ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପ୍ରା ବିଦେଶରେ ଥାଇ ମଧ୍ୟ ସଂସ୍କାର ଭୁଲି ନାହାନ୍ତି। ଏହି ଦେଖୁନାହାନ୍ତି ଦେଢ଼ଶୁର ଅର୍ଥାତ ନିକ୍ଙ୍କ ବଡ଼ଭାଇ ଜୋ ଜୋନ୍ସ ଏବଂ ସଫି ଟର୍ନରଙ୍କ ଦ୍ୱିତୀୟ ବିବାହ ଉତ୍ସବରେ ସେ ଶାଢ଼ି ପିନ୍ଧିବାକୁ ଜମା ବି ଭୁଲି ନ ଥିଲେ। ନିକ୍ଙ୍କ ପୂରା ପରିବାର ଫ୍ରାନ୍ସର ପ୍ୟାରିସଠାରେ ବିବାହ ଉତ୍ସବ ମନାଉଛନ୍ତି। ଏହି ଉତ୍ସବରେ ସମସ୍ତଙ୍କ ନଜର ଦେଶୀ ଗାର୍ଲ ପ୍ରିୟଙ୍କାଙ୍କ ଉପରେ ଥିଲା। କାରଣ ସେ ପୂରା ଦେଶୀ ଗେଟ୍ଅପରେ ଥିଲେ। ନିକ୍ଙ୍କୁ ବିବାହ କରିବା ପରଠାରୁ ଆଜିପର୍ଯ୍ୟନ୍ତ ଓ୍ବେଷ୍ଟର୍ଣ୍ଣ ଡ୍ରେସ୍ ପିନ୍ଧି ଆସୁଥିବା ପ୍ରିୟଙ୍କା ଦେଢ଼ଶୁରଙ୍କ ବିବାହ ଦିନ ଶାଢ଼ି ପିନ୍ଧିଥିଲେ। ଫ୍ୟାରିସରେ ଥିବାବେଳେ ପ୍ରିୟଙ୍କା କିଛି ନା ନୂଆ ଅନ୍ଦାଜରେ ନଜରକୁ ଆସନ୍ତି। ଦେଶୀ ଗାର୍ଲ ବିଦେଶରେ ଥାଇ ଦେଶୀ ଲୁକ୍ରେ ଫ୍ୟାନମାନଙ୍କ ହୃଦୟ ଜିତି ଯାଇଛନ୍ତି।
ଏକ ଗୋଲାପୀର ରଙ୍ଗର ନେଟ୍ ଶାଢ଼ି ସାଙ୍ଗକୁ ବ୍ୟାକ୍ଲେସ୍ ବ୍ଲାଉଜରେ ସେ ଖୁବ୍ ସୁନ୍ଦର ଲାଗୁଥିଲେ। ଶାଢ଼ିକୁ ମ୍ୟାଚ କରି ମୁଣ୍ଡରେ ଏକ ଗୋଲାପ ଫୁଲ ଖୋସିଥିଲେ। ସେହିପରି ବ୍ଲାକ୍ କଲର ଶୁଟ୍ରେ ନିକ୍ ବି କିଛି କମ୍ ହାଣ୍ଡସମ୍ ଲାଗୁ ନ ଥିଲେ।
ଜୋ ଏବଂ ସୋଫିଙ୍କ ବିବାହ ପ୍ୟାରିସର ଚାଟେଉ ନାମକ ଏକ ମହଲରେ ସମ୍ପନ୍ନ ହୋଇଛି। ଏହି ଉତ୍ସବରେ ପରିବାର ଲୋକ ଏବଂ କିଛି ସମ୍ପର୍କୀୟ ଉପସ୍ଥିତ ଥିଲେ। ଏହା ପୂର୍ବରୁ ବର୍ଷକ ତଳେ ଜୋ ଏବଂ ସଫି ଏହି ହୋଟେଲରେ ରହିବା ନେଇ ଚର୍ଚ୍ଚା ହୋଇଥିଲା। କାରଣ ଗୋଟିଏ ରାତି ରହିବା ପାଇଁ ପ୍ରାୟ ୩ ଲକ୍ଷ.୨୧ ଲକ୍ଷ ଖର୍ଚ୍ଚ କରିଥିଲେ ଜୋ। ଚଳିତବର୍ଷ ମେ ୧ ରେ ବିଧିବଦ୍ଧ ଭାବେ ବିବାହ କରିଛନ୍ତି। ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହୋଇଛି।
