ମୁମ୍ବାଇ,୧୩।୧୦: ମହାରାଷ୍ଟ୍ର ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟି(ଭାଜପା) ଓ ଶିବସେନା ମଧ୍ୟରେ ମେଣ୍ଟ ହୋଇଛି। ଏମାନେ ଏକାଠି ମିଶି ବିଧାନସଭା ନିର୍ବାଚନ ଲଢିବେ। ହେଲେ ଏମାନଙ୍କ ମେଣ୍ଟ ସବୁବେଳେ ରହୁଛି ଚର୍ଚ୍ଚାରେ। ଏବେ ନିର୍ବାଚନକୁ ଆଉ ମାତ୍ର ଅଳ୍ପ ଦିନ ବାକିଥିବା ବେଳେ ପୋଷ୍ଟରରେ ପୁଣି ଥରେ ଏମାନଙ୍କୁ ଅଲଗା ଅଲଗା ଦେଖିବାକୁ ମିଳିଛି। ଅର୍ଥାତ୍ ଅଲ୍ ଇଜ୍ ନଟ ଓ୍ବେଲ ବୋଲି ଚର୍ଚ୍ଚା ହେଉଛି। କାରଣ ଏହି ମେଣ୍ଟ ଦଳ ନିର୍ବାଚନ ପ୍ରଚାର ସମୟରେ ପୋଷ୍ଟରରେ ଅଲଗା ଅଲଗା ଦେଖାଦେଉଥିବାରୁ ଏହା ‘ଏକଲା ଚଲୋ’କୁ ପ୍ରାଧାନ୍ୟ ଦେଉଛି ବୋଲି ରଜନୈତିକ ମହଲରେ ଚର୍ଚ୍ଚା ହେଉଛି। ବିଭିନ୍ନ ସ୍ଥାନରେ ଏବେ ଶିବେସେନାର ଭିନ୍ନ ପୋଷ୍ଟର ଓ ଭାଜପାର ଭିନ୍ନ ପୋଷ୍ଟର ସମସ୍ତଙ୍କ ଦୃଷ୍ଟି ଆକର୍ଷଣ କରୁଛି।
