ଦିଗପହଣ୍ଡି,୨୧।୧୨(ଡି.ଏନ୍.ଏ.): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ବମକେଇ ଗାଁର ଟୁନା ପ୍ରଧାନଙ୍କୁ ହତ୍ୟା ଉଦ୍ୟମ ମାମଲାର ମୁଖ୍ୟ ଅଭିଯୁକ୍ତଙ୍କୁ ଘଟଣାର ୪ ମାସ ପରେ ଶନିବାର ଅପରାହ୍ନରେ ପୋଲିସ ଗିରଫ କରିଛି। ସେ ହେଲେ କୁମରଡ଼ା ଗାଁର ଉତ୍ତମ ପ୍ରଧାନ(୩୫)। ଘଟଣା ପରଠାରୁ ଅଭିଯୁକ୍ତ ଉତ୍ତମ ଗିରଫ ଭୟରେ ଫେରାର ଥିଲେ। ସେ ଗାଁକୁ ଫେରିଥିବା ଖବରପାଇ ତଦନ୍ତକାରୀ ପୋଲିସ ଅଧିକାରୀ ଏଏସ୍ଆଇ କ୍ଷୀରୋଦ ଚନ୍ଦ୍ର ବେହେରା ସଦଳବଳେ ଗାଁରେ ଚଢ଼ାଉ କରି ଶିବମନ୍ଦିର ନିକଟରେ ବସିଥିବା ଉତ୍ତମଙ୍କୁ ଗିରଫ କରିଥିଲେ। କୋର୍ଟ ଚାଲାଣ କରାଯିବା ପରେ ଜାମିନ ଆବେଦନ ନାମଞ୍ଜୁର ହେବାରୁ ତାଙ୍କୁ କେସ୍ ନଂ. ୧୫୦/୧୯ ଅନୁଯାୟୀ ଦିଗପହଣ୍ଡି ସବଜେଲ୍କୁ ପଠାଇ ଦିଆଯାଇଛି।
