ମିଳୁନି ଆଶାନୁରୂପ କର୍ମନିଯୁକ୍ତି

କେନ୍ଦ୍ରାପଡ଼ା ଅଫିସ୍‌, ୧୧।୨:କେନ୍ଦ୍ରାପଡ଼ା ଜିଲାରେ କର୍ମ ନିଯୁକ୍ତି ଏକ ପ୍ରମୁଖ ସମସ୍ୟା। ଜିଲାରେ ଶିଳ୍ପ ପ୍ରତିଷ୍ଠାନ ନଥିବା ବେଳେ ଅର୍ଥକରୀ ଫସଲ ପାଇଁ ପ୍ରୋତ୍ସାହନ ନ ଥିବାରୁ ଜିଲାର ଅନେକ ବ୍ୟକ୍ତି ଜିଲା ବା ରାଜ୍ୟ ବାହାରକୁ ଦାଦନ ଖଟିବାକୁ ଯାଉଛନ୍ତି। ଅପରପକ୍ଷରେ କେନ୍ଦ୍ର ସରକାରଙ୍କ ମହାତ୍ମା ଗାନ୍ଧି ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନା ଏହି ଜିଲାରେ ଏକ ପ୍ରକାର ସ୍ଥାଣୁ ପାଲଟିଥିବା ଦେଖାଯାଉଛି। ୨୦୧୬-୧୭ ଆର୍ଥିକ ବର୍ଷରେ ଜିଲାରେ ୧୭,୯୩୭ ପ୍ରକଳ୍ପ ଆରମ୍ଭ ହୋଇ ୧୬,୭୧୫ ପ୍ରକଳ୍ପ ଶେଷ ହୋଇଥିଲା। ଫଳରେ ଏହି ଯୋଜନାକୁ ୯୩.୧୯ ପ୍ରତିଶତ ସଫଳତା ମିଳିଥିଲା। ହେଲେ ଏହି ସଫଳତା ହାର ପ୍ରତି ଆର୍ଥିକ ବର୍ଷରେ କମିବାରେ ଲାଗିଛି। ୨୦୧୭-୧୮ ଆର୍ଥିକ ବର୍ଷରେ ଏହି ଯୋଜନାକୁ ୮୯.୪୭ ପ୍ରତିଶତ ସଫଳତା ମିଳିଥିବା ବେଳେ ୨୦୧୮-୧୯ ଆର୍ଥିକ ବର୍ଷରେ ଏହି ଅନୁପାତ ହାର କମି ୭୮.୨୭ ପ୍ରତିଶତରେ ପହଞ୍ଚିଥିଲା। ଚଳିତ ଆର୍ଥିକବର୍ଷ ପୂରିବାକୁ ମାତ୍ର ଦେଢ଼ ମାସ ବାକି ଥିବା ବେଳେ ପ୍ରକଳ୍ପ ସମାପ୍ତ ପାଇଁ ଆଶାନୁରୂପ କର୍ମନିଯୁକ୍ତି ଦିଆଯାଇପାରିନାହିଁ।
ଚଳିତ ଆର୍ଥିକବର୍ଷରେ ମୋଟ ୨୪,୨୦୬ଟି ପ୍ରକଳ୍ପର କାର୍ଯ୍ୟାରମ୍ଭ ହୋଇଥିଲା। ଅଦ୍ୟାବଧି ମାତ୍ର ୫୯୩୧ ପ୍ରକଳ୍ପ ସମାପ୍ତ ହୋଇଛି। ଫଳରେ ଏହି ଯୋଜନାକୁ ମାତ୍ର ୨୪.୫ ପ୍ରତିଶତ ସଫଳତା ମିଳିଛି। ସେହିପରି ଏମ୍‌ଜିଏନ୍‌ଆର୍‌ଇଜିଏସ୍‌ରେ ଶ୍ରମିକଙ୍କୁ ଅନୂ୍ୟନ ୧୦୦ ଦିନ କାମ ଯୋଗାଇ ଦେବା ପାଇଁ ଲକ୍ଷ୍ୟ ରହିଛି। ହେଲେ ଏହି ଲକ୍ଷ୍ୟ ପୂରଣରେ ରାଜ୍ୟର ଅନ୍ୟ ଜିଲା ତୁଳନାରେ କେନ୍ଦ୍ରାପଡ଼ା ଢ଼େର ପଛରେ ପଡିଛି। ଚଳିତ ଆର୍ଥିକବର୍ଷରେ ଜିଲାର ୨,୧୯,୨୨୫ ଜବ୍‌କାର୍ଡଧାରୀ ପରିବାର ମଧ୍ୟରୁ ମାତ୍ର ୫୩୯ ପରିବାରକୁ ୧୦୦ ଦିନର କାମ ମିଳିଛି। ଏ ସମ୍ପର୍କରେ କେନ୍ଦ୍ରାପଡା ବ୍ଲକ ଭରତପୁର ଗ୍ରାମର ଶଶିଭୂଷଣ ଦାସ କୁହନ୍ତି, ଏମ୍‌ଜିଏନ୍‌ଆର୍‌ଇଜିଏସ୍‌ରେ ମଜୁରି ବହୁତ କମ୍‌ ମିଳୁଛି। ଯୋଜନାର ସଫଳତା ପାଇଁ ଶ୍ରମିକ ମଜୁରି ବଢ଼ାଇବା ଆବଶ୍ୟକ। ସେହିପରି ଏହି ଯୋଜନାରେ ଶ୍ରମ ନିଯୁକ୍ତିକୁ ଗୁରୁତ୍ୱ ଦିଆଯାଉଥିବା ବେଳେ ମେଶିନର ଉପଯୋଗ ଫଳରେ ଶ୍ରମିକଙ୍କ ଆବଶ୍ୟକତା କମିଯାଉଛି। ଏଥିସହ ଯୋଜନାର ଅର୍ଥ ପାଇଁ କିଛି ଦିନ ଅପେକ୍ଷା କରିବାକୁ ପଡୁଛି। ଶ୍ରମିକଙ୍କ ଆର୍ଥିକ ଦୁରବସ୍ଥା ସମସ୍ୟା ସମାଧାନ ବଦଳରେ ଅର୍ଥ ଅପେକ୍ଷା ଯୋଜନାର ସଫଳତାକୁ ସୀମିତ କରୁଛି। ଏ ନେଇ ବୁଦ୍ଧିଜୀବୀ ଗଣେଶ ଚନ୍ଦ୍ର ସାମଲ କୁହନ୍ତି, ଏହି ଯୋଜନାରେ ପୂର୍ବରୁ ରାସ୍ତା ନିର୍ମାଣ, ପୋଖରୀ ଖନନ ଆଦି ମାଟି କାମକୁ ଗୁରୁତ୍ୱ ଦିଆଯାଉଥିଲା। ଏବେ ମାଟି ରାସ୍ତା ନିର୍ମାଣ ପାଇଁ ସରକାରଙ୍କ ଆଗ୍ରହ ନାହିଁ। ସେହିପରି ପୋଖରୀ ଖନନ କାର୍ଯ୍ୟ ଜେସିବି ମାଧ୍ୟମରେ ସୁବିଧା ହେଉଛି। ଏଥିସହ ଗତ ଦୁଇ ବର୍ଷ ଧରି ଗୋପବନ୍ଧୁ ଗ୍ରାମୀଣ ଯୋଜନାରେ ଅର୍ଥ ଆସୁ ନ ଥିବାରୁ ଏମ୍‌ଜିଏନ୍‌ଆର୍‌ଇଜିଏସ୍‌ କାମ ବନ୍ଦ ରହିଛି। ଅନ୍ୟପଟେ ଏହି ଯୋଜନାରେ ଏବେ ଆବାସ ଯୋଜନା, ଅଙ୍ଗନୱାଡି ଗୃହ ନିର୍ମାଣ, ସେବାକେନ୍ଦ୍ର, ଗୋଷ୍ଠୀ କେନ୍ଦ୍ର ଆଦି ନିର୍ମାଣ ହେଉଛି। ଏଥିରେ ଶ୍ରମିକଙ୍କ ଅର୍ଥ ମିଳିବା ପାଇଁ ଅଧିକ ସମୟ ଯାଉଛି। ସୂଚନା ଅଧିକାର କର୍ମୀ ପ୍ରତାପ ଚନ୍ଦ୍ର ମହାନ୍ତି କୁହନ୍ତି, ଯୋଜନା କାର୍ଯ୍ୟକାରୀରେ ପ୍ରଶାସନିକ ଅବହେଳା ରହିଛି। କେନ୍ଦ୍ରାପଡା ଜିଲାରେ ଏହି ଯୋଜନାରେ ଅଙ୍ଗନୱାଡି କେନ୍ଦ୍ର ନିର୍ମାଣ ପାଇଁ ୪୬୦ ପ୍ରକଳ୍ପକୁ ମଞ୍ଜୁରୀ ମିଳିଥିଲେ ମଧ୍ୟ ଅଦ୍ୟାବଧି କାମ ଆରମ୍ଭ ହୋଇନାହିଁ। ସେହିପରି କ୍ଷେତକୁ ମରୁଡିରୁ ବଞ୍ଚାଇବା ପାଇଁ ୩୨୨ ପ୍ରକଳ୍ପ ଆବଶ୍ୟକତା ଥିବା ବେଳେ ପଞ୍ଚାୟତସ୍ତରରେ ଏଥିପାଇଁ ଉଦ୍ୟମ ହେଉନାହିଁ। ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଲେ ଯୋଜନା କାର୍ଯ୍ୟକାରୀ ସହ ଜିଲାର କର୍ମ ନିଯୁକ୍ତି ସମସ୍ୟା ସମାଧାନ ହୋଇପାରନ୍ତା। ଏମ୍‌ଜିଏନ୍‌ଆର୍‌ଇଜିଏସ୍‌ରେ ଶିଥିଳତା ସମ୍ପର୍କରେ ପିଡି ଦିଲୀପ କୁମାର ପରିଡ଼ା କୁହନ୍ତି, ଚଳିତ ଆର୍ଥିକ ବର୍ଷରେ ସାଧାରଣ ନିର୍ବାଚନ ହୋଇଥିବାରୁ ପ୍ରକଳ୍ପ ନିର୍ମାଣ ବନ୍ଦ ରହିଥିଲା। ଏଥିସହ କେତେକ ପ୍ରକଳ୍ପ ନିର୍ମାଣ ସମୟରେ କନ୍ଦଳ ସୃଷ୍ଟି ହେବାରୁ ବନ୍ଦ ରହିଛି। ତେବେ ଜିଲାରେ ଆବେଦନକାରୀ ଜବ୍‌କାର୍ଡଧାରୀଙ୍କୁ କର୍ମନିଯୁକ୍ତି ଦିଆଯାଉଛି।


