ନୂଆଦିଲ୍ଲୀ,୨୬।୫ (ପି.ଟି.): ଭାରତୀୟ ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କୁ ଭୂୟସୀ ପ୍ରଶଂସା କରିଛନ୍ତି ଦ୍ରୁତ ବୋଲର ମୋହିତ ଶର୍ମା। ସେ ଜଣେ ପ୍ରକୃତ ଅଧିନାୟକ। ଦଳ ଯେତେବେଳେ ପରାଜୟ ବରଣ କରିଥାଏ ସେ ନିଜକୁ ଉତ୍ତରଦାୟୀ କରିଥାନ୍ତି। ନିଜର ଉଚ୍ଚକୋଟୀର ନେତୃତ୍ୱ ପାଇଁ ସେ ବିଶ୍ୱରେ ଶ୍ରେଷ୍ଠ ଅଧିନାୟକ ହିସାବରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି ବୋଲି ସେ କହିଛନ୍ତି।
ଧୋନୀଙ୍କ ନେତୃତ୍ୱରେ ୩୧ ବର୍ଷୀୟ ଦ୍ରୁତ ବୋଲର ମୋହିତ ଧୋନୀଙ୍କ ନେତୃତ୍ୱରେ ଭାରତ ଓ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ଦଳ ଚେନ୍ନାଇ ସୁପର କିଙ୍ଗ୍ସ ପାଇଁ ଖେଳିଛନ୍ତି। ଏଥର ସେ ଦିଲ୍ଲୀ କ୍ୟାପିଟାଲ୍ସ ତରଫରୁ ଖେଳିବା ପାଇଁ ଚୁକ୍ତିବଦ୍ଧ ହୋଇଥିଲେ। ତେବେ କରୋନା ଭାଇରସ କାରଣରୁ ଲକ୍ଡାଉନ ଜାରି ରହିଥିବାର ଆଇପିଏଲ୍ ଆରମ୍ଭ ହୋଇପାରିନାହିଁ। କ୍ରୀଡ଼ାରେ ଜଣେ ଅଧିନାୟକ ଓ ଜଣେ ଲିଡରଙ୍କ ମଧ୍ୟରେ ଫରକ ରହିଛି। ସେ ଜଣେ ପ୍ରକୃତ ନେତା ବୋଲି ଦିଲ୍ଲୀ ଫ୍ରାଞ୍ଚାଇଜ୍ ଦ୍ୱାରା ଆୟୋଜିତ ଏକ ଇନ୍ଷ୍ଟାଗ୍ରାମ ସେସନରେ ଅଂଶଗ୍ରହଣ କରି ମୋହିତ ଏହି କଥା କହିଛନ୍ତି।
ଯେତେବେଳେ ଦଳ ବିଜୟ ହାସଲ କରିଥାଏ ତାଙ୍କୁ କେହି ଆଗରେ ଥିବାର ଲକ୍ଷ୍ୟ କରି ନ ଥିଲେ। କିନ୍ତୁ ଦଳ ଯେତେବେଳେ ପରାସ୍ତ ହୋଇଥାଏ ତେବେ ତାଙ୍କୁ ସମସ୍ତଙ୍କ ଆଗରେ ଦେଖିବାକୁ ମିଳିଥାଏ। ପରାଜୟ ପାଇଁ ସେ ସବୁବେଳେ ନିଜକୁ ଦାୟୀ କରିଥାନ୍ତି। ଏହା ହେଉଛି ଜଣେ ପ୍ରକୃତ ଲିଡର ତଥା ଅଧିନାୟକର ପରିଚୟ। ମୋହିତ ପିଠିରେ ଅସ୍ତ୍ରୋପଚାର କରାଇଥିବାରୁ କିଛ ମାସ ପାଇଁ ଖେଳି ନ ଥିଲେ। ବ୍ୟାକ୍ ଇଞ୍ଜୁରି କାରଣରୁ ସେଦ ୧୦ କ୍ରିକେଟରୁ ଦୂରେଇ ରହିଥିଲେ। ତେବେ ଏଥିପାଇଁ ଦୁଇ ବର୍ଷ ସମସ୍ୟାର ସମ୍ମୁଖୀନ ହେବାକୁ ପଡିଥିଲା। ଏବେ ସେ ସମ୍ପୂର୍ଣ୍ଣରୂପେ ସୁସ୍ଥ ହୋଇ ଦିଲ୍ଲୀ କ୍ୟାପିଟାଲ୍ସ ପାଇଁ ଆଇପିଏଲ୍ ଖେଳିବାକୁ ଲକ୍ଷ୍ୟ ରଖିଛନ୍ତି। ଦିଲ୍ଲୀର ମେଣ୍ଟର ରିକି ପଣ୍ଟିଂଙ୍କଠାରୁ ବହୁତ କିଛି ଶିକ୍ଷା କରିହେବ ବୋଲି ସେ ଆଶା ରଖିଛନ୍ତି। ଏବେ ସପ୍ତାହରେ ୫ ଦିନ ଟ୍ରେନିଂ କରୁଛି ଓ ବାକି ଦୁଇ ଦିନ ରିକଭର କରୁଛି ବୋଲି ମୋହିତ୍ କହିଛନ୍ତି।
