ଓ୍ବସେଷ୍ଟର, ୨୫।୭ (ପି.ଟି.)- ଅଧିନାୟକ ପ୍ରିୟମ ଗର୍ଗଙ୍କ ଅପରାଜିତ ଶତକୀୟ ଇନିଂସ ବଳରେ ଯୁବ ଭାରତୀୟ କ୍ରିକେଟ୍ ଦଳ ଏଠାରେ ତାଲିଥିବା ୧୯ ବର୍ଷରୁ କମ୍ ତ୍ରି-ରାଷ୍ଟ୍ରୀୟ ସିରିଜର ଏକ ମ୍ୟାଚ୍ରେ ବାଂଲାଦେଶକୁ ୩୫ ରନରେ ପରାସ୍ତ କରିଦେଇଛି। ଟସ୍ ଜିତି ବ୍ୟାଟିଂ କରିଥିବା ଭାରତ ଅଧିନାୟକ ପ୍ରିୟମଙ୍କ ୧୦୦ ରନ (୯୭ ବଲ) ବଳରେ ନିର୍ଦ୍ଧାରିତ ୫୦ ଓଭରରେ ୫ ଉଇକେଟ୍ ହରାଇ ୨୬୪ ରନ୍ କରିଥିଲା। ଓପନର୍ ଯଶଭି ଜୟସ୍ବାଲ ୬୩, ଉଇକେଟ୍କିପର ଧ୍ରୁବ ଜୁରେଲ ୩୪ ରନ୍ କରିଥିଲେ। ଜବାବରେ ବାଂଲାଦେଶ ଯୁବ ଦଳ ଅଧିନାୟକ ଆକବର ଅଲି (୫୬), ଶମିନ ହୋସେନ (୪୬), ତାଞ୍ଜିଦ୍ ହାସାନ (୪୪) ଓ ମୃତ୍ୟୁଞ୍ଜୟ ଚୌଧୁରୀ (୩୩)ଙ୍କ ଉପଯୁକ୍ତ ବ୍ୟାଟିଂ ସତ୍ତ୍ୱେ ୪୭.୧ ଓଭରରେ ସମସ୍ତ ଉଇକେଟ୍ ହରାଇ ୨୨୯ ରନରେ ସୀମିତ ରହିଥିଲା। ବିଜୟୀ ଦଳ ପକ୍ଷରୁ କାର୍ତ୍ତିକ ତ୍ୟାଗୀ ୪ ଓ ଶୁଭଙ୍ଗ୍ ହେଗ୍ଡେ ୩ ଉଇକେଟ୍ ଅକ୍ତିଆର କରିଥିଲେ। ପୂର୍ବରୁ ଭାରତ ଉଦ୍ଘାଟନୀ ମୁକାବିଲାରେ ଆୟୋଜକ ଇଂଲଣ୍ଡ ଯୁବ ଦଳକୁ ୫ ଉଇକେଟ୍ରେ ପରାସ୍ତ କରିଥିଲା। ଏଥିସହ ୨ ମ୍ୟାଚ୍ରୁ ୨ ବିଜୟ ଲାଭ କରି ଭାରତ ଯୁବ ଦଳ ୪ ପଏଣ୍ଟ ପାଇ ଟେବୁଲର ଶୀର୍ଷରେ ରହିଛି।
