‘ମୋ ପେଁକାଳି ବଜେଇଦେ’ ନାଟକର ମିତା ଚରିତ୍ରରୁ ମୁକୁଳି ପାରିନି: ସୁକାନ୍ତି ପାଢ଼ୀ

ସୁକାନ୍ତି ପାଢ଼ୀ ନିଜ ନାମରେ ଯେତିକି ପରିଚିତ ନୁହନ୍ତି; ‘ମୋ ପେଁକାଳି ବଜେଇଦେ’ ନାଟକର ଭଉଣୀ ଚରିତ୍ର ସସ୍ମିତା ଜଗଦେବ ଭାବରେ ତା’ଠୁ ବେଶି ପରିଚିତ। ଗୋଟେ ଦିନ ଥିଲା ଭାଇଭଉଣୀର କଥା ଉଠିଲେ ପେଁକାଳି ନାଟକର ଭାଇ ଭଉଣୀ ଚିନ୍ମୟ ଜଗଦେବ ଓ ସସ୍ମିତା ଜଗଦେବ କଥା କୁହାଯାଉଥିଲା। ଘରେଘରେ ପରିଚିତ ହୋଇ ଯାଇଥିଲା ଏହି ନାମ: ମିତା ଓରଫ ସସ୍ମିତା ଜଗଦେବ। ଏ ବାବଦରେ ସୁକାନ୍ତି କହନ୍ତି : ମୋର ଆଜି ବୟସ ହୋଇଯାଇଛି। ମୁଁ ମା’ ଚରିତ୍ରରେ ଅଭିନୟ କରୁଛି। ହେଲେ ‘ମୋ ପେଁକାଳି ବଜେଇଦେ’ର ସେଇ ମିତା ଚରିତ୍ର ଭିତରେ ମୁଁ ବନ୍ଧା ପଡ଼ିଯାଇଛି। ମୋତେ ଏବେ ବି ମୋ ଭାଇର ମିତା ମିତା ଡାକ ଶୁଭି ଯାଉଛି। ମୁଁ ୟା ଭିତରେ ଅନେକ ନାଟକ କଲିଣି। ହେଲେ ପେଁକାଳି ନାଟକର ସଫଳତା ଆଜି ପର୍ଯ୍ୟନ୍ତ କୌଣସି ନାଟକରୁ ପାଇନାହିଁ। କି ବେଳରେ ସେ ନାଟକ ହୋଇଥିଲା ଯେ, ୬ରୁ ୬୦ବର୍ଷ ବୟସର ଲୋକଙ୍କ ମନରେ ଏବେ ବି ସେହି ଭାଇଭଉଣୀ ଚରିତ୍ର ସ୍ମୃତିଟିଏ ହୋଇ ରହିଛି। ଯେଉଁ ନୂଆପିଢ଼ିର ଦର୍ଶକମାନେ ସେତେବେଳେ ନାଟକଟିକୁ ମଞ୍ଚରେ ଦେଖିପାରି ନଥିଲେ ସେମାନେ ଏବେ ୟୁଟ୍ୟୁବ୍‌ରେ ତାକୁ ଖୋଜିଖୋଜି ଦେଖୁଛନ୍ତି। ଗୋଟେ ଭାଇ, ଗୋଟେ ଭଉଣୀ ଆଉ ଜଣେ ଜେଜେ। ବାସ୍‌, ଭାଇଭଉଣୀର ଅନାବିଳ ପ୍ରେମ। ଯାହାକୁ ଭୁଲି ପାରିନି କିମ୍ବା ଶେଷ ପର୍ଯ୍ୟନ୍ତ ସୁଦ୍ଧା ଭୁଲି ପାରିବିନି। ପ୍ରତ୍ୟେକ ଯାତ୍ରାଋତୁ ଆସିଲେ ମୁଁ ସେହି ମିତା ଚରିତ୍ରକୁ ମିସ୍‌କରେ। ତେବେ ବୟସର ବାହାନା ଦେଖେଇ ମନକୁ ବୁଝେଇଦିଏ।

