେ ୨ କେନ୍ଦ୍ରମନ୍ତ୍ରୀ

ପୁରୀ ଅଫିସ, ୮।୬: ଧର୍ମେନ୍ଦ୍ର ପ୍ରଧାନ ଏବଂ ପ୍ରତାପ ଷଡ଼ଙ୍ଗୀ କେନ୍ଦ୍ରମନ୍ତ୍ରୀ ଭାବେ ଶପଥ ନେବା ପରେ ପ୍ରଥମ ଥର ପାଇଁ ଶନିବାର ଓଡ଼ିଶା ଆସିଛନ୍ତି।...

ଫୁଲ, ଚନ୍ଦନ ଦେଇ ମତଦାତାଙ୍କୁ ସ୍ବାଗତ

ବରଗଡ଼ ଅଫିସ/ବିଜେପୁର,୨୧।୧୦(ଡି.ଏନ୍‌.ଏ.): ବରଗଡ଼ ଜିଲା ବିଜେପୁର ଉପନିର୍ବାଚନରେ ଆଦର୍ଶ ଭୋଟଗ୍ରହଣ କେନ୍ଦ୍ରଗୁଡ଼ିକରେ ମତଦାନ ପ୍ରକ୍ରିୟା ଭିନ୍ନ ଆକର୍ଷଣ ପାଲଟିଛି । ଏହି କ୍ରମରେ ବିଜେପୁର ବାଳକ...

Advertisement
Archives

Model This Week