ଚୌଦ୍ୱାର,୧୧ା୪(ଡି.ଏନ୍.ଏ.): କରୋନା ଭୟାବହତାକୁ ନଜରରେ ରଖି ସାରା ଦେଶ ତଥା ରାଜ୍ୟକୁ ଲକ୍ଡାଉନ୍ ଘୋଷଣା କରାଯାଇଛି। ଲକ୍ଡାଉନରେ ସହାରାଞ୍ଚଳଠୁ ଆରମ୍ଭ କରି ଗ୍ରାମାଞ୍ଚଳ ଲୋକେ ପ୍ରଭାବିତ ହୋଇଛନ୍ତି। ବିଶେଷ କରି ଗ୍ରାମାଞ୍ଚଳରେ ବସବାସ କରୁଥିବା ଲୋକମାନେ ନିଜ ଜମାରାଶି ଉଠାଣ କରିବାରେ ବଡ ସମସ୍ୟା ଦେଖାଦେଇଛି। ଏବେବି ଟାଙ୍ଗି-ଚୌଦ୍ୱାର ବ୍ଲକର ବିଭିନ୍ନ ପଞ୍ଚାୟତରେ ଏଟିଏମ୍ ସେବାର ବ୍ୟବସ୍ଥା ନାହଁି। ଦୁଇ ଚକିଆ ଯାନ ଉପରେ ଉପରେ କଟକଣା ଲାଗୁ ହୋଇଥିବାରୁ ଗ୍ରାମାଞ୍ଚଳର ଲୋକେ ଦୂର ଦୁରନ୍ତାରୁ ଚୌଦ୍ୱାର ସହରକୁ ଆସି ଟଙ୍କା ଉଠାଇବା ପାଇଁ ଉଚିତ୍ ମନେ କରୁନାହାନ୍ତି। ଏଭଳି ସ୍ଥିତିରେ ଚୌଦ୍ୱାର ଆଗ୍ରାହାଟ ସ୍ଥିତ ୟୁକୋ ବ୍ୟାଙ୍କ ତରଫରୁ ଗ୍ରାମାଞ୍ଚଳର ଲୋକମାନଙ୍କୁ ଘରପାଖରେ ପଇସା ଉଠାଣ ପାଇଁ ଭ୍ରାମ୍ୟମାଣ ଏଟିଏମ୍ ସେବା ଆରମ୍ଭ କରିଛି । ଶନିବାର ସ୍ଥାନୀୟ ବରହମପୁର ପଞ୍ଚାୟତରୁ ଏହି ସେବା ଲୋକମାନଙ୍କୁ ପ୍ରଦାନ କରାଯାଇଛି । ଆଗାମୀ ଦିନରେ ଏହି ସେବା ଜାରି ରହିବ ବୋଲି ଆଗ୍ରାହାଟ ଶାଖା ମ୍ୟାନେଜର ସେକ୍ ୱାସିମ୍ ପ୍ରକାଶ କରିଛନ୍ତି।
ସୂଚନାଯୋଗ୍ୟ, ଆଗ୍ରାହାଟସ୍ଥିତ ଏହି ୟୁକୋ ବ୍ୟାଙ୍କ ଉପରେ ଆଖପାଖ ଅଗ୍ରାହାଟ, ଶଙ୍କରପୁର, ବରହମପୁର,ବଡସାମନ୍ତରାପୁର,ମଙ୍ଗରାଜପୁର,ବାଣିପଦା, କୟଳପଡା ଆଦି ପଞ୍ଚାୟତର ଲୋକେ ନିର୍ଭର କରିଥାନ୍ତି ।