ସୁକାନ୍ତି କହନ୍ତି : ମୋର ସତସତିକା ଜୀବନରେ କେହି ଭାଇନାହାନ୍ତି। ସେଇଟା ମୋର ସବୁଠୁ ବଡ଼ ଦୁଃଖ। ମଞ୍ଚରେ ଯେତେବେଳେ ଏଭଳି ଗୋଟେ ସେହ୍ନୀ ଭାଇକୁ ଦେଖେ ମୋ ଛାତି ଭିତରଟା ହାହାକାର କରିଉଠେ। ଭାଇ ନଥିବାର ଦୁଃଖ ମୋ ଆଖି ବାଟେ ଲୁହ ହେଇ ବୋହି ଆସେ। ମୋ ଭିତରର ଭଉଣୀଟା କାନ୍ଦେ। ଆଉ ଭାବେ, ମୋର ଏମିତିକା ଭାଇଟେ ଥାଆନ୍ତା କି?

– ସତକହୁଛି, ବାସ୍ତବ ଜୀବନରେ ଭାଇ ନଥିବାର ଦୁଃଖ ଆଉ ଅବସୋସ ମିତା ଓରଫ ସସ୍ମିତା ଜଗଦେବ ଚରିତ୍ର ସହିତ ପୂରାପୂରି ମିଶିଯାଏ। ସଂଳାପ ସବୁ ପାଟିରୁ ନୁହେଁ; ଛାତି ଭିତରୁ ବାହାରି ଆସେ। ନାଟକ ଭିତରେ ଯେତେବେଳେ ପ୍ରେମିକ ମୋତେ ପଚାରେ- କୁହ, ତୁମ ପାଖରେ କିଏ ବଡ଼? ଭାଇ ନା ପ୍ରେମିକ। ଭାଇ ନା ସ୍ବାମୀ। ସେତେବେଳେ ମୋତେ ଲାଗେ ଯେମିତି ସତରେ କିଏ ମୋତେ ମୋ ଭାଇଠାରୁ ଅଲଗା କରିନଉଛି। ମୁଁ କହେ ଯେ, ମୋ ଭାଇ ମୋ ପାଇଁ ବଡ଼। ଗୋଟେ ଝିଅ ତା’ ପ୍ରେମକୁ ଭୁଲିଯାଇପାରେ, ତା’ ପ୍ରେମିକକୁ ଭୁଲି ଯାଇପାରେ ହେଲେ ତା’ ଭାଇକୁ କେବେ ଭୁଲି ଯାଇପାରିବନି। ମୋ ଭାଇ ମୋ ପାଇଁ ସ୍ବର୍ଗ ଠାରୁ ବି ଆହୁରି ବଡ଼।
ଅବଶ୍ୟ ଏ ସଂଳାପ ନାଟ୍ୟକାର ଲେଖିଛନ୍ତି। କିନ୍ତୁ ମୁଁ ଯେତେବେଳେ କହେ ମୋତେ ଲାଗେ ଏ ସଂଳାପ ସବୁ ମୋ ମନକଥା। ମୁଁ ଯେମିତି ମଞ୍ଚରେ ଠିଆ ହୋଇ ଡାଏଲଗ୍‌ କହୁନି। ସତସତିକା କଥା କହୁଛି। ସମ୍ଭବତଃ ଏହିସବୁ କାରଣ ପାଇଁ ମୁଁ ଯେମିତି ମିତା ଚରିତ୍ରରୁ ମୁକୁଳି ପାରିନି ଠିକ୍‌ ସେମିତି ଦର୍ଶକମାନେ ମଧ୍ୟ ଆଜି ବି ସେ ଚରିତ୍ରକୁ ମନେରଖିଛନ୍ତି। ସେହି ନାଟକରେ ଅଭିନୟ କରିବା ପରେ ପ୍ରତି ଘରେ ମଁୁ ଗୋଟେ ଭଉଣୀ ପାଲଟି ଯାଇଥିଲି।
ସମ୍ପ୍ରତି ଯାତ୍ରା ବିଶ୍ୱ ଦରବାରରେ ଅଭିନୟ ଜାରି ରଖିଥିବା ଏହି ବର୍ଷିଆନ୍‌ ଅଭିନେତ୍ରୀ ଶେଷରେ ହସିହସି କହନ୍ତି : ଆପଣ ଜାଣନ୍ତି, ସେହି ନାଟକ ପରେ ଅଭିନେତା କୈଳାଶ ବେହେରା ମୋ ଭାଇ ହୋଇ ଯାଇଛନ୍ତି। ସେ ମୋତେ ପ୍ରତି ବର୍ଷ ସାବିତ୍ରୀରେ ଶାଢ଼ି ଦିଅନ୍ତି। ଆଉ ମୁଁ ସବୁ ରାକ୍ଷୀ ପୁନେଇରେ ତାଙ୍କ ହାତରେ ରାକ୍ଷୀ ବାନ୍ଧେ। ଅବଶ୍ୟ ଏବର୍ଷ ସେ ଶାଢ଼ୀ କିଣି ଦେଇପାରି ନାହାନ୍ତି। ହେଲେ ମୋତେ ଟଙ୍କା ଦେଇ କହିଛନ୍ତି ସାବିତ୍ରୀରେ ଶାଢ଼ି କିଣି ପିନ୍ଧିନବୁ।