Enter your email to get our daily news in your inbox.

All Right Reserved By Dharitri.Com

ଆସିଲା ୨୦୩୫ ପର୍ଯ୍ୟନ୍ତ ପ୍ରମୁଖ ଇଭେଣ୍ଟର କାର୍ଯ୍ୟସୂଚୀ: ଜାଣନ୍ତୁ ଭାରତରେ ହେବ କେଉଁ ସବୁ ବଡ଼ ଇଭେଣ୍ଟ

ନୂଆଦିଲ୍ଲୀ,୧୫।୧୧: ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି) ୨୦୩୫ ପର୍ଯ୍ୟନ୍ତ ଏହାର ପ୍ରମୁଖ ପୁରୁଷ ଇଭେଣ୍ଟ କାର୍ଯ୍ୟସୂଚୀକୁ ମଞ୍ଜୁରୀ ପ୍ରଦାନ କରିଛି। ଏଥିସହିତ ପରବର୍ତ୍ତୀ ୩ ବୃହତ୍‌ ଇଭେଣ୍ଟ ଯଥା…

୧୦ କୋଟି ଟଙ୍କାରୁ ଅଧିକ ମୂଲ୍ୟ ଥିବା ପାଞ୍ଚ ଜଣ ଖେଳାଳିଙ୍କୁ ଦଳରୁ ମୁକ୍ତ କରାଯାଇପାରେ; ଆସନ୍ତାକାଲି ଆସିବ ଆଇପିଏଲ (IPL) ୨୦୨୭ ପାଇଁ ରିଟେନସନ ତାଲିକା

ନୂଆଦିଲ୍ଲୀ,୧୬।୧୧: IPL 2027 ପାଇଁ ସମସ୍ତ ଦଳର ରିଟେନସନ ତାଲିକା ନଭେମ୍ବର ୧୭ରେ ପ୍ରକାଶ ପାଇବ। ହାର୍ଦ୍ଦିକ ପାଣ୍ଡ୍ୟା ଏବଂ ରିଷଭ ପନ୍ତଙ୍କ ପରି ପ୍ରମୁଖ ଖେଳାଳିମାନେ…

