ଛତ୍ରପୁର/ବ୍ରହ୍ମପୁର ଅଫିସ, ୧୬ା୩(ଡି.ଏନ.ଏ.) କରୋନାର ଭୟାବହତା ନେଇ ଗଞ୍ଜାମରେ ସତର୍କତା ଅବଲମ୍ବନ ପାଇଁ ରବିବାର ଜିଲାପାଳ ବିଜୟ ଅମୃତା କୁଲାଙ୍ଗେ ଛତ୍ରପୁରସ୍ଥିତ ସମ୍ମିଳନୀ ଗୃହରେ ଏକ ଜରୁରୀ ବୈଠକ କରିଥିଲେ। ଏବେ ତାରାତାରିଣୀଙ୍କ ଚୈତ୍ର ମଙ୍ଗଳବାର ଯାତ୍ରା ଚାଲିଛି। ଆସନ୍ତା ମଙ୍ଗଳବାର ଦ୍ୱତୀୟ ପାଳି ା
ଏହି ଯାତ୍ରା ଉପରେ କେତେକ କଟକଣା ପ୍ରଶାସନ ପକ୍ଷରୁ ଲଗାଯାଇଛି। ପ୍ରବଳ ଜନସମାଗମକୁ ଦୃଷ୍ଟିରେ ରଖି କଡା ନିଷ୍ପତ୍ତି ନିଆଯାଇଛିି ା
ମନ୍ଦିର ଟ୍ରଷ୍ଟ, କମିଟି ସଦସ୍ୟ, ସେବାୟତ ବିଧାୟକ ଓ ବିଭିନ୍ନ ବିଭାଗ ଅଧିକାରୀମାନେ ଉପସ୍ଥିତ ଥିଲେ ା
ଚୈତ୍ର ମଙ୍ଗଳବାର ଯାତ୍ରା ବେଳେ ମୁଣ୍ଡନ ସମ୍ପୂର୍ଣ୍ଣ ଭାବେ ବନ୍ଦ କରାଯାଇଛି। ପାହାଡ ଉପରେ ଥିବା ମନ୍ଦିରକୁ ଯିବା ପାଇଁ ସ୍ବତନ୍ତ୍ର ବସ୍ ସେବା ଓ ଅଟୋ ବନ୍ଦ କରାଯାଇଥିବା ବୋଲି ଖବରଦାତା ସମ୍ମିଳନୀରେ ଜିଲାପାଳ ସୂଚନା ଦେଇଛନ୍ତି। ତାରାତାରିଣୀଙ୍କ ଚୈତ୍ର ମଙ୍ଗଳବାର ଯାତ୍ରାରେ ବାହାର ଲୋକଙ୍କୁ ସାମିଲ କରାଯିବ ନାହିଁ ା ଏପରିକି ସ୍ଥାନୀୟ ଲୋକେ ମଧ୍ୟ ନ ଯିବାକୁ ଜିଲାପାଳ ପରାମର୍ଶ ଦେଇଛନ୍ତି ା ଯେଉଁମାନେ ବିଶେଷ କାରଣ ପାଇଁ ମନ୍ଦିରକୁ ଯିବେ, ସେଠାରେ ସେମାନଙ୍କର ଦେହର ତାପମାତ୍ରା ମାପିବା ପାଇଁ ସ୍ବାସ୍ଥ୍ୟ ବିଭାଗକୁ ନିର୍ଦ୍ଦେଶ ଦିଆଯାଇଛି ା
ପାହାଡ ପାଦଦେଶରେ ଏବଂ ଉପରି ଭାଗରେ ହାତ ଧୋଇବାର ଆନୁଷଙ୍ଗିକ ବ୍ୟବସ୍ଥା କରିବାକୁ ଆଞ୍ଚଳିକ ପରିବହନ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି। ଯାତ୍ରାରେ ଲୋକମାନେ ଏକତ୍ରିତ ହେବାକୁ ବାରଣ କରାଯାଇଛି। ଯାତ୍ରାର ପୂଜା ବିଧି ଯଥାରୀତି ସମ୍ପନ୍ନ ହେବ ା ସାଜସଜ୍ଜା ମଧ୍ୟ ଉଚିତ ଢଙ୍ଗରେ ପ୍ରଦର୍ଶିତ ହେବ ା କିନ୍ତୁ ଯାତ୍ରୀଙ୍କ ସମାଗମକୁ ପ୍ରଶ୍ରୟ ଦିଆଯିବ ନାହିଁ ା
ସରକାରୀ ଏବଂ ବେସରକାରୀ କଲ୍ୟାଣ ମଣ୍ଡପଗୁଡିକର ବୁକିଂ ବାତିଲ ହେବା ସହ ଭୋଜିଭାତକୁ ନିଷେଧ କରାଯାଇଛି ା ଜିଲା ପ୍ରଶାସନର ଏହି ନିଷ୍ପତ୍ତିକୁ ସେବାୟତ ବାପୁଜୀ ରଣା ସ୍ବାଗତ ଜଣାଇଥିଲେ। ଏଥିସହ ବିଧାୟିକା, ବିଧାୟକମାନେ ମଧ୍ୟ ସମର୍ଥନ ଜଣାଇଛନ୍ତି। ଗୋପାଳପୁର, ସୁନାପୁର, ବଟେଶ୍ୱର ଆଦି ସମସ୍ତ ବେଳାଭୂମିରେ ପର୍ଯ୍ୟଟକ ବୁଲିବାକୁ ବାରଣ କରାଯାଇଛି। ସୋସିଆଲ ମିଡିଆରେ ଅପପ୍ରଚାର, ଗୁଜବ,
ଗାଇଡଲାଇନ୍କୁ ଅବମାନନା କଲେ ଆଇନନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତିି ା ଦଣ୍ଡ ଯାତ୍ରାକୁ ବନ୍ଦ କରାଯାଇଥିବା ବେଳେ ବିବାହ ଓ ବ୍ରତ ଆଦି କାର୍ଯ୍ୟକ୍ରମ ଘରେ କରନ୍ତୁ ବୋଲି ଜିଲାପାଳ କହିଛନ୍ତି। ବାହାର ରାଜ୍ୟରୁ ଆସୁଥିବା ଲୋକଙ୍କ ସମ୍ପର୍କରେ ତଥ୍ୟ ସଂଗ୍ରହ କରିବାକୁ ପଞ୍ଚାୟତ ନିର୍ବାହୀ ଅଧିକାରୀ ଓ ସରପଞ୍ଚଙ୍କୁ କୁହାଯାଇଛି ା ମାସ୍କ ଅଭାବ ଦୂର ପାଇଁ ଏସଏଚ୍ଜିଗୁଡିକ ପ୍ରସ୍ତୁତ କରିବେ । ଏହାକୁ ୨୦ ଟଙ୍କାରେ ବିକ୍ରି କରାଯିବ ା ସେହିପରି ସିଟି ବସ୍ରେ ୨୦ ଟଙ୍କାରେ ସାନିଟାଇଜର ମିଳିବ ା ଏହି ବୈଠକରେ ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରା, କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ, ଖଲ୍ଲିକୋଟ ବିଧାୟିକା ସୂର୍ଯ୍ୟମଣି ବୈଦ୍ୟ, ଗଞ୍ଜାମ ଏସ୍ପି ବ୍ରିଜେଶ କୁମାର ରଏ, ଅତିରିକ୍ତ ଜିଲାପାଳ କବୀନ୍ଦ୍ର କୁମାର ସାହୁ ଓ ଅମିୟ କୁମାର ସାହୁ, ବ୍ରହ୍ମପୁର ଉପଜିଲାପାଳ ସିନ୍ଧେ ଦତ୍ତାତ୍ରେୟ ଭାଉସାହେବ, ଛତ୍ରପୁର ଉପଜିଲାପାଳ ପ୍ରିୟ ରଞ୍ଜନ ପୃଷ୍ଟି, ଭଞ୍ଜନଗର ଉପଜିଲାପାଳ ରାଜେନ୍ଦ୍ର କୁମାର ମିଞ୍ଜ ପ୍ରମୁଖ ଉପସ୍ଥିତ ଥିଲେ ା