Enter your email to get our daily news in your inbox.

All Right Reserved By Dharitri.Com

ବାତ୍ୟା ଆଶଙ୍କା: ସଜାଗ ପୁରୁଷୋତ୍ତମପୁର ଜଳସମ୍ପଦ ବିଭାଗ, ନଦୀ-ନାଳକୁ ନ ଯିବା ପାଇଁ…

ପୁରୁଷୋତ୍ତମପୁର,୧୮ା୧୧(ସବିତା ମିଶ୍ର): ସାମୁଦ୍ରିକ ଝଡ଼ ‘ଅକ୍ୱାନ’କୁ ନେଇ ଆଶଙ୍କା ଦେଖାଦେଇଛି। ପୂର୍ବ ବନ୍ୟାର ଭୟ ମନରୁ ଲିଭି ନ ଥିବାବେଳେ ଆଉ ଏକ ସମ୍ଭାବ୍ୟ ବିପଦକୁ ନେଇ…

ଆଇପିଏଲରୁ ସନ୍ୟାସ ନେବା ପରେ ଧୋନୀଙ୍କୁ ପେନଶନ ଦେବ CSK? ଜାଣନ୍ତୁ କେତେ ଟଙ୍କା ମିଳିବ…

ନୂଆଦିଲ୍‌ଲୀ,୧୮।୧୧: କୁହାଯାଏ ଯେ ଜୀବନର ଆକାଶରେ କିଛି ଏପରି ନାମ ଲେଖାଯାଇଥାଏ, ଯାହା କେବଳ କିଛି ଅକ୍ଷର ହୋଇ ରହି ନଥାଏ, ବରଂ ଏକ ସମ୍ପୂର୍ଣ୍ଣ ଯୁଗର…

ମାଂସ କାଟୁଥିବା ବେଳେ ୩ ଅଭିଯୁକ୍ତ ଗିରଫ

ନୀଳଗିରି, ୧୮।୧୧(ପ୍ରଶାନ୍ତ ବିଶ୍ୱାଳ): କୁଲଡିହା ବନ୍ୟପ୍ରାଣୀ ଅଭୟାରଣ୍ୟ ଅନ୍ତର୍ଗତ ତେଣ୍ଡା (ହୁଡ଼ିସାହି) ଅଞ୍ଚଳରେ ବନ୍ୟପ୍ରାଣୀ ମାଂସ କାଟୁଥିବା ବେଳେ ୩ଜଣଙ୍କୁ ଗିରଫ କରିଛି ବନବିଭାଗ। ୱାଇଲ୍ଡଲାଇଫ୍‌ ବିଟ୍‌ର…

