ପେଟ୍ରୋଲ ପମ୍ପ୍‌ରେ ଡକାୟତି ଯୋଜନା, ୬ ଗିରଫ
2:05 amMay 22, 2019 / 21

ବ୍ରହ୍ମପୁର ଅଫିସ,୨୨ା୫: ବଡବଜାର ପୋଲିସ ଏକ ଡକାୟତ ଗ୍ୟାଙ୍ଗକୁ କାବୁ କରିଛି। ସୋମବାର ଥାନାଧିକାରୀ ପ୍ରଶାନ୍ତ ଭୂପତି ଏବଂ ତାଙ୍କ ଟିମ୍‌ ରାତ୍ରିକାଳୀନ ପାଟ୍ରୋଲିଂ କରୁଥିବା ବେଳେ ଶ୍ରୀକ୍ଷେତ୍ର ବିହାରରେ ବିଭିନ୍ନ ପ୍ରକାର ମାରଣାସ୍ତ୍ର ସହ ଏକତ୍ରିତ ହୋଇଥିବା ୬ ଜଣିଆ ଡକାୟତି ଗ୍ୟାଙ୍ଗକୁ ଧରିଥିଲେ। ସେମାନେ ହେଲେ ଗୋଷାଣୀନୂଆଗଁା ରାଜୀବନଗରର ଅଜୁ ସାହୁ, କାଳୁଆ ସାହିର ମନୋଜ ସାମନ୍ତରା, ଲାଞ୍ଜିପଲ୍ଲୀ ଢ଼ିପ ସାହିର ଶିବ ଘଣ୍ଟ, ଅକ୍ଷୟ ନାୟକ, କାଳୁଆ ବାଉରୀ ସାହିର ଜଗନ୍ନାଥ ଦାସ ଓ ଲାଞ୍ଜିପଲ୍ଲୀର ଦୀପକ ଚୌହାନ ବୋଲି ପୋଲିସ ସୂଚନା ଦେଇଛି। ଘଟଣାସ୍ଥଳରୁ ୨ଟି ଖଣ୍ଡା, ୪ ବୋମା ଜବତ କରିଛି। ଶ୍ରୀକ୍ଷେତ୍ରବିହାର ନିକଟରେ ଥିବା ଏକ ପେଟ୍ରୋଲ ପମ୍ପରେ ଡକାୟତି ପାଇଁ ଯୋଜନା କରୁଥିବା ପୋଲିସକୁ ଜେରା ବେଳେ ସେମାନେ କହିଥିବା ନେଇ ଥାନାଧିକାରୀ ଭୂପତି ସୂଚନା ଦେଇଛନ୍ତି। ମାମଲା ନଂ. ୮୪/୧୯ରେ ଗିରଫ ଡକାୟତଙ୍କୁ ମଙ୍ଗଳବାର କୋର୍ଟ ଚାଲାଣ କରାଯାଇଛି।