୩୬ବର୍ଷ ପୂର୍ବର ଫିଲ୍ମ ବଲିଉଡ୍‌ର ମହାନାୟକଙ୍କୁ ଠେଲିଦେଇଥିଲା ମୃତ୍ୟୁମୁଖକୁ

ମୁମ୍ବାଇ: ବଲିଉଡ୍‌ ମହାନାୟକ ଅମିତାଭ ବଚ୍ଚନଙ୍କୁ କୌଣସି ପରିଚୟର ଆବଶ୍ୟକତା ନାହିଁ। କାରଣ ଦୀର୍ଘ ୫୦ବର୍ଷରୁ ସେ ପ୍ରଶଂସକଙ୍କୁ ମନୋରଞ୍ଜନ କରିଆସୁଥିବା ବେଳେ ଘରେ ଘରେ ସେ ବେଶ୍‌ ପରିଚିତ। ଅମିତାଭ ନିଜ କାମକୁ ବେଶ୍‌ ପ୍ରାଧାନ୍ୟ ଦେଇଥାନ୍ତି। କାମକୁ ପୂରା କରିବା ପାଇଁ ନିଷ୍ଠାର ସହ କଠିନ ପରିଶ୍ରମ ମଧ୍ୟ କରିଥାନ୍ତି। ଆଉ ଏହି ପରିଶ୍ରମ ତାଙ୍କ ଫିଲ୍ମରେ ସ୍ପଷ୍ଟ ବାରିହୋଇପଡେ। ଆଜି ବି ତାଙ୍କ ଅଭିନୟ ସମସ୍ତଙ୍କୁ ମନ୍ତ୍ରମୁଗ୍ଧ କରିପାରିଛି। ନିଜ କ୍ୟାରିୟରରେ ଅମିତାଭ ଗୋଟିଏ ପରେ ଗୋଟିଏ ହିଟ୍‌ ଫିଲ୍ମ ଦେଇ ସଫଳତାର ଶୀର୍ଷରେ ପହଞ୍ଚିଛନ୍ତି। ସେଥିମଧ୍ୟରୁ ତାଙ୍କର ଏଭଳି ଗୋଟିଏ ଫିଲ୍ମ ଅଛି, ଯାହା ତାଙ୍କୁ ସଫଳତାର ଦେଇଥିଲା ସତ, ହେଲେ ତାଙ୍କୁ ମୃତ୍ୟୁମୁଖକୁ ଠେଲି ଦେଇଥିଲା। ସେହି ଫିଲ୍ମ ହେଉଛି ‘କୁଲି’। ଫିଲ୍ମ କୁଲି ୧୯୮୩ ଡିସେମ୍ବର ୨ରେ ରିଲିଜ୍‌ ହୋଇଥିଲା। ସୋମବାର ଏହି ଫିଲ୍ମକୁ ୩୬ ବର୍ଷ ପୂରିଛି। ଏହି ଫିଲ୍ମର ଶୁଟିଂ ସମୟରେ ଏଭଳି ଏକ ଅଘଟଣ ଘଟିଥିଲା। ଯେଉଁଠି ତାଙ୍କର ଜୀବନ ଚାଲିଯିବାର ସମ୍ଭାବନା ଢ଼େର ଅଧିକ ରହିଥିଲା। ସୂଚନାମୁତାବକ ଶୁଟିଂ ସମୟରେ ଏକ ସିନ୍‌ରେ ଅମିତାଭଙ୍କ ସହ-କଳାକାର ପୁନୀତ ଇସର ତାଙ୍କୁ ପଞ୍ଚ ମାରିବାର ଥିଲା। ଏହି ପଞ୍ଚର ଶୁଟିଂ କରିବା ସମୟରେ ଅମିତାଭ ଆହତ ହୋଇପଡ଼ିଥିଲେ। ୧୯୮୨ ଜୁଲାଇ ୨୬ରେ ସେ ଗୁରୁତର ଆହତ ହେବାରୁ ତାଙ୍କୁ ମୁମ୍ବାଇର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା। କୁହାଯାଏ, କିଛି ସମୟ ପାଇଁ ତାଙ୍କୁ କ୍ଲିନିକାଲି ଡେଡ୍‌ ବୋଲି ଘୋଷଣା କରାଯାଇଥିଲା। ସେତେବେଳେ ତାଙ୍କ ଜୀବନ ରକ୍ଷା ପାଇଁ ପ୍ରଶଂସକମାନେ ପୂଜାର୍ଚ୍ଚନା କରିବା ସହ ପ୍ରାର୍ଥନା କରିଥିଲେ। କାରଣ ଅମିତାଭଙ୍କ ପେଟରେ ଗଭୀର ଆଘାତ ଲାଗିଥିଲା। ଏଥିପାଇଁ ତାଙ୍କୁ ୨୦୦ ରକ୍ତଦାତା ୬୦ବୋତଲ ରକ୍ତ ଦେଇଥିଲେ। ହେଲେ ଏଥିମଧ୍ୟରୁ ଜଣେ ରକ୍ତଦାତାଙ୍କ ରକ୍ତ ସଂକ୍ରମିତ ଥିଲା। ଯେଉଁଥିରେ ହେପାଟାଇଟିସ୍‌-ବି ଭୂତାଣୁ ରହିଥିଲା। ୨୦୦୦ମସିହାରେ ହେପାଟାଇଟିସ୍‌-ବି ଭୂତାଣୁ ଯୋଗୁ ତାଙ୍କର ଲିଭର୍‌ ୭୫ ପ୍ରତିଶତ ଖରାପ୍‌ ହୋଇଯାଇଥିଲା। କିନ୍ତୁ ସେ ଆଜି ପର୍ଯ୍ୟନ୍ତ ହାରମାନି ନାହାନ୍ତି ଏବଂ ଲଗାତାର ଭାବେ ନିଜ କାମ ଜାରି ରଖିଛନ୍ତି। ନିକଟରେ ଅମିତାଭ ନିଜର ଅପ୍‌ କମିଂ ଫିଲ୍ମ ‘ବ୍ରହ୍ମାସ୍ତ୍ର’ର ଶୁଟିଂ ପାଇଁ ମନାଲିରେ ପହଞ୍ଚିଛନ୍ତି। ମାଇନସ୍‌ ଡିଗ୍ରୀ ତାପମାତ୍ରାରେ ସେ ଫିଲ୍ମର ଶୁଟିଂ କରିଥିବା ଜଣାପଡ଼ିଛି। ଏହି ଫିଲ୍ମରେ ତାଙ୍କ ସହ ଅଭିନେତ୍ରୀ ଆଲିଆ ଭଟ୍ଟ ଓ ଅଭିନେତା ରଣବୀର କପୁର ବି ନଜର ଆସିବେ।


