ହିଞ୍ଜିଳିକାଟୁ,୩୦।୧୧(ଡି.ଏନ୍.ଏ.) : ଗଞ୍ଜାମ ଜିଲା ହିିଞ୍ଜିଳିକାଟୁ ମାଣିକ ନଗରଠାରେ ଶନିବାର ଅପରାହ୍ନରେ ଜଣେ ମହିଳାଙ୍କ ବେକରୁ ବାଇକ୍ରେ ଆସି ୨ ଜଣ ଦୁର୍ବୃତ୍ତ ପ୍ରାୟ ୪ ଭରି ଓଜନର ୨ଟି ସୁନା ଚେନ୍ ଝାମ୍ପି ନେଇଛନ୍ତିି। ଏନେଇ ହିଞ୍ଜିଳି ଥାନାରେ ଅଭିଯୋଗ ପରେ ପୋଲିସ ଲୁଟେରାଙ୍କୁ ଧରିବା ନିମନ୍ତେ ବିଭିନ୍ନ ସ୍ଥାନରେ ତନାଘନା ଚଳାଇଛି।
ସୂଚନାଯୋଗ୍ୟ, ଧରାକୋଟ ଥାନା ମୁଣ୍ଡମରାଇ ଗ୍ରାମର ବାଲାଜୀ ସୁବୁଦ୍ଧି ଓ ତାଙ୍କ ସ୍ତ୍ରୀ ସସ୍ମିତା ପଦ୍ମାବତୀ ନଗର ଜଣେ ସମ୍ପର୍କୀୟଙ୍କ ଘରକୁ ବାହାଘର ଭୋଜିରେ ଯୋଗଦେବାକୁ ଚାଲିକରି ଯାଉଥିଲେ। ମାଣିକ ନଗର ୫ମ ଲାଇନ୍ ନିକଟରେ ଏକ ବାଇକ୍ରେ ହେଲମେଟ ପିନ୍ଧି ୨ ଦୁର୍ବୃତ୍ତ ସସ୍ମିତାଙ୍କ ବେକରୁ ୨ଟି ସୁନା ଚେନ୍ ଝାମ୍ପି ଘଟଣାସ୍ଥଳରୁ ଆଖି ପିଛୁଲାକେ ଚମ୍ପଟ ମାରିଛନ୍ତି। ଏନେଇ ସସ୍ମିତା ହିଞ୍ଜିଳି ଥାନାରେ ଅଭିଯୋଗ କରିଛନ୍ତି।
