ପ୍ରତିବର୍ଷ ଜୁଲାଇ ୧୭କୁ ‘ଇମୋଜି ଡେ’ ଭାବେ ପାଳନ କରାଯାଏ । ୨୦୧୪ରୁ ଏହି ପ୍ରକ୍ରିୟା ଆରମ୍ଭ ହୋଇଛି। ଆଜିକାଲିର ସମୟରେ ମେସେଜର ବହୁଳ ବ୍ୟବହାର ତଥା ଇମୋଜିର ପ୍ରୟୋଗକୁ ଦୃଷ୍ଟିରେ ରଖି ଏହି ଦିବସ ପାଳିତ ହେଉଛି। ତେବେ ବିଭିନ୍ନ ସୋସିଆଲ ମିଡିଆରେ କାନ୍ଦ, ହସ ଏବଂ ରାଗ ଭଳି ଭାବନାକୁ ବ୍ୟବହାରକାରୀ ‘ଇମୋଜି’ ଦ୍ୱାରା ସହଜରେ ପରିପ୍ରକାଶ କରିପାରୁଛନ୍ତି।
ଅନ୍ୟମାନଙ୍କଠାରୁ ଭାରତୀୟମାନେ ଇମୋଜିରେ ଖୁସି, ଲୁହ ଓ କିସ୍ର ବ୍ୟବହାର କରିଥାନ୍ତି। ଏହା କମ୍ପାନୀ ପକ୍ଷରୁ ପ୍ରସ୍ତୁତ ଏକ ରିପୋର୍ଟରେ କୁହାଯାଇଛି। ତେବେ ବ୍ୟବହାର କରାଯାଉଥିବା ସ୍ମାଇଲ ଇମୋଜିକୁ ପ୍ରଥମେ କିଏ ପ୍ରସ୍ତୁତ କରିଥଲେ ଜାଣନ୍ତି? ଏହାକୁ ଆମେରିକାର ହର୍ଭି ରୋଜ ବଲ୍ ପ୍ରସ୍ତୁତ କରିଥିଲେ। ସେ ଜାଣି ନ ଥିଲେ ଏହା ପରେ ଲୋକପ୍ରିୟ ହୋଇପାରିବ।
୧୯୬୩ରେ ହର୍ଭି ଏକ ବିଜ୍ଞାପନ ଓ ପେପର ଏଜେନ୍ସି ଚଳାଉଥିବା ବେଳେ ଏକ ମ୍ୟୁଚୁଆଲ ଲାଇଫ୍ ଇନ୍ସୁରାନ୍ସ କମ୍ପାନୀ ତାହାର ସମସ୍ୟା ନେଇ ତାଙ୍କ ପାଖକୁ ଆସିଥିଲା। ତାଙ୍କ କର୍ମଚାରୀ ଦୁଃଖୀ ଥିବା ଦେଖି ହର୍ଭି ଏକ ସ୍ମାଇଲ ତିଆରି କରିଥିଲେ। ଏଥିପାଇଁ ତାଙ୍କୁ ୪୫ ଡଲାର ମିଳିଥିଲ। ରାଗିଥିବା କର୍ମୀଙ୍କୁ ଖୁସି କରିବାପାଇଁ ପ୍ରଥମେ ଏହାକୁ ବ୍ୟବହାର କରାଯାଇଥିଲା।
