ଧର୍ମଶାଳା,୪-୯(ଡି.ଏନ୍.ଏ.)- ଧର୍ମଶାଳା ଓ ଜେନାପୁର ଥାନା ପୋଲିସ ପକ୍ଷରୁ ଟ୍ରାଫିକ ନିୟମ ଭଙ୍ଗ କରୁଥିବା ବାଇକ୍ ଚାଳକଙ୍କଠାରୁ ନୂତନ ଟ୍ରାଫିକ୍ ନିୟମ ଅନୁସାରେ ମଙ୍ଗଳବାର ଜରିମାନା ଆଦାୟ କରାଯାଇଛି। ଧର୍ମଶାଳା ଥାନାଧିକାରୀ ସରୋଜ କୁମାର ସାହୁ, ଏସ୍ଆଇ ଜହର ଆବେଦିନ, ଏଏସ୍ଆଇ ଉପେନ୍ଦ୍ରନାଥ ଦାସ, ଦେବେନ୍ଦ୍ର କୁମାର ରାଉତ ପ୍ରମୁଖ ୧୬ ନମ୍ବର ଜାତୀୟ ରାଜପଥର ନେଉଳପୁର-ରଥିଆ ଦେଇ ଜାତାୟାତ କରୁଥିବା ବାଇକ ଚାଳକଙ୍କ ହେଲମେଟ୍ ଓ କାଗଜପତ୍ର ଯାଞ୍ଚ କରିଥିଲେ। ହେଲମେଟ୍ ଓ ଆବଶ୍ୟକ କାଗଜପତ୍ର ନ ଥିବା ବାଇକ ଚାଳକଙ୍କଠାରୁ ୧୦ହଜାର ଟଙ୍କା ଜରିମାନା ଆଦାୟ କରିଥିବା ଜଣାପଡିଛି। ସେହିପରି ଜେନାପୁର ଥାନାଧିକାରୀ ସୁଶାନ୍ତ କୁମାର ଦାସ, ଏସ୍ଆଇ ଏମ୍.ଆର ମହାନ୍ତି, ଏଏସ୍ଆଇ ଆରପି କେରକେଟା, ଏସ୍କେ ରାଉତରାୟ ପ୍ରମୁଖ ୫୩ ନମ୍ବର ଜାତୀୟ ରାଜପଥ ବ୍ରାହ୍ମଣୀ ବ୍ରିଜ୍ ନିକଟରେ ଯାଞ୍ଚକରି ୧୪ ହଜାର ଟଙ୍କା ଜରିମାନା ଆଦାୟ କରିଥିଲେ। ଧର୍ମଶାଳା ଆମ ପୋଲିସ ପକ୍ଷରୁ ସୋମବାର ଅପରାହ୍ନରେ ଜାରକା ଗଳି ପୋଲଠାରେ ଏକ ଟ୍ରାଫିକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଥାନାଧିକାରୀ ସରୋଜ କୁମାର ସାହୁଙ୍କ ତତ୍ତ୍ୱାବଧାନରେ ଆୟୋଜିତ କାର୍ଯ୍ୟକ୍ରମରେ ଆମ ପୋଲିସ ପକ୍ଷରୁ ତ୍ରିଲୋଚନ ବିଶ୍ୱାଳ, ବସନ୍ତ କୁମାର ପରିଡା, ପ୍ରସନ୍ନ କୁମାର ବରାଳ, ଇନ୍ଦ୍ରମଣି ମହାନ୍ତି, ସଞ୍ଜୟ କୁମାର ରାଉତ, ନିରଞ୍ଜନ ପାଣିଗ୍ରାହୀ, ରମାକାନ୍ତ ଜେନା, ଅଖିଳ କୁମାର ସ୍ବାଇଁ. ଓ ଏସ୍ଆଇ ଜିନିମା ସାମଲ, ଏଏସ୍ଆଇ ନିରଞ୍ଜନ ବେଉରା, ରାଜ କିଶୋର ନାୟକ, ଉପେନ୍ଦ୍ର ନାଥ ଦାସ ପ୍ରମୁଖ ଯୋଗଦେଇଥିଲେ।
