ଭେଲୋର,୧୯।୬: ତାମିଲ୍ନାଡୁ ଭେଲୋରରେ ଗତ ୧୫ ବର୍ଷ ଧରି ଶୁଖିଲା ପଡ଼ିଥିବା ନାଗାନାଧି ନଦୀରେ ଜଳ ଭରିବା ପାଇଁ ଏହି ଅଞ୍ଚଳର ୨୦ ହଜାର ମହିଳା ଅଣ୍ଟା ଭିଡ଼ିଛନ୍ତି। ନଦୀର ବିଭିନ୍ନ ସ୍ଥାନରେ କୂଅ ଖୋଳି ଏଥିରେ ପୁଣି ଜଳ ଭରିବା କାର୍ଯ୍ୟ ମହିଳାମାନେ ଜାରି ରଖିଛନ୍ତି। ଗତ ୪ ବର୍ଷ ମଧ୍ୟରେ ନଦୀ ମଧ୍ୟରେ ୩ ହଜାର ୫ଶହ କୂଅ ଖୋଳା ଯାଇଛି। ଏହା ସହିତ କେତେକ ସ୍ଥାନରେ ଚେକ୍ ପଏଣ୍ଟ୍ ମଧ୍ୟ ନିର୍ମାଣ ହୋଇଛି। ରାଜ୍ୟର ୨୪ଟି ମରୁଡ଼ି ପଡୁଥିବା ଜିଲା ମଧ୍ୟରେ ଭେଲୋର ରହିଛି। ୨୦୧୪ଠାରୁ ଏହି କାର୍ଯ୍ୟରେ ମହିଳାମାନେ ନିୟୋଜିତ ଅଛନ୍ତି। ଏଥି ପାଇଁ ୫ କୋଟି ଟଙ୍କାର ବ୍ୟୟ ଅଟକଳ ପ୍ରସ୍ତୁତ ହୋଇଛି। ଏହାଦ୍ୱାରା ଜିଲାର ୧୦ଟିରୁ ଅଧିକ ବ୍ଲକ୍ର ଜନସାଧାରଣ ଉପକୃତ ହୋଇପାରିବେ ବୋଲି କୁହାଯାଉଛି।
