ଖଣ୍ଡପଡ଼ା,୧୯ା୭(ସ୍ବ.ପ୍ର.)-ଖଣ୍ଡପଡ଼ା ବ୍ଲକ ଅନ୍ତର୍ଗତ ବାଣପୁର ପଞ୍ଚାୟତସ୍ଥ ଘଣାଶାଳିଆ ଉନ୍ନୀତ ମଧ୍ୟ ଇଂରାଜୀ ବିଦ୍ୟାଳୟରେ ମଧ୍ୟାହ୍ନଭୋଜନ ଅଣ୍ଡା ଖାଇ ୧୪ ଛାତ୍ରୀଛାତ୍ର ଅସୁସ୍ଥ ହୋଇଥିବା ଖବର ବିଭିନ୍ନ ଗଣମାଧ୍ୟମରେ ପ୍ରକାଶ ପାଇଥିଲା। ତେଣୁ ଗୁରୁବାର ଜିଲା ପ୍ରଶାସନ ନିର୍ଦ୍ଦେଶ କ୍ରମେ ନୂଆଗଡିଆ ସାହି ଓ କଣ୍ଟିଲୋ ସ୍ବାସ୍ଥ୍ୟକେନ୍ଦ୍ରରୁ ଡା. ଜର୍ଜ ସତ୍ୟବ୍ରତ, ଡା. ଏଲୋରା ଦାସ, ପବ୍ଲିକ ହେଲଥ୍ ଏକ୍ସଟେନ୍ସନ ଅଫିସର ସ୍ନେହାଞ୍ଜଳି ପଣ୍ଡା ଓ ୨ ସୁପରଭାଇଜର ବିଦ୍ୟାଳୟରେ ପହଞ୍ଚତ୍ ସ୍ଥିତି ଅନୁଧ୍ୟାନପୂର୍ବକ ରିପୋର୍ଟ ପ୍ରଦାନ କରିଛନ୍ତି ା ସମ୍ପୃକ୍ତ ବିଦ୍ୟାଳୟରେ ପାନୀୟ ଜଳର ସୁବିଧା ରହିଥିବା ଓ ୨/୩ ଜଣ ବାନ୍ତି କରିବା ଦେଖି ଅନ୍ୟ ପିଲାମାନେ ମଧ୍ୟ ବାନ୍ତି କରିବା ଆରମ୍ଭ କରିଦେଇଥିଲେ ବୋଲି ଡାକ୍ତରାଣୀ ଦାସ ସୂଚନା ଦେଇଥିଲେ। ସେ ଫୁଡ୍ ପଏଜନ୍ ହୋଇ ନ ଥିବା ଓ ଅନେକ ଛାତ୍ରୀଛାତ୍ର ୩/୪ଟି ଅଣ୍ଡା ଖାଇଥିବାବେଳେ କୌଣସି ସ୍ବାସ୍ଥ୍ୟ ସମସ୍ୟା ଦେଖା ଦେଇ ନ ଥିବା ସୂଚନା ଦେଇଥିଲେ। ସକାଳେ କିଛି ଖାଇ ନ ଥିବାରୁ ଡିହାଇଡ୍ରେସନ ହୋଇଥାଇପାରେ ବୋଲି ଡା. ଦାସ କହିଥିଲେ ା ଏହାବ୍ୟତୀତ ମଧ୍ୟାହ୍ନଭୋଜନରେ କିଛି ତ୍ରୁଟି ନ ଥିବା ଅନୁଧ୍ୟାନକାରୀ ଦଳଠାରୁ ସୂଚନା ମିଳିଛି ା ଏହି ଦଳ ଅପରାହ୍ନରେ ବିଦ୍ୟାଳୟରେ ପହଞ୍ଚତ୍ ପୂର୍ବରୁ କଣ୍ଟିଲୋ ମେଡିକାଲକୁ ଚିକିତ୍ସା ପାଇଁ ଆସିଥିବା ୫ମ ଶ୍ରେଣୀ ଛାତ୍ରୀ ଜ୍ୟୋତିର୍ମୟୀ ରାଉତ, ଅଭିଷେକ ପ୍ରଧାନ, ପ୍ରଶାନ୍ତି ପ୍ରଧାନ, ନିରଞ୍ଜନ ଦଳାଇ ଓ ୪ର୍ଥ ଶ୍ରେଣୀ ଛାତ୍ରୀ ସ୍ମିତା ରାଉତ, ଅନୁପମା ରାଉତ, ସାଇରାମ ଦଳାଇ, ରାଜା ଯେନା, ଝରଣା ବେହେରା, ବର୍ଷା ବେହେରା, ସୁମନ୍ତ ବେହେରା, ବର୍ଷା ରାଣୀ ଯେନା, ରୁଦ୍ର ନାରାୟଣ ସ୍ବାଇଁ, ବର୍ଷା ରାଉତଙ୍କ ସ୍ବାସ୍ଥ୍ୟ ପରୀକ୍ଷା କରିଥିଲେ।