ପୂର୍ବତନ ପ୍ରଧାନ ଶିକ୍ଷକଙ୍କୁ ଝୁରୁଛି ଗାଁ ମାଟି: ଶିକ୍ଷକତା ପରେ କାହଁକି ନେଲେ ଏଭଳି ଚରମ ନିଷ୍ପତ୍ତି

ବରୀ, ୧୬।୧୧ (ମହେନ୍ଦ୍ର ସ୍ୱାଇଁ): ବରୀ ଶିକ୍ଷାମଣ୍ଡଳ ଅନ୍ତର୍ଗତ ଅରଙ୍ଗାବାଦ ପ୍ରକଳ୍ପ ପ୍ରାଥମିକ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ସୁରେନ୍ଦ୍ର ପ୍ରଧାନଙ୍କ ମୃତ୍ୟୁ ଘଟିଛି। ପାରିବାରିକ କଳହକୁ…

୧୩ ଛକା, ୮ଚୌକା ଇତିହାସ ରଚିଲେ ରଜତ ପାଟିଦାର, ୧୩୫ ରନ କରି କଲେ ବଡ଼ ରେକର୍ଡ

ନୂଆଦିଲ୍ଲୀ,୧୬।୧୧: ନିଜର ବିସ୍ଫୋରକ ବ୍ୟାଟିଂ ପାଇଁ ଜଣାଶୁଣା ରଜତ ପାଟିଦାର, ଗତ କିଛି ବର୍ଷ ମଧ୍ୟରେ ଆଇପିଏଲ (IPL) ରେ ନିଜକୁ ଅନ୍ୟତମ ବିପଜ୍ଜନକ ମଧ୍ୟକ୍ରମ ବ୍ୟାଟର…

କିୱି ମାଟିରେ ଭାରତର କଡ଼ା ପରୀକ୍ଷା, ୧୫ ମିମି ଘାସ…

ନୂଆଦିଲ୍ଲୀ,୧୬।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ନଭେମ୍ବର ୧୯ ତାରିଖରୁ ୱେଲିଂଟନ୍‌ର ଐତିହାସିକ ବେସିନ୍‌ ରିଜର୍ଭ ଷ୍ଟାଡିୟମ୍‌ରେ ଆରମ୍ଭ ହେବ ପ୍ରଥମ ଟେଷ୍ଟ ମ୍ୟାଚ୍‌ । ଏହି…

କାର୍ତ୍ତିକ ମାସର ତୃତୀୟ ସୋମବାରରେ ବଟେଶ୍ୱର ଶୈବପୀଠରେ ୫୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ: ପାଣି ପାଇଁ ଡହଳବିକଳ ହେଲେ….

ଗଞ୍ଜାମ,୧୬/୧୧ (ବିଦ୍ୟାଧର ସାହୁ): ପବିତ୍ର କାର୍ତ୍ତିକ ମାସର ତୃତୀୟ ସୋମବାର ଅବସରରେ ଗଞ୍ଜାମ ବ୍ଲକ୍‌ ଅନ୍ତର୍ଗତ ପାଳିବନ୍ଧ ପଞ୍ଚାୟତର କଣ୍ଟିଆଗଡ଼ସ୍ଥିତ ପ୍ରସିଦ୍ଧ ବଟେଶ୍ୱର ଶୈବପୀଠରେ ୫୦ ହଜାରରୁ…

ନିର୍ବାଚନ ମଇଦାନକୁ ଓହ୍ଲାଇବ CJP? ଅଭିଜିତ ଦୀପକେ ଗଠନ କଲେ ଟିମ୍‌

ନୂଆଦିଲ୍ଲୀ,୧୬।୧୧: ୨୦୨୭ ଉତ୍ତର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ, ଯେତେବେଳେ ବିଭିନ୍ନ ରାଜନୈତିକ ଦଳ ନିର୍ବାଚନ ପାଇଁ ପ୍ରସ୍ତୁତି ଚଳାଇଛନ୍ତି, ସେହି ସମୟରେ ଅଭିଜିତ ଦୀପକେଙ୍କ ଦ୍ୱାରା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?