ସାକ୍ଷୀଗୋପାଳରେ ଅଁଳା ନବମୀ: ରାଧା ପାଦ ଦର୍ଶନ କରୁଛନ୍ତି ଶ୍ରଦ୍ଧାଳୁ

ସାକ୍ଷୀଗୋପାଳ,୧୮ା୧୧(କିଶୋର ମହାପାତ୍ର/ପ୍ରଶାନ୍ତ କୁମାର ବାରିକ): ପୁରୀ ଜିଲା ସାକ୍ଷୀଗୋପାଳ ମନ୍ଦିରରେ ପବିତ୍ର ଅଁଳା ନବମୀ ଅବସରରେ ଶ୍ରୀରାଧାଙ୍କ ଓଡ଼ିଆଣୀ ବେଶ ଓ ରାଧା ପାଦ ଦର୍ଶନ ପାଇଁ…

ଗତିପଥ ବଦଳାଇଲା ବାତ୍ୟା: ଓଡ଼ିଶାର ଏହି ସ୍ଥାନରେ କରିବ ଲ୍ୟାଣ୍ଡଫଲ! ଆସିଲା ବଡ଼ ସୂଚନା

ଭୁବନେଶ୍ୱର, ୧୮।୧୧: ଭୀଷଣ ବାତ୍ୟାର ରୂପ ନେଇଛି ସାମୁଦ୍ରିକ ଝଡ଼ ‘ଅକ୍ୱାନ’। ବୁଧବାର ସକାଳ ୫ଟା ୩୦ ମିନିଟରେ ପର୍ଯ୍ୟବେକ୍ଷଣ ଅନୁଯାୟୀ, ଏହା ଭୀଷଣ ବାତ୍ୟାରେ ପରିଣତ…

ଶନିଙ୍କ ମାର୍ଗୀ ଚଳନ: ୨୦୨୭ ପୂର୍ବରୁ ୪ ରାଶିଙ୍କ ଘରକୁ ଆସିବ ଧନର ସୁଅ! ଚାକିରି-ବ୍ୟବସାୟରେ…

ଶନିଦେବଙ୍କୁ ନ୍ୟାୟ ଓ କର୍ମଫଳର ଦେବତା ବୋଲି ମାନାଯାଏ। ବ୍ୟକ୍ତିଙ୍କ କର୍ମ ଅନୁସାରେ ଶନିଦେବ ତାଙ୍କୁ ଫଳ ପ୍ରଦାନ କରିଥାନ୍ତି। ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନିଦେବ ଯେତେବେଳେ…

ଟିମ ଇଣ୍ଡିଆରେ ଫେରିବେ ଦୁଇ ଷ୍ଟାର୍‌ ଖେଳାଳି, ଆସନ୍ତାକାଲି ନ୍ୟୁଜିଲାଣ୍ଡ ସହ ଲଢ଼େଇ; ୯ ନୂଆ ମୁହଁଙ୍କୁ ସୁଯୋଗ!

ନୂଆଦିଲ୍ଲୀ, ୧୮।୧୧: ଟି-୨୦ ଓ ଦିନିକିଆ ସିରିଜ ଜିତିବା ପରେ ଏବେ ଟେଷ୍ଟ ସିରିଜରେ ନ୍ୟୁଜିଲାଣ୍ଡକୁ ଭେଟିବ ଟିମ ଇଣ୍ଡିଆ। ଆସନ୍ତାକାଲି ଅର୍ଥାତ୍‌ ଗୁରୁବାର, ୧୯ ନଭେମ୍ବରରୁ…

ତାମିଲନାଡ଼ୁରେ ବନ୍ଧକ ଥିବା ଦାଦନ ଶ୍ରମିକଙ୍କୁ ଉଦ୍ଧାର କଲେ ସ୍ବାସ୍ଥ୍ୟମନ୍ତ୍ରୀ: ପରିବାରରେ ଖୁସିର ଲହରୀ

କେସିଙ୍ଗା,୧୮।୧୧(ତୁମେଶ୍ୱର ସାହୁ): ଦୀର୍ଘଦିନ ଧରି ତାମିଲନାଡ଼ୁର ଏକ ଡିଟରଜେଣ୍ଟ କାରଖାନାରେ ବନ୍ଧକ ଥିବା କଳାହାଣ୍ଡି ଜିଲାର ଦାଦନ ଶ୍ରମିକ ଦିନେଶ ମାଝୀ ଶେଷରେ ଉଦ୍ଧାର ହୋଇ ନିଜ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?