ମୁମ୍ବାଇ: ଭାରତୀୟ କ୍ରିକେଟର ଯୁବରାଜ ସିଂ ସୋମବାର ଅନ୍ତର୍ଜାତୀୟ କ୍ରିକେଟରୁ ସନ୍ୟାସ ନେଇଛନ୍ତି। ହେଲେ ଏହି ଖେଳାଳିଙ୍କ ଲଭ୍ ଲାଇଫ୍ ଉପରେ ଯଦି ନଜର ପକାଇବା ତେବେ ବଲିଉଡ୍ ସହ ତାଙ୍କର ଖୁବ୍ ଭଲ ସମ୍ପର୍କ ଥିବା ଦେଖିବାକୁ ମିଳିବ। ୩ ବର୍ଷ ତଳେ ବଲିଉଡ୍ କଳାକାର ହେଜେଲ୍ କେଚ୍ଙ୍କୁ ଜୀବନ ସାଥୀ ଭାବେ ଗ୍ରହଣ କରିଥିବା ଯୁବି କିନ୍ତୁ ଏହା ପୂର୍ବରୁ ୬ ଜଣ ନାୟିକାଙ୍କୁ ଡେଟ୍ କରିଥିଲେ ବୋଲି କୁହାଯାଏ। ତାଙ୍କ ନାଁ ସହିତ ପ୍ରୀତି ଜିଣ୍ଟାଙ୍କ ଠାରୁ ଆରମ୍ଭ କରି ଦୀପିକା ପାଦୁକୋନଙ୍କ ପର୍ଯ୍ୟନ୍ତ ୬ଜଣଙ୍କ ନାଁକୁ ଯୋଡି ଦିଆଯାଇଥିଲା। ଯୁବରାଜ ପ୍ରଥମେ ଭଲପାଇ ବସିଥିଲେ ନାୟିକା କିମ୍ ଶର୍ମାଙ୍କୁ। କିନ୍ତୁ ୪ ବର୍ଷ ପରେ ଏମାନଙ୍କ ମଧ୍ୟରେ ହେଲା ବ୍ରେକ୍ଅପ୍। ୨୦୦୭ରେ ଏହି ତାଲିକାରେ ଆସିଲେ ଦୀପିକା ପାଦୁକୋନ। ଏହାପରେ ଆସିଲେ ପ୍ରୀତି ଜିଣ୍ଟା ଆଉ ପ୍ରୀତିଙ୍କ ପରେ ଯୁବରାଜଙ୍କ ନାଁ ସହ ଯୋଡି ହୋଇଗଲା ରିୟା ସେନ୍, ମନିଷା ଲାମ୍ବା ଓ ସୁପର ମଡେଲ ଆଞ୍ଚଲ କୁମାର।