Enter your email to get our daily news in your inbox.

All Right Reserved By Dharitri.Com

କଙ୍ଗନାଙ୍କୁ ରାଖୀଙ୍କ ଖୋଲା ଚ୍ୟାଲେଞ୍ଜ

ବମ୍ବେ: ଅଭିନେତ୍ରୀ କଙ୍ଗନା ରାଣାଓ୍ବତଙ୍କୁ ବଡ଼ ଚ୍ୟାଲେଞ୍ଜ ଦେଇଛନ୍ତି ଡ୍ରାମା କୁଇନ୍‌ ରାଖୀ ସାଓ୍ବନ୍ତ। ସର୍ବଦା କିଛି ନା କିଛି କାରଣକୁ ନେଇ ବିବାଦରେ ରହୁଥିବା...

ବାପା ହେଲେ ଏହି ବଲିଉଡ୍‌ ଅଭିନେତା

ବମ୍ବେ: ପୁଣିଥରେ ବାପା ହୋଇଛନ୍ତି ବଲିଉଡ୍‌ ଅଭିନେତା ହରମନ ବାବେଜା। ତାଙ୍କ ଘରକୁ ଏକ କୁନି ରାଜକୁମାରୀ ଆସିଛନ୍ତି। ମାର୍ଚ୍ଚରେ ଅଭିନେତା ବାପା ହୋଇଥିଲେ ହେଁ...

