ଯାଜପୁର ଅଫିସ,୨୬ା୨: ପ୍ରେମକରି ବିବାହ କରିବାର ୫ବର୍ଷ ପରେ ଜଣେ ମହିଳା ନିଜର ୪ବର୍ଷର ପୁଅକୁ ଛାଡ଼ି ଫେରାର ହୋଇଯାଇଛନ୍ତି। ଏନେଇ ସମ୍ପୃକ୍ତା ମହିଳାଙ୍କ ସ୍ବାମୀ ମଙ୍ଗଳପୁର ଥାନାର ଦ୍ୱାରସ୍ଥ ହୋଇଛନ୍ତି। ଅଭିଯୋଗକୁ ଭିତ୍ତି କରି ପୋଲିସ ତଦନ୍ତ ଆରମ୍ଭ କରିଛି। ଏହି ଘଟଣା ଜିଲାରେ ଚର୍ଚ୍ଚାର ବିଷୟ ହୋଇଛି। ମିଳିଥିବା ସୂଚନା ଅନୁସାରେ ମଙ୍ଗଳପୁର ଥାନା ଇଜାପୁର ପଞ୍ଚାୟତ କାଜିବାଗ ଗ୍ରାମର ଜନୈକା ମହିଳା ଗତ ୨୧ତାରିଖ ମଧ୍ୟାହ୍ନରେ ନିଜର ୪ବର୍ଷର ଶିଶୁପୁତ୍ରକୁ ଛାଡି ଘରୁ ସୁନା,ରୂପା ଓ ଅଳଙ୍କାର ଧରି କେଉଁଆଡେ ଫେରାର ହାଇଯାଇଥିଲେ। ଏହା ଜଣାପଡ଼ିବା ପରେ ମହିଳାଙ୍କୁ ବହୁ ଖୋଜାଖୋଜି କରିଥିଲେ ସୁଦ୍ଧା କୌଣସି ପତ୍ତା ନ ମିଳିବାରୁ ତାଙ୍କ ସ୍ବାମୀ ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ ବ୍ୟକ୍ତି ଜଣକ ୫ବର୍ଷ ତଳେ ଭଦ୍ରକ ଜିଲା ଭଣ୍ଡାରିପୋଖରୀ ଥାନା ମୂଳାପଦା ଗ୍ରାମର ଜଣେ ଯୁବତୀଙ୍କୁ ପ୍ରେମକରି ବିବାହ କରିଥିଲେ। ବିବାହର ଏକ ବର୍ଷ ପରେ ତାଙ୍କର ଏକ ପୁତ୍ର ସନ୍ତାନ ଜନ୍ମ ହୋଇଥିଲା। ଗତ ୨୧ ତାରିଖ ଜାଗର ଦିନ ସ୍ବାମୀ ଘରେ ନ ଥିବାବେଳେ ମହିଳା ଜଣକ ପୁଅକୁ ଶୁଆଇଦେଇ ଘରେ ରହିଥିବା ସୁନା,ରୂପା ଓ ନଗଦ ୪ ହଜାର ଆଠଶହ ଟଙ୍କା ଧରି କେଉଁଆଡେ ଚାଲିଯାଇଥିଲେ। ଏନେଇ ଥାନା ଅଧିକାରୀଙ୍କୁ ପଚାରିବାରେ ଏନେଇ ଏକ ମାମଲା ରୁଜୁ ହୋଇଛି। ସମ୍ପୃକ୍ତ ମହିଳାଙ୍କୁ ଉଦ୍ଧାର କରାଯିବାଲାଗି ପଡ଼ୋଶୀ ଜିଲାର ଥାନାଗୁଡ଼ିକୁ ସୂଚନା ଦିଆଯାଇଛି ବୋଲି କହିଛନ୍ତି।
