ଫ୍ରାନ୍ସର ବେଟୁନ୍ ସହରର ବିଭିନ୍ନ ସ୍ଥାନରେ ପୁରୁଣା ବସଗୁଡ଼ିକରେ ସୁଇମିଂ ପୁଲ୍ କରାଯାଇଛି। ଏଥିରେ ଲୋକେ ସ୍ନାନ କରିବା ସହ ବେଶ୍ ମଜା ଉଠାଉଛନ୍ତି। ଏକ ରିପୋର୍ଟ ଅନୁଯାୟୀ, ଫ୍ରାନ୍ସରେ କିଛିଦିନ ତଳେ ପ୍ରବଳ ଗରମ ପଡ଼ିଥିଲା। ଏପରିକି ତାପମାତ୍ରା ରେକର୍ଡ ଭାଙ୍ଗିଥିଲା। ଗରମରୁ ରକ୍ଷା ପାଇବା ପାଇଁ ପ୍ରଶାସନ ସ୍ଥାନେ ସ୍ଥାନେ ସୁଇମିଂ ପୁଲ୍ କରିଛନ୍ତି। ତାହା ପୁଣି ପୁରୁଣା ବସ୍ରେ। ଆର୍ଟ କାମ ବଢ଼ାଇବା ସହ ପୁରୁଣା ସାମଗ୍ରୀ ପୁନର୍ବାର ବ୍ୟବହାର କରାଯିବାକୁ ଏପରି ପଦକ୍ଷେପ ନିଆଯାଇଛି ବୋଲି ପ୍ରଶାସନ କହିଛି। ଏପରିକି ଜୁନ୍ ଶେଷ ସପ୍ତାହରେ ଫ୍ରାନ୍ସରେ ତାପମାତ୍ରା ୪୫ ଡିଗ୍ରୀ ସେଲ୍ସିୟସ ଉପରେ ଥିଲା। ଫଳରେ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଥିଲା। ଏଠାରେ ୪୦ ଡିଗ୍ରୀ ତାପମାତ୍ରା ସହିବା ଲୋକଙ୍କ ପକ୍ଷେ ଅସମ୍ଭବ ହୋଇ ପଡୁଥିବାବେଳେ ୪୫ ଡିଗ୍ରୀ ତାପମାତ୍ରା ଜୀବଜଗତକୁ ଏକପ୍ରକାର ଜଳାଇ ଦେଇଥିଲା। ଏଥିରୁ ରକ୍ଷା ପାଇଁ ପ୍ରଶାସନ ସହରର ଯେଉଁ ସ୍ଥାନରେ ସୁଇମିଂ ପୁଲ୍ ନାହିଁ ସେଠି ପୁରୁଣା ବସରେ ସୁଇମିଂ ପୁଲ୍ ତିଆରି କରିଛନ୍ତି।