ସଲମାନଙ୍କ ଘର ଉପରକୁ ଗୁଳିମାଡ଼ କରିଥିବା ଅଭିଯୁକ୍ତଙ୍କ ଆତ୍ମହତ୍ୟା

ମୁମ୍ବାଇ,୧ା୫: ବି’ ଟାଉନ୍‌ର ଭାଇଜାନ ସଲମାନ ଖାନଙ୍କ ଘର ଉପରକୁ ଗୁଳିମାଡ଼ ଘଟଣାର ଏକ ବଡ଼ ଖବର ସାମ୍ନାକୁ ଆସିଛି। ସଲମାନଙ୍କ ଗାଲାକ୍ସି ଆପାର୍ଟମେଣ୍ଟ ବାହାରେ...

ଋଷିଙ୍କୁ ମନେପକାଇଲେ ନୀତୁ

ମୁମ୍ବାଇ: ଅଭିନେତା ଋଷି କପୁରଙ୍କ ଚତୁର୍ଥ ଶ୍ରାଦ୍ଧବାର୍ଷିକୀ ମଙ୍ଗଳବାର ପାଳିତ ହୋଇଯାଇଛି। ବଲିଉଡ୍‌ ଇଣ୍ଡଷ୍ଟ୍ରିର ଏହି ଭେଟେରାନ ଅଭିନେତାଙ୍କର ଦେହାନ୍ତ ହେବାରେ ଇତି ମଧ୍ୟରେ ୪...

ଏହି ଯୁବ କ୍ରିକେଟରଙ୍କୁ ନେଇ ମନର କଥା କହିଲେ ଶାହାରୁଖ

ମୁମ୍ବାଇ,୩୦।୪: କୋଲକାତା ନାଇଟ ରାଇଡର୍ସ ମାଲିକ ଶାହରୁଖ ଖାନ ଆସନ୍ତା ଟି -୨୦ ବିଶ୍ୱକପରେ ତାଙ୍କ ଦଳର ଆକ୍ରମଣାତ୍ମକ ବ୍ୟାଟ୍ସମ୍ୟାନ ରିଙ୍କୁ ସିଂଙ୍କୁ ଭାରତୀୟ ଦଳରେ...

ପୁଅ ଅଭ୍ୟାନଙ୍କ ସହ ୱାର୍କଆଉଟ୍‌ କଲେ ଦିୟା

ମୁମ୍ବାଇ: ବଲିଉଡ୍‌ର ଷ୍ଟାର୍‌ ଅଭିନେତ୍ରୀମାନଙ୍କ ମଧ୍ୟରୁ ଦିୟା ମିର୍ଜା ଅନ୍ୟତମ। ସେ ନିଜର ନିଖୁଣ ଅଭିନୟ ଦ୍ୱାରା ବହୁବାର ଦର୍ଶକଙ୍କ ପ୍ରଶଂସା ସାଉଁଟିବାରେ ସଫଳ ହୋଇଛନ୍ତି। ମିସ୍‌...

ଫସିଗଲେ ଅଭିନେତା ସାହିଲ

ମୁମ୍ବାଇ,୨୮।୪: ମହାଦେବ ଅନଲାଇନ ବେଟିଂ ଆପ ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରି ମୁମ୍ବାଇ ପୋଲିସ ବର୍ତ୍ତମାନ ଠକେଇ ଏବଂ ଜୁଆର ବିଭିନ୍ନ ବିଭାଗରେ ଆପର ପ୍ରମୋଟରଙ୍କ...

ନ୍ୟୁୟର୍କ ଇଣ୍ଡିଆନ ଫିଲ୍ମ ଫେଷ୍ଟିଭାଲ: ଦମନ, ପ୍ରତୀକ୍ଷା ମନୋନୀତ

ଭୁବନେଶ୍ୱର,୨୭ା୪(ଶର୍ମିଷ୍ଠା ପାଣିଗ୍ରାହୀ): ଓଡ଼ିଆ ଚଳଚ୍ଚିତ୍ର ଜଗତ ପାଇଁ ଏକ ଖୁସି ଓ ଗର୍ବର ଖବର। ନିକଟରେ ଓଡ଼ିଆ ସିନେମାରେ ଚର୍ଚ୍ଚାରେ ଥିବା ଦୁଇଟି ଚଳଚ୍ଚିତ୍ର ‘ଦମନ’...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri