ମୁମ୍ବାଇ: ବେଶ କିଛିଦିନର ଅପେକ୍ଷା ପରେ ଶେଷରେ ଏହାର ଅନ୍ତ ଘଟାଇ ରିଲିଜ୍ ହୋଇଛି ବଲିଉଡ୍ ମୁଭି ‘ମିର୍ଜାପୁର-୨’ର ଟ୍ରେଲର । ଆମାଜନ ପ୍ରାଇମ ଭିଡିଓରେ ଏହାର ଟ୍ରେଲର ରିଲିଜ୍ ହୋଇଛି । ମିର୍ଜାପୁରର କାହାଣୀ ଡ୍ରଗ୍ସ ମାଫିଆ କାଲେନ ଭାଇ ଓ ପୂର୍ବ ଉତ୍ତର ପ୍ରଦେଶର ଟେଟ୍ଟୁଲରର ଛୋଟ ସହରରେ ତାଙ୍କର ବଦମାସୀ ପରର କାହାଣୀ । ଏହା ରୋମାନ୍ସ, ଆକ୍ସନ ଓ ବହୁମାତ୍ରାରେ ଅପମାନଜନକ ଭାଷାର ଏକ ମିଶ୍ରଣ ବୋଲି କୁହାଯାଉଛି । ଏହାର ସିଜିନ-୧ରେ ପ୍ରମୁଖ କାହାଣୀ(ବବଲୁ ପଣ୍ଡିତ ଓ ସ୍ୱିଟି ଗୁପ୍ତା)ଙ୍କ ସହ ଏକ ଭାବନାତ୍ମକ ଢଙ୍ଗରେ ଶେଷ ପୋଇଥିଲା । ସିଜନ-୨ରେ ପରିବର୍ତ୍ତନ ହୋଇଛି ଓ ଏହା ରାଜନୀତି ଉପରେ ରହିବ ବୋଲି କୁହାଯାଉଛି । କାରଣ ମୃତ ବ୍ୟକ୍ତିଙ୍କ ସହଯୋଗୀ ଗୋଲୁ ଓ ଗୁଡ୍ଡୁ କାଲେନ ଭାଇ, ମୁନ୍ନା ଓ ଏମାନଙ୍କ ବଦମାସୀକୁ ନେଇ ହତିଆର ଉଠାଇବେ । ଅଭିନେତ୍ରୀ ଶ୍ରେୟା ପିଲଗାଓଁକର ଯିଏ ସିଜନ-୧ରେ ସ୍ୱିଟି ଭୂମିକାରେ ଦେଖାଦେଇଥିଲେ ନିକଟରେ ସେ ତାଙ୍କ ଭୂମିକାକୁ ନେଇ ଏକ ମର୍ମସ୍ପର୍ଶୀ ପୋଷ୍ଟ ଶେୟାର କରିଛନ୍ତି । ସେ ଇନଷ୍ଟାଗ୍ରାମ ପେଜରେ ଏକ କୋଲାଜ ଶେୟାର କରିଛନ୍ତି । ଅଭିନେତ୍ରୀ ଲେଖିଛନ୍ତି, ପରଦାରେ ଚିତ୍ରିତ ଚରିତ୍ର ଗୁଡିକ ପାଇଁ ଜଣେ କଳାକାର ପାଇଁ ବଡ ପୁରସ୍କାର କିଛି ନାହିଁ । ସ୍ୱିଟି ଗୁପ୍ତା ଯାହା କଳ୍ପନା କରିଥିବେ ତା’ଠାର ଅଧିକ ମୋତେ ମିଳିଛି । ମୋତେ ଏତିକି କହିବାର ଅଛି ମିର୍ଜାପୁର-୨ ଘୋଷଣା ହେବା ପରେ ମୋତେ ବହୁତ ମିସ୍ ୟୁ ମେସେଜ ଆସୁଛି । ଏସବୁ କେବଳ ଆପଣଙ୍କ ଭଲପାଇବା ଯୋଗୁ ମିଳୁଛି ବୋଲି ସେ ଲେଖିଛନ୍ତି ।
